Ernakulam News
കുറയുന്നില്ല, വാഹനങ്ങളിലെ തീപിടിത്തം
കൊച്ചി: ഇരുചക്ര വാഹനങ്ങൾ മുതൽ വലിയ വാഹനങ്ങൾ വരെ നിരത്തിൽ കത്തിയെരിയുമ്പോൾ ആശങ്കയിലാണ് ജനം. രണ്ടുമാസത്തിനിടെ നിരവധി വാഹനങ്ങളാണ് ജില്ലയിൽ ഇത്തരത്തിൽ കത്തിനശിച്ചത്. ഷോർട്ട് സർക്യൂട്ട്, ഇന്ധന, ഗ്യാസ് ലീക്കേജ്, അധികതാപം ഉൽപാദിപ്പിക്കുന്ന ബൾബുകൾ, വാഹനങ്ങളുടെ കാലപ്പഴക്കം, കൃത്യമായ ഇടവേളകളിൽ അറ്റകുറ്റപ്പണി നടത്താത്തത് എന്നിവയൊക്കെ വാഹനങ്ങളിലെ തീപിടിത്തത്തിന് വഴിവെക്കാറുണ്ട്. ശനിയാഴ്ച ചെങ്ങമനാട് ദേശം കുന്നുംപുറം ബസ് സ്റ്റോപ്പിനുസമീപം ഓടിക്കൊണ്ടിരുന്ന കെ.എസ്.ആർ.ടി.സി സൂപ്പർഫാസ്റ്റിന് തീപിടിച്ചതാണ് ഒടുവിലെ സംഭവം. കുണ്ടന്നൂർ-തേവര പാലത്തിനുസമീപം ഓടിക്കൊണ്ടിരുന്ന സ്കൂൾ ബസിന് തീപിടിച്ചത് നാടിനെ നടുക്കിയ…
ഫ്ലാറ്റിൽനിന്ന് കക്കൂസ് മാലിന്യം തോട്ടിലേക്ക് തള്ളി; നടപടിയെടുത്ത് നഗരസഭ
മരട്: കുണ്ടന്നൂർ ജങ്ഷന് സമീപമുള്ള ഗ്രാൻഡ് മെഡോസ് ഫ്ലാറ്റിൽനിന്ന് കക്കൂസ് മാലിന്യം തോട്ടിലേക്ക് ഒഴുക്കിയത് നഗരസഭ ആരോഗ്യവിഭാഗം കണ്ടെത്തി. വലിയ മോട്ടോർ ഉപയോഗിച്ചാണ് കക്കൂസ് മാലിന്യം തോട്ടിലേക്ക് തള്ളിയിരുന്നത്. രഹസ്യവിവരം ലഭിച്ചതിനെത്തുടർന്ന് ആരോഗ്യവിഭാഗം സ്ഥലത്തെത്തി മോട്ടോർ അടക്കം പിടിച്ചെടുത്തു. ഇത്തരം സാമൂഹികവിരുദ്ധ പ്രവർത്തനങ്ങളിൽ ഏർപ്പെടുന്നവർക്കെതിരെ കർശന നിയമനടപടികൾ സ്വീകരിക്കുമെന്ന് നഗരസഭാധ്യക്ഷൻ ആന്റണി ആശാംപറമ്പിൽ അറിയിച്ചു. മാലിന്യം തള്ളിയ ഗ്രാൻഡ് മെഡോസ് ഫ്ലാറ്റിന് നഗരസഭ ഒരുലക്ഷം രൂപ പിഴ ചുമത്തി.
വാറന്റി സമയത്ത് സ്കൂട്ടർ തുടർച്ചയായി തകരാറിൽ; യുവതിക്ക് 92,000 രൂപ നഷ്ടപരിഹാരം
കൊച്ചി: വാറന്റി കാലയളവിൽ സ്കൂട്ടർ തുടർച്ചയായി തകരാറിലാകുകയും അത് പരിഹരിക്കുന്നതിൽ വീഴ്ചവരുത്തുകയും ചെയ്തതിന് സ്കൂട്ടർ നിർമാതാക്കളും സർവിസ് സെന്ററും ഉപഭോക്താവിന് നഷ്ടപരിഹാരം നൽകണമെന്ന് ജില്ല ഉപഭോക്തൃതർക്ക പരിഹാര കോടതി. എറണാകുളം സ്വദേശി നിധി ജയിൻ, ഹോണ്ട മോട്ടോർ സൈക്കിൾ ആൻഡ് സ്കൂട്ടേഴ്സ് ലിമിറ്റഡ്, സർവിസ് സെന്റർ ആയ മുത്തൂറ്റ് മോട്ടോഴ്സ് പാലാരിവട്ടം എന്നിവർക്കെതിരെ സമർപ്പിച്ച പരാതിയിലാണ് കോടതി ഉത്തരവ്. 2018 മാർച്ചിലാണ് 67,000 രൂപ കൊടുത്ത് ഒരുവർഷത്തെ വാറന്റിയോടെ പരാതിക്കാരി സ്കൂട്ടർ വാങ്ങിയത്. അധികം താമസിയാതെതന്നെ സ്കൂട്ടറിൽനിന്ന്…
ഓടിക്കൊണ്ടിരുന്ന കെ.എസ്.ആർ.ടി.സി സ്വിഫ്റ്റ് ബസ്സിന് തീപിടിച്ചു
അങ്കമാലി: ദേശീയപാതയിൽ ഓടിക്കൊണ്ടിരുന്ന കെ.എസ്.ആർ.ടി.സി സൂപ്പർഫാസ്റ്റിന് തീപിടിച്ചു. ഉടൻ കെടുത്തിയതിനാൽ ദുരന്തം ഒഴിവായി. ചെങ്ങമനാട് ദേശം കുന്നുംപുറം ബസ് സ്റ്റോപ്പിനുസമീപം ശനിയാഴ്ച രാവിലെ എട്ടിനായിരുന്നു സംഭവം. അങ്കമാലി ഡിപ്പോയിൽനിന്ന് 7.50ന് തിരുവനന്തപുരത്തേക്ക് പുറപ്പെട്ട സ്വിഫ്റ്റ് ബസിലാണ് അഗ്നിബാധയുണ്ടായത്. ബസിന്റെ മുൻവശത്തുനിന്ന് കനത്ത തോതിൽ പുക ഉയർന്നതോടെ ഡ്രൈവർ വഴിയോരത്ത് നിർത്തുകയായിരുന്നു. 20 സ്ത്രീകളും രണ്ട് കുട്ടികളുമടക്കം 38 യാത്രക്കാരെയും ഉടൻ പുറത്തിറക്കി. അപ്പോഴേക്കും ബസിനകത്തും പുക നിറഞ്ഞു. അപ്പോഴാണ് കൊരട്ടി ഇൻഫോ പാർക്കിലേക്ക് പോവുകയായിരുന്ന എറണാകുളം കടവന്ത്രയിലെ…
മൂവാറ്റുപുഴ നഗര വികസനം; ഹരജിയില് ഒപ്പിട്ടവർ കാല്ലക്ഷമായി
മൂവാറ്റുപുഴ: സ്തംഭനാവസ്ഥയിലായ മൂവാറ്റുപുഴ നഗര റോഡ് വികസനം സമയബന്ധിതമായി പൂർത്തിയാക്കണമെന്നാവശ്യപ്പെട്ട് നഗരവികസന ജനകീയ സമിതിയുടെ നേതൃത്വത്തില് മുഖ്യമന്ത്രിക്ക് സമർപ്പിക്കുന്ന ഭീമഹരജിയില് ഒപ്പിട്ടവരുടെ എണ്ണം കാല് ലക്ഷം കവിഞ്ഞു. 68 സംഘടനകളുടെ പിന്തുണയുളള സമിതി മൂന്ന് ദിവസമായി ഒപ്പ് ശേഖരണം നടത്തി വരികയാണ്. വിവിധ സംഘടന ഭാരവാഹികളുടെ തങ്ങളുടെ ആൾക്കാരെ നേരില് കണ്ടാണ് ഒപ്പ് ശേഖരിച്ച് വരുന്നത്. റസിഡന്റ്സ് അസോസിയേഷനുകള് വീടുകള് കയറിയും ഒപ്പ് തേടുന്നു. നഗരത്തിലെ മുഴുവന് പേരെയുസ്കാമ്പയിന്റെ ഭാഗമാക്കുകയാണ് ലക്ഷ്യം. ഒപ്പു ശേഖരണത്തിന് വൻ ജനപിന്തുണയാണ്…
മജിസ്ട്രേറ്റിനോട് മോശം പെരുമാറ്റം: 28 അഭിഭാഷകർ സൗജന്യ നിയമ സേവനം ചെയ്യണമെന്ന് ഹൈകോടതി
കൊച്ചി: കോട്ടയം ചീഫ് ജുഡീഷ്യൽ മജിസ്ട്രേറ്റിനോട് മോശമായി പെരുമാറിയ കോട്ടയം ബാറിലെ 28 അഭിഭാഷകർ ആറുമാസം സൗജന്യ നിയമസഹായം ചെയ്യണമെന്ന് ഹൈകോടതി. സംഭവത്തിൽ അഭിഭാഷകർ നിരുപാധികം മാപ്പ് പറഞ്ഞ സാഹചര്യത്തിലാണ് ഇവർക്കെതിരായ കോടതിയലക്ഷ്യ ഹരജിയിൽ ജസ്റ്റിസ് പി.ബി. സുരേഷ് കുമാർ, ജസ്റ്റിസ് സി. പ്രദീപ് കുമാർ എന്നിവരടങ്ങുന്ന ഡിവിഷൻ ബെഞ്ചിന്റെ ഉത്തരവ്. മജിസ്ട്രേറ്റിനോട് മോശമായി പെരുമാറിയ സംഭവത്തിൽ മാപ്പ് പറഞ്ഞതു കൊണ്ട് പ്രശ്നം അവസാനിക്കുന്നില്ലെന്ന് വിലയിരുത്തിയാണ് സൗജന്യ നിയമസഹായം നൽകാൻ കോടതി നിർദേശിച്ചത്. ഇതിന് തയാറാണെന്ന് അഭിഭാഷകർ…
ഓൺലൈൻ തട്ടിപ്പ്; കോലഞ്ചേരി സ്വദേശിക്ക് 40 ലക്ഷം നഷ്ടമായി
കോലഞ്ചേരി: വ്യാജ ഓൺലൈൻ ഓഹരി ആപ്പ് വഴി ഷെയർ ട്രേഡിങ്ങ് നടത്തിയ കോലഞ്ചേരി സ്വദേശിക്ക് 39,70,000 രൂപ നഷ്ടമായി. കോലഞ്ചേരിയിലെ സ്വകാര്യ വില്ലയിലെ താമസക്കാരിയാണ് തട്ടിപ്പിനിരയായത്. ഓഹരി ട്രേഡിങ് നടത്തുന്ന ഐ.ഐ.എഫ്.എൽ ആപ്പിന്റെ സമാന മാതൃക സൃഷ്ടിച്ചാണ് പണം തട്ടിയെടുത്തത്. യുവതി വിശദാംശങ്ങൾ അറിയാൻ ഗൂഗിളിൽ സെർച്ച് ചെയ്തതാണ് തട്ടിപ്പ് സംഘം ഇവരെ വലയിൽ വീഴ്ത്താൻ ഇടയാക്കിയത്. സ്വകാര്യ സ്ഥാപനത്തിലെ ജീവനക്കാരിയായ യുവതി ഷെയർ ട്രേഡിങ്ങിന്റെ യഥാർഥ ആപ്പിന്റെ അതേ പേരിൽ കണ്ട സൈറ്റിൽ സെർച്ച് ചെയ്യുകയായിരുന്നു.…
കഴുത്തുമുട്ടിൽ പഴകിയ മത്സ്യം പിടികൂടി; പരിശോധന തുടർന്ന് ആരോഗ്യ വിഭാഗം
തോപ്പുംപടി: നഗരസഭ ആരോഗ്യ വിഭാഗത്തിന്റെ നേതൃത്വത്തിൽ നഗരസഭ ഹെൽത്ത് ഏഴാം സർക്കിൾ കേന്ദ്രീകരിച്ച് നടന്ന പരിശോധനയിൽ കഴുത്തുമുട്ടിലെ വിൽപന ശാലയിൽ നിന്ന് പഴകിയ മത്സ്യം പിടികൂടി. അഴുകിയ നിലയിൽ കണ്ട മത്സ്യങ്ങളാണ് പിടികൂടിയതെന്ന് ഉദ്യോഗസ്ഥർ പറഞ്ഞു. ട്രോളിങ് നിരോധനത്തിന്റെ പശ്ചാത്തലത്തിൽ ഫോർമാലിൻ കലർന്ന പഴകിയ മത്സ്യം മാർക്കറ്റുകളിൽ വിൽപനക്കെത്താൻ സാധ്യതയുണ്ടെന്ന വിവരത്തിന്റെ അടിസ്ഥാനത്തിൽ നഗരസഭ ആരോഗ്യ വിഭാഗത്തിന്റെ നേതൃത്വത്തിൽ മാർക്കറ്റുകളിലും വഴിയോര മത്സ്യ വിൽപന കേന്ദ്രങ്ങളിലും പരിശോധന തുടരുകയാണ്. കഴിഞ്ഞ ദിവസം പള്ളുരുത്തി വെളി മാർക്കറ്റിൽ നിന്ന്…
ഓട്ടോയിടിച്ച് കാൽനട യാത്രികൻ മരിച്ചു
അങ്കമാലി: ദേശീയപാത അങ്കമാലി കോതകുളങ്ങരയിൽ ഓട്ടോറിക്ഷയിടിച്ച് കാൽനട യാത്രികൻ മരിച്ചു. നെടുമ്പാശ്ശേരി അത്താണി ഇലഞ്ഞകുടത്ത് രാജപ്പൻ നായർ (78) ആണ് മരിച്ചത്. ദേശീയപാതയിൽ കോതകുളങ്ങരയിൽ വെള്ളിയാഴ്ച രാവിലെ 5.30നായിരുന്നു അപകടം. ഫെഡറൽ സിറ്റിയിൽ ജോലി കഴിഞ്ഞ് വീട്ടിലേക്ക് മടങ്ങവേ ഓട്ടോറിക്ഷ വന്ന് ഇടിച്ചാണ് അപകടം. ഭാര്യ അംബുജം. മക്കൾ: ബിന്ദു, പരേതനായ ശ്രീവൽസൻ, അജിത്ത്കുമാർ, സജീവൻ. മരുമക്കൾ – ബാബു,ശ്രീലക്ഷ്മി. സംസ്കരിക്കുന്നതിന് മുമ്പ് ഇദ്ദേഹത്തിന്റെ കണ്ണുകൾ ദാനം ചെയ്തു.
മുറിക്കല്ല് ബൈപാസ് നിർമാണം; ഭൂമി ഏറ്റെടുക്കൽ നടപടി പൂർത്തിയായി
മൂവാറ്റുപുഴ: നഗരത്തിന്റെ ഗതാഗതക്കുരുക്കിന് ശാശ്വത പരിഹാരമാകുന്ന മുറിക്കല്ല് ബൈപാസിന്റെ നിർമാണത്തിനുള്ള ഭൂമി ഏറ്റെടുക്കൽ നടപടികൾ പൂർത്തിയാകുന്നു. ഇതിനകം ഏറ്റെടുത്ത സ്ഥലം പദ്ധതി നിര്വഹണ ഏജന്സിയായ കെ.ആർ.എഫ്.ബിക്ക് റവന്യൂ വകുപ്പ് വ്യാഴാഴ്ച കൈമാറിത്തുടങ്ങി. ലാന്ഡ് അക്വിസിഷന് തഹസില്ദാരുടെ നേതൃത്വത്തിലാണ് സ്ഥലം ഏറ്റെടുത്ത് കൈമാറുന്നത്. ബൈപാസിന്റെ സ്ഥലം ഏറ്റെടുപ്പിന് പ്രത്യേക സംഘത്തെ നിയോഗിക്കാൻ ജൂലൈ 18ന് മാത്യു കുഴൽനാടൻ എം.എൽ.എയുടെ നിർദേശത്തെ തുടർന്ന് കലക്ടറേറ്റിൽ വിളിച്ചുചേർത്ത യോഗത്തിൽ സ്ഥലം ഏറ്റെടുപ്പ് പൂർത്തീകരണത്തിന് പ്രത്യേക സംഘത്തെ നിയോഗിച്ച് കലക്ടർ ഉത്തരവിറക്കിയിരുന്നു. അസി.…