Ernakulam News
ഭക്ഷ്യസുരക്ഷ വകുപ്പിന്റെ പരിശോധന;കഴിഞ്ഞ വർഷം പിഴയായി ഈടാക്കിയത് 47.60 ലക്ഷം
കാക്കനാട്: ഭക്ഷ്യസുരക്ഷ വകുപ്പിന്റെ വിവിധ സ്ക്വാഡുകളുടെ നേതൃത്വത്തിൽ ജില്ലയിൽ 2023 ജനുവരി മുതൽ ഡിസംബർ വരെ നടത്തിയ പരിശോധനയിൽ 47,60,300 രൂപ പിഴ ഈടാക്കി. ഡെപ്യൂട്ടി കലക്ടർ വി.ഇ. അബ്ബാസിന്റെയും ഭക്ഷ്യസുരക്ഷ അസിസ്റ്റന്റ് കമീഷണർ ജോൺ വിജയകുമാറിന്റെയും അധ്യക്ഷതയിൽ ചേർന്ന ഭക്ഷ്യസുരക്ഷ ഉപദേശകസമിതി യോഗത്തിൽ വിവിധ പ്രവർത്തനങ്ങൾ അവലോകനം ചെയ്തു. ആകെ 10,019 പരിശോധനയാണ് ഇക്കാലയളവിൽ നടന്നത്. 437 കടകൾ അടച്ചുപൂട്ടി. 14,81,600 രൂപയാണ് ആർ.ഡി.ഒ കോടതികളിൽ കേസ് ഫയൽ ചെയ്ത് പിഴയിട്ടത്. 80,066 കിലോ ഉപയോഗശേഷമുള്ള…
മകളെ ബലാത്സംഗംചെയ്ത് ഗർഭിണിയാക്കിയയാളുടെ ജീവപര്യന്തം ഹൈകോടതി ശരിവെച്ചു
കൊച്ചി: പ്രായപൂർത്തിയാകാത്ത മകളെ ബലാത്സംഗം ചെയ്ത് ഗർഭിണിയാക്കിയ പ്രതിയുടെ ജീവപര്യന്തം തടവുശിക്ഷ ഹൈകോടതി ശരിവെച്ചു. കൽപറ്റ അഡീഷനൽ സെഷൻസ് കോടതിയുടെ വിധി തെളിവുകളുടെ അടിസ്ഥാനത്തിലാണെന്നും പ്രതിയെ വിട്ടയക്കാൻ മതിയായ തെളിവില്ലെന്നും വിലയിരുത്തിയാണ് ജസ്റ്റിസ് പി.ബി. സുരേഷ് കുമാർ, ജസ്റ്റിസ് ജോൺസൺ ജോൺ എന്നിവരടങ്ങുന്ന ഡിവിഷൻ ബെഞ്ചിന്റെ ഉത്തരവ്. കുഞ്ഞിന്റെയും പ്രതിയുടെയും ഡി.എൻ.എ പരിശോധനയിലൂടെ പിതൃത്വം തെളിയിക്കപ്പെട്ടതും ശക്തമായ തെളിവായി കോടതി ചൂണ്ടിക്കാട്ടി. ജീവപര്യന്തം തടവും ഒരുലക്ഷം രൂപ പിഴയുമാണ് ശിക്ഷ . ബലാത്സംഗം, പോക്സോ തുടങ്ങി ഒന്നിലേറെ…
110 നൈട്രാസെപാം ഗുളികയുമായി യുവാക്കൾ പിടിയിൽ
കൊച്ചി: വാട്സ്ആപ്പിൽ ആസിഡ് ഡ്രോപ്പർ ടാസ്ക് ടീം ഗ്രൂപ് തുടങ്ങി, അതിലൂടെ ‘ചൗ മിഠായി’ എന്ന പ്രത്യേക തരം കോഡിൽ വൻതോതിൽ മയക്ക് മരുന്ന് ഗുളികകൾ വിൽപന നടത്തിയിരുന്ന സംഘത്തിലെ രണ്ട് പേർ എക്സൈസിന്റെ പിടിയിലായി. തിരുവാണിയൂർ വെണ്ണിക്കുളം വലിയപറമ്പൽ വീട്ടിൽ വി.എഫ്. ഫ്രെഡി (28), തോപ്പുംപടി മങ്ങാട്ട് പറമ്പിൽ വീട്ടിൽ അഖിൽ മോഹനൻ (24) എന്നിവരാണ് സ്റ്റേറ്റ് എക്സൈസ് എൻഫോഴ്സ്മെന്റ് സ്ക്വാഡിന്റെ പിടിയിലായത്. പ്രതികളിൽനിന്ന് 110 നൈട്രോസൈപാം ഗുളികകൾ പിടിച്ചെടുത്തു. അടിപിടി, ഭവനഭേദനം, മാരകായുധങ്ങൾ കൈവശംവയ്ക്കൽ,…
കഞ്ചാവുമായി മൂന്ന് യുവാക്കൾ പിടിയിൽ
കളമശേരി: യൂനിവേഴ്സിറ്റി കോളനിക്ക് സമീപം വീട്ടിൽനിന്ന് 12.750 കിലോ കഞ്ചാവുമായി മൂന്ന് യുവാക്കൾ പിടിയിലായി. പത്തനംതിട്ട കിഴക്കുവീട് ഷാരുഖ് ഷെജീബ് (20), കരുനാഗപ്പിള്ളി കാട്ടിൽ കടവ് തെക്കെതിൽ വീട്ടിൽ ഇ. അജ്മൽ (28), പാലക്കാട് തിരുവാഴിയൂർ നടുവിൽ വീട്ടിൽ എൻ.എസ്. വിഷ്ണു (27) എന്നിവരാണ് പിടിയിലായത്. കൊച്ചി സിറ്റി പൊലീസ് കമീഷണർ എ. അക്ബറിന് ലഭിച്ച രഹസ്യ വിവരത്തിന്റെ അടിസ്ഥാനത്തിൽ ഡെപ്യൂട്ടി പൊലീസ് കമീഷണർ കെ.എസ്. സുദർശന്റെ നിർദേശ പ്രകാരം കൊച്ചി സിറ്റി യോദ്ധാവ് സ്ക്വാഡും കളമശ്ശേരി…
സ്കൂട്ടർ യാത്രികന്റെ മരണം: കാർ ഡ്രൈവർ റിമാൻഡിൽ
കളമശ്ശേരി: ദേശീയപാത ടി.വി.എസ് സിഗ്നൽ ജങ്ഷനിലുണ്ടായ അപകടത്തിൽ സ്കൂട്ടർ യാത്രികൻ മരിച്ച സംഭവത്തിൽ കാർ ഡ്രൈവറെ അറസ്റ്റ് ചെയ്തു. അങ്കമാലി മൂക്കന്നൂർ തെക്കനാത്ത് വീട്ടിൽ വർഗീസിനെയാണ് (63) അറസ്റ്റ് ചെയ്തത്. ഇയാളെ കോടതിയിൽ ഹാജരാക്കി റിമാൻഡ് ചെയ്തു. വെള്ളിയാഴ്ച ഉച്ചക്ക് 2.15ഓടെ സിഗ്നൽ മറികടന്ന് പാഞ്ഞ കാർ തൊടുപുഴ ഇളംദേശം ഇറുക്കുപാലം വയലിൻ പറമ്പിൽ അസീസിന്റെ മകൻ സൽമാൻ (23) ഓടിച്ച സ്കൂട്ടറിനെ ഇടിച്ച് തെറിപ്പിക്കുകയായിരുന്നു. അപകടത്തിൽ യുവാവ് തൽക്ഷണം മരിച്ചു.
സയൻസ് പാർക്കിലെ ശുദ്ധജല തടാകം മലിനമാക്കൽ; കിൻഫ്രയിലെ 40 കമ്പനികൾക്ക് നഗരസഭ നോട്ടീസ്
കളമശ്ശേരി: സയൻസ് പാർക്കിന് സമീപം ശുദ്ധജല തടാകം രാസമാലിന്യവും സെപ്റ്റിക്മാലിന്യവും ഒഴുക്കി മലിനമാക്കിയ സംഭവത്തിൽ കിൻഫ്രയിലെ 40 കമ്പനികൾക്ക് നഗരസഭ നോട്ടീസ് നൽകി. പൊതുജനങ്ങളുടെ ആരോഗ്യത്തെ പ്രതികൂലമായി ബാധിക്കുന്നതും പരിസ്ഥിതി ആവാസവ്യവസ്ഥയെ തകിടം മറിക്കുകയും ശുദ്ധജല തടാകത്തെ മലിനമാക്കുകയും ചെയ്ത സംഭവത്തിലാണ് നോട്ടീസ്. മുനിസിപ്പൽ ആക്ട് പ്രകാരം ശിക്ഷാർഹമായ നടപടിയായതിനാൽ നോട്ടീസ് ലഭിച്ച് 24 മണിക്കൂറിനകം പ്രവൃത്തി നിർത്തിവെച്ച് രേഖാമൂലം മറുപടി നൽകണമെന്നാണ് നോട്ടീസിൽ പറഞ്ഞിരിക്കുന്നത്. അല്ലാത്ത പക്ഷം മലിനജലം ഒഴുക്കിവിടുന്നതിനായി നിർമിച്ചിട്ടുള്ള കനാൽ മൂടുകയും നിയമ…
കളമശ്ശേരിയിൽ കഞ്ചാവുമായി മൂന്നുപേർ പിടിയിൽ
കൊച്ചി: നഗരത്തിൽ വൻ കഞ്ചാവ് വേട്ട. കളമശ്ശേരി വിദ്യാനഗർ കോളനിയിൽ പൊലീസ് നടത്തിയ റെയ്ഡിൽ 11 കിലോ കഞ്ചാവുമായി മൂന്ന് പേർ പിടിയിലായി. കൊല്ലം സ്വദേശി ഷാരൂഖ്, കരുനാഗപ്പള്ളി സ്വദേശിയായ അജ്മൽ, പാലക്കാട് സ്വദേശി വിഷ്ണു എന്നിവരാണ് പിടിയിലായതെന്ന് സ്പെഷൽ ബ്രാഞ്ച് അറിയിച്ചു. രാത്രി വൈകിയാണ് സംഭവം. കൂടുതൽ വിവരങ്ങൾ ലഭ്യമായിട്ടില്ല. നടപടിക്രമങ്ങൾ തുടരുകയാണെന്നും പൊലീസ് അറിയിച്ചു.
ജൽജീവൻ കുടിവെള്ള പദ്ധതി; കുഞ്ഞുണ്ണിക്കരയിലെ റോഡുകൾ തകർന്നു
ആലുവ: കുഞ്ഞുണ്ണിക്കര ദ്വീപിലെ റോഡുകൾ തകർന്നു. ജലജീവൻ കുടിവെള്ള പദ്ധതിയുമായി ബന്ധപ്പെട്ട് പൈപ്പുകൾ സ്ഥാപിക്കാനെടുത്ത കുഴികൾ യഥാസമയം മൂടി റോഡ് അറ്റകുറ്റപ്പണികൾ നടത്താതിരുന്നതാണ് കാരണം. കടുങ്ങല്ലൂർ ഗ്രാമപഞ്ചായത്ത് ഏഴാം വാർഡായ കുഞ്ഞുണ്ണിക്കരയിലെ റോഡുകൾ പൂർണമായും നാമാവശേഷമായ അവസ്ഥയിലാണ്. വാർഡിൽ മുമ്പ് കുടിവെള്ള പൈപ്പ് ലൈൻ ഉണ്ടായിരുന്നില്ല. അതിനാൽതന്നെ പൈപ്പ് ലൈൻ സ്ഥാപിക്കുന്നതിനായി മുഖ്യ റോഡുകൾ ഉൾപ്പെടെ എല്ലാ റോഡുകളും ഇടവഴികളും പൊളിക്കേണ്ടിവന്നു. എന്നാൽ, പൈപ്പിടാൻ കുഴിച്ച കുഴികൾ യഥാസമയം മൂടുകയോ കുഴിയെടുത്ത ഭാഗങ്ങളിൽ അറ്റകുറ്റപ്പണികൾ നടത്തുകയോ ചെയ്തില്ല.…
ഇരുചക്രവാഹന മോഷ്ടാക്കൾ അറസ്റ്റിൽ
പറവൂർ: ഇരുചക്രവാഹന മോഷ്ടാക്കളായ രണ്ട് യുവാക്കളെ പൊലീസ് പിടികൂടി. ആലപ്പുഴ സ്വദേശികളായ പുന്നപ്ര പുതുവൽവീട്ടിൽ അനന്ദു (24), വലിയഴീക്കൽ തറയിൽക്കടവ് തെക്കേടത്ത് വീട്ടിൽ വിഷ്ണു (24) എന്നിവരെയാണ് നോർത്ത് പറവൂർ പൊലീസ് പിടികൂടിയത്. പറവൂത്തറ കനാൽ റോഡിലുള്ള പെയിന്റിങ് സ്ഥാപനത്തിന് മുൻവശം പാർക്ക് ചെയ്തിരുന്ന സ്കൂട്ടറാണ് ഇവർ മോഷ്ടിച്ചത്. തിങ്കളാഴ്ച വൈകീട്ടായിരുന്നു സംഭവം. അനന്ദുവിന് അമ്പലപ്പുഴ, കായംകുളം, എറണാകുളം സൗത്ത്, ആലപ്പുഴ, സൗത്ത് എന്നിവിടങ്ങളിലും വിഷ്ണുവിന് അമ്പലപ്പുഴ, നോർത്ത് പറവൂർ, കായംകുളം എന്നിവിടങ്ങളിലും മോഷണം ഉൾപ്പെടെ കേസുകളുണ്ട്.…
യുവാവിനെ വധിക്കാൻ ശ്രമിച്ച കേസിൽ മൂന്ന് പ്രതികൾ പിടിയിൽ
പറവൂർ: സംഘം ചേർന്ന് യുവാവിനെ വധിക്കാൻ ശ്രമിച്ച കേസിൽ ഉൾപ്പെട്ട മൂന്ന് പ്രതികളെ വടക്കേക്കര പൊലീസ് അറസ്റ്റ് ചെയ്തു. വടക്കേക്കര കൂട്ടുകാട് പുളിക്കൽ വീട്ടിൽ ചാൾസ് (32), പുളിക്കൽ വീട്ടിൽ കൈറ്റപ്പൻ (ക്ലമന്റ് -60), വടക്കുംപുറം മേപ്പറമ്പിൽ അർഷാദ് (ആഷിക് -24) എന്നിവരാണ് പിടിയിലായത്. പ്രതികളുടെ ബന്ധുവിനെ ഉപദ്രവിച്ചതിലുള്ള വൈരാഗ്യത്തിൽ കൂട്ടുകാടുള്ള യുവാവിനെയാണ് വധിക്കാൻ ശ്രമിച്ചത്. ഒന്നാം പ്രതി ചാൾസ് കാറിൽ സഞ്ചരിക്കുന്ന വിവരം ലഭിച്ചതിനെത്തുടർന്ന് വടക്കേക്കര പൊലീസ് സ്റ്റേഷനിലെ ഉദ്യോഗസ്ഥനായ ലിജോ ഫിലിപ് കിലോമീറ്ററുകളോളം തനിയെ…