നഗര റോഡുകളിലെ അറ്റകുറ്റപ്പണി ഉടൻ ആരംഭിക്കണമെന്ന്​ ഹൈകോടതി

കൊ​ച്ചി: പൊ​തു​മ​രാ​മ​ത്തി​ന്‍റെ മാ​ത്ര​മ​ല്ല മെ​ട്രോ, സ്മാ​ർ​ട്ട്​ സി​റ്റി, ​കൊ​ച്ചി കോ​ർ​പ​റേ​ഷ​ൻ, വി​ശാ​ല കൊ​ച്ചി വി​ക​സ​ന അ​തോ​റി​റ്റി എ​ന്നി​വ​ക്കു​കീ​ഴി​ൽ വ​രു​ന്ന റോ​ഡു​ക​ളി​ലെ അ​റ്റ​കു​റ്റ​പ്പ​ണി ഉ​ട​ൻ ആ​രം​ഭി​ക്ക​ണ​മെ​ന്ന്​ ഹൈ​കോ​ട​തി.

ന​ഗ​ര​ത്തി​ലെ ന​ട​പ്പാ​ത​ക​ളു​ടെ ശോ​ച്യാ​വ​സ്ഥ​ക്കും മാ​റ്റ​മു​ണ്ടാ​ക്ക​ണം. മ​ഴ​ക്കാ​ല​മാ​യി​ട്ടും ന​ട​പ്പാ​ത​ക​ൾ അ​പ​ക​ട ഭീ​ഷ​ണി ഉ​യ​ർ​ത്തി തു​ട​രു​ക​യാ​ണ്. കാ​ൽ​ന​ട​ക്കാ​ർ അ​നു​ഭ​വി​ക്കു​ന്ന ദു​രി​തം അ​ലോ​സ​ര​പ്പെ​ടു​ത്തു​ന്ന​താ​ണ്. കാ​ൽ​ന​ട​ക്കാ​ർ​ക്ക് ഒ​രു വി​ല​യും ക​ൽ​പി​ക്കു​ന്നി​ല്ലെ​ന്ന് വേ​ണം മ​ന​സ്സി​ലാ​ക്കാ​ൻ. കു​റ​ഞ്ഞ​പ​ക്ഷം ന​ട​പ്പാ​ത​ക​ൾ ന​ട​ക്കാ​ൻ പ​റ്റു​ന്ന രൂ​പ​ത്തി​ലെ​ങ്കി​ലു​മാ​ക്ക​ണ​മെ​ന്ന്​ ജ​സ്റ്റി​സ്​ ദേ​വ​ൻ രാ​മ​ച​ന്ദ്ര​ൻ പ​റ​ഞ്ഞു.

ന​ട​പ്പാ​ത​ക​ൾ​പോ​ലെ റോ​ഡി​ന്‍റെ മ​റ്റു​ഭാ​ഗ​ങ്ങ​ളും പൂ​ർ​ണ​മാ​യും ഉ​പ​യോ​ഗ​യോ​ഗ്യ​മാ​യ അ​വ​സ്ഥ​യി​ല​ല്ല. കോ​ട​തി​യു​ടെ പ​ല ഉ​ത്ത​ര​വു​ണ്ടാ​യി​ട്ടും ഈ ​വി​ഷ​യ​ത്തി​ന് അ​ധി​കൃ​ത​ർ മു​ൻ​ഗ​ണ​ന ന​ൽ​കു​ന്നി​ല്ല. പൗ​ര​ന്മാ​രു​ടെ ജീ​വ​ൻ അ​പ​ക​ട​ത്തി​ലാ​കു​മ്പോ​ഴും ഫ​ണ്ടി​ല്ലെ​ന്ന ന്യാ​യം അ​ധി​കൃ​ത​ർ​ക്ക്​ തു​ട​രാ​ൻ ക​ഴി​യു​ന്ന​ത്​ എ​ങ്ങ​നെ​യെ​ന്ന് മ​ന​സ്സി​ലാ​കു​ന്നി​ല്ല.

ഭി​ന്ന​ശേ​ഷി​ക്കാ​ർ​ക്ക് സ​ഞ്ച​രി​ക്കാ​ൻ യോ​ജി​ച്ച ഇ​ട​ങ്ങ​ളി​ല്ലെ​ന്നും ഉ​ള്ള​വ​ത​ന്നെ വേ​ണ്ട​വി​ധം സം​ര​ക്ഷി​ക്കു​ന്നി​ല്ലെ​ന്നും കോ​ട​തി പ​റ​ഞ്ഞു. അ​തേ​സ​മ​യം, എം.​ജി റോ​ഡി​ലെ കാ​ന​ക​ളും ന​ട​പ്പാ​ത​ക​ളും പു​തു​ക്കി​പ്പ​ണി​യാ​ൻ ഫ​ണ്ട് അ​നു​വ​ദി​ക്കാ​ൻ തീ​രു​മാ​നി​ച്ച​താ​യി സ​ർ​ക്കാ​ർ കോ​ട​തി​യെ അ​റി​യി​ച്ചു. ‘ഓ​പ​റേ​ഷ​ൻ ഫു​ട്പാ​ത്ത്’ സം​ബ​ന്ധി​ച്ച ജി​ല്ല ക​ല​ക്ട​റു​ടെ റി​പ്പോ​ർ​ട്ടും ഹാ​ജ​രാ​ക്കി.

കൊ​ച്ചി മെ​ട്രോ, സ്മാ​ർ​ട്ട്​ സി​റ്റി, കൊ​ച്ചി കോ​ർ​പ​റേ​ഷ​ൻ, പൊ​തു​മ​രാ​മ​ത്ത് വ​കു​പ്പ്, വി​ശാ​ല കൊ​ച്ചി വി​ക​സ​ന അ​തോ​റി​റ്റി, ക​ള​മ​ശ്ശേ​രി, തൃ​പ്പൂ​ണി​ത്തു​റ, മ​ര​ട് മു​നി​സി​പ്പാ​ലി​റ്റി​ക​ൾ, പൊ​ലീ​സ് എ​ന്നീ വി​ഭാ​ഗ​ങ്ങ​ളു​ടെ ഏ​കോ​പ​ന​സ​മി​തി ക​ല​ക്ട​റു​ടെ അ​ധ്യ​ക്ഷ​ത​യി​ൽ രൂ​പ​വ​ത്​​ക​രി​ച്ചി​ട്ടു​ണ്ട്.

മാ​സ​ത്തി​ൽ ഒ​രി​ക്ക​ലെ​ങ്കി​ലും യോ​ഗം ചേ​രും. തീ​രു​മാ​ന​ങ്ങ​ൾ ന​ട​പ്പാ​ക്കു​ന്നു​ണ്ടെ​ന്ന് ഉ​റ​പ്പാ​ക്കാ​ൻ കോ​ട​തി​ക്കും വി​വ​ര​ങ്ങ​ൾ കൈ​മാ​റ​ണ​മെ​ന്ന് നി​ർ​ദേ​ശി​ച്ച സിം​ഗി​ൾ ബെ​ഞ്ച്​ ഈ ​ന​ട​പ​ടി​ക​ളെ അ​ഭി​ന​ന്ദി​ച്ചു.

എം.​ജി റോ​ഡ് വി​ഷ​യ​ത്തി​ൽ ഈ ​മാ​സം 11നും ​അ​റ്റ​കു​റ്റ​പ്പ​ണി​യി​ലെ പു​രോ​ഗ​തി സം​ബ​ന്ധി​ച്ച് 25നും ​ബ​ന്ധ​പ്പെ​ട്ട അ​ധി​കൃ​ത​ർ റി​പ്പോ​ർ​ട്ട്​ ന​ൽ​ക​ണ​മെ​ന്നും കോ​ട​തി നി​ർ​ദേ​ശി​ച്ചു.