അങ്കമാലി തീപിടിത്തം; ഷോർട്ട്​ സർക്യൂട്ടെന്ന്​ പ്രാഥമിക നിഗമനം

അ​ങ്ക​മാ​ലി: വെ​ള്ളി​യാ​ഴ്ച ക​റു​കു​റ്റി ന്യൂ ​ഇ​യ​ർ ഗ്രൂ​പ്പി​ന്‍റെ മൂ​ന്നു​നി​ല കെ​ട്ടി​ട​ത്തി​ൽ തീ​പി​ടി​ത്ത​ത്തി​ന്​ ഇ​ട​യാ​ക്കി​യ​ത് ഷോ​ർ​ട്ട്​ സ​ർ​ക്യൂ​ട്ടെ​ന്ന് പ്രാ​ഥ​മി​ക നി​ഗ​മ​നം. എ​ങ്കി​ലും ഇ​ല​ക്ട്രി​ക്, സ​യ​ന്‍റി​ഫി​ക് വി​ഭാ​ഗ​ങ്ങ​ളു​ടെ വി​ദ​ഗ്​​ധ പ​രി​ശോ​ധ​ന​ക്ക് ശേ​ഷ​മേ കാ​ര​ണ​വും നാ​ശ​ന​ഷ്ട​ങ്ങ​ളു​ടെ കൃ​ത്യ​മാ​യ ക​ണ​ക്കു​ക​ളും വ്യ​ക്ത​മാ​കൂ. അ​ട്ടി​മ​റി സാ​ധ്യ​ത​യും അ​ന്വേ​ഷി​ക്കും. ഭി​ന്ന​ശേ​ഷി​ക്കാ​ര​ന്‍റെ ദാ​രു​ണാ​ന്ത്യ​വും 24ഓ​ളം ജീ​വ​ന​ക്കാ​ർ ജോ​ലി ചെ​യ്യു​​മ്പോ​ഴു​ണ്ടാ​യ തീ​പി​ടി​ത്ത​വും കോ​ടി​ക​ൾ വി​ല​വ​രു​ന്ന വാ​ഹ​ന​ങ്ങ​ളും കെ​ട്ടി​ട​വും പൂ​ർ​ണ​മാ​യി ക​ത്തി​ച്ചാ​മ്പ​ലാ​യ​തും അ​ട്ടി​മ​റി സാ​ധ്യ​ത​യി​ല്ലെ​ന്ന ക​ണ​ക്കു​കൂ​ട്ട​ൽ​പോ​ലെ അ​ന്വേ​ഷ​ണ​ങ്ങ​ൾ​ക്കും വ​ഴി​തി​രി​ക്കാ​നാ​ണ് സാ​ധ്യ​ത.

ഏ​ഴ​ര മ​ണി​ക്കൂ​ർ നീ​ണ്ട വ​ൻ​തീ​പി​ടി​ത്ത​ത്തി​ൽ കോ​ടി​ക​ളു​ടെ നാ​ശ​ന​ഷ്ട​മാ​ണ്​ ഉ​ണ്ടാ​യി​ട്ടു​ള്ള​ത്. മൂ​ന്ന് നി​ല​യി​ലെ​യും മു​റി​ക​ളും പ​രി​സ​ര​വും ക​ട​ഞ്ഞെ​ടു​ത്ത തേ​ക്ക് മ​ര​ങ്ങ​ൾ​കൊ​ണ്ട് ആ​ധു​നി​ക രീ​തി​യി​ലാ​ണ് നി​ർ​മി​ച്ചി​ട്ടു​ള്ള​ത്.

ഗ്രൗ​ണ്ട് ഫ്ലോ​റി​ലും പോ​ർ​ച്ചി​ലും മ​റ്റും ക​യ​റു​ക​ളും ച​കി​രി​ച്ചോ​റു​ക​ളും കൊ​ണ്ടാ​ണ് ഇ​ന്‍റീ​രി​യ​ൽ വ​ർ​ക്കു​ക​ൾ ചെ​യ്തി​രു​ന്ന​ത്. അ​തി​നോ​ട് ചേ​ർ​ന്നാ​ണ് ക്രി​സ്മ​സി​നോ​ട​നു​ബ​ന്ധി​ച്ച് ന​ക്ഷ​ത്ര​ങ്ങ​ളും അ​ല​ങ്കാ​ര​ങ്ങ​ളും ഏ​ർ​പ്പെ​ടു​ത്തി​യ​ത്. ഇ​ന്‍റീ​രി​യ​ൽ വ​ർ​ക്കു​ക​ളി​ലു​ണ്ടാ​യ ഷോ​ർ​ട്ട് സ​ർ​ക്യൂ​ട്ടാ​കാം ക​ത്തി​പ്പ​ട​ർ​ന്ന് തീ​ജ്വാ​ല​യാ​യി തീ​ർ​ന്ന​തെ​ന്നാ​ണ് സൂ​ച​ന.

അ​ടി​മു​ത​ൽ മു​ക​ൾ​വ​രെ മ​ണി​ക്കൂ​റു​ക​ൾ​കൊ​ണ്ട് പൂ​ർ​ണ​മാ​യും ക​ത്തി​യ​തോ​ടെ കെ​ട്ടി​ട​ത്തി​ന്‍റെ ഇ​രു​മ്പ് തൂ​ണു​ക​ളും അ​നു​ബ​ന്ധ സാ​മ​ഗ്രി​ക​ൾ തു​ട​ങ്ങി കോ​ൺ​ക്രീ​റ്റ് ക​മ്പി​ക​ൾ​വ​രെ ക​ത്തി​പ്പ​ഴു​ത്തു​രു​കി നി​ലം പൊ​ത്തു​ക​യാ​യി​രു​ന്നു. കെ​ട്ടി​ടം അ​റ്റ​കു​റ്റ​പ്പ​ണി ന​ട​ത്തി ഉ​പ​യോ​ഗി​ക്കാ​ൻ സാ​ധി​ക്കാ​ത്ത അ​വ​സ്ഥ​യാ​ണ്.

പൂ​ർ​ണ​മാ​യും പൊ​ളി​ച്ച് ക​ള​യേ​ണ്ടി​വ​രും. വെ​ള്ളി​യാ​ഴ്ച രാ​ത്രി ത​ന്നെ ഉ​ന്ന​ത പൊ​ലീ​സ് ഉ​ദ്യോ​ഗ​സ്ഥ​രും എ​റ​ണാ​കു​ളം, ഇ​ടു​ക്കി ജി​ല്ല​ക​ളു​ടെ ചു​മ​ത​ല​യു​ള്ള റീ​ജ​ന​ൽ ഫ​യ​ർ ഓ​ഫി​സ​ർ സു​ജി​ത്കു​മാ​ർ, ജി​ല്ല ഫ​യ​ർ ഓ​ഫി​സ​ർ ഹ​രി​കു​മാ​ർ തു​ട​ങ്ങി​യ​വ​രും സം​ഭ​വ​സ്ഥ​ല​ത്തെ​ത്തി സ്ഥി​തി വി​ല​യി​രു​ത്തി. ക​റു​കു​റ്റി പൈ​നാ​ട​ത്ത് വീ​ട്ടി​ൽ പി.​പി. തോ​മ​സി​ന്‍റെ ഉ​ട​മ​സ്ഥ​ത​യി​ലു​ള്ള​താ​ണ് കെ​ട്ടി​ടം. തൃ​ശൂ​ർ മാ​മ്പ​റ ത​ല​ക്കോ​ട്ടു​പ​റ​മ്പി​ൽ എം.​എം. പ്ര​സാ​ദാ​ണ് പാ​ട്ട​ത്തി​നെ​ടു​ത്ത്​ സ്ഥാ​പ​നം ന​ട​ത്തി​വ​ന്നി​രു​ന്ന​ത്.