Ernakulam News
കക്കടാശ്ശേരി പാലത്തിന് നടപ്പാത വേണമെന്ന ആവശ്യം ശക്തം
മൂവാറ്റുപുഴ: നവീകരണം നടക്കുന്ന കക്കടാശ്ശേരി-കാളിയാർ റോഡിന്റെ തുടക്കത്തിൽ കക്കടാശ്ശേരി പാലത്തിന് നടപ്പാത നിർമിക്കണമെന്ന ആവശ്യം ശക്തമായി. ഡ്രെയിനേജ് ഉൾപ്പെടെ എട്ടുമീറ്റർ വീതിയിൽ നിർമാണം പൂർത്തിയാകുന്ന റോഡിന്റെ ആരംഭത്തിലുള്ള പാലത്തിന്റെ വീതി ആറു മീറ്ററിൽ താഴെയാണ്. ഈ സാഹചര്യത്തിലാണ് സമാന്തരമായി ഇരുമ്പ് നിർമിത നടപ്പാത നിർമിക്കണമെന്ന ആവശ്യം ഉയരുന്നത്. ആറര പതിറ്റാണ്ടുമുമ്പ് നിർമിച്ച പാലത്തിന് റോഡ് നവീകരണ ഭാഗമായി നടപ്പാലത്തിന് പദ്ധതി തയാറാക്കിയിരുന്നങ്കിലും അവസാനനിമിഷം ഒഴിവാക്കുകയായിരുന്നു. ഡി.പി.ആർ തയാറാക്കുന്ന സമയത്ത് ഇക്കാര്യം ഉൾപ്പെടുത്തിയിരുന്നെങ്കിലും പ്രോജക്ടിൽ മാറ്റം വരുത്തിയതാണ് നടപ്പാലം ഒഴിവാകാൻ…
ഫോർട്ട്കൊച്ചി പാർക്ക് നവീകരണം ഇഴയുന്നു
ഫോർട്ടുകൊച്ചി: നെഹ്റുവിന്റെ സ്മരണാർഥം സ്ഥാപിച്ച കൊച്ചി നഗരസഭ വക ഫോർട്ട്കൊച്ചി കുട്ടികളുടെ പാർക്കിന്റെ നവീകരണം ഇഴയുന്നു. ക്രിസ്മസ് അവധി ആഘോഷിക്കാൻ കഴിയാനാകാത്ത അവസ്ഥയാണ് നേരിടുന്നത്. നവംബറിനു മുമ്പ് പണിതീർത്ത് തുറന്ന് കൊടുക്കുമെന്നാണ് സി.എസ്.എം.എൽ അധികൃതർ പറഞ്ഞിരുന്നത്. എന്നാൽ, അവധിക്കാലം എത്തിയിട്ടും വേണ്ടത്ര ജോലിക്കാരെ നിയമിക്കാതെ പണി ഏതാണ്ട് പ്രാരംഭഘട്ടത്തിൽ തന്നെ. പാർക്കിന്റെ നല്ലൊരു ഭാഗവും പൊളിച്ചിട്ടിരിക്കുകയാണ്. ഫോർട്ട്കൊച്ചി മേഖലയിലെ കുട്ടികളുടെ പ്രധാന വിനോദ കേന്ദ്രമാണിത്. ടൂറിസ്റ്റ് സീസൺ തുടങ്ങിയപ്പോൾ മുതൽ സഞ്ചാരികൾക്കൊപ്പം കൊച്ചി കാണാനെത്തുന്ന കുട്ടികളും വിനോദത്തിന്…
നടുക്കര പൈനാപ്പിൾ കമ്പനിയുടെ വൈദ്യുതി വിച്ഛേദിച്ചു; പ്രവർത്തനം നിലച്ചു
മൂവാറ്റുപുഴ: വൈദ്യുതി കുടിശ്ശികയെ തുടർന്ന് വാഴക്കുളം അഗ്രോ ആൻഡ് ഫ്രൂട്ട് പ്രോസസിങ് കമ്പനിയിലേക്കുള്ള വൈദ്യുതി കെ.എസ്.ഇ.ബി വിഛേദിച്ചു. ഇതോടെ ഭാഗികമായി പ്രവർത്തിച്ചിരുന്ന കമ്പനിയുടെ പ്രവർത്തനം പൂർണമായും നിലച്ചു. നവംബർ വരെ 14.49 ലക്ഷം രൂപയുടെ കുടിശ്ശിക അടക്കാൻ പലവട്ടം നോട്ടിസ് നൽകിയിട്ടും പണം അടച്ചിരുന്നില്ല. വ്യാഴാഴ്ച കമ്പനി എം.ഡി കെ.എസ്.ഇ.ബിയിൽനിന്ന് സാവകാശം തേടിയിരുന്നു. കെ.എസ്.ഇ.ബി ഉദ്യോഗസ്ഥർ കമ്പനിയുടെ അകത്ത് പ്രവേശിക്കാതെ പുറത്തു നിന്നാണ് വൈദ്യുതി വിഛേദിച്ചത്. അകത്ത് കടന്നു വൈദ്യുതി വിഛേദിക്കാൻ കഴിഞ്ഞ മാസം കെ.എസ്.ഇ.ബി നടത്തിയ…
പി ആൻഡ് ടി കോളനിയിലെ 77 കുടുംബങ്ങളെ പുതിയ ഫ്ലാറ്റ് സമുച്ചയത്തിലേക്ക് മാറ്റും
കൊച്ചി: അടിക്കടിയുണ്ടാകുന്ന വെള്ളക്കെട്ടിൽ ദുരിതത്തിലായ പി ആൻഡ് ടി കോളനിക്കാർക്കായി മുണ്ടംവേലിയിൽ പണിത ഫ്ലാറ്റ് സമുച്ചയത്തിലേക്ക് കോളനിയിൽനിന്നുള്ള 77 കുടുംബങ്ങളെ മാറ്റും. കോർപറേഷൻ കൗൺസിൽ യോഗത്തിലാണ് തീരുമാനം. കോളനിയിൽ അടുത്തകാലങ്ങളിലായി വന്നുതാമസിക്കാൻ തുടങ്ങിയ അഞ്ചു കുടുംബങ്ങളുടെ കാര്യം അടുത്ത കൗൺസിലിൽ തീരുമാനിക്കുമെന്ന് മേയർ എം. അനിൽകുമാർ വ്യക്തമാക്കി. ജി.സി.ഡി.എയും ലൈഫ് മിഷനും ചേർന്ന് തോപ്പുംപടി മുണ്ടംവേലിയിൽ നിർമിച്ച ഇരട്ട ഫ്ലാറ്റ് സമുച്ചയങ്ങളുടെ ഉദ്ഘാടനം മാസങ്ങൾക്കുമുമ്പ് നടന്നിട്ടും കോളനിക്കാരെ മാറ്റുന്ന കാര്യത്തിൽ തീരുമാനമായിരുന്നില്ല. 82 യൂനിറ്റാണ് ഫ്ലാറ്റിൽ ഒരുക്കിയിട്ടുള്ളത്.…
കഞ്ചാവ് പിടികൂടിയ സംഭവത്തിൽ ഒളിവിൽപോയ പ്രതി സഹകരണ ബാങ്കിൽനിന്ന് അറസ്റ്റിലായി
പറവൂർ: കെ.എസ്.ആർ.ടി.സി സ്റ്റാൻഡിന് എതിർവശത്തുള്ള വീട്ടിൽനിന്ന് കഞ്ചാവ് പിടികൂടിയ സംഭവത്തിലെ മുഖ്യപ്രതി ലാവണ്യ വീട്ടിൽ നിഥിൻ (22) എക്സൈസിന്റെ പിടിയിലായി. പറവൂർ സഹകരണ ബാങ്കിൽ സാമ്പത്തിക ഇടപാടിനെത്തിയപ്പോഴാണ് എക്സൈസ്, പൊലീസ് സംഘത്തിന് മുന്നിൽ ഇയാൾ കുടുങ്ങിയത്. ചൊവ്വാഴ്ച വൈകീട്ട് എക്സൈസ് സംഘം പരിശോധനക്ക് എത്തുമ്പോൾ നിഥിൻ വീട്ടിലുണ്ടായിരുന്നു. വീടിനകത്ത് നായെ അഴിച്ചുവിട്ടതിനാൽ ഉദ്യോഗസ്ഥർക്ക് പെട്ടെന്ന് അകത്തുകടക്കാനായിരുന്നില്ല. ഈ തക്കംനോക്കി ഇയാൾ എക്സൈസിന്റെ കണ്ണുവെട്ടിച്ച് കടന്നുകളയുകയായിരുന്നു. മരിച്ചുപോയ ഇയാളുടെ മാതാവിന്റെ പേരിലുള്ള സ്ഥിരനിക്ഷേപത്തിൽനിന്ന് പണം പിൻവലിക്കാൻ രണ്ട് സുഹൃത്തുക്കൾക്കൊപ്പമാണ്…
ഫിഷറീസ് ഹാർബറിന്റെ സ്തംഭനാവസ്ഥ തുടരുന്നു; രണ്ടാംഘട്ട സമരം തുടങ്ങി
മട്ടാഞ്ചേരി: കൊച്ചി ഫിഷറീസ് ഹാർബർ നവീകരണജോലികളിലെ സ്തംഭനാവസ്ഥ പരിഹരിക്കണമെന്ന് ആവശ്യപ്പെട്ട് ഹാർബർ സംരക്ഷണ സമിതിയുടെ നേതൃത്വത്തിൽ രണ്ടാംഘട്ട സമരം ആരംഭിച്ചു. ഹാർബറിലെ അസി. ട്രാഫിക് മാനേജറുടെ ഓഫിസ് ഉപരോധിച്ചാണ് രണ്ടാംഘട്ട സമരം തുടങ്ങിയത്. 2021-22 കേന്ദ്ര ബജറ്റിൽ രാജ്യത്തെ അഞ്ച് മത്സ്യബന്ധന തുറമുഖങ്ങൾ അന്താരാഷ്ട്ര നിലവാരത്തിലേക്ക് ഉയർത്തുന്നതിന് തെരഞ്ഞെടുത്തതിൽ ഒന്ന് കൊച്ചിയായിരുന്നു. 140 കോടിയുടെ പദ്ധതിയിൽ അത്യാധുനിക മത്സ്യശേഖരണ സംവിധാനങ്ങൾ, കയറ്റിറക്ക് സൗകര്യങ്ങൾ, തൊഴിലാളികൾക്ക് വിശ്രമ കേന്ദ്രം, താപനില നിയന്ത്രിത ലേലകേന്ദ്രം, പാക്കിങ് യൂനിറ്റുകൾ ഉൾപ്പെടെ ഹാർബറിനെ…
കുസാറ്റ് ദുരന്തം: അഞ്ച് അന്വേഷണങ്ങൾ നടക്കുന്നുണ്ടെന്ന് രജിസ്ട്രാർ; കക്ഷി ചേരാൻ മുൻ പ്രിൻസിപ്പലിന്റെ ഹരജി
കൊച്ചി: നാലുപേരുടെ മരണത്തിനിടയാക്കിയ കുസാറ്റ് ഓപൺ എയർ ഓഡിറ്റോറിയത്തിലെ നവംബർ 25നുണ്ടായ ദുരന്തം സംബന്ധിച്ച് നാല് അന്വേഷണങ്ങളും മജിസ്റ്റീരിയൽ അന്വേഷണവും പുരോഗമിക്കുന്നതായി സർവകലാശാല രജിസ്ട്രാർ ഹൈകോടതിയിൽ. ടെക്ക് ഫെസ്റ്റിന്റെ സമാപന ദിനത്തിൽ സംഗീതപരിപാടിക്കായി തടിച്ചുകൂടിയ ജനക്കൂട്ടത്തിന്റെ തിക്കിലും തിരക്കിലും വിദ്യാർഥികൾ മരണപ്പെട്ട സംഭവത്തിൽ ജുഡീഷ്യൽ അന്വേഷണം ആവശ്യപ്പെട്ട് കെ.എസ്.യു സംസ്ഥാന പ്രസിഡന്റ് അലോഷ്യസ് സേവ്യർ നൽകിയ ഹരജിയിലാണ് രജിസ്ട്രാർ വി. മീരയുടെ വിശദീകരണം. സംഭവത്തെത്തുടർന്ന് നവംബർ 27ന് സർവകലാശാല സിൻഡിക്കേറ്റ് യോഗം സിൻഡിക്കേറ്റ് അംഗം കെ.കെ. കൃഷ്ണകുമാർ…
നഴ്സിങ് സീറ്റ് തട്ടിപ്പ്: ഇടനിലക്കാരന്റെ സുഹൃത്തിനെ തട്ടിക്കൊണ്ടുപോയ അഞ്ചു പേർ അറസ്റ്റിൽ
കൊച്ചി: പണം വാങ്ങിയിട്ടും വാഗ്ദാനം ചെയ്ത നഴ്സിങ് സീറ്റ് നൽകാത്തതിന് യുവാവിനെ തട്ടിക്കൊണ്ടുപോയി മർദിച്ച് കവർച്ച നടത്തി വഴിയിൽ ഉപേക്ഷിച്ച സംഘത്തിലെ അഞ്ചു പേർ അറസ്റ്റിൽ. എറണാകുളത്ത് വാടകക്ക് താമസിക്കുന്ന ചാവക്കാട് സ്വദേശി ജോഷി മാത്യുവിനെയാണ് തട്ടിക്കൊണ്ടുപോയത്. ആലപ്പുഴ സ്വദേശികളായ റഈസ് (33), കൃഷ്ണ എം. നായർ (19), തൃശൂർ സ്വദേശി ജോവി ജോഷി (27), കളമശ്ശേരി സ്വദേശി നസറുദ്ദീൻ (27), ഏലൂർ സ്വദേശി നൽകുൽ എസ്. ബാബു (35) എന്നിവരെയാണ് പാലാരിവട്ടം പൊലീസ് അറസ്റ്റ് ചെയ്തത്.…
മാർപാപ്പയുടെ വിഡിയോ സന്ദേശം: അന്വേഷണം വേണമെന്ന് വൈദിക യോഗം
കൊച്ചി: മാർപാപ്പയുടെ വിഡിയോ സന്ദേശത്തിൽ വസ്തുതകൾക്ക് നിരക്കാത്ത കാര്യങ്ങൾ കടന്നു കൂടിയതിനെക്കുറിച്ച് സമഗ്ര അന്വേഷണം വേണമെന്ന് വൈദികയോഗം ആവശ്യപ്പെട്ടു. അഡ്മിനിസ്ട്രേറ്റര് സ്ഥാനത്തുനിന്ന് വത്തിക്കാന് നീക്കിയ ആര്ച് ബിഷപ് ആന്ഡ്രൂസ് താഴത്ത് ഇനി എറണാകുളം-അങ്കമാലി അതിരൂപതയുടെ വിഷയങ്ങളില് ഇടപെടരുതെന്നും യോഗം ആവശ്യപ്പെട്ടു. ആര്ച് ബിഷപ് സിറില് വാസില് മാധ്യമങ്ങളോട് പറഞ്ഞതുപോലെ സംഭാഷണത്തിന്റെയും ചര്ച്ചകളുടെയും പാതയിലൂടെയാണെങ്കില് അദ്ദേഹത്തോട് സഹകരിക്കുമെന്ന് യോഗാധ്യക്ഷന് ഫാ. ജോസ് ഇടശ്ശേരി പറഞ്ഞു. വസ്തുതാപരമായ തെറ്റുകളും അവ്യക്തതകളും നിറഞ്ഞ സന്ദേശത്തിന്റെ ഉറവിടം ആര്ച് ബിഷപ് ആന്ഡ്രൂസ് താഴത്തും…
വീട്ടിൽ നിന്ന് രണ്ട് കിലോ കഞ്ചാവ് പിടികൂടി
പറവൂർ: കെ.എസ്.ആർ.ടി.സി സ്റ്റാൻഡിന് എതിർവശത്തുള്ള വീട്ടിൽ നിന്ന് രണ്ട് കിലോ കഞ്ചാവ് പിടികൂടി. വീട്ടുടമ മനോജ് കുമാർ (53) നെ അറസ്റ്റ് ചെയ്തു. ചൊവ്വാഴ്ച വൈകീട്ട് 6.30നാണ് എക്സൈസ് സംഘം പരിശോധനക്കെത്തിയത്. മനോജും മകനുമാണ് ഇവിടെ താമസം. നിധിൻ നായയെ അഴിച്ചുവിട്ടതിനാൽ എക്സൈ് ഉദ്യോഗസ്ഥർക്ക് അകത്തു കടക്കാനായില്ല. ഈ സമയം വീടിന്റെ മുകളിലത്തെ നിലയിൽ നിന്ന് നിധിൻ രക്ഷപ്പെട്ടു. അകത്തു കയറിയ ഉദ്യോഗസ്ഥർ മുറികൾ തുറന്ന് നൽകാൻ ആവശ്യപ്പെട്ടെങ്കിലും മനോജ് കൂട്ടാക്കിയില്ല. ഒടുവിൽ ബലം പ്രയോഗിച്ച് തുറന്ന…