All news
ആലുവ നഗരസഭ സ്റ്റേഡിയം; ടർഫാക്കുന്നതിനെതിരെ ഹൈകോടതിയിൽ ഹരജി
ആലുവ: നഗരസഭ സ്റ്റേഡിയം ടർഫ് ആക്കി മാറ്റാനുള്ള നഗരസഭ തീരുമാനത്തിനെതിരെ ഹൈകോടതിയിൽ ഹരജി. സി.പി.എം ആലുവ ഏരിയ കമ്മിറ്റി അംഗവും നഗരസഭ മുൻ കൗൺസിലറുമായ രാജീവ് സഖറിയയാണ് പൊതുസ്റ്റേഡിയം ടർഫ് ആക്കുന്നതിനെതിരെ ഹൈകോടതിയെ സമീപിച്ചത്. ഹരജിയിൽ കോടതി നഗരസഭയുടെ വിശദീകരണം തേടി. പ്രായഭേദമന്യേ എല്ലാവിഭാഗം ജനങ്ങളും കായിക വിനോദത്തിനും വ്യായാമത്തിനും പരിശീലനത്തിനും മത്സരങ്ങൾക്കും ആശ്രയിക്കുന്നത് നഗരസഭ സ്റ്റേഡിയത്തെയാണെന്ന് പരാതിക്കാരൻ പറയുന്നു. പ്രകൃതിദത്ത പുൽത്തകിടി മാറ്റി സിന്തറ്റിക് ടർഫ് പാകി ഫുട്ബാളിന് മാത്രമായി ഉപയോഗിക്കാനാണ് നഗരസഭയുടെ നീക്കമെന്ന് ഹരജിയിൽ…
വേണം പേഴക്കാപ്പിള്ളി കവല കേന്ദ്രീകരിച്ച് പൊലീസ് സ്റ്റേഷൻ
മൂവാറ്റുപുഴ: ജില്ലയിലെ വലിയ പഞ്ചായത്തായ പായിപ്ര പഞ്ചായത്തിലെ പേഴക്കാപ്പിള്ളി കവല കേന്ദ്രീകരിച്ച് പുതിയ പൊലീസ് സ്റ്റേഷൻ ആരംഭിക്കണമെന്ന ആവശ്യം ശക്തമാകുന്നു. 2017ൽ ഇവിടം കേന്ദ്രീകരിച്ച് സ്റ്റേഷൻ ആരംഭിക്കാൻ നടപടികൾ ആരംഭിച്ചിരുന്നെങ്കിലും പഞ്ചായത്തിന്റെ നിസ്സഹകരണംമൂലം സർക്കാർ നീക്കം നടന്നില്ല. അഞ്ചുവർഷം മുമ്പ് നടപടിക്രമങ്ങൾ പൂർത്തിയാക്കി തുടങ്ങാൻ തീരുമാനിച്ച പൊലീസ് സ്റ്റേഷനാണ് ഇതുവഴി നഷ്ടമായത്. റൂറല് ജില്ലയില് പ്രവര്ത്തന പരിധികൊണ്ടും വിസ്തൃതികൊണ്ടും മുന്നിലാണ് മൂവാറ്റുപുഴ സ്റ്റേഷൻ. വര്ധിച്ചുവരുന്ന ക്രിമിനല് കേസുകള്, ട്രാഫിക് സംബന്ധമായ കേസുകള് എന്നിവ കണക്കാക്കിയാണ് വിഭജനം നടത്തി…
സീപോർട്ട് – എയർപോർട്ട് റോഡ് രണ്ടാംഘട്ടം; സ്ഥലമെടുപ്പിന് തുക അനുവദിച്ചു
ആലുവ: സീപോർട്ട് – എയർപോർട്ട് റോഡിന്റെ രണ്ടാംഘട്ട നിർമാണത്തിനുള്ള സ്ഥലമെടുപ്പിനടക്കം തുക അനുവദിച്ചു. രണ്ടാംഘട്ടമായ എൻ.എ.ഡി മുതൽ മഹിളാലയം പാലം വരെ ഭാഗത്തിന്റെ നിർമാണത്തിനാണ് തുക അനുവദിച്ചത്. ആവശ്യമായ ഭൂമി ഏറ്റെടുക്കുന്നതിനും പൊളിച്ചുമാറ്റേണ്ട വീടുകൾക്കും വ്യാപാരസ്ഥാപനങ്ങൾക്കും നഷ്ടപരിഹാരം നൽകുന്നതിനുമായി 5,69,34,85,606 കോടി രൂപയാണ് അനുവദിച്ചത്. നിർവഹണ ഏജൻസിയായ റോഡ്സ് ആൻഡ് ബ്രിഡ്ജസ് കോർപറേഷന് കിഫ്ബി ഈ പണം കൈമാറി. എൻ.എ.ഡി മുതൽ മഹിളാലയം പാലം വരെ ഭാഗത്തിന്റെ നിർമാണത്തിനായുള്ള സ്ഥലം ഏറ്റെടുക്കുന്നതിനുള്ള നോട്ടിഫിക്കേഷൻ വന്നിട്ട് 22 വർഷത്തോളമായി.…
ജില്ലയിൽ 42,000 കടന്ന് സിറ്റി ഗ്യാസ് പൈപ്പ് ലൈൻ കണക്ഷൻ
കൊച്ചി: ജില്ലയിൽ 42,000 കടന്ന് സിറ്റി ഗ്യാസ് കണക്ഷൻ. കളമശ്ശേരി, എറണാകുളം, തൃക്കാക്കര, തൃപ്പൂണിത്തുറ, ആലുവ നിയമസഭാ മണ്ഡലങ്ങളിലും ഏലൂർ, മരട് നഗരസഭകളിലുമായാണ് 42,030 കണക്ഷൻ നൽകിയത്. ഇതിൽ എറണാകുളം മണ്ഡലത്തിൽ മാത്രം 15,868 കണക്ഷൻ നൽകിയിട്ടുണ്ട്. നഗരങ്ങളിൽ പൈപ്പ് ലൈനിലൂടെ ഗ്യാസ് വിതരണം നടപ്പാക്കുന്നതിന് ഇന്ത്യൻ ഓയിൽ-അദാനി ഗ്യാസ് കമ്പനിക്ക് 2015 ഒക്ടോബറിലാണ് കേന്ദ്ര പെട്രോളിയം ആൻഡ് പ്രകൃതിവാതക നിയന്ത്രണ ബോർഡ് അംഗീകാരം നൽകിയത്. തുടർന്നാണ് കൊച്ചിയിൽ പദ്ധതിയുടെ പ്രവർത്തനങ്ങൾ ആരംഭിച്ചത്. ആറ് വർഷം; ഇഴഞ്ഞുനീങ്ങി…
അന്തർ സംസ്ഥാന തൊഴിലാളികളെ ആക്രമിച്ച് കവർച്ച നടത്തിയ സംഭവം; ഒരാൾ അറസ്റ്റിൽ
ആലുവ: അന്തർ സംസ്ഥാന തൊഴിലാളികളെ ആക്രമിച്ച് കവർച്ച നടത്തിയ കേസിൽ ഒരാൾ അറസ്റ്റിൽ. വടക്കേകര പട്ടണംകവല പുത്തൂരം പറമ്പിൽ സോബിൻ കുമാർ (34)നെയാണ് അലുവ പൊലീസ് അറസ്റ്റ് ചെയ്തത്. ജില്ലയിലെ വിവിധ സ്റ്റേഷനുകളിലായി വധശ്രമം, കവർച്ച, മോഷണം തുടങ്ങി പതിനഞ്ചിലേറെ കേസുകളിൽ പ്രതിയാണ്. ഏപ്രിലിൽ ആലങ്ങാട് പൊലീസ് കവർച്ചക്കേസിൽ അറസ്റ്റ് ചെയ്ത ഇയാളെ വിയ്യൂർ സെൻട്രൽ ജയിലിൽ റിമാൻഡ് ചെയ്തിരുന്നു. ജയിലിൽ നിന്നിറങ്ങിയ പ്രതി മറ്റ് രണ്ട് പേരുമായി ചേർന്ന് അന്തർ സംസ്ഥാന തൊഴിലാളികളെ ആക്രമിച്ച് കവർച്ച…
മൂവാറ്റുപുഴ നഗരവികസനം; കെ.എസ്.ഇ.ബി ലൈനുകൾ ഭൂമിക്കടിയിലൂടെ
മൂവാറ്റുപുഴ: നഗര റോഡ് വികസനവുമായി ബന്ധപ്പെട്ട് കെ.എസ്.ഇ.ബി ലൈനുകൾ ഭൂമിക്കടിയിലൂടെ കേബിൾ വഴി സ്ഥാപിക്കാൻ നടപടികൾ പൂർത്തിയായി. ഇതിന്റെ ഭാഗമായി പി.ഒ ജങ്ഷൻ മുതൽ അരമനപ്പടി വരെയുള്ള വൈദ്യുത കണക്ഷനുകൾ പുതുതായി വലിച്ചിരിക്കുന്ന ഏരിയൽ ബഞ്ചഡ് കേബിളുകളിലേക്ക് (എ.ബി.സി) മാറ്റി നൽകുന്ന പ്രവർത്തനങ്ങൾക്ക് അടുത്ത ദിവസം തുടക്കമാകുമെന്ന് മാത്യു കുഴൽനാടൻ എം.എൽ.എ അറിയിച്ചു. കേബിളുകൾ ഈ രീതിയിൽ മാറ്റി സ്ഥാപിക്കുക വഴി നഗരത്തിൽ കെ.എസ്.ഇ.ബിക്ക് എവിടെയെങ്കിലും ജോലികൾ നടത്തേണ്ടി വന്നാൽ ആ ഭാഗത്തെ വൈദ്യുതി വിതരണം മാത്രം…
പരിമിതികളെ അതിജയിക്കാൻ
കൊച്ചി: ആത്മവിശ്വാസവും ഇച്ഛാശക്തിയും കൈമുതലാക്കി പരിമിതികളെ മറികടക്കാൻ പ്രാപ്തരാകുന്നത് 8523 കുരുന്നുകൾ. ജില്ലയിലെ വിവിധ വിദ്യാലയങ്ങളിലാണ് എലെമന്ററി, സെക്കൻഡറി വിഭാഗങ്ങളിലായി ഇവരുടെ പോരാട്ടം. ഇക്കൂട്ടത്തിൽ തീർത്തും കിടപ്പിലായ 381 കുരുന്നുകളുമുണ്ട്. സമഗ്രശിക്ഷ കേരളയുടെ നേതൃത്വത്തിൽ പ്രത്യേക പരിശീലനം ലഭിച്ച സ്പെഷൽ എജുക്കേറ്റർമാരും അധ്യാപകരുമാണ് ശാരീരിക പരിമിതികളെ അതിജീവിക്കാൻ ഇവർക്ക് കരുത്തേകുന്നത്. കൈത്താങ്ങായി സേവനപദ്ധതികൾ മെഡിക്കൽ ക്യാമ്പുകൾ, വീൽചെയർ, ക്രച്ചസ്, ശ്രവണ സഹായി അടക്കമുള്ള സഹായ ഉപകരണങ്ങളുടെ വിതരണം, കലോത്സവങ്ങൾ, കായികമേളകൾ, വിനോദയാത്രകൾ അടക്കം ശാരീരിക പരിമിതിയുള്ള വിദ്യാർഥികൾക്കായി…
മൂവാറ്റുപുഴ നഗരവികസന സ്തംഭനം; കാരണംകാണിക്കൽ നോട്ടീസ് അയച്ച് ഹൈകോടതി
മൂവാറ്റുപുഴ: അനന്തമായി നീളുന്ന മൂവാറ്റുപുഴ നഗര റോഡ് വികസനത്തിലെ അപാകതകൾ പരിഹരിക്കാത്തതിൽ കേരള റോഡ് ഫണ്ട് ബോർഡ് (കെ.ആർ.എഫ്.ബി) ഉദ്യോഗസ്ഥർക്ക് എതിരെ നടപടിയെടുക്കാതിരിക്കാൻ കാരണം കാണിക്കൽ നോട്ടീസ് അയച്ച് ചീഫ് ജസ്റ്റിസ് അധ്യക്ഷനായ ഹൈകോടതി ഡിവിഷൻ ബഞ്ച്. റോഡ് പുനർനിർമാണം ഏകോപിപ്പിക്കുന്നതിലെ അപാകത ചൂണ്ടിക്കാട്ടി മൂവാറ്റുപുഴ ഡെവലപ്മെൻറ് അസോസിയേഷനാണ് കോടതിയെ സമീപിച്ചത്. എം.സി റോഡ് കടന്നുപോകുന്ന നഗരത്തിലെ പ്രധാന റോഡ് ഉന്നത നിലാവരത്തിൽ റീടാർ ചെയ്തിട്ട് ആറ് വർഷത്തിന് മേലെയായെന്നും തിരക്കേറിയ സമയങ്ങളിൽ നഗരം നിശ്ചലമാകുന്ന അവസ്ഥയാണെന്നും…
ഹരിതമയം; പാർക്കുപോലെ സുന്ദരം കായനാട് സ്കൂൾ
മൂവാറ്റുപുഴ: ഇത് സ്കൂളോ ചിൽഡ്രൻസ് പാർക്കോ.? മാറാടി പഞ്ചായത്തിലെ കായനാട് ഗവ. എൽ.പി സ്കൂൾ കണ്ടാൽ ആരുമൊന്ന് ചോദിച്ചുപോകും ഇങ്ങനെ. പഞ്ചായത്തിലെ ആദ്യത്തെ ഗ്രീൻ കാമ്പസായി മാറിയിരിക്കുകയാണ് ഈ സ്കൂൾ. പൂർണമായും ഗ്രീൻ പ്രോട്ടോകോൾ പാലിച്ച് പ്രവർത്തിക്കുന്ന സ്കൂളിൽ ഒന്ന് മുതൽ നാലുവരെ ക്ലാസുകളിലായി അമ്പതിലധികം വിദ്യാർഥികളാണ് പഠിക്കുന്നത്. സ്കൂളിലെ ഉറവിട മാലിന്യ സംസ്കരണം നാടിന്റെയാകെ ശ്രദ്ധ ആകർഷിക്കുന്നതാണ്. ഉച്ച ഭക്ഷണ വേസ്റ്റ് നിർമാർജനത്തിനായി രണ്ട് ബയോ ബിന്നുകൾ സ്ഥാപിച്ചതിന് പുറമെ സ്കൂൾ അങ്കണത്തിൽ പൊതുവായി ഗ്രീൻ…
ജനസാന്ദ്രതയുള്ള പ്രദേശത്ത് ആക്രി സ്ഥാപനങ്ങൾ നടത്താമോയെന്ന് പരിശോധിക്കണം -ടി.ജെ വിനോദ് എം.എൽ.എ
കൊച്ചി: എറണാകുളത്ത് ആക്രി ഗോഡൗണിലുണ്ടായ വൻ തീപിടിത്തത്തിൽ പ്രതികരിച്ച് ടി.ജെ വിനോദ് എം.എൽ.എ. ജനസാന്ദ്രത കൂടിയ പ്രദേശത്ത് ഇത്തരം സ്ഥാപനങ്ങൾ നടത്താമോയെന്ന് പരിശോധിക്കണമെന്ന് ടി.ജെ വിനോദ് ആവശ്യപ്പെട്ടു. നഗരത്തിലുള്ള ഇത്തരം സ്ഥാപനങ്ങൾ അനുവദിക്കാൻ പാടുള്ളതല്ല. വലിയ നാശനഷ്ടമാണ് ഉണ്ടായത്. തീപിടിത്ത കാരണം പൊലീസും അഗ്നിശമനസേനയും കണ്ടെത്തേണ്ടതുണ്ടെന്നും ടി.ജെ വിനോദ് വ്യക്തമാക്കി. അർധരാത്രി രണ്ട് മണിയോടെയാണ് എറണാകുളം സൗത്ത് റെയിൽവേ മേൽപാലത്തിന് സമീപം പ്രവർത്തിച്ചിരുന്ന ആക്രി ഗോഡൗണിൽ തീപിടിത്തമുണ്ടായത്. ഇരുമ്പ് ഷീറ്റുകൾ ഉപയോഗിച്ച് നിർമിച്ച ഗോഡൗണിൽ രണ്ട് ഗ്യാസ്…

