Ernakulam News
സദാചാര ഗുണ്ട ആക്രമണം; രണ്ടു പ്രതികൾ കൂടിയുണ്ടെന്ന് സൂചന
മൂവാറ്റുപുഴ: വാളകത്ത് സദാചാര ഗുണ്ട ആക്രമണത്തിൽ അരുണാചൽ സ്വദേശി അശോക് ദാസ് കൊല്ലപ്പെട്ട സംഭവത്തിൽ രണ്ടുപേർ കൂടി ഉൾപ്പെട്ടതായി സൂചന. അറസ്റ്റിലായ പത്തുപേരെ കസ്റ്റഡിയിൽ വാങ്ങി ചോദ്യം ചെയ്തതിനെ തുടർന്നാണ് രണ്ടുപേർ കൂടി സംഭവത്തിൽ ഉൾപ്പെട്ടിട്ടുണ്ടെന്ന സൂചന ലഭിച്ചത്. ഇവരെക്കുറിച്ച് യുവതികൾ നൽകിയ മൊഴിയിലും പരാമർശിച്ചിട്ടുണ്ട്. കേസിൽ തെളിവെടുപ്പ് പൂർത്തിയാക്കാനും നാലും എട്ടും പ്രതികൾ സംഭവ ദിവസം ധരിച്ച വസ്ത്രങ്ങൾ വീണ്ടെടുക്കാനുമാണ് പൊലീസ് മൂവാറ്റുപുഴ സബ്ജയിലിൽ റിമാൻഡിൽ കഴിഞ്ഞ 10 പേരെ കസ്റ്റഡിയിൽ വാങ്ങിയത്. നാലും എട്ടും…
ജില്ല ആശുപത്രിയിലെ ഓപറേഷൻ തിയറ്റർ അടച്ചിടൽ; ഗർഭിണികളും രോഗികളും ദുരിതത്തിൽ
ആലുവ: ജില്ല ആശുപത്രിയിലെ ഓപറേഷൻ തിയറ്റർ അടച്ചിട്ടതുമൂലം ഗർഭിണികളും രോഗികളും ദുരിതത്തിലായി. ജനറേറ്ററിന്റെയും വൈദ്യുതി വിതരണ ശൃംഖലയിലെയും തകരാർ പരിഹരിക്കുന്നതിനാണ് ഈ മാസം 24 വരെ തിയേറ്റർ അടച്ചിടുന്നതെന്നാണ് ആശുപത്രി അധികൃതർ പറയുന്നത്. എന്നാൽ, ഏതാനും നാളായി ഓപ്പറേഷൻ തിയറ്റർ പ്രവർത്തിക്കുന്നില്ലെന്നാണ് രോഗികൾ ആരോപിക്കുന്നത്. വൈദ്യുതി തകരാർ പരിഹരിക്കാൻ തുടക്കത്തിൽ ഒരു നടപടിയും കൈക്കൊള്ളാതിരുന്നതാണ് പ്രശ്നം കൂടുതൽ വഷളാകാൻ ഇടയാക്കിയത്. ആശുപത്രിയുടെ ദൈനം ദിന പ്രവർത്തനങ്ങൾ നോക്കാൻ പോലും ഉത്തരവാദിത്വമുള്ളവർ ഉണ്ടാകാറില്ലെന്നും ആക്ഷേപമുണ്ട്. ആറുകോടി മുടക്കി അത്യാധുനിക…
പ്ലാസ്റ്റിക് കമ്പനിയിലെ അഗ്നിബാധ; തൊഴിലാളികള് കത്തിച്ചതെന്ന് സംശയം
പെരുമ്പാവൂര്: പ്ലാസ്റ്റിക് കമ്പനിയിലുണ്ടായ തീപിടിത്തത്തിന് പിന്നില് രണ്ട് തൊഴിലാളികളാണെന്ന് ഉടമകള്. കഴിഞ്ഞ ഒമ്പതിന് ചേലാമറ്റം പോളിപ്ലാസ്റ്റ് എന്ന ‘ചെയര്മാന് ചെയര്’ കസേര നിര്മാണ കമ്പനിയിലുണ്ടായ അഗ്നിബാധക്ക് പിന്നില് രണ്ട് അന്തര് സംസ്ഥാന തൊഴിലാളികളാണെന്ന് സി.സി ടി.വി ദൃശ്യങ്ങള് ഉള്പ്പടെ തെളിവുകളോടെ ഉടമകള് പരാതി നല്കി. തീപിടിത്തം സ്വഭാവികമല്ലെന്ന് സംഭവമുണ്ടായ ദിവസം തന്നെ അഗ്നിരക്ഷ ഉദ്യോഗസ്ഥര് സൂചന നല്കിയിരുന്നു. ഷോര്ട്ട് സര്ക്യൂട്ടോ തീ പിടിക്കാനുള്ള മറ്റ് സാഹചര്യങ്ങളോ കെട്ടിടത്തിന് അകത്തും പുറത്തും ഉണ്ടായിരുന്നില്ല. ഇതേ തുടര്ന്ന് കമ്പനിയിലെ സി.സി…
കരാറുകാരുടെ പണിമുടക്ക്; കുടിവെള്ള പൈപ്പ് പൊട്ടി ജലം റോഡിൽ ഒഴുകുന്നു
മൂവാറ്റുപുഴ: കുടിവെള്ള പൈപ്പ് പൊട്ടി ജലം പാഴാകാൻതുടങ്ങിയിട്ട് ദിവസങ്ങൾ പിന്നിട്ടതോടെ പ്രതിഷേധവുമായി നാട്ടുകാർ രംഗത്തിറങ്ങി. ആവോലി ഗ്രാമപഞ്ചായത്ത് പതിനാലാം വാർഡിലെ ഹോസ്റ്റൽ ജങ്ഷനിൽ നിന്നുംആരംഭിച്ച് മൂവാറ്റുപുഴ നിർമല കോളജിന് സമീപം അവസാനിക്കുന്ന റോഡിലാണ് നാല് ദിവസമായി കുടിവെള്ള പൈപ്പ് പൊട്ടി വെള്ളം പാഴാകുന്നത്. ആവോലി പഞ്ചായത്തിലെ 1, 12 ,13 ,14 വാർഡുകളിലേക്ക് ടാങ്കിൽനിന്നു കുടിവെള്ളം എത്തിക്കുന്ന പ്രധാന പൈപ്പാണ് പൊട്ടിയത്. ഇതിനകം ലക്ഷക്കണക്കിന് ലിറ്റർ കുടിവെള്ളം പാഴായിട്ടുണ്ട്. പൈപ്പ് പൊട്ടിയ ഉടൻ നാട്ടുകാർ വിവരം അധികൃതരെ…
പൊലീസ് സ്റ്റേഷനിൽ സൂക്ഷിച്ച കാറുമായി മുങ്ങി; സാഹസികമായി പിന്തുടർന്ന് പൊക്കി
അങ്കമാലി: വിൽപന സംബന്ധിച്ച തർക്കത്തെ തുടർന്ന് പൊലീസ് പിടികൂടി സ്റ്റേഷൻ വളപ്പിൽ സൂക്ഷിച്ച കാർ, വിൽപന സംഘാംഗം രാത്രി എടുത്തുകൊണ്ടുപോയി. ഇയാളെ പൊലീസ് സാഹസികമായി പിന്തുടർന്ന് പിടികൂടി. മലപ്പുറം തിരുനാവായ അനന്തപുരം ചാലമ്പാട്ട് വീട്ടിൽ സിറാജുദ്ദീനാണ് (43) അറസ്റ്റിലായത്. തിങ്കളാഴ്ച രാത്രി 10നാണ് സംഭവം. രണ്ട് ദിവസം മുമ്പ് അങ്കമാലി എം.സി റോഡിൽനിന്ന് പൊലീസ് കസ്റ്റഡിയിലെടുത്ത ഇന്നോവ കാറാണ് ‘സ്പെയർ കീ’ ഉപയോഗിച്ച് സിറാജുദ്ദീൻ എടുത്തുകൊണ്ടുപോയത്. പൊലീസ് നോക്കി നിൽക്കെയാണ് സ്റ്റേഷൻ വളപ്പിലെ കസ്റ്റഡിയിലെടുത്ത വാഹനങ്ങൾ സൂക്ഷിക്കുന്ന…
മയക്കുമരുന്ന് വില്പന വ്യാപകമാകുന്നതില് പ്രതിഷേധം
പെരുമ്പാവൂര്: കണ്ടന്തറ മേഖലയില് മയക്കുമരുന്ന് വില്പന വ്യാപകമാകുന്നതില് പ്രതിഷേധമുയരുന്നു. ദിനംപ്രതി ഹെറോയിന് ഉള്പ്പെടെ മുന്തിയ ഇനം മയക്കുമരുന്നുകള് പിടികൂടുന്നുണ്ടെങ്കിലും ഇതിന് പിന്നില് പ്രവര്ത്തിക്കുന്ന യഥാര്ഥ കച്ചവടക്കാരെ പിടികൂടാന് പൊലീസിനും എക്സൈസിനും സാധിക്കുന്നില്ലെന്നാണ് ആരോപണം. ശനിയാഴ്ച 25 ലക്ഷത്തോളം വിലവരുന്ന ഹെറോയിനുമായി തമിഴ്നാട് സ്വദേശി എക്സൈസിന്റെ പിടിയിലായി. തിങ്കളാഴ്ച 95 കുപ്പികളിലാക്കിയ ഹെറോയിനുമായി നാല് അന്തര് സംസ്ഥാനക്കാരെ നാട്ടുകാര് പിടികൂടി പൊലീസില് ഏൽപിച്ചു. മാര്ച്ച് 29ന് 16.63 ഗ്രാം ഹെറോയിനുമായി യുവതിയെ കണ്ടന്തറയിലെ വാടകക്കെട്ടിടത്തില്നിന്ന് എക്സൈസ് സംഘം പിടികൂടി.…
കൊടും ചൂടും ഗതാഗതക്കുരുക്കും; വലഞ്ഞ് യാത്രക്കാർ
കൊച്ചി: ആഴ്ചകളായി തുടരുന്ന ഗതാഗതക്കുരുക്ക് നഗരത്തിലും സമീപ പ്രദേശങ്ങളിലും യാത്രക്കാർക്ക് ദുരിതമാകുന്നു. തിരക്കേറിയ രാവിലെയും വൈകീട്ടും ഇതുമൂലം വാഹനങ്ങൾ ഇഴഞ്ഞാണ് നീങ്ങുന്നത്. തെരഞ്ഞെടുപ്പ് പ്രചാരണവും പ്രമുഖരുടെ സന്ദർശനവും തുടർച്ചയായ ആഘോഷ ദിനങ്ങളുമെല്ലാം ഗതാഗതക്കുരുക്ക് ഇരട്ടിയാക്കുന്നുണ്ട്. കൊടും ചൂടിനൊപ്പം ഇഴഞ്ഞുനീങ്ങുന്ന ഗതാഗതവും പൊതുജനങ്ങൾക്ക് സമ്മാനിക്കുന്ന ദുരിതം ചില്ലറയല്ല. നിയന്ത്രിക്കാനാളില്ല; ഗതാഗതം തോന്നുംപടി കൊച്ചി നഗരത്തിലെ ഗതാഗതക്കുരുക്കിന് പ്രധാന കാരണങ്ങളിലൊന്ന് നിയന്ത്രണമില്ലായ്മയാണ്. പരാതികളും വിവാദങ്ങളുമുണ്ടാകുമ്പോൾ മാത്രം റോഡിലിറങ്ങുന്ന നിയമപാലകർ പരാതികൾ കെട്ടടങ്ങുമ്പോൾ രംഗം കാലിയാക്കുകയാണ് പതിവ്. തിരുവാങ്കുളം, തൃപ്പൂണിത്തുറ, വൈറ്റില,…
നെടുമ്പാശ്ശേരിയിൽ രഹസ്യമായി വിൽക്കാൻ കൊണ്ടുവന്ന എം.ഡി.എം.എയുമായി രണ്ടുപേർ പിടിയിൽ
അങ്കമാലി: നെടുമ്പാശ്ശേരി അത്താണിയിൽ രഹസ്യമായി വിപണനത്തിന് ഏഴര ഗ്രാം എം.ഡി.എം.എ കൊണ്ട് വന്ന രണ്ട് പേരെ നാടകീയമായി പൊലീസ് പിടികൂടി. ആലുവ മാറമ്പിള്ളി ചാലക്കൽ തോലാട്ട് വീട്ടിൽ സാദിഖ് അലി (32), ചെങ്ങമനാട് തുരുത്ത് പാലവിളയിൽ വീട്ടിൽ മുഹമ്മദ് ഷഫീഖ് (26) എന്നിവരെയാണ് ജില്ല റൂറൽ ഡാൻസാഫ് ടീമും നെടുമ്പാശ്ശേരി പൊലീസും ചേർന്ന് ഞായറാഴ്ച രാത്രി ഒമ്പതിന് പിടികൂടിയത്. ബംഗ്ലൂരുവിൽ നിന്നുTwo people arrested with MDMA കാറിൻ്റെ ഡാഷ് ബോർഡിൽ എം.ഡി.എം.എ സിഗററ്റ് കവറിലാക്കി അതീവ…
അപകടത്തിൽ പരിക്കേറ്റ മകൾ മരിച്ചതറിഞ്ഞ് മഹാരാഷ്ട്ര സ്വദേശിയായ മാതാവ് ജീവനൊടുക്കി
കോതമംഗലം: അപകടത്തിൽ പരിക്കേറ്റ് ചികിത്സയിലായിരുന്ന മകളുടെ മരണ വാർത്തയറിഞ്ഞ് മാതാവ് ജീവനൊടുക്കി ആലുവ യു.സി കോളജ് എം.ബി.എ വിദ്യാർഥിനി മഹാരാഷ്ട്ര സാംഗ്ലി സ്വദേശി ഹനുമന്ത് നായിക്കിന്റെ മകൾ സ്നേഹ(സോനു 24)യാണ് ശനിയാഴ്ച്ച രാത്രി മരിച്ചത്. രണ്ടുമാസം മുൻപ് ചിറയിൻകീഴിലുണ്ടായ വാഹനാപകടത്തിൽ പരിക്കേറ്റ് തിരുവനന്തപുരം മെഡിക്കൽ കോളജിൽ ചികിത്സയിൽ കഴിയുകയായിരുന്നു. മരണവാർത്ത അറിഞ്ഞ് സോനുവിന്റെ മാതാവ് ഗായത്രി( 45) നെല്ലിക്കുഴി കമ്പനിപ്പടിയിൽ ഉള്ള താമസ സ്ഥലത്ത് ജീവനൊടുക്കുകയായിരുന്നു. 30 വർഷത്തോളമായി കോതമംഗലത്തെ ജ്വല്ലറിയിൽ ജീവനക്കാരനായിരുന്നു ഹനുമന്ത്. ശിവകുമാർ ഹനുമന്ത്…
മെട്രോ കാന നവീകരണം അശാസ്ത്രീയം; ആലുവയിൽ വെള്ളക്കെട്ട് ഒഴിയുന്നില്ല
ആലുവ: മെട്രോ കാന നവീകരണത്തിന് ശേഷവും ടൗണിൽ വെള്ളക്കെട്ട് ദുരിതം ഒഴിയുന്നില്ല. കാന നിർമാണത്തിലെ അശാസ്ത്രീയതയാണ് പ്രശ്നങ്ങൾക്ക് ഇടയാക്കുന്നതെന്നാണ് ആരോപണം. വെള്ളിയാഴ്ച വൈകുന്നേരമുണ്ടായ മഴയിലാണ് മാർക്കറ്റ് റോഡിൽ വെള്ളക്കെട്ടുണ്ടായത്. ചെറുമഴയിൽ പോലും വെള്ളക്കെട്ടുണ്ടാകുന്ന പ്രദേശമാണിത്. പെരിയാറിലേക്ക് മഴവെള്ളം ഒഴുക്കിക്കളയാനുള്ള വലിയ കാന തൊട്ടടുത്തായിരുന്നിട്ടും വെള്ളം ഒഴുകിപ്പോകാൻ മണിക്കൂറുകൾ വേണ്ടിവരാറുണ്ട്. വെള്ളിയാഴ്ച വൈകീട്ടത്തെ മഴയിൽ വ്യാപാര സ്ഥാപനങ്ങളിലും വെള്ളം കയറി. പ്രൈവറ്റ് ബസ് സ്റ്റാൻഡ് പരിസരത്ത് മാർക്കറ്റ് റോഡിലെയും അൻവർ ആശുപത്രി റോഡിലേയും വ്യാപാരികളാണ് കൂടുതൽ ദുരിതം അനുഭവിക്കുന്നത്.…