Ernakulam News
മമ്മൂട്ടി നമ്മുടെ അഭിമാനം -സ്വാമി നന്ദാത്മജാനന്ദ
കൊച്ചി: വേദനിക്കുന്നവരെ ചേർത്തു നിർത്തുകയും ഒപ്പം കൂട്ടുകയും ചെയ്യുകയെന്നത് വലിയ കാര്യമാണെന്നും അത്തരം പ്രവർത്തനങ്ങളുമായി മുന്നോട്ടു പോകുന്ന മമ്മൂട്ടി നമ്മുടെ അഭിമാനമാണെന്നും ശ്രീരാമകൃഷ്ണ മിഷന്റെ മലയാളം മുഖപത്രമായ പ്രബുദ്ധകേരളത്തിന്റെ ചീഫ് എഡിറ്റർ സ്വാമി നന്ദാത്മജാനന്ദ. പഠനത്തില് മിടുക്കുകാട്ടുന്ന സാമ്പത്തികമായി പിന്നോക്കം നിൽക്കുന്ന കുട്ടികള്ക്കായി മമ്മൂട്ടിയുടെ നേതൃത്വത്തിലുള്ള കെയര് ആന്റ് ഷെയര് ഇന്റര്നാഷനല് ആവിഷ്കരിച്ച’വിദ്യാമൃതം’ പദ്ധതിയുടെ നാലാംഘട്ടത്തിന്റെ ഉദ്ഘാടനച്ചടങ്ങില് അനുഗ്രഹ പ്രഭാഷണം നടത്തുകയായിരുന്നു സ്വാമി. എസ്.എസ്.എൽ.സി,പ്ലസ് ടു ജയിച്ച നിര്ധനവിദ്യാര്ഥികള്ക്ക് എം.ജി.എം.ഗ്രൂപ്പ് ഓഫ് ഇന്സ്റ്റിറ്റിയൂഷന്സുമായി ചേര്ന്ന് തുടര്പഠനത്തിന് അവസരമൊരുക്കുകയാണ്…
എറണാകുളം ജില്ലയിൽ 13 വില്ലേജുകളിൽ ഡിജിറ്റൽ സർവേ പൂർത്തിയായി
കൊച്ചി: സംസ്ഥാനത്തെ എല്ലാ വില്ലേജുകളുടെയും ഡിജിറ്റൽ സർവേ രേഖകൾ തയാറാക്കുന്നതിനുള്ള ‘എന്റെ ഭൂമി’ പദ്ധതിയുടെ ആദ്യഘട്ടത്തിൽ ജില്ലയിൽ 13 വില്ലേജുകളിൽ സർവേ നടപടികൾ പൂർത്തിയായി. കണയന്നൂർ, തിരുവാങ്കുളം, രാമമംഗലം, ഫോർട്ട്കൊച്ചി, ആമ്പല്ലൂർ, പല്ലാരിമംഗലം, വാളകം, ഇടക്കൊച്ചി, പൂണിത്തുറ, മട്ടാഞ്ചേരി, തോപ്പുംപടി, മണീട്, പള്ളുരുത്തി വില്ലേജുകളിലാണ് സർവേ പൂർത്തിയായത്. ഈ വില്ലേജുകളിലെ സ്ഥലം അളന്ന് തിട്ടപ്പെടുത്തി. ഇതിലുള്ള ആക്ഷേപങ്ങൾ സമർപ്പിക്കാനുള്ള 9(2) വെബ് സൈറ്റിൽ പ്രസിദ്ധീകരിച്ചിട്ടുണ്ട്. സ്ഥലം അളന്നതുമായി ബന്ധപ്പെട്ട പരാതികൾ അതത് വില്ലേജിനോടനുബന്ധിച്ച് പ്രവർത്തിക്കുന്ന ഡിജിറ്റൽ സർവേ…
കുമ്പളങ്ങിയിൽ കാഴ്ചയുടെ വിരുന്നൊരുക്കി ദേശാടന പക്ഷികൾ
പള്ളുരുത്തി: പതിവ് തെറ്റിക്കാതെ കുമ്പളങ്ങിക്ക് നയന മനോഹര കാഴ്ചയൊരുക്കി ഇക്കുറിയും വിവിധയിനം ദേശാടന പക്ഷികൾ കൂട്ടത്തോടെയെത്തി. കുമ്പളങ്ങി – ചെല്ലാനം പഞ്ചായത്തുകൾ അതിർത്തി പങ്കിടുന്ന പാടശേഖരത്തിലാണ് പെലിക്കൻ, പെയ്ന്റഡ് സ്റ്റാർക്ക്, ഏഷ്യൻ ഓപ്പൺ ബിൽ സ്റ്റാർക്ക് ഇനത്തിൽപ്പെട്ട ദേശാടന പക്ഷികൾ എത്തിയത്. പത്ത് വർഷത്തോളമായി സ്ഥിരമായി ഇവിടെ ദേശാടന പക്ഷികൾ എത്താറുണ്ട്. രണ്ട് വർഷം മുമ്പ് പെലിക്കനുകൾ (പുള്ളിച്ചുണ്ടൻ കൊതുമ്പനം) തെങ്ങിനു മുകളിൽ കൂടു കൂട്ടി മുട്ടയിടുകയും കുഞ്ഞുങ്ങൾ വിരിയുകയും ചെയ്തത് ഏറെ വാർത്താ പ്രാധാന്യം നേടിയിരുന്നു.…
നഗരത്തിലെ നടപ്പാതകൾ; ഹൈകോടതി കലക്ടറുടെ റിപ്പോർട്ട് തേടി
കൊച്ചി: നഗരത്തിലെ പ്രധാന റോഡുകളിലെ നടപ്പാതകളുടെ സ്ഥിതി സംബന്ധിച്ച് റിപ്പോർട്ട് നൽകാൻ ജില്ലാ കലക്ടർക്ക് ഹൈകോടതി നിർദേശം. റോഡുകളുടെ ശോച്യാവസ്ഥ സംബന്ധിച്ച ഹരജിയിലാണ് ജസ്റ്റിസ് ദേവൻ രാമചന്ദ്രന്റെ നടപടി. കഴിഞ്ഞ ശനിയാഴ്ച പാലാരിവട്ടത്ത് ഓടയുടെ സ്ലാബിനിടയിൽ കാൽനടക്കാരിയുടെ കാൽകുടുങ്ങിയ സംഭവവും കോടതി ഇടപെടലിന് കാരണമാണ്. ഭാഗികമായി തുറന്നുകിടന്ന ഓടയിൽ വീഴാതെ സ്ത്രീ അത്ഭുതകരമായാണ് രക്ഷപ്പെട്ടതെന്ന് കോടതി വാക്കാൽ പറഞ്ഞു. തക്കസമയത്ത് സഹായം കിട്ടിയതാണ് തുണയായത്. നഗരത്തിലെ നടപ്പാതകളുടെ സ്ഥിതി പരിതാപകരമാണ്. വെള്ളക്കെട്ടുണ്ടാകുമ്പോൾ റോഡും കാനയും തമ്മിൽ തിരിച്ചറിയാത്ത…
റൂറൽ ജില്ലയുടെ ഡോഗ് സ്ക്വാഡിന് കരുത്തുപകർന്ന് ആറംഗ സംഘം
ആലുവ: റൂറൽ ജില്ലയുടെ ഡോഗ് സ്ക്വാഡിന് കരുത്തുപകർന്ന് ആറുപേർ. ലാബ് ഇനത്തിൽപെട്ട ജാമി, മിസ്റ്റി, ബീഗിൾ വംശജ ബെർട്ടി, ബെൽജിയം മാൽ നോയ്സായ മാർലി, അർജുൻ, ജർമൻ ഷെപ്പേർഡ് ടിൽഡ എന്നിവരാണ് ഇപ്പോൾ ഡോഗ് സ്ക്വാഡിലുള്ളവർ. എട്ട് വയസ്സുള്ള ജാമിയും നാലുവയസ്സുള്ള ബെർട്ടിയും, മൂന്നര വയസ്സുള്ള അർജുനും സ്ഫോടകവസ്തുക്കൾ കണ്ടുപിടിക്കാൻ വിദഗ്ധരാണ്. ആറു വയസ്സുള്ള മിസ്റ്റി നാർക്കോട്ടിക് വസ്തുക്കൾ കണ്ടുപിടിക്കാൻ വൈദഗ്ധ്യം നേടിയ നായാണ്. നാലു വയസ്സുള്ള മാർലിയും ഒന്നര വയസ്സുള്ള ടിൽഡയും മിടുക്കരായ ട്രാക്കർമാരാണ്. നിരവധി…
ബൈക്ക് മീഡിയനിലിടിച്ച് യുവാവിന് ദാരുണാന്ത്യം
ചെങ്ങമനാട്: സുഹൃത്തിനൊപ്പം ബൈക്കിൽ സഞ്ചരിക്കുമ്പോൾ മീഡിയനിലിടിച്ച് റോഡിൽ തെറിച്ച് വീണ് യുവാവിന് ദാരുണാന്ത്യം. കുന്നുകരയിൽ വാടകക്ക് താമസിക്കുന്ന ആലുവ മുപ്പത്തടം വലിയങ്ങാടി വീട്ടിൽ അബ്ദു റഹ്മാന്റെ മകൻ ഷാഹുൽ ഹമീദ് (34) ആണ് മരിച്ചത്. അത്താണി കേരള ഫാർമസിക്ക് സമീപം തിങ്കളാഴ്ച രാത്രി 7.45ഓടെയായിരുന്നു അപകടം. വയൽകരയിൽ നിന്ന് സുഹൃത്തിനൊപ്പം ആലുവയിലേക്ക് വരുമ്പോഴായിരുന്നു അപകടം. ഇടിയുടെ ആഘാതത്തിൽ തെറിച്ചുയർന്ന് റോഡിൽ പതിക്കുകയായിരുന്നു. ഹമീദ് സംഭവസ്ഥലത്ത് തന്നെ മരിച്ചു. ബൈക്ക് ഓടിച്ചിരുന്ന വയൽകര സ്വദേശി അഖിൽ രാജ് നിസാര…
അങ്കമാലിയിൽ നാല് പേർ മരിക്കാനിടയായവീട് പൊലീസ് ഏറ്റെടുത്തു
അങ്കമാലി: പറക്കുളം റോഡിൽ എട്ടും, അഞ്ചും വയസ്സുള്ള കുട്ടികളടക്കം നാല് പേർ ദാരുണമായി മരിക്കാനിടയായ വീട്ടിൽ പരിശോധനയും, അന്വേഷണവും കാര്യക്ഷമമാക്കുന്നതിന്റെ ഭാഗമായി പൊലീസ് കാവൽ ഏർപ്പെടുത്തി. തീപിടിത്തമുണ്ടായ രണ്ടാം നിലയിലെ കിടപ്പുമുറി സീൽ ചെയ്തു. അങ്കമാലിയിലെ പരമ്പരാഗത മലഞ്ചരക്ക് വ്യാപാരി കുടുംബാംഗവും, പ്രധാന വ്യാപാരിയുമായ അയ്യമ്പിള്ളി വീട്ടിൽ കൊച്ചുമോൻ എന്ന ബിനീഷ് കുര്യൻ (45), ഭാര്യ അനുമോൾ മത്തായി (39), മകൾ ജുവാന, മകൻ ജസ് വിൻ എന്നിവരാണ് കിടപ്പുമുറിക്ക് തീപിടിച്ച് ശനിയാഴ്ച പുലർച്ചെ മരിച്ചത്. ബിനീഷിന്റെ…
വളർത്തുപോത്തുകളുടെ ശല്യം; ഇൻഫോപാർക്ക് റോഡിൽ യാത്ര ദുരിതം
കാക്കനാട് : വളർത്തുപോത്തുകളുടെ ശല്യം മൂലം ഇൻഫോപാർക്ക് റോഡ് യാത്ര ദുരിതമാകുന്നതായി പരാതി. പകൽ സമയത്തും രാത്രികാലങ്ങളിലും തിരക്കേറിയ ഇൻഫോപാർക്ക് റോഡിൽ പോത്തുകൾ ചുറ്റിത്തിരിയുകയാണ്. ചില ദിവസങ്ങളിൽ മണിക്കൂറോളമാണ് ഗതാഗത തടസ്സമുണ്ടാക്കുന്നത്. മഴക്കാലമായതോടെ രാത്രികാലങ്ങളിൽ ഇവ റോഡിൽ ഇറങ്ങി നിൽക്കുന്നത് കാണാനും കഴിയില്ല. ഇരുചക്ര വാഹന യാത്രക്കാരാണ് പോത്തുകളിൽ നിന്ന് ഏറ്റവും കൂടുതൽ അപകട ഭീഷണി നേരിടുന്നത്. കെട്ടഴിഞ്ഞു നടന്ന പോത്തിന്റെ ആക്രമണത്തിൽ എടത്തല സ്വദേശിയായ യുവാവ് രണ്ടുവർഷം മുമ്പ് മരണപ്പെട്ടിരുന്നു. ഇതേ തുടർന്നാണ് പോത്തുകളെ പാടത്തും…
എറണാകുളം ജനറൽ ആശുപത്രിക്ക്മലിനീകരണ നിയന്ത്രണ ബോർഡ് പുരസ്കാരം
കൊച്ചി: എറണാകുളം ജനറലാശുപത്രിക്ക് മലിനീകരണ നിയന്ത്രണ ബോർഡ് പുരസ്കാരം. മികച്ച മലിനീകരണ നിയന്ത്രണ സംവിധാനങ്ങൾ ഒരുക്കിയതിനാണ് സംസ്ഥാന തലത്തിൽ ഒന്നാം സ്ഥാനം നേടിയത്. ലോക പരിസ്ഥിതി ദിനത്തോടനുബന്ധിച്ച് സ്വകാര്യ പൊതുമേഖല സ്ഥാപനങ്ങൾ, ഫാക്ടറികൾ, കമ്പനികൾ, ആശുപത്രികൾ ഇവയിൽ നിന്ന് പ്രവർത്തന മികവിന്റെ അടിസ്ഥാനത്തിൽ തെരഞ്ഞെടുത്ത സ്ഥാപനങ്ങൾക്കാണ് അവാർഡ്. ചൊവ്വാഴ്ച കോവളം ക്രാഫ്റ്റ് വില്ലേജിൽ നടക്കുന്ന പരിസ്ഥിതി ദിനാചരണ ഭാഗമായുള്ള ചടങ്ങിൽ മുഖ്യമന്ത്രി പിണറായി വിജയനിൽ നിന്ന് ആശുപത്രി സൂപ്രണ്ട് ഡോ. ഷാഹിർഷായും ജീവനക്കാരും ഒരു ലക്ഷം രൂപ…
കപ്പ വില ഇടിഞ്ഞു; ദുരിതത്തിലായി കർഷകർ
മൂവാറ്റുപുഴ: കപ്പ വില കുത്തനെ ഇടിഞ്ഞു. കഴിഞ്ഞ വർഷം ഉയർന്ന വില ലഭിച്ചതിനെ തുടർന്ന് ഇത്തവണ വ്യാപകമായി കപ്പ കൃഷി ചെയ്തിരുന്നെങ്കിലും വില കുത്തനെ കുറഞ്ഞതോടെ കടക്കെണിയിലാകുന്ന അവസ്ഥയിലാണ് കർഷകർ. കഴിഞ്ഞ വർഷം 25 -30 രൂപ വരെ വിലയുയർന്ന കപ്പക്ക് ഇപ്പോൾ കർഷകർക്ക് ലഭിക്കുന്നത് 13 -15 രൂപയാണ്. ചില്ലറ വില 25 വരെ ഉണ്ടെങ്കിലും കർഷകർക്ക് വില ലഭിക്കുന്നില്ല. മഴ കൂടിയായതോടെ മൊത്ത വ്യാപാരികൾ തോന്നിയ വില നൽകിയാണ് കർഷകരിൽനിന്ന് വാങ്ങുന്നത്. മറ്റ് കാർഷിക…