Ernakulam News
റോജി എം. ജോൺ എം.എൽ.എ വിവാഹിതനാകുന്നു; വധു അങ്കമാലി സ്വദേശി
എറണാകുളം: കോൺഗ്രസിലെ യുവ നേതാവും അങ്കമാലി എം.എൽ.എയുമായ റോജി എം. ജോൺ വിവാഹിതനാകുന്നു. സ്വന്തം മണ്ഡലമായ അങ്കമാലിയിൽ നിന്നാണ് എം.എൽ.എ വധുവിനെ കണ്ടെത്തിയത്. മാണിക്യമംഗലം പുളിയേലിപ്പടി കോലഞ്ചേരി പൗലോസിന്റെ മകൾ ലിപ്സിയാണ് വധു. ഇന്റീരിയർ ഡിസൈനർ ആണ്. അടുത്ത മാസമാണ് വിവാഹം. അങ്കമാലി കല്ലുപാലം റോഡ് മുള്ളൻമടക്കൽ എം.വി. ജോണിന്റെയും എൽസമ്മയുടെയും മകനാണ് റോജി എം. ജോൺ. കോൺഗ്രസ് വിദ്യാർഥി സംഘടനയായ കെ.എസ്.യുവിലൂടെ രാഷ്ട്രീയ പ്രവർത്തനം ആരംഭിച്ച അദ്ദേഹം, എൻ.എസ്.യു.ഐ ദേശീയ പ്രസിഡന്റായിരുന്നു. എം.എ, എം.ഫിൽ ബിരുദധാരിയായ…
ഒക്കല് കുണ്ടൂര്തോട് കൈയേറ്റം ഒഴിപ്പിക്കല് പൂര്ത്തിയാകുന്നു
പെരുമ്പാവൂര്: ഒക്കല് ഗ്രാമപഞ്ചായത്തിലെ കുണ്ടൂര്തോട് കൈയേറ്റം ഒഴിപ്പിക്കല് നടപടികള് പൂര്ത്തിയാകുന്നു. 18 വര്ഷമായി മഴവെള്ളം ഒഴുകിപ്പോകാന് സാധിക്കാത്ത തരത്തില് രണ്ട് വ്യക്തികളാണ് പഞ്ചായത്ത് കാര്യാലയത്തിന് സമീപം തോട് കൈയേറിയിരുന്നത്. മൂന്നാഴ്ചമുമ്പ് പെയ്ത മഴയെത്തുടർന്ന് തോട് കവിയുകയും ഇരുപതോളം വീടുകളില് വെള്ളം കയറി 13 കുടുംബങ്ങളെ മാറ്റിപ്പാര്പ്പിക്കുകയും ചെയ്തിരുന്നു. ഇതോടെയാണ് കൈയേറ്റം ഒഴിപ്പിക്കണമെന്ന ആവശ്യം ശക്തമായത്. തുടർന്ന് പഞ്ചായത്ത് ഭരണസമിതി പ്രശ്നത്തില് ഇടപെടുകയായിരുന്നു. എല്ലാ മഴക്കാലത്തും നിരവധി കുടുംബങ്ങളെ ബാധിക്കുന്ന വിഷയത്തില് തഹസില്ദാറും ഇടപെട്ടതോടെ സംഭവം ഗൗരവതരമായി. തഹസില്ദാറുടെ…
ആ സാന്ത്വന ബന്ധത്തിന് മൂന്ന് പതിറ്റാണ്ട്
ആലുവ: നിരവധി രോഗികൾക്ക് സാന്ത്വനമേകിയ ജനകീയ ഡോക്ടർ ഡോ. വിജയകുമാറും ആലുവ ജില്ല ആശുപത്രിയുമായുള്ള ബന്ധത്തിന് മൂന്ന് പതിറ്റാണ്ട്. 1994 ജൂൺ 13ന് ഈ ആശുപത്രിയിൽ ജോലിയിൽ പ്രവേശിച്ച അദ്ദേഹം വിരമിച്ച് രണ്ട് പതിറ്റാണ്ടോളമായിട്ടും വിവിധ ആതുരസേവന പ്രവർത്തനങ്ങളുമായി, ജില്ല ആശുപത്രിയുടെ നട്ടെല്ലായി ഇന്നും നിലകൊള്ളുന്നു. ബ്ലഡ് ബാങ്ക്, ഡയാലിസിസ് സെൻറർ, ഹീമോഫീലിയ സെൻറർ തുടങ്ങിയവയുടെ അമരത്തുള്ള അദ്ദേഹം ജീവിത സായാഹ്നത്തിലും രാപ്പകൽ കർമനിരതനാണ്. കോട്ടയം വൈക്കം വടയാർ സ്വദേശിയായ അദ്ദേഹം കടുത്തുരുത്തി അറുനൂറ്റിമംഗലം പ്രാഥമികാരോഗ്യകേന്ദ്രത്തിലാണ് ഔദ്യോഗിക…
വിനോദസഞ്ചാരികളുടെ ഇടത്താവളമാകാനൊരുങ്ങി മൂവാറ്റുപുഴ; വരുന്നൂ തൂക്കുപാലവും പുഴയോര നടപ്പാതയും
മൂവാറ്റുപുഴ: ടൗണിലെ ലതാപാലത്തിനു സമീപം നിർമിക്കുന്ന തൂക്കുപാലത്തിന്റെ അന്തിമ ഡി.പി.ആർ തയാറായി. കേന്ദ്ര സര്ക്കാറിന്റെ അമൃതം പദ്ധതിയിലുള്പ്പെടുത്തി നഗരസഭക്ക് ഒന്നാം ഘട്ടമായി അനുവദിച്ച അഞ്ചുകോടി രൂപ ചെലവഴിച്ച് തൊടുപുഴയാറിന് കുറുകെ തൂക്കുപാലവും കച്ചേരിത്താഴം വരെ പുഴയോര നടപ്പാതയും നിര്മിക്കുന്ന പ്രവർത്തനങ്ങളാണ് ദ്രുതഗതിയിൽ മുന്നേറുന്നത്. നഗരസഭ ചെയര്മാന് പി.പി. എല്ദോസിന്റെ അധ്യക്ഷതയില് ചേര്ന്ന യോഗം അന്തിമ ഡി.പി.ആര് സംബന്ധിച്ച് തീരുമാനമെടുത്തു. ലഭിച്ച അഞ്ചുകോടി രൂപ ഉപയോഗിച്ച് നഗരസഭ ഡ്രീംലാൻഡ് പാര്ക്കില്നിന്ന് തൊടുപുഴ ആറിന് കുറുകെ പേട്ടയിലേക്ക് തൂക്കുപാലവും പേട്ട…
ഓര്മകളുടെ നൂലിഴകള് പാകി അമ്മയുടെ രൂപം നെയ്തെടുത്ത് രജീഷ്
പെരുമ്പാവൂര്: അമ്മ ഓർമയായി മൂന്നുവര്ഷം പൂര്ത്തിയായ നാളില് സ്നേഹത്തിന്റെ ആത്മാവിഷ്കാരമായി മകന് കാന്വാസ് ബോര്ഡില് നൂലിഴകള് പാകിത്തീര്ത്തത് ബ്ലാക്ക് ആൻഡ് വൈറ്റ് ഓര്മചിത്രം. കുറുപ്പംപടി തട്ടാംപുറംപടിയിലെ കോട്ടപ്പുറത്ത് വീട്ടില് സി.കെ. രജീഷാണ് 5,000 മീ. കറുത്ത നൂൽകൊണ്ട് അമ്മ അമ്മിണിയുടെ ദീപ്തസ്മരണ പുതുക്കിയത്. 73ാം വയസ്സില് ഹൃദയാഘാതം കാരണമായിരുന്നു അമ്മയുടെ മരണം. മാതാവിനോടുള്ള സ്നേഹത്തിന്റെ പ്രതീകമായി നൂല്ചിത്രം നിര്മിക്കാൻ മനസ്സില് തോന്നിയത് പെട്ടെന്നായിരുന്നു. ഏഴുദിവസം കൊണ്ടാണ് ചിത്രം പൂര്ത്തിയാക്കിയത്. 15 മണിക്കൂറോളം ഇതിനായി മാറ്റിവെച്ചു. രണ്ടരയടി സമചതുരത്തിലുള്ള…
പന്തീരാങ്കാവ് പീഡനം: മൊഴിമാറ്റിയ യുവതി പൊലീസ് കസ്റ്റഡിയിൽ
നെടുമ്പാശ്ശേരി: പന്തീരാങ്കാവ് ഭർതൃപീഡനക്കേസിൽ മൊഴി മാറ്റിപ്പറഞ്ഞ യുവതി കസ്റ്റഡിയിൽ. വ്യാഴാഴ്ച രാത്രി ഒമ്പതിന് നെടുമ്പാശ്ശേരി വിമാനത്താവളത്തിൽ വന്നിറങ്ങിയപ്പോഴാണ് വടക്കേക്കര പൊലീസ് കസ്റ്റഡിയിലെടുത്തത്. യുവതി ഡൽഹിയിൽനിന്നുള്ള വിമാനത്തിലാണ് എത്തിയതെന്നാണ് സൂചന. മൊബൈൽ ഫോൺ കേന്ദ്രീകരിച്ച് നടത്തിയ അന്വേഷണത്തിൽ ഡൽഹിയിലെ ടവർ ലൊക്കേഷനാണ് പൊലീസിന് ലഭിച്ചിരുന്നത്. യുവതിയെ പൊലീസ് രഹസ്യകേന്ദ്രത്തിലേക്ക് മാറ്റിയതായാണ് വിവരം. ഭർത്താവ് രാഹുൽ മർദിച്ചെന്നും സ്ത്രീധനം ആവശ്യപ്പെട്ട് പീഡിപ്പിച്ചുവെന്നുമായിരുന്നു യുവതിയുടെ ആദ്യമൊഴി. ഇതിന്റെയടക്കം അടിസ്ഥാനത്തിലായിരുന്നു രാഹുലിനെതിരെ വധശ്രമമുൾപ്പെടെയുള്ള വകുപ്പുകൾ ചേർത്തത്. കേസിൽ പൊലീസ് കുറ്റപത്രമടക്കം തയാറാക്കി തുടങ്ങിയതിനിടെയാണ്…
ക്ഷേത്ര തിരുവാഭരണം മോഷ്ടിച്ച കേസിൽ കീഴ്ശാന്തി അറസ്റ്റിൽ
ആലുവ: ക്ഷേത്രത്തിലെ തിരുവാഭരണം മോഷ്ടിച്ച കേസിൽ കീഴ്ശാന്തി അറസ്റ്റിൽ. എടയപ്പുറം കോലാട്ട് കാവ് ഭഗവതി ക്ഷേത്രത്തിൽ മോഷണം നടത്തിയ കേസിൽ കീഴ്ശാന്തി ആലപ്പുഴ മേന്നാശേരി തറയിൽ വീട്ടിൽ സുമേഷി(29)നെയാണ് എടത്തല പൊലീസ് അറസ്റ്റ് ചെയ്തത്. താക്കോൽ ഉപയോഗിച്ച് ശ്രീകോവിൽ തുറന്നാണ് മോഷണം നടത്തിയത്. തുടർന്ന് ഒളിവിൽ പോയ ഇയാളെ ഇൻസ്പെക്ടർ കെ.ബി. ഹരികൃഷ്ണൻ, എസ്.ഐ സിജു പൈലി, എ.എസ്.ഐ ഡി. രജനി എന്നിവർ ചേർന്നാണ് പിടികൂടിയത്.
ബൈപാസ് അടിപ്പാതകളിൽ തകർന്ന സ്ലാബുകൾ അപകടത്തിനിടയാക്കുന്നു
ആലുവ: ബൈപാസ് അടിപ്പാതകളിൽ സ്ലാബുകൾ തകർന്ന കാനകൾ അപകടങ്ങൾക്ക് ഇടയാക്കുന്നു. മേൽപാലത്തിന് കീഴിൽ നിരവധി അടിപ്പാതകളുണ്ട്. ഈ വഴികളിലെ കാനകളാണ് അപകടങ്ങൾക്ക് ഇടയാക്കുന്നത്. മാർക്കറ്റ് പരിസരത്തെ അടിപ്പാതയിലാണ് കൂടുതൽ ഭീഷണിയുള്ളത്. നഗരത്തിൽനിന്ന് അങ്കമാലി ഭാഗത്തേക്കുള്ള എല്ലാ വാഹനങ്ങളും ഇതുവഴിയാണ് ദേശീയ പാതയിലേക്ക് പോകുന്നത്. ഈ വഴിയുടെ വളവിലാണ് പ്രധാനമായും സ്ലാബ് തകർന്നിരിക്കുന്നത്. വർഷങ്ങൾ ഏറെയായി ഈ അവസ്ഥ തുടരുന്നു. ഇവിടെ വാഹനങ്ങൾ കുഴിയിൽ വീഴുന്നത് പതിവാണ്. തിരക്കേറിയ ഈ ഭാഗത്ത് ഇരുചക്രവാഹനങ്ങൾ കാനയിൽ ചാടുന്നതും പതിവാണ്. ഈ പ്രശ്നം…
അര്ബന് ബാങ്കില് നിക്ഷേപിച്ച പണം ലഭിച്ചില്ല; പരാതിയുമായി അന്തര് സംസ്ഥാനതൊഴിലാളികള്
പെരുമ്പാവൂര്: പെരുമ്പാവൂര് അര്ബന് സഹകരണ ബാങ്കില് നിക്ഷേപിച്ച പണം തിരികെ ലഭിച്ചില്ലെന്ന ആരോപണവുമായി അന്തര് സംസ്ഥാന തൊഴിലാളികൾ. ഇവര് നടത്തുന്ന ഹോട്ടലുകള്, ബാര്ബര് ഷോപ്പുകള്, മൊബൈല് ഷോപ്പുകള് എന്നിവിടങ്ങളില് ബാങ്ക് നേരിട്ട് ദിവസ കലക്ഷന് എടുത്ത തുകകളാണ് തിരികെ എടുക്കാന് കഴിയാത്ത അവസ്ഥയിലായത്. 5000 രൂപയുടെ ചെക്ക് വരെ ബാങ്കില് നിന്ന് മടക്കിയതായി ഇവര് വാര്ത്തസമ്മേളനത്തില് ആരോപിച്ചു. ഇരുപതോളം പേര് ദിവസ കലക്ഷനില് ബാങ്കില് പണം നിക്ഷേപിച്ചിരുന്നതായി പറയുന്നു. ബലി പെരുന്നാൾ ആഘോഷത്തിന് നാട്ടില് പോകുമ്പോഴാണ് സാധാരണയായി…
കളമശ്ശേരി കൂട്ട ബലാത്സംഗക്കേസ്: പ്രതികളുടെ ശിക്ഷ 30 വർഷമാക്കി ചുരുക്കി
കൊച്ചി: 2015ൽ കളമശ്ശേരിയില് തമിഴ് യുവതിയെ തട്ടിക്കൊണ്ടുപോയി കൂട്ട ബലാത്സംഗം ചെയ്ത കേസില് ആദ്യ നാലു പ്രതികളുടെ ശിക്ഷ ഹൈകോടതി 30 വർഷമാക്കി ചുരുക്കി. അഞ്ചാം പ്രതിയെ വെറുതെ വിട്ട കോടതി ആറാം പ്രതിയുടെ മൂന്നുവർഷം തടവുശിക്ഷ ശരിവെച്ചു. ഒന്നു മുതൽ നാലുവരെ പ്രതികളായ തൃക്കാക്കര തേവക്കൽ വി.കെ.സി കോളനി പറക്കാട്ട് വീട്ടില് അതുല് പി. ദിവാകരന് (22), ആലുവ എടത്തല മുരുതക്കാട് കൊല്ലറ വീട്ടില് അനീഷ് (22), ആലുവ മണലിമുക്ക് പാറയില് വീട്ടില് മനോജ് (21),…