ജൈവകൃഷി; കർമപദ്ധതിയൊരുക്കി കൃഷി വകുപ്പ്

കൊ​ച്ചി: ജി​ല്ല​യി​ൽ ജൈ​വ​കൃ​ഷി വ്യാ​പ​ന പ​ദ്ധ​തി​യു​മാ​യി കൃ​ഷി വ​കു​പ്പ്. സു​ര​ക്ഷി​ത ഭ​ക്ഷ​ണം, മെ​ച്ച​പ്പെ​ട്ട ആ​രോ​ഗ്യം, പ​രി​സ്ഥി​തി​സൗ​ഹൃ​ദം എ​ന്ന പ്ര​ഖ്യാ​പ​ന​ത്തോ​ടെ​യാ​ണ് ജൈ​വ​കൃ​ഷി സ​ജീ​വ​മാ​ക്കാ​ൻ ക​ർ​മ​പ​ദ്ധ​തി​ക​ൾ ന​ട​പ്പാ​ക്കു​ന്ന​ത്. ജൈ​വ കാ​ർ​ഷി​ക മി​ഷ​ന്‍റെ നേ​തൃ​ത്വ​ത്തി​ലാ​ണ് പ്ര​വ​ർ​ത്ത​ന​ങ്ങ​ൾ ഏ​കോ​പി​പ്പി​ക്കു​ന്ന​ത്.

1922 സ​ജീ​വ ജൈ​വ​ക​ർ​ഷ​ക​ർ

ജി​ല്ല​യി​ൽ ജൈ​വ​കൃ​ഷി രം​ഗ​ത്ത് സ​ജീ​വ​മാ​യി നി​ൽ​ക്കു​ന്ന​ത് 1922 ക​ർ​ഷ​ക​രാ​ണെ​ന്നാ​ണ് ക​ണ​ക്കു​ക​ൾ വ്യ​ക്ത​മാ​ക്കു​ന്ന​ത്. ഇ​വ​ർ 719.007 ഹെ​ക്ട​റി​ലാ​ണ് കൃ​ഷി​യി​റ​ക്കു​ന്ന​ത്. ഇ​തി​ൽ പൂ​ർ​ണ​മാ​യും ജൈ​വ​കൃ​ഷി ചെ​യ്യു​ന്ന​ത് 40 ക​ർ​ഷ​ക​രാ​ണ്. ഇ​ക്കൂ​ട്ട​ത്തി​ൽ ആ​റ്​ വ​നി​ത​ക​ളു​മു​ണ്ട്. ഇ​വ​ർ​വ​ഴി ജി​ല്ല​യി​ൽ 36.725 ഹെ​ക്ട​റി​ൽ സ​മ്പൂ​ർ​ണ ജൈ​വ​കൃ​ഷി​യാ​ണ് ന​ട​പ്പാ​ക്കു​ന്ന​ത്. നെ​ല്ല്, വാ​ഴ, കി​ഴ​ങ്ങു​വ​ർ​ഗ​ങ്ങ​ൾ, പ​യ​ർ​വ​ർ​ഗ​ങ്ങ​ൾ, സു​ഗ​ന്ധ​വ്യ​ഞ്ജ​ന​ങ്ങ​ൾ, ചെ​റു​ധാ​ന്യ​ങ്ങ​ൾ, പ​ഴ​വ​ർ​ഗ​ങ്ങ​ൾ എ​ന്നി​വ​യാ​ണ് പ്ര​ധാ​ന കൃ​ഷി​ക​ൾ. ക​ർ​ഷ​ക​ർ​ക്കാ​വ​ശ്യ​മാ​യ സൗ​ക​ര്യ​ങ്ങ​ളൊ​രു​ക്കു​ന്ന​തി​ൽ വ​കു​പ്പി​ന്‍റെ ക്രി​യാ​ത്മ​ക ഇ​ട​പെ​ട​ലു​ക​ളു​ണ്ട്. ഉ​ൽ​പാ​ദ​നോ​പാ​ധി​ക​ളു​ടെ വി​ത​ര​ണം, പ​രി​ശീ​ല​നം, സ​ർ​ട്ടി​ഫി​ക്കേ​ഷ​ൻ, വി​പ​ണ​നം അ​ട​ക്കം എ​ല്ലാ കാ​ര്യ​ങ്ങ​ളി​ലും വ​കു​പ്പി​ന്‍റെ മേ​ൽ​നോ​ട്ട​മു​ണ്ട്.

സ​മ്പൂ​ർ​ണ ജൈ​വ​കൃ​ഷി; ന​ട​പ​ടി​ക​ൾ ധ്രു​ത​ഗ​തി​യി​ൽ

ജി​ല്ല​യി​ൽ സ​മ്പൂ​ർ​ണ​മാ​യി ജൈ​വ കൃ​ഷി​യി​ലേ​ർ​പ്പെ​ടു​ന്ന 40 ക​ർ​ഷ​ക​ർ​ക്കാ​യി പ്ര​ത്യേ​ക പ​ദ്ധ​തി​ക​ളാ​ണ് ന​ട​പ്പാ​ക്കു​ന്ന​ത്. കാ​ർ​ഷി​കോ​ൽ​പ​ന്ന​ങ്ങ​ളു​ടെ ക​യ​റ്റു​മ​തി ല​ക്ഷ്യ​മി​ട്ടു​ള്ള നാ​ഷ​ന​ൽ പ്രോ​ഗ്രാം ഫോ​ർ ഓ​ർ​ഗാ​നി​ക് പ്രൊ​ഡ​ക്ഷ​ൻ (എ​ൻ.​പി.​ഒ.​പി) സ​ർ​ട്ടി​ഫി​ക്കേ​ഷ​ൻ നേ​ടു​ന്ന​തി​നു​ള്ള ന​ട​പ​ടി​ക​ളാ​ണ് പു​രോ​ഗ​മി​ക്കു​ന്ന​ത്. ഇ​തി​ന് മൂ​ന്നു​ഘ​ട്ട ന​ട​പ​ടി​ക​ളാ​ണു​ള്ള​ത്. സാ​ധാ​ര​ണ നി​ല​യി​ലു​ള്ള കൃ​ഷി​ഭൂ​മി​യെ ഓ​ർ​ഗാ​നി​ക് കൃ​ഷി​ക്കാ​യി പ​രി​വ​ർ​ത്തി​പ്പി​ക്കു​ന്ന​തി​ന് മൂ​ന്നു​വ​ർ​ഷം വേ​ണ്ടി​വ​രു​മെ​ന്ന ക​ണ​ക്കി​ലാ​ണി​ത്. ഇ​തി​ൽ ആ​ദ്യ​ഘ​ട്ടം വി​ജ​യ​ക​ര​മാ​യി പൂ​ർ​ത്തീ​ക​രി​ച്ച ഇ​വ​ർ ഗ്രീ​ൻ സ​ർ​ട്ടി​ഫി​ക്ക​റ്റ് നേ​ടി​യി​ട്ടു​ണ്ട്. അ​ടു​ത്ത ര​ണ്ട് ഘ​ട്ടം​കൂ​ടി പൂ​ർ​ത്തീ​ക​രി​ക്കു​ന്ന​തോ​ടെ ഇ​വ​ർ എ​ൻ.​പി.​ഒ.​പി സ​ർ​ട്ടി​ഫി​ക്കേ​ഷ​ന് അ​ർ​ഹ​രാ​കും. ഇ​തോ​ടെ ഇ​വ​രു​ടെ ഉ​ൽ​പ​ന്ന​ങ്ങ​ൾ ക​യ​റ്റു​മ​തി ചെ​യ്യാ​നു​ള്ള കേ​ന്ദ്ര അ​നു​മ​തി​യും ല​ഭി​ക്കും.