Ernakulam News
മൂവാറ്റുപുഴ ജനറല് ആശുപത്രി;ട്രാന്സ്ഫോര്മര് സ്ഥാപിക്കാൻ അധികഫണ്ടിന് ആരോഗ്യ വകുപ്പിനെ സമീപിച്ച് നഗരസഭ
മൂവാറ്റുപുഴ: ജനറല് ആശുപത്രിയിലെ ഓപറേഷന് തിയറ്റര് ലേബര് റൂം തുറന്ന് പ്രവര്ത്തിപ്പിക്കാന് ആവശ്യമായ അധിക ട്രാന്സ്ഫോര്മര് സ്ഥാപിക്കാൻ 28 ലക്ഷം രൂപ കൂടുതലായി അനുവദിക്കണം എന്നാവശ്യപ്പെട്ട് നഗരസഭ ചെയര്മാന് പി.പി. എല്ദോസ് ആരോഗ്യ മന്ത്രി വീണ ജോര്ജിന് നിവേദനം നല്കി. ഇതേ ആവശ്യം ഉന്നയിച്ച് ആശുപത്രി സൂപ്രണ്ട് ആരോഗ്യ വകുപ്പ് ഡയറക്ടർക്കും അപേക്ഷ സമര്പ്പിച്ചു. ലക്ഷ്യ പ്രൊജക്റ്റില് ഉള്പ്പെടുത്തി നിര്മ്മിച്ച ഓപ്പറേഷൻ തീയേറ്റർ കം ലേബർ റൂം തുറന്നു പ്രവർത്തിപ്പിക്കാൻ വൈദ്യുത സംവിധാനത്തിന്റെ പവർ കൂട്ടേണ്ടതുണ്ട്. ഇതിനായി…
സമഗ്ര ശിക്ഷ അഭിയാൻ; നാലുവർഷത്തിനിടെ എറണാകുളംജില്ലയിൽ ചെലവഴിച്ചത് 699.33 ലക്ഷം
കൊച്ചി: സ്കൂൾ വിദ്യാഭ്യാസ മേഖലയിലെ പദ്ധതിയായ സമഗ്ര ശിക്ഷ അഭിയാൻ പ്രകാരം ജില്ലയിൽ കഴിഞ്ഞ നാലുവർഷത്തിനിടെ 699.33 ലക്ഷം രൂപ ചെലവഴിച്ചതായി കേന്ദ്രസർക്കാർ. ഹൈബി ഈഡൻ എം.പി ഉന്നയിച്ച ചോദ്യത്തിന് കേന്ദ്ര വിദ്യാഭ്യാസ സഹമന്ത്രി അന്നപൂർണ ദേവി നൽകിയ മറുപടിയിലാണ് ഇക്കാര്യം വ്യക്തമാക്കുന്നത്. അടിസ്ഥാന സൗകര്യങ്ങൾക്കായി നൽകുന്ന ഫണ്ട്, പുനരുജ്ജീവന അടിസ്ഥാന സൗകര്യങ്ങൾക്കായി നൽകുന്ന ഫണ്ട് എന്നിങ്ങനെ രണ്ടുവിഭാഗങ്ങളിലായി 2019-20 സാമ്പത്തികവർഷം മുതൽ 2023-24 സാമ്പത്തികവർഷം വരെയാണ് 699.33 ലക്ഷം രൂപ ചെലവഴിച്ചത്. അടിസ്ഥാന സൗകര്യങ്ങൾക്കായി 2019-20…
ഫോർട്ട്കൊച്ചിയിൽ സുരക്ഷാ കാമറകൾ പ്രവർത്തനരഹിതമെന്ന് ആക്ഷേപം
ഫോർട്ട്കൊച്ചി: രാജ്യത്ത് ശ്രദ്ധേയമായ പുതുവർഷാഘോഷം നടക്കുന്ന ഫോർട്ട്കൊച്ചിയിൽ സുരക്ഷാ കാമറകൾ പ്രവർത്തന രഹിതം. കഴിഞ്ഞവർഷം പുതുവർഷ തലേന്ന് അഞ്ചുലക്ഷം സന്ദർശകർ വന്നതായി കണക്ക് രേഖപ്പെടുത്തിയിട്ടുള്ള ടൂറിസം മേഖലയിലാണ് സുരക്ഷാ കാമറകൾ പ്രവർത്തിക്കാത്തത്. പൊലീസും സി.എസ്.എം.എല്ലും ചേർന്ന് സ്ഥാപിച്ച കാമറകളാണ് കഴിഞ്ഞ ഒന്നര മാസത്തോളമായി പ്രവർത്തിക്കാതെ കിടക്കുന്നത്. കെ.എസ്.ഇ.ബി വൈദ്യുതി വിച്ഛേദിച്ചതാണ് കാമറകൾ കണ്ണടക്കാൻ കാരണമത്രെ. സി.എസ്.എം.എൽ 67 കാമറയാണ് വിവിധയിടങ്ങളിൽ സ്ഥാപിച്ചത്. ഇതിൽ മൂന്ന് കാമറ മാത്രമാണ് നിലവിൽ പ്രവർത്തിക്കുന്നത്. വൈദ്യുതി ഇല്ലാത്തതാണ് പ്രശ്നത്തിന് കാരണമെന്നതാണ് ശ്രദ്ധേയം.…
സ്റ്റേഡിയം ലിങ്ക് റോഡും തമ്മനം-പുല്ലേപ്പടി റോഡും തമ്മിൽ ചേരുന്ന ഭാഗത്ത് പുതിയ യു-ടേൺ പരിഷ്കാരത്തിന് തുടക്കമായി
കൊച്ചി: സ്റ്റേഡിയം ലിങ്ക് റോഡും തമ്മനം-പുല്ലേപ്പടി റോഡും തമ്മിൽ ചേരുന്ന ഭാഗത്ത് പുതിയ യു-ടേൺ പരിഷ്കാരത്തിന് തുടക്കമായി. ഈ ജങ്ഷനിൽ രാവിലെയും വൈകീട്ടുമുള്ള തിരക്കേറിയ സമയങ്ങളിലെ ഗതാഗതക്കുരുക്ക് ഒഴിവാക്കാനാണ് പുതിയ പരിഷ്കാരം സിറ്റി ട്രാഫിക് ഈസ്റ്റ് പൊലീസിന്റെ നേതൃത്വത്തിൽ ആരംഭിച്ചത്. നിലവിൽ പരീക്ഷണ അടിസ്ഥാനത്തിലാണ് നടപ്പാക്കുന്നതെന്നും ഒരാഴ്ചക്കുശേഷം തടസ്സങ്ങൾ വല്ലതുമുണ്ടെങ്കിൽ പരിഷ്കരിച്ച് പൂർണതോതിൽ നടപ്പാക്കുമെന്നും ഈസ്റ്റ് ട്രാഫിക് പൊലീസ് ഉദ്യോഗസ്ഥർ വ്യക്തമാക്കി. തിങ്കളാഴ്ച രാവിലെ 9.30നാണ് ഗതാഗത പരിഷ്കാരം ആരംഭിച്ചത്. നഗരത്തിലെ ഗതാഗതക്കുരുക്ക് ഒഴിവാക്കാൻ എറണാകുളത്തുനിന്ന് കാക്കനാട്…
സ്വകാര്യ ബസ്സും ബൈക്കും കൂട്ടിയിടിച്ച് ബൈക്ക് യാത്രക്കാരൻ മരിച്ചു
ആലുവ: സ്വകാര്യ ബസ്സും ബൈക്കും കൂട്ടിയിടിച്ച് ബൈക്ക് യാത്രക്കാരൻ മരിച്ചു. സഹയാത്രികന് പരിക്കേറ്റു. അമ്പലപ്പുഴ കഞ്ഞിപ്പാടം സ്വദേശിയും ആലുവ ഇൻഡസിൻഡ് ബാങ്ക് ഉദ്യോഗസ്ഥനുമായ ആർ. രാഹുലാണ് (27) മരിച്ചത്. എറണാകുളം റോഡിൽ പെട്രോൾ പമ്പിനു സമീപം തിങ്കളാഴ്ച വൈകീട്ടായിരുന്നു അപകടം. അപകടം നടന്നയുടൻ ഇരുവരെയും സമീപത്തെ കാരോത്തുകുഴി ഹോസ്പിറ്റലിൽ എത്തിച്ചെങ്കിലും രാഹുൽ മരിച്ചിരുന്നു. സഹയാത്രികനായിരുന്ന അമ്പലപ്പുഴ സ്വദേശിയും ഇൻഡസിൻഡ് ബാങ്ക് ജീവനക്കാരനുമായ അക്ഷയിയെ (27) കളമശ്ശേരി മെഡിക്കൽ കോളജ് ആശുപത്രിയിലേക്ക് മാറ്റി. രാഹുലിന്റെ മൃതദേഹം കാരോത്തുകുഴി ഹോസ്പിറ്റൽ…
കണ്ണൂരിൽ യൂത്ത് കോൺഗ്രസുകാരെ വധിക്കാൻ ശ്രമിച്ചത് രക്ഷാപ്രവര്ത്തനമാണെന്നും അത് തുടരണമെന്നും ആഹ്വാനം ചെയ്ത മുഖ്യമന്ത്രി ക്രിമിനലെന്ന് വി.ഡി. സതീശൻ
ആലുവ: കണ്ണൂരിൽ യൂത്ത് കോൺഗ്രസുകാരെ വധിക്കാൻ ശ്രമിച്ചത് രക്ഷാപ്രവര്ത്തനമാണെന്നും അത് തുടരണമെന്നും ആഹ്വാനം ചെയ്ത പിണറായി വിജയന് ക്രിമിനല് മനസുള്ളയാള് മാത്രമല്ല, ക്രിമിനല് കൂടിയാണെന്ന് പ്രതിപക്ഷ നേതാവ് വി.ഡി. സതീശൻ. പിണറായിക്ക് മുഖ്യമന്ത്രി സ്ഥാനത്ത് തുടരാന് യോഗ്യതയില്ലെന്നും ഇറങ്ങിപ്പോകാന് മടിയാണെങ്കില് കേരള ജനതയോട് മാപ്പ് പറയണമെന്നും അദ്ദേഹം ആലുവയില് നടത്തിയ വാര്ത്താസമ്മേളനത്തിൽ ആവശ്യപ്പെട്ടു. ‘കണ്ണൂരില് കരിങ്കൊടി കാട്ടിയ കെ.എസ്.യു- യൂത്ത്കോണ്ഗ്രസ് പ്രവര്ത്തകരെ സി.പി.എം-ഡി.വൈ.എഫ്.ഐ ഗുണ്ടകള് ക്രൂരമായി മര്ദ്ദിച്ചത് രക്ഷാപ്രവര്ത്തനമാണെന്നും രക്ഷാപ്രവര്ത്തനം നടന്നില്ലായിരുന്നെങ്കില് അവരുടെ ജീവന് അപകടത്തിലാകുമെന്നും അത്…
പെൺകുട്ടിയെ പീഡിപ്പിച്ച മധ്യവയസ്കൻ അറസ്റ്റിൽ
ആലുവ: പ്രായപൂർത്തിയാകാത്ത പെൺകുട്ടിയെ പീഡിപ്പിച്ച കേസിൽ മധ്യവയസ്കൻ അറസ്റ്റിൽ. ചുണങ്ങംവേലി നെടുങ്ങൂർ വീട്ടിൽ സെബാസ്റ്റ്യനാണ് (59) എടത്തല പൊലീസിൻറെ പിടിയിലായത്. സംഭവശേഷം ഒളിവിൽ പോയ പ്രതിയെ ആലുവയിൽ നിന്നാണ് പൊലീസ് പിടികൂടിയത്. അന്വേഷണ സംഘത്തിൽ ഇൻസ്പെക്ടർ എ.എൻ. ഷാജു, എസ്.ഐമാരായ ഷെബാബ് കെ കാസിം, അബ്ദുൽ അസീസ്, എ.എസ്.ഐ ജോസ് കെ. ഫിലിപ്പ്, എസ്.സി.പി.ഒ ഷെബിൻ എന്നിവരാണ് ഉണ്ടായിരുന്നത്. അതിനിടെ, ഇന്നലെ കാസർകോട് കുമ്പളയിൽ മാതാവിനൊപ്പം ആശുപത്രിയിലെത്തിയ 10 വയസ്സുകാരിക്ക് നേരെ പീഡന ശ്രമം നടന്ന സംഭവത്തിൽ…
കേരളത്തിൽ അന്തർ സംസ്ഥാനക്കാർക്കിടയിൽ ക്രിമിനൽ കേസുകൾ വർധിക്കുന്നു ; നാലുമാസത്തിനിടെ എറണാകുളത്ത് നടന്നത് നാല് കൊലപാതകങ്ങൾ
കൊച്ചി: കേരളത്തിൽ അന്തർ സംസ്ഥാനക്കാർക്കിടയിൽ ക്രിമിനൽ കേസുകൾ വർധിക്കുന്നു. നാലുമാസത്തിനിടെ എറണാകുളം ജില്ലയിൽ മാത്രം നാല് ക്രൂര കൊലപാതകങ്ങൾ നടന്നതോടെയാണ് ഇതുസംബന്ധിച്ച ചർച്ചകളും സജീവമായത്. പൊലീസ് കണക്കനുസരിച്ച് കഴിഞ്ഞ ആഗസ്റ്റ് വരെ സംസ്ഥാനത്ത് ഇവർക്കിടയിൽ റിപ്പോർട്ട് ചെയ്തത് 6794 ക്രിമിനൽ കേസുകളാണ്. ഇതിൽ 161 കൊലപാതക കേസുകളും 834 പീഡനക്കേസുകളും ഉൾപ്പെടുന്നുണ്ട്. തൊഴിൽ വകുപ്പിന്റെ കണക്കനുസരിച്ച് സംസ്ഥാനത്ത് ഏറ്റവുമധികം അന്തർസംസ്ഥാനക്കാരുള്ള ജില്ലയാണ് എറണാകുളം. ജൂലൈ 28ന് ആലുവയിൽ അഞ്ച് വയസ്സുകാരി ബാലികയെ ക്രൂരമായി ബലാത്സംഗം ചെയ്ത് കൊന്ന…
എടവനക്കാട് പഞ്ചായത്തിലെ കുടിവെള്ളക്ഷാമം പരിഹരിക്കാൻ നടപടി പുരോഗമിക്കുന്നു
വൈപ്പിൻ: എടവനക്കാട് പഞ്ചായത്തിലെ കുടിവെള്ളക്ഷാമം പരിഹരിക്കാൻ നടപടി പുരോഗമിക്കുന്നു. തിങ്കളാഴ്ച കണ്ണൂരിൽനിന്ന് വിദഗ്ധ സംഘമെത്തി അയ്യമ്പിള്ളിയിൽ വെള്ളത്തിനടിയിലൂടെ കടന്നുപോകുന്ന പൈപ്പിൽ രൂപപ്പെട്ടിരുന്ന വിള്ളൽ വൈകീട്ടോടെ പരിഹരിച്ചു. തുടർന്ന് ഇല്ലത്തുപടിയിലെ വാൽവും തുറന്നു. ഇതോടെ ജലവിതരണം സാധാരണ നിലയിലാകുമെന്നാണ് സൂചന. കഴിഞ്ഞ ദിവസങ്ങളിലെ ശക്തമായ സമരങ്ങൾക്കുശേഷം ജല അതോറിറ്റി അധികൃതരുമായി ഉണ്ടാക്കിയ ധാരണ പ്രകാരമാണ് രാവിലെയോടെ പണികൾ ആരംഭിച്ചത്. എന്നാൽ, ആഴ്ചകളായി കുടിവെള്ളം മുടങ്ങിയ പ്രദേശത്ത് ജലവിതരണം സാധാരണ നിലയിലാകാൻ അൽപംകൂടി സമയമെടുക്കുമെന്നാണ് കരുതുന്നത്. രണ്ടാഴ്ചയായി എടവനക്കാട് തീരമേഖലയിൽ…
സ്കൂളിനു സമീപം കുപ്പിച്ചില്ലുകളും മാലിന്യവും തള്ളുന്നു
പെരുമ്പാവൂര്: ഒക്കല് ശ്രീനാരായണ ഹയര് സെക്കന്ഡറി സ്കൂളിനു പിന്നിലെ കനാല് റോഡില് കുപ്പിച്ചില്ലുകള് ഉൾപ്പെടെ മാലിന്യം തള്ളി. റോഡില് കുപ്പിച്ചില്ലുകളും പ്ലാസ്റ്റിക് അവശിഷ്ടങ്ങളും ചപ്പുചവറുകളും കുന്നുകൂടിയ സ്ഥിതിയാണ്. മഴ പെയ്യുമ്പോള് കുപ്പിച്ചില്ലുകള് വഴിയിലേക്ക് ഒഴുകുന്നത് കാല്നടക്കാർക്ക് ഭീഷണിയാണ്. രാത്രിയുടെ മറവിലാണ് മാലിന്യം തള്ളുന്നതെന്ന് നാട്ടുകാര് പറയുന്നു. സ്കൂളിന്റെ പിറകുവശത്തുള്ള നൂറുകണക്കിന് വിദ്യാര്ഥികളും പടിഞ്ഞാറെ ചേലാമറ്റം, പെരുമറ്റം, തുരുത്ത്, താന്നിപ്പുഴ എന്നിവിടങ്ങളിലുള്ളവരും ആശ്രയിക്കുന്ന റോഡിലാണ് മാലിന്യക്കൂമ്പാരം. രണ്ടു മാസത്തോളമായി ഇത് കൂടിക്കിടക്കുകയാണ്. ഇതോടെ സമീപ പ്രദേശങ്ങളിലുള്ളവര് ഇവിടെ മാലിന്യം…