Ernakulam News
നവീകരിച്ച ചേരാനല്ലൂർ പൊതുശ്മശാനം നാടിന് സമർപ്പിച്ചു
കൊച്ചി: ടി.ജെ. വിനോദ് എം.എൽ.എയുടെ ആസ്തി വികസന ഫണ്ടിൽ നിന്ന് 57 ലക്ഷം രൂപ ഉപയോഗിച്ച് നവീകരണം പൂർത്തീകരിച്ച ചേരാനല്ലൂർ പൊതുശ്മശാനം എം.എൽ.എ നാടിന് സമർപ്പിച്ചു. ഒന്നര വർഷത്തെ അറ്റകുറ്റപ്പണി കരാറോടെയാണ് പൊതുമേഖല സ്ഥാപനമായ കെൽ നവീകരണം പൂർത്തിയാക്കിയത്. മികച്ച നിലവാരത്തിലുള്ള മൂന്ന് സ്റ്റെയിൻലെസ്സ് സ്റ്റീൽ ചിമ്മിനികളും ഫർനസുകളുമുണ്ട്. മെച്ചപ്പെട്ട ജ്വലനത്തിനായി ഓക്സിജൻ നൽകാൻ പ്രത്യേകം ബ്ലോവർ സിസ്റ്റവും പുക വലിച്ചെടുക്കാൻ എക്സ്ഹോസ്റ്റ് ബ്ലോവർ സംവിധാനവും ശ്മശാനത്തിൽ ഒരുക്കിയിട്ടുണ്ട്. ഒരേസമയം മൂന്ന് മൃതശരീരങ്ങൾ സംസ്കരിക്കാമെന്ന് ടി.ജെ. വിനോദ്…
എല്ലാ വീട്ടിലും തൊഴിലോ സംരംഭമോ ഉറപ്പാക്കാൻ ശ്രമം -മന്ത്രി പി. രാജീവ്
ഉദയംപേരൂർ: എല്ലാ വീട്ടിലും ഒരു തൊഴിൽ അല്ലെങ്കിൽ ഒരു സംരംഭം ഉറപ്പുവരുത്താൻ സംസ്ഥാന സർക്കാർ നടത്തുന്ന ശ്രമങ്ങൾ സാക്ഷാത്കരിക്കാൻ ഗ്രാമീണ മേഖലയിൽ സഹകരണ ബാങ്കുകൾക്ക് പ്രധാന പങ്കുവഹിക്കാൻ കഴിയുമെന്ന് മന്ത്രി പി. രാജീവ്. ഉദയംപേരൂർ സർവീസ് സഹകരണബാങ്ക് ശതാബ്ദി ആഘോഷങ്ങളുടെ ഭാഗമായി നിർമിച്ച ശതാബ്ദി സ്മാരക മന്ദിരം ഉദ്ഘാടനം ചെയ്യുകയായിരുന്നു മന്ത്രി. ബാങ്ക് പ്രസിഡന്റ് കെ. എസ്. ലിജു അദ്ധ്യക്ഷത വഹിച്ചു. സോളാർ വായ്പ വിതരണം കെ. ബാബു എം.എൽ.എ ഉദ്ഘാടനം ചെയ്തു. സെക്രട്ടറി ഇ.പി. ഷീബ…
അയ്യൻകുഴി നിവാസികളുടെ സമരം 28 ദിവസം പിന്നിട്ടു
അമ്പലമേട്: അമ്പലമുകൾ വ്യവസായ മേഖലയിൽ അയ്യൻകുഴി പ്രദേശത്ത് കൊച്ചിൻ റിഫൈനറിയുടെയും എച്ച്.ഒ.സിയുടെയും മതിലുകൾക്കുള്ളിൽ ഒമ്പതര ഏക്കറിൽ കുടുങ്ങിക്കിടക്കുന്നവരുടെ സ്ഥലം ഏറ്റെടുക്കണമെന്നാവശ്യപ്പെട്ട് കമ്പനികൾക്ക് മുന്നിൽ നടത്തുന്ന സമരം 27 ദിവസം പിന്നിട്ടു. ദിവസവും വൈകുന്നേരമാണ് സമരം നടക്കുന്നത്. ഇവിടെ താമസിക്കുന്ന അധിക പേർക്കും രണ്ട്, മൂന്ന് വീതം സെന്റ് ഭൂമി മാത്രമാണുള്ളത്. തെക്ക് പടിഞ്ഞാറ് ഭാഗം എച്ച്.ഒ.സിയും കിഴക്ക് വടക്ക് ഭാഗം റിഫൈനറിയുടെയും രണ്ടാൾ പൊക്കത്തിലുള്ള മതിലാണ്. രണ്ട് മതിലുകളുടെ ഇടയിലുള്ള റോഡിലൂടെ മാത്രമേ ഇവിടെ എത്തിപ്പെടാൻ കഴിയുകയുള്ളു.…
പാലത്തിന് നടുവിൽ ബെൻസ് കാർ നിർത്തി കൂട്ടമദ്യപാനം; കാർ മാറ്റാൻ പറഞ്ഞ പൊലീസുകാരെ അസഭ്യംപറഞ്ഞ് വളഞ്ഞിട്ട് തല്ലി, ഏഴുപേർ അറസ്റ്റിൽ
പനങ്ങാട് (കൊച്ചി): ദേശീയ പാതയിൽ കുമ്പളം-പനങ്ങാട് പാലത്തിന് നടുവിൽ ബെൻസ് കാർ നിർത്തിയിട്ട് മദ്യപിച്ച സംഘം രാത്രികാല പട്രോളിങ്ങിനെത്തിയ പൊലീസിനെ ആക്രമിച്ചു. സംഭത്തിൽ ഏഴുപേരെ പൊലീസ് അറസ്റ്റു ചെയ്തു. ആലപ്പുഴ തൈക്കാട്ടുശ്ശേരി സ്വദേശികളായ വേലംവെളി വീട്ടിൽ ഷമീർ(37), വാത്തിവീട്ടിൽ അനൂപ് (27), കുമ്പളശ്ശേരി വീട്ടിൽ മനു(35), പള്ളത്തിപ്പറമ്പിൽ വീട്ടിൽ വർഗീസ് (35), അമ്പാടി കൃഷ്ണ നിവാസിൽ ജയകൃഷ്ണൻ(28), പുന്നംപൊഴി വീട്ടിൽ കിരൺബാബു(25), വേലിയിൽ വീട്ടിൽ അജയ കൃഷ്ണൻ(28) എന്നിവരാണ് അറസ്റ്റിലായത്. ഞായറാഴ്ച പുലർച്ചെ 1.50 ഓടെ ദേശീയ…
വേലിയേറ്റം ശക്തമായി; ചെമ്മീൻ കെട്ടുകൾ നാശത്തിൽ
പറവൂർ: കാലാവസ്ഥ വ്യതിയാനം മൂലമുണ്ടായ ശക്തമായ വേലിയേറ്റത്തെ തുടർന്ന് ചെമ്മീൻ കെട്ടുകൾ വെള്ളത്തിൽ മുങ്ങുന്നു. കോട്ടുവള്ളി, ഏഴിക്കര, കൈതാരം പ്രദേശങ്ങളിലെ ചെമ്മീൻ കൃഷിക്കാരെയാണ് ഏറെ ദോഷകരമായി ബാധിച്ചിട്ടുള്ളത്. ശക്തമായ വേലിയേറ്റത്തെ തുടർന്ന് ചെമ്മീൻ കെട്ടുകളുടെ പുറംചിറകളും തൂമ്പുകളും വെള്ളത്തിനടിയിലായി. ഇതുമൂലം ഹാച്ചറികളിൽ നിന്ന് കെട്ടുകളിൽ നിക്ഷേപിച്ചിട്ടുള്ള കാര ചെമ്മീൻ കുഞ്ഞുങ്ങളും ഞണ്ടുകളും പുഴയിലേക്ക് ഒഴുകിപ്പോകുന്ന അവസ്ഥയാണ്. ഈ അവസ്ഥ വൻ സാമ്പത്തിക നഷ്ടമാണ് ചെമ്മീൻ കെട്ട് കർഷകർക്കുണ്ടാക്കിയിട്ടുള്ളത്. കെട്ടുതുടങ്ങി 20 ദിവസം പിന്നിട്ടപ്പോഴാണ് ഇടിത്തീപോലെ ഈ ദുരവസ്ഥയുണ്ടായത്.…
ജൈവകൃഷി; കർമപദ്ധതിയൊരുക്കി കൃഷി വകുപ്പ്
കൊച്ചി: ജില്ലയിൽ ജൈവകൃഷി വ്യാപന പദ്ധതിയുമായി കൃഷി വകുപ്പ്. സുരക്ഷിത ഭക്ഷണം, മെച്ചപ്പെട്ട ആരോഗ്യം, പരിസ്ഥിതിസൗഹൃദം എന്ന പ്രഖ്യാപനത്തോടെയാണ് ജൈവകൃഷി സജീവമാക്കാൻ കർമപദ്ധതികൾ നടപ്പാക്കുന്നത്. ജൈവ കാർഷിക മിഷന്റെ നേതൃത്വത്തിലാണ് പ്രവർത്തനങ്ങൾ ഏകോപിപ്പിക്കുന്നത്. 1922 സജീവ ജൈവകർഷകർ ജില്ലയിൽ ജൈവകൃഷി രംഗത്ത് സജീവമായി നിൽക്കുന്നത് 1922 കർഷകരാണെന്നാണ് കണക്കുകൾ വ്യക്തമാക്കുന്നത്. ഇവർ 719.007 ഹെക്ടറിലാണ് കൃഷിയിറക്കുന്നത്. ഇതിൽ പൂർണമായും ജൈവകൃഷി ചെയ്യുന്നത് 40 കർഷകരാണ്. ഇക്കൂട്ടത്തിൽ ആറ് വനിതകളുമുണ്ട്. ഇവർവഴി ജില്ലയിൽ 36.725 ഹെക്ടറിൽ സമ്പൂർണ ജൈവകൃഷിയാണ്…
റെസിനിലൊളിപ്പിച്ച് പ്രകൃതി ഭാവങ്ങൾ
കുട്ടിക്കാലത്ത് അറബിക്കടൽ തീരവും വേമ്പനാട്ടുകായലിലെ ഓളപ്പരപ്പുകളിൽ നീന്തിത്തുടിക്കുന്ന ചെറു മത്സ്യങ്ങളും വിരിഞ്ഞുനിൽക്കുന്ന താമരപ്പൂക്കളും പാറിനടക്കുന്ന വെള്ളകൊക്കുകളും പൂക്കളിൽ തേൻനുകരാനെത്തുന്ന വർണ ശലഭങ്ങളുമൊക്കെയായി ഓർമകളിൽ കോറിയിട്ട വർണക്കാഴ്ചകളെ വർഷങ്ങൾക്കിപ്പുറം ദുബൈയിലെ റൂമിലിരുന്നുകൊണ്ട് റെസിൻ ആർട്ടിൽ പുനരാവിഷ്കാരം നടത്തി വിസ്മയം തീർക്കുകയാണ് ഫോർട്ടുകൊച്ചി ചുള്ളിക്കൽ സ്വദേശിനിയായ മിസ്രിൻ സനു. വരയോടും വർണങ്ങളോടും ചെറുപ്പം മുതലേ കമ്പം തോന്നിയ മിസ്രിന് ഒഴിവു സമയങ്ങളെ ചിത്രരചനകൾക്കായി ചെലവഴിക്കുന്നതിലായിരുന്നു കൂടുതൽ താൽപര്യം. പിതാവ് എ.എസ് മുഹമ്മദ് ചുറ്റുമുള്ള പ്രിയപ്പെട്ടവരെ പേനകൊണ്ട് കടലാസ് തുണ്ടുകളിൽ വരക്കുന്നതും…
പുത്തൻവേലിക്കരയിൽ കാണാതായ ആധാരങ്ങൾ കണ്ടുകിട്ടിയില്ല
പറവൂർ: പുത്തൻവേലിക്കര പഞ്ചായത്തിൽ കാണാതായ പ്രധാന ആധാരങ്ങൾ കണ്ടുകിട്ടിയില്ല. പഞ്ചായത്ത് സ്ഥിതി ചെയ്യുന്ന സ്ഥലത്തിന്റെയും ബസ് സ്റ്റാൻഡ് സ്ഥിതി ചെയ്യുന്ന സ്ഥലത്തിന്റെയും അടക്കം ആധാരങ്ങളാണ് കാണാതായത്. അംഗനവാടിയുടെ ആധാരങ്ങൾ ഉൾപ്പെടെ ചിലത് മാത്രമാണ് പഞ്ചായത്ത് ഓഫിസിലുള്ളത്. കഴിഞ്ഞ 29ന് കൂടിയ പഞ്ചായത്ത് കമ്മിറ്റിയിൽ പ്രസിഡന്റാണ് ആധാരങ്ങൾ കാണാതായ വിവരം അറിയിച്ചത്. തുടർന്ന് പ്രതിപക്ഷത്തെ കോൺഗ്രസ് അംഗങ്ങൾ ഇറങ്ങിപ്പോക്ക് നടത്തി ഓഫിസിന് മുന്നിൽ കുത്തിയിരുന്ന് പ്രതിഷേധിച്ചിരുന്നു. പഞ്ചായത്തിന്റെ വസ്തുവകകൾ സംബന്ധിച്ച എല്ലാ റെക്കാഡുകളുടെയും കസ്റ്റോഡിയൻ പഞ്ചായത്ത് സെക്രട്ടറിയാണ്. 2018…
ആർ.ടി.ഒയുടെ ഔദ്യോഗിക വാഹനം കോടതി ജപ്തി ചെയ്തു
മൂവാറ്റുപുഴ: വാലി ഇറിഗേഷൻ പദ്ധതിയുമായി ബന്ധപ്പെട്ട കേസിൽ മൂവാറ്റുപുഴ ആർ.ടി.ഒയുടെ ഔദ്യോഗിക വാഹനം കോടതി ജപ്തി ചെയ്തു. മോട്ടർ വാഹന വകുപ്പിന്റെ വിവിധ ജോലികൾക്ക് വാഹനം അനിവാര്യമാണെന്നും കോടതി ആവശ്യപ്പെടുന്ന സമയത്ത് ഹാജരാക്കാമെന്നും ആർ.ടി.ഒ ഉറപ്പുനൽകിയതിനെ തുടർന്ന് വാഹനം താൽക്കാലികമായി കോടതി വിട്ടുനൽകി. മൂവാറ്റുപുഴ വാലി ഇറിഗേഷൻ പദ്ധതിയുമായി ബന്ധപ്പെട്ട കേസിൽ പിറവം ശ്രീ നിലയംഅജിത് കുമാർ നൽകിയ ഹർജിയെ തുടർന്നാണ് കോടതി ആർ.ടി.ഒയുടെ വാഹനം ജപ്തി ചെയ്യാൻ ഉത്തരവിട്ടത്. 96ൽ കനാലിനുവേണ്ടി പാടം വിട്ടുനൽകിയതിന് പണം…
അൽഫലാഹ് പബ്ലിക് സ്കൂളിന് ചാമ്പ്യൻഷിപ്
കോതമംഗലം: ഐ.എ.എം.ഇ സെൻട്രൽ റീജിയൻ അത്ലറ്റിക് മീറ്റിൽ പാനിപ്ര അൽഫലാഹ് പബ്ലിക് സ്കൂൾ ചാമ്പ്യൻഷിപ്പ് നേടി. മൂവാറ്റൂപുഴ മുനിസിപ്പൽ സ്റ്റേഡിയത്തിൽ നടന്ന അത്ലറ്റിക് മീറ്റ് ഡിവൈ.എസ്.പി പി.പി. ഷംസ് ഉദ്ഘാടനം ചെയ്തു. മധ്യമേഖലയിലെ വിവിധ സ്കൂളുകളിൽനിന്ന് നാല് കാറ്റഗറിയിലായി 400 അത്ലറ്റുകളാണ് മത്സരിച്ചത്. അൽഫലാഹ് പബ്ലിക് സ്കൂൾ അണ്ടർ 14,അണ്ടർ 17 കാറ്റഗറിയിൽ ഒന്നും രണ്ടും സ്ഥാനങ്ങൾ നേടിയാണ് ചാമ്പ്യൻഷിപ്പ് കരസ്ഥമാക്കിയത്. അത്ലറ്റിക് മീറ്റ് ചാമ്പ്യൻഷിപ് നേടിയവരെ പ്രിൻസിപ്പൽ ഡോ. ഇ.എം. മുഹമ്മദലിയും മാനേജ്മെന്റും അഭിനന്ദിച്ചു.