Ernakulam News
പൊലീസുകാരില്ല; മൂവാറ്റുപുഴ സ്റ്റേഷന്റെ താളം തെറ്റുന്നു
മൂവാറ്റുപുഴ: ഉദ്യോഗസ്ഥരുടെ കുറവ് മൂവാറ്റുപുഴ പൊലീസ് സ്റ്റേഷൻ പ്രവർത്തനത്തെ ബാധിക്കുന്നു. തിരക്കേറിയ കച്ചേരിത്താഴത്തെ പൊലീസ് എയ്ഡ് പോസ്റ്റിൽ ഇരിക്കാൻ ഉദ്യോഗസ്ഥരില്ലാത്തതിനാൽ തുറന്നിട്ട് ദിവസങ്ങളായി. ഗതാഗതക്കുരുക്ക് മൂലം നട്ടം തിരിയുന്ന നഗരത്തിൽ ട്രാഫിക് പൊലീസിന്റെ കുറവും പ്രശ്നം സൃഷ്ടിക്കുകയാണ്. മധ്യകേരളത്തിലെ പ്രധാന പൊലീസ് സ്റ്റേഷനുകളിലൊന്നായ ഇവിടെ 115 പേരാണ് ഉണ്ടായിരുന്നത്. എന്നാൽ നിലവിലുള്ള അംഗബലം 85 മാത്രമാണ്. വിരമിച്ചവർക്കും സ്ഥലംമാറി പോയവർക്കും പ്രമോഷൻ ലഭിച്ച് പോയവർക്കും പകരം ആളെത്താത്തതാണ് കാരണം. നിലവിലുള്ളതിൽ 20 ഓളം പേർ വർക്ക് അറേഞ്ച്മെന്റിന്റെ…
മോഷ്ടിച്ച ബൈക്കിൽ കറങ്ങിനടന്ന യുവാക്കൾ പിടിയിൽ
അങ്കമാലി: നമ്പർപ്ലേറ്റ് മാറ്റി മോഷ്ടിച്ച ബൈക്കിൽ കറങ്ങിനടന്ന യുവാക്കൾ പൊലീസ് പിടിയിൽ. ചാലക്കുടി ചന്ദനക്കുന്ന് ചെങ്കിനിയാടൻ വീട്ടിൽ ലിബിൻ (23), അതിരപ്പിള്ളി വെറ്റിലപ്പാറ പെരുമ്പിള്ളി വീട്ടിൽ അച്ചു എന്ന വിഷ്ണു (22) എന്നിവരെയാണ് അങ്കമാലി പൊലീസ് പിടികൂടിയത്. 18ന് അങ്കമാലി റെയിൽവേ സ്റ്റേഷൻ പരിസരത്ത് പാർക്ക് ചെയ്ത ബൈക്കാണ് മോഷ്ടിച്ചത്. നമ്പർ പ്ലേറ്റ് മാറ്റി കറങ്ങി നടക്കുന്നതിനിടെ വെള്ളിയാഴ്ച വെള്ളിക്കുളങ്ങരയിൽ പൊലീസ് വാഹന പരിശോധനക്കിടെയാണ് ഇവർ പിടിയിലായത്. ലിബിൻ പോക്സോ കേസിൽ പ്രതിയാണ്. രണ്ടുപേർക്കും മോഷണക്കേസുകളുള്ളതായും പൊലീസ്…
അങ്കമാലി താലൂക്ക് ആശുപത്രിയിൽ സിനിമ ഷൂട്ട് ചെയ്തത് പണമടച്ച് അനുമതി വാങ്ങിയ ശേഷമെന്ന് നിർമാതാക്കളുടെ സംഘടന
അങ്കമാലി: താലൂക്ക് ആശുപത്രിയിലെ അത്യാഹിത വിഭാഗത്തിൽ വ്യാഴാഴ്ച രാത്രി മുഴുവൻ രോഗികളെ ബുദ്ധിമുട്ടാക്കി സിനിമ ചിത്രീകരണം നടത്തിയെന്ന പരാതിയിൽ മനുഷ്യാവകാശ കമ്മീഷൻ നോട്ടീസയച്ചിരുന്നു. എന്നാൽ പണമടച്ച് അനുമതി വാങ്ങിയ ശേഷമാണ് ഷൂട്ടിങ് നടത്തിയതെന്ന് പ്രൊഡ്യൂസേഴ്സ് അസോസിയേഷൻ പ്രതികരിച്ചു. രണ്ടുദിവസത്തെ ഷൂട്ടിന് പ്രതിദിനം 10,000 രൂപ അടച്ചിട്ടുണ്ടെന്നും രോഗികൾക്ക് ബുദ്ധിമുട്ടുണ്ടാക്കിയിട്ടില്ലെന്നും ആശുപത്രി പ്രവർത്തനം തടസ്സപ്പെടുത്തിയിട്ടില്ലെന്നും നിർമാതാക്കളുടെ സംഘടന അറിയിച്ചു. സർക്കാർ ആശുപത്രിയുടെ അത്യാഹിത വിഭാഗത്തിൽ സിനിമ ചിത്രീകരിക്കാൻ അനുമതി നൽകിയതിന് ഏഴു ദിവസത്തിനകം വിശദീകരണം നൽകണമെന്നാണ് മനുഷ്യാവകാശ കമ്മീഷൻ…
മയക്കുമരുന്ന് കേസ് പ്രതികൾക്കെതിരെ കടുത്ത നടപടിയുമായി റൂറൽ ജില്ല പൊലീസ്
ആലുവ: മയക്കുമരുന്ന് കേസ് പ്രതികൾക്കെതിരെ കടുത്ത നടപടിയുമായി റൂറൽ ജില്ല പൊലീസ്. രണ്ടിൽ കൂടുതൽ കേസുകളിൽ ഉൾപ്പെടുന്നവരെ പിറ്റ് എൻ.ഡി.പി.എസ് പ്രകാരം കരുതൽ തടങ്കലിൽ അടയ്ക്കുന്നതിനുള്ള നടപടി സ്വീകരിക്കും. ഇതുവരെ 26 പേർക്കെതിരെ കരുതൽ തടങ്കലിന് റിപ്പോർട്ട് സമർപ്പിച്ചിട്ടുണ്ട്. ഒമ്പത് പേർക്കെതിരെ കരുതൽ തടങ്കലിന് ഉത്തരവായിട്ടുണ്ട്. ഇതുപ്രകാരം ഒരു വർഷം വരെ വിചാരണ കൂടാതെ അഴികൾക്കുള്ളിൽ കഴിയേണ്ടിവരും. കൂടുതൽ പേർക്കെതിരെ നടപടിയുണ്ടാകും. മയക്കുമരുന്ന് കേസിൽ ഉൾപ്പെടുന്ന പ്രതികളുടെ സ്വത്ത് കണ്ട് കെട്ടുന്ന നടപടികളും ഊർജ്ജിതമായി നടക്കുന്നു. ഇതുവരെ…
അങ്കമാലിയിലും നെടുമ്പാശ്ശേരിയിലും രാസലഹരി ശേഖരം പിടികൂടി; രണ്ട് പേർ കസ്റ്റഡിയിൽ
അങ്കമാലി: ബുധനാഴ്ച രാത്രി അങ്കമാലി ടൗണിൽ വച്ചും, വ്യാഴാഴ്ച പുലർച്ചെ നെടുമ്പാശ്ശേരി കരിയാട് വളവിൽ വച്ചും വൻ രാസലഹരി ശേഖരം പൊലീസ് പിടികൂടി. വ്യാഴാഴ്ച പുലർച്ചെ 350 ഗ്രാം എം.ഡി.എം.എയും, അര കിലോ കഞ്ചാവും, രണ്ട് എൽ.എസ്.ഡി സ്റ്റാമ്പുമാണ് പിടികൂടിയത്. രഹസ്യവിവരം ലഭിച്ചതിൻ്റെ അടിസ്ഥാനത്തിൽ ദേശീയപാത കരിയാട് വളവിൽ വാഹന പരിശോധന നടത്തുകയായിരുന്ന പൊലീസാണ് കാറിൽ കടത്തുകയായിരുന്ന രാസലഹരി പിടികൂടിയത്. ആലുവ കുട്ടമശ്ശേരി സ്വദേശിയായ യുവാവാണ് പിടിയിലായത്. പൊലീസിനെ വെട്ടിച്ച് രക്ഷപ്പെടാൻ ശ്രമിച്ചെങ്കിലും സാഹസികമായി പിടികൂടുകയായിരുന്നു. പൊലീസ്…
മൂവാറ്റുപുഴയാറിൽ ജലനിരപ്പ് ഉയർന്നു; വെള്ളപ്പൊക്ക ഭീഷണി
മൂവാറ്റുപുഴ: കനത്ത മഴയിൽ മൂവാറ്റുപുഴയാറിൽ ജലനിരപ്പ് ഉയർന്ന് നഗരത്തിൽ വെള്ളപ്പൊക്ക ഭീഷണി. ദുരന്ത സാഹചര്യം നേരിടാൻ മുന്നൊരുക്കം ആരംഭിച്ചു. കനത്ത മഴക്ക് പുറമെ മലങ്കര ഡാമിന്റെ ആറ് ഷട്ടറിൽ നാലെണ്ണവും ഒരു മീറ്റർ ഉയർത്തി വെള്ളം പുറത്തേക്കൊഴുക്കാൻ ആരംഭിച്ചതോടെയാണ് നഗരത്തിലെ താഴ്ന്ന പ്രദേശങ്ങൾ വെള്ളപ്പൊക്ക ഭീഷണിയിലായത്. ഇതിനുപുറമെ, വെള്ളൂർക്കുന്നം കോർ മലയിലടക്കം മണ്ണിടിച്ചിൽ ഭീഷണിയും നിലനിൽക്കുന്ന സാഹചര്യത്തിലാണ് അടിയന്തര സാഹചര്യങ്ങൾ നേരിടാൻ മുന്നൊരുക്കം തുടങ്ങിയത്. വെള്ളം കയറാൻ സാധ്യതയുള്ള പ്രദേശങ്ങളിലും മൂവാറ്റുപുഴയാറിന്റെ തീരത്തുള്ള പ്രദേശങ്ങളിലും റവന്യൂ, പൊലീസ്,…
വേങ്ങൂര് പഞ്ചായത്തില് കാട്ടാനക്കൂട്ടമിറങ്ങി
പെരുമ്പാവൂര്: വേങ്ങൂര് പഞ്ചായത്തിന്റെ വിവിധ ഇടങ്ങളിൽ കാട്ടാനക്കൂട്ടം ഇറങ്ങിയത് നാട്ടുകാരില് ഭീതി ഉയര്ത്തി. പാണംകുഴി, പാണിയേലി, കൊച്ചുപുരക്കല്കടവ് മേഖലകളിലാണ് ചൊവ്വാഴ്ചയും ബുധനാഴ്ചയും ആനക്കൂട്ടം എത്തിയത്. വലുതും ചെറുതുമായ എട്ടോളം ആനകള് ജനവാസ മേഖകളിലൂടെ കൂട്ടത്തോടെ സഞ്ചരിക്കുകയായിരുന്നു. പെരിയാര് നീന്തി കടന്ന് എത്തിയ ആനകളില് ചിലത് പ്രദേശത്തുതന്നെ തമ്പടിക്കുന്നുണ്ടെന്നാണ് നാട്ടുകാരുടെ സംശയം. പകല് സമയത്ത് ആനക്കൂട്ടം വീടുകള്ക്കരികിലൂടെ സഞ്ചരിക്കുന്നത് പ്രദേശവാസികളില് ഭീതിയുളവാക്കിയിട്ടുണ്ട്. ആനകളെ തുരത്താന് നാട്ടുകാരും വനം വകുപ്പ് ഉദ്യോഗസ്ഥരും ചേര്ന്ന് ശ്രമങ്ങള് നടത്തിയിരുന്നു. പുഴ കടന്നുവരുന്ന ആനകള്…
കുരുമുളക് സ്പ്രേ മുഖത്തടിച്ച് വ്യാപാരിയുടെ കൈയിൽ നിന്ന് പണം തട്ടാൻ ശ്രമം
പട്ടിമറ്റം: കുരുമുളക് സ്പ്രേ മുഖത്തേക്ക് അടിച്ച് വ്യാപാരിയുടെ കയ്യിൽ നിന്ന് പണം തട്ടാൻ ശ്രമം. തിങ്കളാഴ്ച രാത്രി 8.30നാണ് സംഭവം. പട്ടിമറ്റം കൃഷ്ണ ലോട്ടറി സ്ഥാപന ഉടമയായ വിജി സഞ്ജയന്റെ നേരെയാണ് ആക്രമണം. രാത്രിയിൽ കട പൂട്ടിയ ശേഷം മുൻ ഫെഡറൽ ബാങ്കിനോട് ചേർന്ന സ്ഥലത്ത് പാർക്ക് ചെയ്തിരുന്ന വാഹനത്തിലേക്ക് പോകുമ്പോൾ മുഖംമൂടി ധരിച്ചയാൾ പുറകിലൂടെ വന്ന് കയ്യിൽ ഉണ്ടായിരുന്ന ബാഗ് തട്ടിപ്പറിക്കാൻ ശ്രമിക്കുകയും കുരുമുളക് സ്പ്രേ മുഖത്തേക്ക് അടിക്കുകയും ചെയ്തു. ബഹളം വച്ചതോടെ പ്രതി ഓടി…
പെരിയാറിലേക്ക് മലിന ജലം ഒഴുക്കൽ; എടയാറിലെ സ്വകാര്യ കമ്പനിക്ക് പൂട്ടൽ നോട്ടീസ് നൽകി
കളമശ്ശേരി: പഴകിയ ഓയിൽ സംസ്കരിക്കുന്ന കമ്പനിയിൽ നിന്നുള്ള മലിന ജലം പെരിയാറിലേക്ക് ഒഴുക്കി വന്നത് മലിനീകരണ നിയന്ത്രണ ബോർഡ് ഉദ്യോഗസ്ഥരും പരിസ്ഥിതി പ്രവർത്തകരും ചേർന്ന് കണ്ടെത്തി. സംഭവത്തിൽ എടയാർ വ്യവസായ മേഖലയിൽ പ്രവർത്തിക്കുന്ന ‘സീജീ ലൂബ്രിക്കന്റ്സ്’ എന്ന കമ്പനിക്ക് മലിനീകരണ നിയന്ത്രണ ബോർഡ് നോട്ടീസ് നൽകി. പൂട്ടാതിരിക്കാനുള്ള കാരണം കാണിക്കൽ നോട്ടീസാണ് നൽകിയത്. ബുധനാഴ്ച പുലർച്ചെ 2.40ഓടെ പാതാളം റെഗുലേറ്റർ ബ്രിഡ്ജിന് സമീപം പുഴയിൽ മലിനീകരണ നിയന്ത്രണ ബോർഡ് ഉദ്യോഗസ്ഥരും പരിസ്ഥിതി പ്രവർത്തകരും സംയുക്ത നിരീക്ഷണം നടത്തി…
ബാറിനുസമീപത്തെ കൊലപാതകം; പ്രതികളെ റിമാൻഡ് ചെയ്തു
മൂവാറ്റുപുഴ: കച്ചേരിത്താഴത്തെ ബാറിനുസമീപം യുവാവ് കൊല്ലപ്പെട്ട സംഭവത്തിൽ പിടിയിലായ പ്രതികളെ മൂവാറ്റുപുഴ കോടതി റിമാൻഡ് ചെയ്തു. ശനിയാഴ്ച രാത്രി 11ഓടെ നഗരത്തിലെ ജനതാ ബാറിനു സമീപം ഉണ്ടായ അടിപിടിയിൽ പുല്ലുവഴി കാൽപടിക്കൽ (പാണ്ടം കോട്ടിൽ) ശബരീബാൽ (40) കൊല്ലപ്പെട്ടതുമായി ബന്ധപ്പെട്ട് പിടിയിലായ ഏനാനല്ലൂർ തൃപ്പൂരത്ത് വാടകക്ക് താമസിക്കുന്ന ദീപുമോൻ (31), രണ്ടാർ തോട്ടഞ്ചേരിയിൽ വാടകക്ക് താമസിക്കുന്ന ടോജി തോമസ് (22), രണ്ടാർ തോട്ടഞ്ചേരി മുന്തിരിങ്ങാട്ട് അഷിൻ ഷിബി (19) എന്നിവരെയാണ് റിമാൻഡ് ചെയ്തത്. രാത്രി ബാറിൽ എത്തിയ…