Ernakulam News
ഭൂതത്താൻകെട്ടിൽ തടയണയുടെ സംരക്ഷണഭിത്തി തകർന്നു
കോതമംഗലം: ഭൂതത്താൻകെട്ടിൽ ടൂറിസത്തിന്റെ ഭാഗമായി വെള്ളം ശേഖരിച്ചിരുന്ന തടയണയുടെ സംരക്ഷണഭിത്തി തകർന്നു. ശനിയാഴ്ച വൈകീട്ടാണ് സംഭവം. സംരക്ഷണഭിത്തി ഇടിഞ്ഞ് ദ്വാരം രൂപപ്പെട്ട് വെള്ളം പെരിയാറിലേക്കാണ് ഒഴുകുന്നത്. വെള്ളം കുത്തിയൊഴുകി ദ്വാരം വലുതാകുന്നതോടെ തടയണക്ക് ഭീഷണി ഉയരുമെന്ന് കണ്ടതോടെ പെരിയാർവാലി അധികൃതർ ഷട്ടർ ഉയർത്താൻ ശ്രമിച്ചെങ്കിലും സാധിച്ചിട്ടില്ല. ഒഴുക്കിന്റെ ശക്തി കുറക്കാൻ ഭൂതത്താൻകെട്ട് ബാരേജിന്റെ 15 ഷട്ടറുകളും ഒരു മീറ്റർ വീതം താഴ്ത്തി പെരിയാറിൽ ജലനിരപ്പ് ചെറുതായി ഉയർത്തി. ബാരേജിന്റെ ഷട്ടറുകൾ തുറന്ന് പെരിയാറിൽ ജലനിരപ്പ് താഴുമ്പോൾ ബോട്ടിങ്…
രാസലഹരിയും കഞ്ചാവുമായിഏഴുപേര് പിടിയിൽ
പെരുമ്പാവൂർ: പെരുമ്പാവൂരിൽ പൊലീസ് നടത്തിയ വൻ മയക്കുമരുന്ന് വേട്ടയിൽ 30 ഗ്രാമോളം രാസലഹരിയും കഞ്ചാവുമായി ഏഴുപേർ പിടിയിലായി. വെങ്ങോല പാറമാലി ചെരിയോലിൽ വീട്ടിൽ വിമൽ (22), ചെരിയോലിൽ വീട്ടിൽ വിശാഖ് (21), അറക്കപ്പടി മേപ്രത്തുപടി ചിറ്റേത്തുപറമ്പിൽ വീട്ടിൽ വിഷ്ണു സാജു (22), പുല്ലുവഴി പുളിയാംപിള്ളി പ്ലാംകുടി വീട്ടിൽ ആദിത്യൻ (25) വെങ്ങോല പുള്ളിയിൽ വീട്ടിൽ പ്രവീൺ (25), കുട്ടമ്പുഴ മാമലക്കണ്ടം എളംബ്ലശ്ശേരി പുതിയ പെട്ടയിൽ അപ്പു (27), ആലപ്പുഴ മണ്ണഞ്ചേരി കുമ്പളത്തുവേലി വീട്ടിൽ റിനാസ് (24) എന്നിവരെയാണ്…
പരിഹാരം കാണാതെ കെ.എസ്.ആർ.ടി.സി; ദേശസാത്കൃത റൂട്ടുകളിൽ രാത്രിയാത്ര പ്രതിസന്ധി
കൊച്ചി: അധികൃതരുടെ അവഗണന; ദേശസാത്കൃത റൂട്ടുകളിൽ രാത്രികാല യാത്രക്ലേശത്തിന് പരിഹാരമില്ലാതെ യാത്രക്കാർ. കെ.എസ്.ആർ.ടി.സി ബസുകൾ മാത്രം സർവിസ് നടത്തുന്ന എറണാകുളം-മൂവാറ്റുപുഴ, ആലുവ-പെരുമ്പാവൂർ, എറണാകുളം-കോട്ടയം അടക്കമുള്ള റൂട്ടുകളിലാണ് രാത്രികാല യാത്രക്ലേശം രൂക്ഷമായത്. നിലവിൽ എറണാകുളം-മൂവാറ്റുപുഴ റൂട്ടിൽ രാത്രി 10നു ശേഷവും ആലുവ-പെരുമ്പാവൂർ റൂട്ടിൽ രാത്രി 9.10ന് ശേഷവും ബസുകളില്ലാത്ത അവസ്ഥയാണ്. ഇതുമൂലം ദീർഘദൂരയാത്ര കഴിഞ്ഞെത്തുന്ന ട്രെയിൻ യാത്രികരടക്കമുള്ളവരാണ് വലയുന്നത്. പ്രതിസന്ധി രൂക്ഷമാക്കി കോവിഡ് കാലം കോവിഡ് പ്രതിസന്ധിയോടെയാണ് ഈ റൂട്ടുകളിൽ യാത്രക്ലേശവും രൂക്ഷമായത്. കോവിഡ്കാല നിയന്ത്രണങ്ങൾ നീണ്ടതോടെ പല…
വിമാനം തകരാറിലായിട്ടും ബദൽ സംവിധാനം ഒരുക്കിയില്ല; നെടുമ്പാശ്ശേരിയിൽ യാത്രക്കാരുടെ ബഹളം
നെടുമ്പാശ്ശേരി: വിമാനം തകരാറിലായതിനെ തുടർന്ന് ബദൽ സംവിധാനം ഏർപ്പെടുത്താത്തതിനെ തുടർന്ന് നെടുമ്പാശ്ശേരിയിൽ യാത്രക്കാരുടെ ബഹളം. ശനിയാഴ്ച രാതി 11ന് ദുബൈക്കു പോകേണ്ടിയിരുന്ന സ്പൈസ് ജെറ്റ് വിമാനമാണ് തകരാറിലായത്. ലീവ് കഴിഞ്ഞ് ദുബൈയിൽ ഇന്ന് ജോലിക്കുകയറേണ്ട നിരവധി യാത്രക്കാരുണ്ടായിരുന്നു. യഥാസമയം തകരാർ അറിയിച്ചിരുന്നെങ്കിൽ പുലർച്ചെയുള്ള മറ്റ് വിമാനങ്ങളിൽ ഇവർക്ക് പോകാമായിരുന്നു. എന്നാൽ വിമാനത്തിൽ നിന്ന് ഇറക്കാതെ വിമാനം ഉടൻ പുറപ്പെടുമെന്ന് അധികൃതർ യാത്രക്കാരെ അറിയിച്ചു. തകരാർ പരിഹരിക്കാൻ ശ്രമം നടത്തിയിട്ടും പരിഹരിക്കപ്പെടാത്തതിനാൽ രാവിലെ 7.30 ഓടെ വിമാനം റദ്ദാക്കിയതായി…
മാലിന്യച്ചാക്കിൽ അഞ്ചുലക്ഷത്തിന്റെ ഡയമണ്ട്; ഉടമക്ക് തിരിച്ചുനൽകി ഹരിത കർമസേന
പള്ളുരുത്തി (കൊച്ചി): മാലിന്യച്ചാക്കിൽനിന്ന് ലഭിച്ച അഞ്ചുലക്ഷത്തിന്റെ വജ്രാഭരണങ്ങൾ ഉടമക്ക് തിരിച്ചുനൽകി ഹരിത കർമസേന അംഗങ്ങൾ. കുമ്പളങ്ങി ഗ്രാമപഞ്ചായത്ത് 15ാം വാർഡിലെ ഹരിത കർമസേനയിലെ ജെസി വർഗീസ്, റീന ബിജു എന്നിവർക്കാണ് വീടുകളിൽനിന്ന് ശേഖരിച്ച പ്ലാസ്റ്റിക് മാലിന്യങ്ങൾ വേർതിരിച്ചുകൊണ്ടിരിക്കേ രണ്ടു പൊതികളിലായി നാലരലക്ഷം രൂപ വിലമതിക്കുന്ന ഡയമണ്ട് നെക്ലസും അരലക്ഷം വിലമതിക്കുന്ന ഡയമണ്ടിന്റെ രണ്ട് കമ്മലും ലഭിച്ചത്. ഉടനെ ഇവർ വാർഡ് മെംബർ ലില്ലി റാഫേലിനെ വിളിക്കുകയും മെംബറുടെ സാന്നിധ്യത്തിൽ ഉടമക്ക് തിരികെ നൽകുകയും ചെയ്തു. വിവരമറിഞ്ഞ് കെ.ജെ.…
ട്രോളിങ് നിരോധനം കഴിഞ്ഞു; അയലയും കിളിമീനുമായി ബോട്ടുകൾ മടങ്ങിയെത്തി
മട്ടാഞ്ചേരി: ട്രോളിങ് നിരോധനത്തിനു ശേഷം പ്രതീക്ഷയോടെ കടലിൽ പോയ പേഴ്സിൻ നെറ്റ് ബോട്ടുകളിൽ മിക്കതിനും മോശമല്ലാത്ത രീതിയിൽ അയല ലഭിച്ചു. ചില ബോട്ടുകൾക്ക് നാലുലക്ഷം രൂപ വരെ വില ലഭിച്ചതായി പറയുന്നുണ്ട്. എഴുപതോളം പേഴ്സിൻ ബോട്ടുകളാണ് കടലിൽ പോയത്. ആദ്യദിവസം കാര്യമായി മത്സ്യം ലഭിക്കാത്തത് നിരാശപ്പെടുത്തിയിരുന്നു. കൊച്ചി ഫിഷറീസ് ഹാർബറിൽനിന്ന് മത്സ്യബന്ധനത്തിനായി പോയ നൂറോളം ട്രോൾ നെറ്റ് ബോട്ടുകളിൽ പത്തോളം ബോട്ടുകളാണ് മടങ്ങിയെത്തിയത്. ഈ ബോട്ടുകൾക്ക് നല്ലരീതിയിൽ കിളിമീൻ ലഭിച്ചു. 60,000 മുതൽ 80,000 രൂപ വരെയാണ്…
കുട്ടമ്പുഴ, പിണ്ടിമന പഞ്ചായത്തുകളിൽ കാട്ടാനകളിറങ്ങി; വ്യാപക കൃഷിനാശം
കോതമംഗലം: കുട്ടമ്പുഴ പഞ്ചായത്തിലെ സത്രപ്പടിയിൽ കൃഷിയിടം കാട്ടാനകൾ നശിപ്പിച്ചു. പള്ളിപ്പറമ്പിൽ ഷാജൻ തോമസിന്റെ മതിലും ഫെൻസിങും തകർത്ത് കൃഷിയിടത്തിലെ റബറും പൈനാപ്പിളുമാണ് നശിപ്പിച്ചത്. വനമേഖലയിൽനിന്ന് കൂട്ടമായി എത്തുന്ന ആനകൾ തമ്പടിച്ചിരിക്കുന്നത് മുനിയപാറ പ്രദേശത്താണ്. ജനവാസ മേഖലയിൽ ഇറങ്ങുന്ന കാട്ടാനക്കൂട്ടം നാട്ടുകാരുടെ ഉറക്കം കെടുത്തുകയാണ്. എന്നാൽ, കർഷകർക്ക് നഷ്ടപരിഹാരം നൽകാനോ കാട്ടാന ശല്യം തടയാൻ നടപടി സ്വീകരിക്കാനോ വനംവകുപ്പ് തയാറാകുന്നില്ലെന്നാണ് നാട്ടുകാരുടെ പരാതി. പിണ്ടിമന പഞ്ചായത്തിലെ വേട്ടാമ്പാറയിൽ കഴിഞ്ഞരാത്രി കാട്ടാനയിറങ്ങി വ്യാപകമായി കൃഷികൾ നശിപ്പിച്ചു. പടിപ്പാറ ഭാഗത്ത് ജനവാസമേഖലയിൽ…
ചളിയും മാലിന്യവും നിറഞ്ഞ് മണപ്പുറം;ബലിതർപ്പണം പാർക്കിങ് ഏരിയയിൽ
ആലുവ: കർക്കടക വാവ് ബലിതർപ്പണം ഇക്കുറി പെരിയാറിനോട് ചേർന്ന മണപ്പുറത്ത് നടക്കില്ല. പകരം മണപ്പുറത്തെ പാർക്കിങ് ഏരിയയിലാകും ചടങ്ങുകൾ. വെള്ളപ്പൊക്കത്തെ തുടർന്ന് മണപ്പുറത്ത് ചളിയും മാലിന്യവും നിറഞ്ഞതാണ് കാരണം. ശനിയാഴ്ച പുലർച്ച അഞ്ചോടെ ആലുവ മണപ്പുറം ശിവക്ഷേത്രത്തിലെ പതിവ് പൂജകളോടെ വാവുബലി തർപ്പണത്തിന് തുടക്കമാകും. പാർക്കിങ് ഏരിയയിൽ മഴ നനയാതെ കർമങ്ങൾ നടത്താൻ ഹാംഗർ പന്തൽ സ്ഥാപിച്ചിട്ടുണ്ട്. ഒരേസമയം 500 പേർക്ക് ഇതിനുള്ളിൽ ബലിതർപ്പണം നടത്താം. മണപ്പുറം ക്ഷേത്രത്തോട് ചേർന്നാണ് തർപ്പണം നടത്തുന്നതെങ്കിലും ക്ഷേത്രത്തിലേക്കോ മണപ്പുറത്തേക്കോ ആർക്കും…
കുപ്രസിദ്ധ മോഷ്ടാവ് പിടിയിൽ
നെടുമ്പാശ്ശേരി: കുപ്രസിദ്ധ മോഷ്ടാവ് മാള കുന്നിശ്ശേരി കൊടിയൻ വീട്ടിൽ ജോമോൻ ദേവസിയെ (37) നെടുമ്പാശ്ശേരി പൊലീസ് പിടികൂടി. അകപ്പറമ്പ് ഭാഗത്തെ ജിപ്പു വർക്കി എന്നയാളുടെ വീട്ടിൽനിന്ന് ഒരുലക്ഷത്തിലേറെ രൂപ മോഷ്ടിച്ച സംഭവത്തിലാണ് അറസ്റ്റ്. വീടിന്റെ ജനൽ തുറന്ന് തോട്ടി ഉപയോഗിച്ച് ഒന്നാം നിലയിലെ പുറത്തേക്കുള്ള വാതിൽ തുറന്നാണ് അകത്തുകയറിയത്. മൂന്ന് മുറികളിലെ അലമാരകളിൽ സൂക്ഷിച്ച പണം എടുത്തശേഷം ഇയാൾ ഒളിവിൽ പോയി. ജില്ല പൊലീസ് മേധാവി വൈഭവ് സക്സേനയുടെ നേതൃത്വത്തിൽ പ്രത്യേക അന്വേഷണസംഘം രൂപവത്കരിച്ച് നടത്തിയ അന്വേഷണത്തിൽ…
ഏഴുകിലോ കഞ്ചാവുമായി പശ്ചിമ ബംഗാള് സ്വദേശി പിടിയില്
പെരുമ്പാവൂര്: ഏഴുകിലോ കഞ്ചാവുമായി പശ്ചിമ ബംഗാൾ സ്വദേശി പിടിയിലായി. മുര്ഷിദാബാദ് ജലംഗി സ്വദേശി സുഹൈല് മണ്ഡലിനെയാണ് (30) പെരുമ്പാവൂര് എ.എസ്.പിയുടെ നേതൃത്വത്തിലുള്ള പ്രത്യേക അന്വേഷണസംഘം ഓപറേഷന് ക്ലീന് പെരുമ്പാവൂരിന്റെ ഭാഗമായി പാറപ്പുറം ഭാഗത്തുനിന്ന് പിടികൂടിയത്. ഒഡിഷയിലെ ഇയാളുടെ സുഹൃത്തില്നിന്ന് വാങ്ങുന്ന കഞ്ചാവ് ഒരു കിലോ 20,000 രൂപ നിരക്കില് വിൽപന നടത്തിവരുകയായിരുന്നു. അന്തര്സംസ്ഥാന തൊഴിലാളികളും മലയാളികളായ യുവാക്കളുമാണ് ഇയാളുടെ പക്കല്നിന്ന് കഞ്ചാവ് വാങ്ങുന്നതെന്ന് പൊലീസ് കണ്ടെത്തി. ഇയാള്ക്ക് കഞ്ചാവ് നല്കി വന്ന ആളെക്കുറിച്ച് പൊലീസ് അന്വേഷണം നടത്തിവരുന്നു.…