Ernakulam News
സീപോർട്ട് – എയർപോർട്ട് റോഡ്: രണ്ടാംഘട്ട നിർമാണത്തിന് കിഫ്ബിയിൽ നിന്നും ഫണ്ട് അനുവദിച്ചു
ആലുവ: സീപോർട്ട് – എയർപോർട്ട് റോഡിന്റെ രണ്ടാംഘട്ട നിർമാണത്തിന് കിഫ്ബിയിൽ നിന്നും ഫണ്ട് അനുവദിച്ചു. രണ്ടാം ഘട്ടമായ എൻ.എ.ഡി മുതൽ മഹിളാലയം പാലം വരെയുള്ള ഭാഗത്തിന്റെ നിർമാണത്തിനാണ് തുക അനുവദിച്ചിട്ടുള്ളത്. റോഡിനായി 76 ഏക്കർ 10 സെൻറ് സ്ഥലമാണ് ഏറ്റെടുക്കേണ്ടത്. ഏറ്റെടുക്കേണ്ട ഭൂമിയിൽ 28 വീടുകളും (അതിൽ നാല് വീടുകളിൽ കടകളുമുണ്ട്), ആറ് വ്യാപാര സ്ഥാപനങ്ങളുമടക്കം മൊത്തം 34 കെട്ടിടങ്ങളാണ് പൊളിച്ചു മാറ്റേണ്ടത്. സ്ഥലം ഏറ്റെടുക്കുന്നതിനും, കെട്ടിടങ്ങൾ പൊളിച്ചു മാറ്റുന്നതിനുമായി നഷ്ടപരിഹാരമായി 619.15 കോടി രൂപയാണ് ആവശ്യമായത്.…
ഓൺലൈൻ ട്രേഡിങിലൂടെ കോടികൾ തട്ടിയ കേസിൽ പ്രധാന പ്രതികളിലൊരാൾ പിടിയിൽ
ആലുവ: ഓൺലൈൻ ട്രേഡിങിലൂടെ കോടികൾ തട്ടിയ കേസിൽ പ്രധാന പ്രതികളിലൊരാൾ പിടിയിൽ. മുംബൈ ഗ്രാൻറ് റോഡിൽ അറബ് ലൈനിൽ ക്രിസ്റ്റൽ ടവറിൽ ജാബിർ ഖാൻ (46) നെയാണ് ആലുവ സൈബർ പൊലീസ് സ്റ്റേഷൻ ടീം അറസ്റ്റ് ചെയ്തത്. ഓൺലൈൻ ട്രേഡിങിലൂടെയും ടാസ്ക്കിലൂടെയും വൻ തുക ലാഭം ലഭിക്കുമെന്ന് പറഞ്ഞ് വിശ്വസിപ്പിച്ച് കാലടി മാണിക്യമംഗലം സ്വദേശിയിൽ നിന്ന് 51 ലക്ഷം രൂപയാണ് പ്രതി തട്ടിയെടുത്തത്. ഇതിൽ 32 ലക്ഷം രൂപ പ്രതിയുടെ വ്യാജമായി നിർമിച്ച കമ്പനിയിൽ നിക്ഷേപിച്ചത്. ഇയാൾ…
ആലുവ ശിവരാത്രി ആഘോഷം; വിപുലമായ ഒരുക്കങ്ങളോടെ നഗരസഭ
ആലുവ: ശിവരാത്രി ആഘോഷത്തിന് വിപുലമായ ഒരുക്കങ്ങളോടെ ആലുവ നഗരസഭ. മണപ്പുറത്തേയും നഗരത്തിലേയും ഒരുക്കം പൂര്ത്തിയാകുന്നതായി ചെയർമാൻ എം.ഒ. ജോൺ വാർത്തസമ്മേളനത്തിൽ അറിയിച്ചു. പതിവുപോലെ ശിവരാത്രി മുതല് ഒരു മാസം നീളുന്ന വ്യാപാരമേളയും അമ്യൂസ്മെന്റ് പാര്ക്കും മണപ്പുറത്തുണ്ടാണ്ടാകും. ആധ്യാത്മിക ചടങ്ങുകള്ക്ക് ദേവസ്വം ബോർഡാണ് ക്രമീകരണം ഏര്പ്പെടുത്തുക. വിവിധ വകുപ്പുകളെ ഏകോപിപ്പിച്ചുള്ള നടപടികളാണ് നഗരസഭ കൈക്കൊണ്ടത്. ഗ്രീന് പ്രോട്ടോക്കോള് പൂര്ണ്ണമായും പാലിക്കും. മണപ്പുറം പരവതാനി വിരിച്ച് മനോഹരമാക്കും. വ്യാപാരമേളയില് 200 ഓളം സ്റ്റാൾ ഉണ്ടാകും. ഒരുമാസം മണപ്പുറത്തേയും നഗരത്തിലേയും ക്രമസമാധാന…
നായരമ്പലം മാർക്കറ്റിൽ മാലിന്യം കുമിഞ്ഞുകൂടി, നടപടിയില്ല
വൈപ്പിൻ: പ്ലാസ്റ്റിക് ഉൾപ്പെടെയുള്ള മാലിന്യം കുമിഞ്ഞുകൂടുമ്പോഴും നായരമ്പലം മാർക്കറ്റിൽ മാലിന്യ സംസ്കരണത്തിനായി സ്ഥാപിച്ച ബയോഗ്യാസ് പ്ലാന്റ് നോക്കുകുത്തിയായി തുടരന്നു. വൃത്തിഹീന അന്തരീക്ഷത്തിലാണ് മാംസവും മത്സ്യവും വിൽക്കുന്നത്. മാർക്കറ്റിൽനിന്ന് മോശമല്ലാത്ത വരുമാനം ഉണ്ടാക്കുന്ന പഞ്ചായത്ത് ഇതെല്ലാം കണ്ടില്ലെന്ന് നടിക്കുകയാണെന്നാണ് കച്ചവടക്കാരുടെ പരാതി. മാലിന്യ സംസ്കരണത്തിന് വർഷങ്ങൾക്കു മുമ്പ് ലക്ഷങ്ങൾ മുടക്കി സജ്ജമാക്കിയ ബയോഗ്യാസ് പ്ലാന്റാണ് കാട്പിടിച്ചുകിടക്കുന്നത്. മുൻ ഭരണസമിതിയുടെ കാലത്ത് സമരം നടത്തിയവർ അധികാരത്തിൽ എത്തിയശേഷം ആ ഭാഗത്തേക്ക് തിരിഞ്ഞുനോക്കിയിട്ടില്ലെന്ന് നാട്ടുകാർ പറയുന്നു. തിരുവനന്തപുരം കേന്ദ്രമാക്കി പ്രവർത്തിക്കുന്ന ബയോടെകിനായിരുന്നു…
മണപ്പുറത്ത് സംഘർഷാവസ്ഥ; ശിവരാത്രി വ്യാപാരമേളയും അമ്യൂസ്മെന്റ് പാർക്കും വീണ്ടും അനിശ്ചിതത്വത്തിൽ
ആലുവ: സുപ്രീംകോടതി വിധി ശിവരാത്രി വ്യാപാരമേളയുടെയും അമ്യൂസ്മെന്റ് പാർക്കിന്റെയും നടത്തിപ്പ് വീണ്ടും അനിശ്ചിതത്വത്തിലാക്കി. മണപ്പുറത്ത് മാർച്ച് എട്ടുമുതൽ ആരംഭിക്കേണ്ട വ്യാപാരമേള നടക്കുമോയെന്ന കാര്യത്തിൽ ഉറപ്പില്ല. ഹൈകോടതി ഡിവിഷൻ ബഞ്ചിന്റെ ഉത്തരവ് സുപ്രീംകോടതി സ്റ്റേ ചെയ്തതോടെയാണ് വ്യാപാരമേള സംബന്ധിച്ച് ആശങ്ക ഉയർന്നത്. ഹൈകോടതി ഉത്തരവിന്റെ ബലത്തിൽ നഗരസഭയുമായി ആദ്യം കരാർ ഉണ്ടാക്കിയ ഫൺ വേൾഡ് മണപ്പുറത്ത് അമ്യുസ്മെന്റ് പാർക്കിനും വ്യാപാരമേളക്കും ആവശ്യമായ 90 ശതമാനം ഒരുക്കവും പൂർത്തിയാക്കിയിരിക്കിയിരുന്നു. ഇതിനിടയിലാണ് ടെൻഡറിൽ ഒന്നാം സ്ഥാനക്കാരായിരുന്ന ഷാ എന്റർടെയ്മെൻറ് ഗ്രൂപ്പ് സുപ്രീംകോടതിയെ…
കുടിവെള്ളം വേണം, വാളകം പഞ്ചായത്തുകാർക്ക്
മൂവാറ്റുപുഴ: വാളകം പഞ്ചായത്തിൽ കുടിവെള്ള ക്ഷാമത്തിൽ പൊറുതിമുട്ടി ജനം. പഞ്ചായത്തിലെ ഉയർന്ന പ്രദേശങ്ങളായ ആവുണ്ട, ചെറിയ ഊരയം, പൂവാലൻകുന്ന്, പൊട്ടുമുകൾമല തുടങ്ങിയ പ്രദേശങ്ങളിലാണ് വേനൽ കടുത്തതോടെ കുടിവെള്ളക്ഷാമം രൂക്ഷമായത്. അധികൃതരുടെ ഭാഗത്തുനിന്ന് പരിഹാര നടപടികളൊന്നും കാര്യക്ഷമമാവുന്നില്ലെന്ന് പരാതി ഉയരുന്നുണ്ട്. ജൽ ജീവൻ പദ്ധതിയിൽ വെള്ളം പമ്പ് ചെയ്യാൻ മോട്ടോർ വാങ്ങി രണ്ടു മാസം കഴിഞ്ഞിട്ടും സ്ഥാപിച്ചിട്ടില്ല. പഞ്ചായത്തിലെ പറയരുകടവിലാണ് കുടിവെള്ള പദ്ധതിയുടെ പമ്പ് ഹൗസ് സ്ഥിതി ചെയ്യുന്നത്. നിലവിൽ ഇവിടെ രണ്ട് മോട്ടോർ ഉണ്ടെങ്കിലും ഉയർന്നപ്രദേശങ്ങളിൽ വെള്ളം…
പുന്നേക്കാട്-തട്ടേക്കാട് റോഡിൽ വീണ്ടും കാട്ടാനകൾ; യാത്രക്കാർ ഭീതിയിൽ
കോതമംഗലം: പുന്നേക്കാട്-തട്ടേക്കാട് റോഡിൽ വീണ്ടും കാട്ടാനകൾ ഇറങ്ങി. ശനിയാഴ്ച രാവിലെ ആറോടെ ആനക്കൂട്ടത്തിൽ നിന്ന് ഇരുചക്ര വാഹന യാത്രികർ തലനാരിഴക്കാണ് രക്ഷപ്പെട്ടത്. എസ് വളവിൽ ആനകൾ റോഡ് കുറുകെ കടക്കുമ്പോൾ തട്ടേക്കാട് ഭാഗത്ത് നിന്നത്തിയ സ്കൂട്ടർ, ബൈക്ക് യാത്രികരാണ് മുമ്പിൽപ്പെട്ടത്. ആനകൾ വാഹനങ്ങൾക്ക് നേരെ തിരിഞ്ഞതോടെ ഇരുവരും വാഹനം ഉപേക്ഷിച്ച് ഓടി രക്ഷപ്പെട്ടു. നാല് ആനകളാണ് റോഡ് മുറിച്ച് കടന്നത്. 16 ആനകളടങ്ങുന്ന സംഘമാണ് പ്രദേശത്ത് തമ്പടിച്ചിരിക്കുന്നത്. നേരത്തെ ഇവിടെ തമ്പടിച്ചിരിന്ന ആനക്കൂട്ടത്തെ ആർ.ആർ.ടി അംഗങ്ങളെ ഉപയോഗിച്ച്…
കളം പിടിക്കാൻ സ്ഥാനാർഥികൾ
കൊച്ചി: ചൂട് കത്തിക്കയറുകയാണ്. തെരഞ്ഞെടുപ്പ് പ്രഖ്യാപനം എത്തിയില്ലെങ്കിലും പ്രചാരണം ചൂട് പിടിക്കുന്നതിന് മുമ്പേ കളത്തിൽ സാന്നിധ്യം ഉറപ്പിക്കാനുള്ള തിരക്കിലാണ് സ്ഥാനാർഥികൾ. സ്ഥനാർഥി പ്രഖ്യാപനം പൂർത്തിയായതോടെ എൽ.ഡി.എഫ് സാരഥികളാണ് ഇക്കാര്യത്തിൽ ഒരു മുഴം മുന്നിൽ. സ്ഥാനാർഥികളെക്കുറിച്ച് ധാരണയായെങ്കിലും ഔദ്യോഗിക പ്രഖ്യാപനം വരാത്തതിനാൽ യു.ഡി.എഫ് ഇനിയും പ്രത്യക്ഷ പ്രചാരണ പ്രവർത്തനങ്ങളുമായി രംഗത്തിറങ്ങിയിട്ടില്ല. ബി.ജെ.പിയുടെ കാര്യവും അങ്ങനെതന്നെ. എന്നാൽ, മുഖ്യ പ്രചാരണത്തിന് മുന്നോടിയായ അടിസ്ഥാന കാര്യങ്ങൾ മുന്നണികളെല്ലാം പൂർത്തിയാക്കി. പൊതുപരിപാടികളിലും ജനകീയ സമര മുഖങ്ങളിലും വിവാഹം, മരണം പോലുള്ള ചടങ്ങുകളിലും സ്ഥനാർഥികളുടെ…
ഷീല സണ്ണിക്കെതിരായ വ്യാജ ലഹരിമരുന്ന് കേസ്: സർക്കാറും എക്സൈസ് കമീഷണറും മറുപടി പറയണമെന്ന് ഹൈകോടതി
കൊച്ചി: ചാലക്കുടിയിലെ ബ്യൂട്ടി പാർലർ ഉടമ ഷീല സണ്ണിയെ വ്യാജ ലഹരിമരുന്ന് കേസിൽ കുടുക്കിയെന്നത് സത്യമെങ്കിൽ സർക്കാറും എക്സൈസ് കമീഷണറുമടക്കം കൃത്യമായ മറുപടി പറയണമെന്ന് ഹൈകോടതി. ഇവർ 72 ദിവസം ജയിലിൽ കഴിയേണ്ടി വന്നത് ഗുരുതര വിഷയമാണെന്നും ജസ്റ്റിസ് ദേവൻ രാമചന്ദ്രൻ നിരീക്ഷിച്ചു. എതിർ കക്ഷികളായ ചീഫ് സെക്രട്ടറിക്കും എക്സൈസ് ഉദ്യോഗസ്ഥർക്കും നോട്ടീസ് അയക്കാനും നിർദേശിച്ചു. ലഹരിമരുന്ന് കേസിൽ പ്രതിസ്ഥാനത്തു നിന്ന് ഒഴിവാക്കിയ ഷീല, 10 ലക്ഷം രൂപ നഷ്ടപരിഹാരം ആവശ്യപ്പെട്ട് സമർപ്പിച്ച ഹരജിയിലാണ് നടപടി. ഹരജി…
സ്വർണ കള്ളക്കടത്ത്; സ്ത്രീ അടക്കം മൂന്നു പേർ പിടിയിൽ
നെടുമ്പാശ്ശേരി: കൊച്ചി രാജ്യാന്തര വിമാനത്താവളത്തിൽ സ്വർണ കള്ളക്കടത്തിനിടെ സ്ത്രീ ഉൾപ്പെടെ മൂന്നുപേർ കസ്റ്റംസിന്റെ പിടിയിലായി. ദുബൈയിൽ നിന്ന് വന്ന പട്ടാമ്പി സ്വദേശി മിഥുനിൽ നിന്ന് 197 ഗ്രാം സ്വർണമാണ് പിടിച്ചെടുത്തത്. മൂന്ന് ഗുളികയുടെ രൂപത്തിലാക്കിയാണ് സ്വർണം ശരീരത്തിലൊളിപ്പിച്ചത്. ഷാർജയിൽ നിന്ന് വന്ന മലപ്പുറം സ്വദേശി 1118 ഗ്രാം സ്വർണം നാല് ഗുളികയുടെ രൂപത്തിലാക്കി ഒളിപ്പിക്കുകയായിരുന്നു. കൂടാതെ, ചെയിനും വളയും കണ്ടെടുത്തു. അബൂദബിയിൽ നിന്ന് വന്ന കാസർകോട് സ്വദേശിനിയിൽ നിന്നാണ് 272 ഗ്രാം പിടികൂടിയത്.