Ernakulam News
ദേശീയ പാത നിർമാണ അപാകത; പ്രതിഷേധം വ്യാപകം
പറവൂർ: ദേശീയ പാത 66ന്റെ നിർമാണത്തിൽ വ്യാപകമായ അപാകതകൾക്കെതിര പ്രതിഷേധവുമായി മുസ്ലിം ലീഗ് രംഗത്ത്. ജനങ്ങളുടെ ആശങ്ക അകറ്റാൻ ഇടപെടണമെന്ന് മുസ് ലിം ലീഗ് പറവൂർ നിയോജകമണ്ഡലം കമ്മിറ്റി കേന്ദ്ര-സംസ്ഥാന സർക്കാറുകളോടാവശ്യപ്പെട്ടു. കൂടിയാലോചനകളില്ലാതെയുള്ള ഏകപക്ഷീയ നിർമാണ പ്രവർത്തനങ്ങളിൽ പ്രാദേശിക തലത്തിൽ ജനങ്ങളുടെ ശക്തമായ പ്രതിഷേധം ഉയരുന്നുണ്ട്. മൂത്തകുന്നം – കോട്ടപ്പുറം പാലത്തിന് സമാന്തരമായി നിർമിക്കുന്ന പാലം നിർമാണം സംബന്ധിച്ച് പുറത്തുവന്നിട്ടുള്ള വിവരങ്ങളാണിപ്പോൾ ജനങ്ങളിൽ ആശങ്കയുയർത്തുന്നത്. പാലത്തിന്റെ തൂണുകളുടെ കമ്പികളെല്ലാം പുറത്തു കാണാവുന്ന നിലയിലാണ്. മാത്രമല്ല വിരൽ കൊണ്ട്…
ദീര്ഘനാളത്തെ പരാതിക്ക് അറുതി; മണ്ണൂര്- പോഞ്ഞാശ്ശേരി റോഡ് ഉദ്ഘാടനം നാളെ
പെരുമ്പാവൂര്: ജനങ്ങളുടെ ദീര്ഘനാളത്തെ പരാതിക്കൊടുവില് മണ്ണൂര്-പോഞ്ഞാശ്ശേരി റോഡ് ചൊവ്വാഴ്ച തുറക്കും. 2016ല് 23.75 കോടിയുടെ ഭരണാനുമതി ലഭിച്ച റോഡ് 2018ലാണ് പുനര്നിര്മാണം ആരംഭിച്ചത്. കിഫ്ബി മാനദണ്ഡം പാലിക്കപ്പെടാത്തതിനാല് വരിക്കാട് ഷാപ്പ് മുതല് വെങ്ങോല വരെ രണ്ടര കിലോമീറ്റര് ദൂരം പ്രവൃത്തിയില് നിന്ന് ഒഴിവാക്കിയിരുന്നു. ബാക്കിയുള്ള ഒമ്പത് കിലോമീറ്റര് റോഡ് ബി.എം ആന്റ് ബിസി നിലവാരത്തില് ഉയര്ത്തിയിട്ടുണ്ട്. പ്രധാനപ്പെട്ട രണ്ടുമൂന്ന് ജങ്ഷനുകളില് ഇനിയും നിര്മാണം പൂര്ത്തീകരിക്കാനുണ്ട്. ആദ്യ കരാറുകാരനെ നഷ്ടോത്തരവാദിത്വത്തില് ടെര്മിനേറ്റ് ചെയ്ത വര്ക്കാണിത്. ബാലന്സ് പ്രവൃത്തികള് കഴിഞ്ഞ…
അപ്രോച്ച് റോഡ് നിർമാണം ഇഴയുന്നു; പൊടിശല്യം രൂക്ഷം
ഫോർട്ട്കൊച്ചി: മട്ടാഞ്ചേരി -ഫോർട്ട് കൊച്ചി കരകളെ ബന്ധിപ്പിക്കുന്ന ചുങ്കം പാലത്തിന്റെ അപ്രോച്ച് റോഡ് നിർമാണം ഇഴയുന്നത് നാട്ടുകാർക്കും, ടൂറിസ്റ്റുകൾക്കും ദുരിതം വിതക്കുന്നു. നിർമാണം വൈകുന്നത് മൂലം കനത്ത പൊടി ശല്യമാണിവിടെ. നാട്ടുകാരും കച്ചവടക്കാരും ഏറെ ദുരിതമാണ് അനുഭവിക്കുന്നത്. ശ്വാസസംബന്ധമായ അസുഖങ്ങൾ മൂലം കുട്ടികളടക്കം ആശുപത്രി കയറിയിറങ്ങുകയാണ്. ജില്ല കലക്ടർ, നിർമാണം നടത്തുന്ന സി.എസ്.എം.എൽ അധികൃതർ എന്നിവർക്ക് പരാതി നൽകിയിട്ടും നടപടിയില്ലെന്ന് പ്രദേശവാസികൾ പറയുന്നു. പുനർനിർമാണം ആരംഭിച്ച് വർഷങ്ങൾക്ക് ശേഷമാണ് ചുങ്കം പാലം നിർമാണം പൂർത്തീകരിച്ചത്. നിർമാണം പൂർത്തീകരിച്ചെങ്കിലും…
ഷോണിന്റെ തണ്ണീർ മത്തൻ ദിനങ്ങൾ
മൂവാറ്റുപുഴ: തരിശ് പാടശേഖരത്തിൽ തണ്ണിമത്തൻ കൃഷിയിലൂടെ നൂറുമേനി വിളവെടുത്ത് യുവ കർഷകൻ. ഐ.ടി കമ്പനിയിലെ ജോലിത്തിരക്കിനിടയിലും മണ്ണിനെ പൊന്നാക്കുകയാണ് ആയവന ഉപ്പുവീട്ടുങ്കൽ ഷോൺ ജോഷി. ജൈവ വളം ഉപയോഗിച്ച് വിളയിച്ച തണ്ണിമത്തന് കാണാൻ നിരവധി പേരാണ് തോട്ടത്തിലേക്കെത്തുന്നത്. ആയവന കാലാമ്പൂർ പാലത്തിന് സമീപം തരിശായി കിടന്ന ഒന്നര ഏക്കർ പാടത്ത് മൂന്നുമാസം മുമ്പാണ് പരീക്ഷണാടിസ്ഥാനത്തിൽ കൃഷി ചെയ്തത്. പൂർണമായും ജൈവ വളം ഉപയോഗിച്ചായിരുന്നു കൃഷി. പൊള്ളാച്ചിയിൽ നിന്നും എത്തിച്ച കിരൺ ഇനത്തിലുളള വിത്താണ് ഉപയോഗിച്ചത്. ജലസേചനത്തിന് ഹൈടെക്…
ബസിൽ കയറുന്നതിനിടെ വയോധിക വീണു മരിച്ചു
ചെങ്ങമനാട്: സ്വകാര്യ ബസിൽ കയറുന്നതിനിടെ കാൽ വഴുതി ബസിനടിയിൽപ്പെട്ട് വയോധിക മരിച്ചു. നെടുമ്പാശ്ശേരി അത്താണി കുന്നിശ്ശേരി പാലാട്ടി വീട്ടിൽ വറീതിന്റെ മകൾ മറിയാമ്മയാണ് (അച്ചാമ-68) മരിച്ചത്. ഞായറാഴ്ച രാവിലെ 7.50ഓടെ ചെങ്ങമനാട്- അത്താണി റോഡിൽ കുന്നിശ്ശേരി ബസ് സ്റ്റോപ്പിലായിരുന്നു അപകടം. അത്താണിയിലുള്ള പള്ളിയിൽ പ്രാർഥനക്ക് പോകാൻ ചെങ്ങമനാട് നിന്ന് വരുകയായിരുന്ന ബസിൽ കയറുന്നതിനിടെ അതേ ബസിനടിയിൽപ്പെടുകയായിരുന്നു. തൽക്ഷണം മരിച്ചു. മൃതദേഹം അങ്കമാലി താലൂക്കാശുപത്രിയിലേക്ക് മാറ്റി. അവിവാഹിതയാണ്. സഹോദരങ്ങൾ: പീറ്റർ, എൽസി, സാറാമ്മ, അന്നമ്മ, ഏലിയാമ്മ. ചെങ്ങമനാട് പൊലീസ്…
മെട്രോ, തൃപ്പൂണിത്തുറ റെയിൽവേ സ്റ്റേഷന് വികസനം;പുറമ്പോക്ക് തോടുകൾ നികത്തുന്നതായി പരാതി
തൃപ്പൂണിത്തുറ: മെട്രോ സ്റ്റേഷന്റെ നിർമാണ പ്രവർത്തനങ്ങളുടെയും തൃപ്പൂണിത്തുറ റെയിൽവേ സ്റ്റേഷന് വികസനത്തിന്റെയും ഭാഗമായി വ്യാപകമായി പുറമ്പോക്ക് തോടുകളും ജലനിർഗമന മാർഗങ്ങളും മണ്ണിട്ട് നികത്തിയതായും പരാതി. തുടർന്ന് പദ്ധതി പ്രദേശത്തിന് സമീപമുള്ള ജനവാസ മേഖലയില് മഴക്കാലത്ത് വീടുകള് വെള്ളക്കെട്ടിലാകുമെന്നും നാശനഷ്ടം ഉണ്ടാകുമെന്നുള്ള പൊതുജനങ്ങളുടെ ആശങ്ക കണക്കിലെടുത്ത് പ്രശ്നബാധിത പ്രദേശങ്ങള് നഗരസഭ ചെയർപേഴ്സൻ രമ സന്തോഷ്, വൈസ് ചെയർമാൻ കെ.കെ. പ്രദീപ്കുമാര്, ക്ഷേമകാര്യ സ്ഥിരം സമിതി അധ്യക്ഷ ദീപ്തി സുമേഷ് എന്നിവര് സന്ദർശിച്ചു. പ്രദേശത്തെ വെള്ളക്കെട്ടും നാശനഷ്ടങ്ങളും ഒഴിവാക്കണമെന്നും തോടുകളുടെയും…
30 വിധവകൾക്ക് ഭവന നിർമാണ പദ്ധതിയുമായി മന്ത്രി പി. രാജീവ്
കളമശ്ശേരി: കുടുംബനാഥ വിധവകളായ 30 കുടുംബത്തിന് വീട് നിർമിക്കുന്നതിന് ‘വിധവകൾക്ക് ഒപ്പം’ പദ്ധതി ആവിഷ്കരിച്ച് വ്യവസായ മന്ത്രി പി. രാജീവ്. കളമശ്ശേരി മണ്ഡലത്തിലെ 30 കുടുംബത്തിനാണ് വീട് നിർമിച്ചു നൽകുക. മണ്ഡലത്തിൽ മന്ത്രി നടപ്പാക്കുന്ന സൗജന്യഭവന നിർമാണ പദ്ധതിയാണ് ചിറ്റിലപ്പിള്ളി ഫൗണ്ടേഷന്റെയും കൊച്ചി വിമാനത്താവള കമ്പനിയുടെയും സഹകരണത്തോടെ വിപുലീകരിക്കുന്നത്. ഒരാൾക്ക് നാലു ലക്ഷം രൂപ വീതം ചെലവഴിച്ചാണ് നിർമാണം. ഒരു കോടി പദ്ധതിക്കായി വകയിരുത്തിയിട്ടുണ്ടെന്ന് മന്ത്രി പറഞ്ഞു. പദ്ധതിയുടെ ഭാഗമായി നാലു വീടിന്റെ നിർമാണം നേരത്തേ പൂർത്തിയാക്കിയിരുന്നു.…
ഓൺലൈൻ ട്രേഡിങ്ങിലൂടെ ലക്ഷങ്ങൾ തട്ടിയ കേസിൽ ഒരാൾ പിടിയിൽ
ആലുവ: ഓൺലൈൻ ട്രേഡിങ്ങിലൂടെ ലക്ഷങ്ങൾ തട്ടിയ സംഘത്തിലെ ഒരാൾ പിടിയിൽ. കണ്ണൂർ മട്ടന്നൂർ എടയന്നൂർ ദാറുൽഫലാഹ് മുഹമ്മദ് ഇർഫാനെയാണ് (21) ആലുവ സൈബർ പൊലീസ് സ്റ്റേഷൻ ടീം അറസ്റ്റ് ചെയ്തത്. ഒാൺലൈൻ ട്രേഡിങ്ങിലൂടെ വൻ ലാഭം വാഗ്ദാനം ചെയ്ത് കാലടി മാണിക്യമംഗലം സ്വദേശിയിൽ നിന്ന് 51 ലക്ഷം രൂപയാണ് തട്ടിയെടുത്തത്. തട്ടിപ്പുസംഘം പറഞ്ഞ മൂന്ന് അക്കൗണ്ടുകളിലേക്കാണ് ഇദ്ദേഹം പണം നിക്ഷേപിച്ചത്. ആദ്യം പണം നിക്ഷേപിച്ചപ്പോൾ ലാഭമെന്ന് പറഞ്ഞ് 5000 രൂപ പരാതിക്കാരന്റെ അക്കൗണ്ടിലേക്ക് നൽകി. ഇത് വിശ്വസിച്ച്…
ജനവാസ മേഖലയിലെ തോട് കൈയേറി പാടം നികത്താന് ശ്രമം
പെരുമ്പാവൂര്: ജനവാസ മേഖലയിലെ പ്രധാന ജലസ്രോതസ്സായ തോട് കൈയേറി പാടം നികത്താന് ശ്രമമെന്ന് ആക്ഷേപം. വല്ലം കൊച്ചങ്ങാടി ഭാഗത്താണ് തോട് കൈയേറി പാടം നികത്തുന്നത്. കൊച്ചങ്ങാടിയിലെ കമ്പനികളുടെ പരിസരത്തുള്ള പാടം നിലവില് പ്ലൈവുഡ് കമ്പനികളിലെ ചാരവും മണ്ണും ഇട്ട് കുറേ ഭാഗം നികത്തി. കുടിവെള്ള സ്രോതസ്സായ പെരിയാറിന്റെ കൈവഴിയായ വല്ലം തോടിലേക്ക് കമ്പനികളിലെ മലിനജലം ഒഴുക്കാൻ നീക്കം നടക്കുന്നതായും നാട്ടുകാര് പറയുന്നു. പ്ലൈവുഡ്, പ്ലാസ്റ്റിക് കമ്പനികളിലെ മലിനീകരണം മൂലം ജനം പൊറുതിമുട്ടുന്ന പ്രദേശമാണ് വല്ലം. പാടം നികത്തിയാണ്…
കൊച്ചിന് ഷിപ് യാര്ഡ് 13ാമത്തെ വാട്ടര് മെട്രോ ബോട്ട് കൈമാറി
കൊച്ചി: കൊച്ചി വാട്ടര് മെട്രോയ്ക്കു വേണ്ടി കൊച്ചിന് ഷിപ് യാര്ഡ് ലിമിറ്റഡ് (സി.എസ്.എല്) നിർമിച്ച 13ാമത്തെ ഇലക്ട്രിക് ഹൈബ്രിഡ് വാട്ടര് മെട്രോ ഫെറി കൈമാറി. 100 പേർക്കിരിക്കാവുന്ന ബി.വൈ 137 എന്ന പേരിലുള്ള ബോട്ടാണ് കൈമാറിയത്. കെ.എം.ആര്എല്ലിന്റെയും സി.എസ്.എല്ലിന്റെയും ഡയറക്ടര്മാരും കെ.എം.ആർ.എല്, സി.എസ്.എല്, ഡി.എൻ.വി, ഐ.ആര്.എസ് എന്നിവയില് നിന്നുള്ള മുതിര്ന്ന ഉദ്യോഗസ്ഥരും ഒപ്പു വെക്കല് ചടങ്ങിൽ പങ്കെടുത്തു. സി.എസ്.എല് ചീഫ് ജനറല് മാനേജര് എസ്. ഹരികൃഷ്ണന്, കെ.എം.ആർ.എല് ചീഫ് ജനറല് മാനേജര് ഷാജി പി. ജനാര്ദ്ദനന് എന്നിവരാണ്…