Ernakulam News
ആലുവ ടാസ് 70ലേക്ക്
ആലുവ: സാംസ്കാരിക രംഗത്ത് ഇന്നും തിലകക്കുറിയായി നിലകൊള്ളുന്ന ആലുവ സംഗീത സഭയെന്ന ടാസ് എഴുപതാം വയസ്സിലേക്ക്. നഗരമധ്യത്തിൽ 23 സെന്റ് സ്ഥലത്ത് സാംസ്കാരിക പരിപാടികൾ അവതരിപ്പിക്കുന്നതിനുള്ള ഒരിടമായി സ്ഥാപിച്ച ടാസ് 1954 സെപ്തംബർ 18ന് തിരു-കൊച്ചി രാജപ്രമുഖനായിരുന്ന ശ്രീചിത്തിര തിരുന്നാൾ ബാലരാമവർമ്മയാണ് ഉദ്ഘാടനം ചെയ്തത്. ഒരു കാലത്ത് സാംസ്കാരിക പരിപാടികൾക്കും വിവാഹാ പരിപാടികൾക്കും വാടകക്ക് ലഭിച്ചിരുന്നത് ടാസ് ഹാൾ മാത്രമായിരുന്നു. ടാസ് ഹാൾ കേന്ദ്രീകരിച്ച് കഥകളി ആസ്വാദക ക്ലബും നാടകാസ്വാദകക്ലബും ഇപ്പോഴും പ്രവർത്തിക്കുന്നുണ്ട്. ടാസിലെ കലാപരിപാടികൾക്ക് ശേഷം…
36 വർഷം പിന്നിട്ട് യൂസുഫിന്റെ പലഹാരക്കച്ചവടം
മൂവാറ്റുപുഴ: നഗരത്തിലെ കച്ചേരിത്താഴത്ത് എത്തുന്നവർക്ക് ചിരപരിചിതമായ ഒരു മുഖമുണ്ട്. നാലു പതിറ്റാണ്ടായി കച്ചേരിത്താഴത്തെ പാലത്തിനുസമീപം ഉന്തുവണ്ടിയിൽ മൂന്നു രൂപ പരിപ്പുവട അടക്കമുള്ള പൊരിപ്പലഹാരങ്ങൾ വിൽപ്പന നടത്തുന്ന യൂസുഫിനെ. ഇദ്ദേഹത്തിൽ നിന്നും ഒരിക്കലെങ്കിലും പലഹാരം വാങ്ങാത്തവർ വിരളമായിരിക്കും. 1988ലാണ് മൂവാറ്റുപുഴ കച്ചേരിത്താഴത്തെ പ്രസിദ്ധമായ മൂവാറ്റുപുഴ പാലത്തിനു സമീപം ഉന്തുവണ്ടിയിൽ ചെറുവട്ടൂർ പോണാകുടി യൂസുഫ് കടലക്കച്ചവടത്തിനെത്തുന്നത്. അന്ന് 10 പൈസയായിരുന്നു ഒരു പൊതി കടലയുടെ വില. അന്ന് 18കാരനായിരുന്ന യൂസഫ് കടലക്കൊപ്പം പരിപ്പുവടയും ഉള്ളിവടയും കൂടി വ്യാപാരം തുടങ്ങി. ഒപ്പം…
വകുപ്പുകൾ തമ്മിൽ തർക്കം; കുഴി അടക്കേണ്ടത് ആര്?
മൂവാറ്റുപുഴ: വകുപ്പുകളുടെ തട്ടിക്കളികൾക്കിടയിൽ അശാസ്ത്രീയമായി റോഡിലെ കുഴി അടച്ചത് അപകടങ്ങൾ സൃഷ്ടിക്കുന്നു. മൂവാറ്റുപുഴ നഗരത്തിലെ 130 ജങ്ഷന് സമീപം എം.സി റോഡിൽ പൈപ്പ് പൊട്ടി തകർന്ന ഭാഗത്തെ കുഴി അടച്ചതാണ് അപകടങ്ങൾക്കിടയാക്കുന്നത്. തിരക്കേറിയ റോഡിന്റെ ഏതാണ് മധ്യ ഭാഗത്തായാണ് പൈപ്പ് പൊട്ടിയത്. ഇത് അറ്റകുറ്റപ്പണി തീർത്ത് കുഴി അടച്ചെങ്കിലും അശാസ്ത്രീയമായി മൺകൂന തീർത്താണ് അടച്ചത്. ഇതിനുമുകളിൽ പച്ചിലകൾ ഇടുകയും ചെയ്തു. തിരക്കേറിയ റോഡിൽ ചീറിപ്പാഞ്ഞെത്തുന്ന വാഹനങ്ങൾ മൺകൂനയിൽ കയറി മറിയുകയാണ്. രണ്ടു ദിവസത്തിനിടെ നിരവധി ഇരുചക്ര വാഹനങ്ങൾ…
പോക്സോ കേസിൽ 23 വർഷം കഠിന തടവ്
പറവൂർ: പ്രായപൂർത്തിയാകാത്ത പെൺകുട്ടിയെ പീഡിപ്പിച്ച കേസിൽ യുവാവിന് 23 വർഷം കഠിന തടവും രണ്ടര ലക്ഷം രൂപയും ശിക്ഷ വിധിച്ചു. പറവൂർ ചെറിയ പല്ലംതുരുത്ത് ഭാഗത്ത് നെടിയാറ വീട്ടിൽ സഞ്ജയ് (23) നെയാണ് ആലുവ ഫാസ്റ്റ് ട്രാക്ക് സ്പെഷൽ കോടതി ജഡ്ജി ഷിബു ഡാനിയൽ ശിക്ഷ വിധിച്ചത്. 2020ൽ കേസിനാസ്പദമായ സംഭവം നടന്നത്. വടക്കേക്കര പൊലീസ് സ്റ്റേഷനിൽ രജിസ്റ്റർ ചെയ്ത കേസാണിത്. ലഹരിവസ്തുക്കൾ ബലമായി നൽകിയാണ് പീഡനത്തിനിരയാക്കിയത്. എസ്.എച്ച്.ഒ ആയിരുന്ന എം.കെ. മുരളിയാണ് അന്വേഷണം നടത്തി കുറ്റപത്രം…
എറണാകുളം നഗരത്തിലെ കനാൽ നവീകരണം; കോടികളുടെ പദ്ധതി നിർവഹണത്തിൽ മെല്ലെപ്പോക്ക്
കൊച്ചി: ഒരൊറ്റ മഴ പെയ്താൽ വെള്ളത്തിലാകുന്ന എറണാകുളത്തെ കരകയറ്റാൻ ആവിഷ്കരിച്ച കനാൽ നവീകരണ പദ്ധതിക്കായി നാടിന്റെ കാത്തിരിപ്പ് തുടരുന്നു. നഗരത്തിലും പരിസരത്തുകൂടെയും ഒഴുകുന്ന കനാലുകൾ നവീകരിച്ച് നീരൊഴുക്ക് സുഗമമാക്കി ജലഗതാഗതം ഉൾപ്പെടെ സാധ്യമാക്കാൻ ലക്ഷ്യമിട്ടുള്ളതായിരുന്നു പദ്ധതി. ആറ് കനാലുകൾ പുനരുജ്ജീവിപ്പിക്കാനുള്ള പദ്ധതി മന്ദഗതിയിലാണ് മുന്നോട്ടുനീങ്ങുന്നത്. ഇൻറഗ്രേറ്റഡ് അർബൻ റീജനറേഷൻ ആൻഡ് വാട്ടർ ട്രാൻസ്പോർട്ട് സിസ്റ്റം പദ്ധതി 1528. 27 കോടിയുടെ കിഫ്ബി ധനസഹായത്തോടെ കൊച്ചി മെട്രോ റെയിൽ ലിമിറ്റഡ് മുഖേന നടപ്പാക്കാൻ 2021ലാണ് തത്ത്വത്തിൽ ഭരണാനുമതി നൽകിയത്.…
വിഡിയോ എടുത്തത് ചോദ്യംചെയ്തതിന് നാലംഗ കുടുംബത്തെ തിളച്ച വെള്ളമൊഴിച്ച് പൊള്ളിച്ചു
നെടുങ്കണ്ടം: തൂക്കുപാലത്ത് തട്ടുകടയില് ഭക്ഷണം കഴിച്ചുകൊണ്ടിരുന്ന കുടുംബത്തിന്റെ വിഡിയോ പകര്ത്തിയത് ചോദ്യംചെയ്തതിന് തിളച്ച വെള്ളമൊഴിച്ച് പൊള്ളിച്ചു. മൂവാറ്റുപുഴയില്നിന്ന് വിവാഹാവശ്യത്തിന് വന്ന നാലംഗ കുടുംബത്തിന് നേരെയാണ് ആക്രമണം. ഗണേശ്, ഇദ്ദേഹത്തിന്റെ മകൻ ആദിത്യൻ (21) എന്നിവർക്കാണ് സാരമായി പൊള്ളലേറ്റത്. സംഭവത്തില് ഹോട്ടലിൽ പൊറോട്ടയടിക്കുന്ന ചോറ്റുപാറ സ്വദേശി നൗഷാദിനെ (45) നെടുങ്കണ്ടം പൊലീസ് അറസ്റ്റ് ചെയ്തു. ശരീരമാസകലം പൊള്ളലേറ്റ ആദിത്യന്റെ നില ഗുരുതരമാണെന്ന് പൊലീസ് പറഞ്ഞു. മാതാവിനും മകൾക്കും പൊള്ളലേറ്റിട്ടുണ്ട്. വെള്ളിയാഴ്ച രാത്രി 12ഓടെയാണ് ഇവർ ഭക്ഷണം കഴിക്കാൻ കടയിലെത്തിയത്.…
മുറിക്കല്ല് ബൈപാസ് സ്ഥലമേറ്റെടുപ്പ് 15ന് പൂർത്തിയാകും
മൂവാറ്റുപുഴ: മൂവാറ്റുപുഴയുടെ സ്വപ്നപദ്ധതിയായ മുറിക്കല്ല് ബൈപാസ് നിർമാണത്തിനുള്ള ഭൂമി ഏറ്റെടുപ്പ് നടപടികൾ ജൂലൈ 15ഓടെ പൂർത്തിയാകും. ഈ മാസം തന്നെ റോഡ് നിർമാണത്തിനുള്ള ടെൻഡർ നടപടി പൂർത്തിയാക്കും. ആഗസ്റ്റ് ആദ്യവാരം നിർമാണം തുടങ്ങാനാണ് കെ.ആർ.എഫ്.ഇ നീക്കം നടത്തുന്നത്. കടാതിയിൽനിന്ന് ആരംഭിച്ച് 130 കവലയിൽ എം.സി റോഡുമായി സന്ധിക്കുന്ന മൂന്ന് കിലോമീറ്റർ ബൈപാസിനായി 80 പേരിൽ നിന്ന് രണ്ട് ഹെക്ടർ ഭൂമിയാണ് ഏറ്റെടുക്കുന്നത്. ഇതിൽ 45 പേരിൽനിന്നായി ഒരു ഹെക്ടറിലധികം ഭൂമി ഏറ്റെടുത്ത് പണവും നൽകിക്കഴിഞ്ഞു. ബാക്കിയുള്ള 35…
ബൈക്കുകൾ മോഷ്ടിച്ചയാൾ പിടിയിൽ
പിറവം: നഗരത്തിൽനിന്ന് നാല് ബൈക്ക് മോഷണം പോയ സംഭവത്തിലെ പ്രതിയെ മണിക്കൂറുകൾക്കുള്ളിൽ പൊലീസ് പിടികൂടി. മുളക്കുളം സൗത്ത് കോരവേലിക്കുഴി ആൽബിൻ മഹജനാണ് (20) പിടിയിലായത്. പിറവം അഗ്നിരക്ഷാ നിലയത്തിനുസമീപത്തെ വർക്ക് ഷോപ്പിൽനിന്ന് പാഷൻ പ്രോ, യമഹ ക്രക്സ്, പിറവം അണ്ടെത്ത് ജങ്ഷന് സമീപത്ത് വർക്ക്ഷോപ് നടത്തുന്ന സനലിന്റെ പാഷൻ പ്രോ എന്നീ ബൈക്കുകൾ വ്യാഴാഴ്ച രാത്രിയിലും പിറവം പാറേക്കുന്ന് ഭാഗത്ത് കാരമേൽ ലിൻസൺ മാത്യുവിന്റെ ബൈക്ക് വെള്ളിയാഴ്ച രാവിലെ 10.30നുമാണ് മോഷണം പോയത്. പിറവം അഗ്നിരക്ഷാ നിലയത്തിനുസമീപം…
അങ്കമാലി താലൂക്ക് ആശുപത്രിയിലെ സിനിമ ചിത്രീകരണം; സൂപ്രണ്ടിന് മനുഷ്യാവകാശ കമീഷന്റെ താക്കീത്
ആലുവ: അങ്കമാലി താലൂക്ക് ആശുപത്രി സിനിമ ചിത്രീകരണത്തിന് നൽകിയതിന് ആശുപത്രി സൂപ്രണ്ടിന് മനുഷ്യാവകാശ കമീഷന്റെ താക്കീത്. വെള്ളിയാഴ്ച്ച ആലുവയിൽ നടന്ന സംസ്ഥാന മനുഷ്യാവകാശ കമീഷൻ സിറ്റിങിലാണ് താക്കീത് നൽകിയത്. ആശുപത്രിയിലെ ഒ.പി വിഭാഗത്തിൽ ചലചിത്ര ചിത്രീകരണത്തിന് അനുവാദം നൽകിയെന്ന പരാതിയെ തുടർന്ന് ആശുപത്രി സൂപ്രണ്ടിനോട് സിറ്റിങ്ങിൽ നേരിട്ട് ഹാജരാകാൻ കമീഷൻ ആവശ്യപ്പെടുകയായിരുന്നു. ഇതേ തുടർന്ന് കമീഷൻ മുമ്പാകെ ഹാജരായ സൂപ്രണ്ടിനോട് ഇത്തരം കാര്യങ്ങൾക്ക് മേലിൽ അനുവാദം നൽകരുതെന്ന് താക്കീത് നൽകുകയായിരുന്നു. ഒരു വർഷം മുമ്പ് ഇതേ ആശുപത്രിയിൽ…
കഞ്ചാവ് വില്പന: അന്തർ സംസ്ഥാന തൊഴിലാളി പിടിയില്
പെരുമ്പാവൂര്: പച്ചക്കറി കടയുടെ മറവില് കഞ്ചാവ് വില്പന നടത്തിയ അന്തർ സംസ്ഥാന തൊഴിലാളി പിടിയിലായി. വെസ്റ്റ് ബംഗാള് മുര്ഷിദാബാദ് ഡൊംകാല് സ്വദേശി ശറഫുല് ഇസ്ലാം ഷേഖിനെയാണ് (42) പെരുമ്പാവൂര് എ.എസ്.പിയുടെ നേതൃത്വത്തിലുള്ള സ്പെഷ്യല് സ്ക്വാഡ് പിടികൂടിയത്. ഇയാളില് നിന്ന് മൂന്ന് കിലോയോളം കഞ്ചാവ് കണ്ടെടുത്തു. രഹസ്യ വിവരത്തെ തുടര്ന്ന് കുറച്ചുനാളായി പൊലീസ് നിരീക്ഷണത്തിലായിരുന്നു. ബംഗാളില് നിന്ന് ട്രെയിന് മാര്ഗം കഞ്ചാവ് എത്തിച്ച് പ്രത്യേകം പൊതികളാക്കി വില്പന നടത്തിവരികയായിരുന്നു. കിലോക്ക് 9,000 രൂപക്ക് ബംഗാളില് നിന്ന് വാങ്ങുന്ന കഞ്ചാവ്…