Ernakulam News
കസേര കമ്പനിയുടെ ഗോഡൗണില് തീപിടിത്തം
പെരുമ്പാവൂർ: കസേര കമ്പനിയുടെ ഗോഡൗണിലുണ്ടായ അഗ്നിബാധയിൽ മൂന്ന് ലോറികള് ഉൾപ്പെടെ കത്തിനശിച്ചു. ചേലാമറ്റത്ത് പ്രവർത്തിക്കുന്ന ഫ്രണ്ട്സ് പോളിപ്ലാസ്റ്റ് എന്ന കമ്പനിയുടെ ഗോഡൗണിലാണ് തീപിടിത്തമുണ്ടായത്. ‘ചെയർമാൻ ചെയർ’ കസേര നിര്മാണ കമ്പനിയോടനുബന്ധിച്ചുള്ളതായിരുന്നു ഗോഡൗൺ. നിര്മാണത്തിന് ആവശ്യമായ വസ്തുക്കളും കസേരകളുമാണ് അഗ്നിക്കിരയായത്. നാല് തട്ടുകളായി നിര്മിച്ചിരുന്ന കെട്ടിടവും കസേരകളും ടൺ കണക്കിന് മെറ്റീരിയലും കെട്ടിടത്തിന് പുറത്ത് പാര്ക്ക് ചെയ്തിരുന്ന മൂന്ന് ലോറികളും അഗ്നിക്കിരയായി. ചൊവ്വാഴ്ച പുലര്ച്ച മൂന്നോടെയായിരുന്നു അപകടം. രണ്ട് കോടി രൂപയുടെ നഷ്ടം കണക്കാക്കുന്നതായി ഉടമകൾ പറഞ്ഞു. പെരുമ്പാവൂർ,…
തെരുവുനായ്ക്കൾക്ക് വാക്സിനേഷൻ ഇന്നു മുതൽ
ആലുവ: പേവിഷബാധ നിയന്ത്രണത്തിന്റെ ഭാഗമായി ആലുവ മുനിസിപ്പൽ പ്രദേശത്തെ തെരുവുനായ്ക്കൾക്ക് ചൊവ്വാഴ്ച മുതൽ ആന്റി റാബിസ് വാക്സിനേഷൻ നൽകും. കഴിഞ്ഞയാഴ്ച പേവിഷ ബാധയുണ്ടായിരുന്ന നായ് നിരവധിയാളുകളെ കടിച്ചിരുന്നു. ഇതേ തുടർന്നാണ് നഗരസഭ പേവിഷ ബാധ നിയന്ത്രിക്കാൻ നടപടിയെടുത്തത്. നഗരസഭയിലെ വിവിധ വാർഡുകളിൽ നാല് ദിവസങ്ങളിലാണ് കുത്തിവെപ്പ് നടത്തുക. ചൊവ്വാഴ്ച 15 മുതൽ 21 വരെയുള്ള വാർഡുകളിലും ബുധനാഴ്ച ഒമ്പത് മുതൽ 14 വരെയും വ്യാഴാഴ്ച എട്ട്, 22 മുതൽ 26 വരെയും വെള്ളിയാഴ്ച ഒന്നു മുതൽ ഏഴു…
അതിരപ്പിള്ളി -കോടനാട് ടൂറിസം സര്ക്യൂട്ട് പദ്ധതി നിലച്ചു
കാലടി: മധ്യകേരളത്തിലെ ടൂറിസം കേന്ദ്രങ്ങൾ ഉള്ക്കൊള്ളുന്ന അതിരപ്പിള്ളി -കോടനാട് ടൂറിസം സര്ക്യൂട്ട് പദ്ധതി അധികൃതരുടെ അനാസ്ഥയില് ഉപേക്ഷിച്ച നിലയില്. അതിരപ്പിള്ളിയില് നിന്നാരംഭിച്ച് തുമ്പൂര്മുഴി, ഏഴാറ്റുമുഖം, മലയാറ്റൂര്, കാലടി, കാഞ്ഞൂര്, തിരുവൈരാണിക്കുളം, നാഗഞ്ചേരി മന, ഇരിങ്ങോള്, കല്ലില് ക്ഷേത്രം എന്നിവിടങ്ങളിലൂടെ കോടനാട് അവസാനിക്കുന്ന വിധത്തിലാണ് സര്ക്യൂട്ട് രൂപകൽപന ചെയ്തിരുന്നത്. പ്രകൃതിയുടെ സ്വാഭാവികത നിലനിര്ത്തിക്കൊണ്ടു തന്നെ നവീന വികസന പ്രവര്ത്തനങ്ങള് ഇതിലൂടെ ഏറ്റെടുക്കുക എന്നതായിരുന്നു ലക്ഷ്യം. കേന്ദ്ര പദ്ധതിയായ സ്വദേശ് ദര്ശനില് ഉള്പ്പെടുത്താനായി മുന് എം.പി ഇന്നസെന്റാണ് ഈ പദ്ധതി…
കടുത്ത ചൂട്: പെരിയാറിൽ ജലനിരപ്പ് താഴ്ന്നു
കളമശ്ശേരി: വേനൽ കടുത്തതോടെ പെരിയാറിൽ മുമ്പെങ്ങുമില്ലാത്ത വിധം ജലനിരപ്പ് താഴ്ന്നു. നദിയിൽ മണൽത്തിട്ടകൾ തെളിഞ്ഞുവന്നു. ഇത് വരാനിരിക്കുന്ന വരൾച്ചയുടെ സൂചനയാണെന്നാണ് പഴമക്കാർ ചൂണ്ടിക്കാട്ടുന്നത്. ഈ സാഹചര്യത്തിൽ കുടിവെള്ള ക്ഷാമമുണ്ടാകാനുള്ള സാധ്യത മുന്നിൽക്കണ്ട് ഏലൂർ നഗരസഭ വിപുലമായ മുന്നൊരുക്കം നടത്തിയതായി ചെയർമാൻ എ.ഡി. സുജിൽ പറഞ്ഞു. ആവശ്യമുള്ള പ്രദേശത്ത് ടാങ്കർ ലോറിയിൽ വെള്ളമെത്തിച്ച് വിതരണം ചെയ്യാൻ നടപടി സ്വീകരിച്ചു. കൂടാതെ കൗൺസിലർമാർക്ക് പ്രത്യേകം നിർദേശം നൽകിയതായും ചെയർമാൻ പറഞ്ഞു. കുടിവെള്ളത്തിന് ബുദ്ധിമുട്ടുവരുന്ന പക്ഷം വാർഡ് കൗൺസിലർമാരെ ബന്ധപ്പെട്ടാൽ മതിയെന്നും…
ആറു വയസ്സുകാരിയെ പീഡിപ്പിച്ച കേസ്; 65കാരന് മൂന്ന് ജീവപര്യന്തം തടവ്
കൊച്ചി: ആറ് വയസ്സുകാരിയെ പീഡിപ്പിച്ച കേസിൽ 65കാരന് മൂന്ന് ജീവപര്യന്തം തടവ്. കൊച്ചി മുണ്ടംവേലി സാന്തോം കോളനിയിൽ പുളിമൂട്ടിപ്പറമ്പ് വീട്ടിൽ ശിവനെയാണ് (65) എറണാകുളം പ്രത്യേക പോക്സോ കോടതി ജഡ്ജി കെ. സോമൻ ശിക്ഷിച്ചത്. മൂന്ന് ജീവപര്യന്തം തടവിന് പുറമെ 25 വർഷം കഠിനതടവും 4,60,000 രൂപ പിഴ അടക്കാനും ഉത്തരവുണ്ട്. 2018 മേയിലാണ് സംഭവം. പ്രതി പിഴ അടക്കുകയാണെങ്കിൽ അത് കുട്ടിക്ക് നൽകാനാണ് നിർദേശം. പ്രതിയുടെ ജീവപര്യന്തം തടവ് ശിക്ഷ ആരംഭിക്കുന്നതിനുമുമ്പ് കോടതി വിധിച്ച 25…
സ്കൂട്ടറും കാറും കൂട്ടിയിടിച്ചു രണ്ടു യുവാക്കൾ മരിച്ചു
തൃപ്പൂണിത്തുറ: കോട്ടയം-എറണാകുളം റോഡിൽ ആമ്പല്ലൂർ കാഞ്ഞിരമറ്റം ചാലക്കപ്പാറ വിൻകോസ് പ്രസിനു സമീപം സ്കൂട്ടറും കാറും കൂട്ടിയിടിച്ചുണ്ടായ അപകടത്തിൽ രണ്ട് യുവാക്കൾ മരിച്ചു. തിങ്കൾ രാത്രി 9.30 ടെയാണ് അപകടം നടന്നത്. അരയൻകാവ് തോട്ടറ, പോളക്കുളത്ത് മാർട്ടിൻ ജാൻസി ദമ്പതികളുടെ മകൻ ജോയൽ ആൻ്റണി ജോസഫ് (24) ആമ്പല്ലൂർ നരിപ്പാറയിൽ മജീദ് – സാജിത ദമ്പതികളുടെ മകൻ ഇൻസാം (25) എന്നിവരാണ് മരിച്ചത്.അപകടവിവരം അറിഞ്ഞെത്തിയ നാട്ടുകാർ ഇരുവരെയും ആശുപത്രിയിൽ എത്തിച്ചെങ്കിലും രക്ഷിക്കാനായില്ല. ഇരുവരും പെയിൻ്റിംഗ് തൊഴിലാളികളാണ്. ഞായർ രാവിലെ…
ആട്ടായം -മുളവൂർ പി.ഒ ജങ്ഷൻ റോഡ് നിർമാണം പൂർത്തിയായി
മൂവാറ്റുപുഴ: വിവാദങ്ങൾക്കും കാത്തിരിപ്പിനുമൊടുവിൽ ആട്ടായം -മുളവൂർ പി.ഒ ജങ്ഷൻ റോഡ് നിർമാണം പൂർത്തിയായി. നഗരത്തിലെ കീച്ചേരിപ്പടിയിൽനിന്ന് ആരംഭിക്കുന്ന പായിപ്ര പഞ്ചായത്തിലെ ആട്ടായം മുതൽ മുളവൂർ പി.ഒ ജങ്ഷൻ വരെയുള്ള 3.5 കിലോമീറ്റർ റോഡിന്റെ നിർമാണമാണ് പൂർത്തിയായത്. കഴിഞ്ഞ സർക്കാറിന്റ കാലത്ത് എം.എൽ.എയായിരുന്ന എൽദോ എബ്രഹാമിന്റെ ഇടപെടലിനെ തുടർന്ന് 2020 നവംബര് നാലിന് റീബില്ഡ് കേരളം പദ്ധതിയിൽ ഉള്പ്പെടുത്തിയാണ് പദ്ധതിക്ക് 3.5 കോടി രൂപ അനുവദിച്ചത്. ബി.എം.ബി.സി നിലവാരത്തിൽ നിർമിക്കാനാണ് തുക അനുവദിച്ചത്. ഇതിന്റെ ടെൻഡർ നടപടികൾ പൂർത്തിയായങ്കിലും…
മട്ടുപ്പാവ് കൃഷിയിലും ഒരുകൈ നോക്കി സിന്ധു ഉല്ലാസ്
മൂവാറ്റുപുഴ: കവിത എഴുതുന്നതിനൊപ്പം മട്ടുപ്പാവ് കൃഷിയിലും ഒരു കൈ നോക്കുകയാണ് വാഴപ്പിള്ളി ചാരുതയിൽ സിന്ധു ഉല്ലാസ്. വീടിന് ചുറ്റുമുള്ള 10 സെന്റ് പുരയിടത്തിലും ടെറസിലും തന്റെ വീട്ടിലേക്ക് ആവശ്യമുള്ളവ സ്വയം കൃഷി ചെയ്തെടുക്കുകയാണ്. കാച്ചിൽ, ചേമ്പ്, ചേന, ചെറുകിഴങ്ങ്, ഇഞ്ചി, മഞ്ഞൾ എന്നിവക്കൊപ്പം തന്റെ ചെറിയ ടെറസിൽ പച്ചക്കറി കൂടി കൃഷി ചെയ്യുന്നുണ്ട് സിന്ധു. നിരവധി ഗ്രോ ബാഗുകളിലായി പച്ചമുളക്, തക്കാളി, വെണ്ട, വഴുതന, ചീര എന്നിവയാണ് കൃഷി ചെയ്തു വരുന്നത്. കുടുംബത്തിന് ആവശ്യമുള്ള പച്ചക്കറികൾ ഈ…
വാളകത്തെ ആൾക്കൂട്ട കൊല; പൊലീസിനെതിരെ നാട്ടുകാർ
മൂവാറ്റുപുഴ: ആൾക്കൂട്ട ആക്രമണത്തെ തുടർന്ന് അരുണാചൽ സ്വദേശി മരിച്ച സംഭവം പൊലീസിന്റെ വീഴ്ച മൂലമാണന്ന ആരോപണവുമായി നാട്ടുകാർ. രാത്രി പത്തിന് നടന്ന സംഭവം അറിയിച്ചിട്ടും പൊലീസ് എത്താൻ താമസിച്ചന്നും പരിക്കേറ്റ ഇയാളെ ആശുപത്രിയിൽ എത്തിക്കാൻ വൈകിയെന്നുമാണ് ആരോപണം. മരിച്ച അരുണാചൽ പ്രദേശ് സ്വദേശി അശോക് ദാസിനെ മർദിച്ചിട്ടില്ലെന്ന് നാട്ടുകാർ പറയുമ്പോഴും നെഞ്ചിലും തലയിലും മർദനമേറ്റത് തന്നെയാണ് മരണമെന്ന് പൊലീസ് സ്ഥിരീകരിക്കുന്നു. സംഭവവുമായി ബന്ധപ്പെട്ട് വാളകം സ്വദേശികളായ പത്ത് പേരെ പൊലീസ് അറസ്റ്റ് ചെയ്തിട്ടുണ്ട്. വാളകത്ത് ഹോട്ടലിൽ ഒപ്പം…
വയോധികയെ പീഡിപ്പിക്കാൻ ശ്രമം; പ്രതി അറസ്റ്റിൽ
വൈപ്പിൻ: കാൻസർ രോഗിയായ വയോധികയെ സാമ്പത്തിക സഹായം വാഗ്ദാനം ചെയ്ത് പീഡിപ്പിക്കാൻ ശ്രമിച്ച കേസിൽ പ്രതിയെ ഞാറക്കൽ പോലീസ് അറസ്റ്റ് ചെയ്തു. ഞാറക്കൽ ആറാട്ടുവഴി മണപ്പുറത്ത് ആനന്ദൻ (49) ആണ് അറസ്റ്റിലായത്. 67 കാരിയായ വയോധികയുടെ രോഗിയായ ഭർത്താവിനെ തെറ്റിദ്ധരിപ്പിച്ചാണ് സാമ്പത്തിക സഹായം സംഘടിപ്പിച്ച് തരാമെന്ന് പറഞ്ഞ് പ്രതി അടുത്തുകൂടിയത്. തുടർന്ന് ഏപ്രിൽ മൂന്നിന് വൈകീട്ട് പ്രതി ഇവരുടെ വീട്ടിലെത്തി ചെക്ക് റെഡിയായിട്ടുണ്ടെന്നും ഒപ്പിട്ട് വാങ്ങാൻ കൂടെ ചെല്ലണമെന്നും ആവശ്യപ്പെടുകയായിരുന്നു. ഒപ്പിടാനെന്ന വ്യാജേന രാത്രി ഏഴരക്ക് പ്രതി…