Ernakulam News
മൂവാറ്റുപുഴ നഗരമധ്യത്തിൽ മാലിന്യ തടാകം; മലിനജലം തടയാൻ ശ്രമം തുടങ്ങി
മൂവാറ്റുപുഴ: മാലിന്യം ഒഴുകി എത്തി കെട്ടി കിടക്കുന്ന നഗരമധ്യത്തിലെ മാലിന്യ തടാകത്തിലേക്ക് മലിനജലം എത്തുന്നത് തടയാൻ നഗരസഭ നീക്കം ആരംഭിച്ചു. നഗരത്തിലെ മുനിസിപ്പൽ സ്റ്റേഡിയത്തിനും ആധുനിക മത്സ്യ മാർക്കറ്റിനും സമീപം ടൗൺ യു.പി. സ്കൂളിനോട് ചേർന്ന് കിടക്കുന്ന ഏക്കർ കണക്കിന് ചതുപ്പിലാണ് മാലിന്യ തടാകം രൂപപെട്ടത്. വെള്ളൂർക്കുന്നം മേഖലയിലെ ഓടകളിൽ നിന്നുള്ള മാലിന്യം മുഴുവൻ ഒഴുകിയെത്തുന്നത് ഇവിടെയാണ്. മഴ കൂടിയായതോടെ സ്വകാര്യ വ്യക്തിയുടെ സ്ഥലത്ത് ഓട മാലിന്യം ഒഴുകിയെത്തി രൂപപ്പെട്ട വൻ തടാകം സമീപവാസികൾക്ക് ദുരിതമായിട്ട് നാളുകളായി.…
എച്ച്.എം.ടി സ്വകാര്യവത്കരണത്തിന് കൂട്ടുനിൽക്കില്ല –എച്ച്.ഡി. കുമാരസ്വാമി
കളമശ്ശേരി: കേന്ദ്ര പൊതുമേഖല കമ്പനിയായ എച്ച്.എം.ടിയെ സ്വകാര്യവത്കരിക്കാൻ കൂട്ടുനിൽക്കില്ലെന്ന് കേന്ദ്ര ഘന വ്യവസായ മന്ത്രി എച്ച്.ഡി കുമാരസ്വാമി. കളമശ്ശേരി യൂണിറ്റ് സന്ദർശിച്ചശേഷം പ്രതികരിക്കുകയായിരുന്നു മന്ത്രി. ഒരു കാരണവശാലും ജീവനക്കാർ പരിഭ്രാന്തരാവേണ്ടെന്നും എച്ച്.എം.ടിയുടെ പൂർവകാല പ്രതാപം വീണ്ടെടുക്കാൻ ആത്മാർഥമായി ശ്രമിക്കുമെന്നും മന്ത്രി പറഞ്ഞു. അധികം വൈകാതെ പുനരുദ്ധാരണ നടപടികൾക്ക് തുടക്കം കുറിക്കും. ഈ വിവരം തൊഴിലാളികളെ അറിയിക്കണമെന്ന് കമ്പനി ജനറൽ മാനേജർമാർക്ക് മന്ത്രി നിർദേശം നൽകി. പുനരുദ്ധാരണ പാക്കേജ് നടപ്പാക്കാൻ സാങ്കേതിക സമിതിയെ ചുമതലപ്പെടുത്തിയിട്ടുണ്ട്. എച്ച്.എം.ടിയെ ആശ്രയിക്കുന്ന വിരമിച്ച…
ലഹരിക്കെതിരെ പിടിമുറുക്കി എക്സൈസ്; ആറുമാസം അറസ്റ്റിലായത് 1000 പേർ
കൊച്ചി: ജില്ലയിൽ ലഹരി മാഫിയയുടെ അടിവേരറുക്കാനുള്ള എക്സൈസ് വകുപ്പിന്റെ ശ്രമങ്ങളിൽ ആറുമാസത്തിനിടെ അകത്തായത് 1000ത്തിലേറെ പേർ. അബ്കാരി, എൻ.ഡി.പി.എസ് നിയമങ്ങൾ പ്രകാരം 2024 ജനുവരി മുതൽ ജൂൺ വരെ 1049 പേരാണ്. ഇതിൽ 625 പേർ മദ്യവുമായി ബന്ധപ്പെട്ട അബ്കാരി കേസിലും 424 പേർ ലഹരിയുമായി ബന്ധപ്പെട്ട എൻ.ഡി.പി.എസ്(നാർകോട്ടിക് ഡ്രഗ്സ് ആൻഡ് സൈകോട്രോപിക് സബ്സ്റ്റൻസസ്) കേസിലുമായാണ് അറസ്റ്റിലായത്. പൊലീസിന്റെ അറസ്റ്റ് കൂടാതെയാണിത്. കേസുകൾ 5000ത്തിലേറെ കഴിഞ്ഞ ജനുവരി മുതൽ ജൂൺ വരെ ജില്ലയിൽ എക്സൈസ് വകുപ്പ് എടുത്ത…
ഹേമ കമ്മിറ്റി റിപ്പോർട്ട് പുറത്തു വരുമ്പോൾ നിർണായക റോളിൽ ഡബ്ല്യു.സി.സി
കൊച്ചി: ഏറെക്കാലത്തെ ചർച്ചക്കും പോരാട്ടത്തിനുമൊടുവിൽ ഹേമ കമ്മിറ്റി റിപ്പോർട്ട് പുറത്തുവരുമ്പോൾ സിനിമയിലെ വനിതകളുടെ കൂട്ടായ്മയായ ഡബ്ല്യു.സി.സിക്കിത് (വിമൻ ഇൻ സിനിമ കലക്ടിവ്) അഭിമാന നിമിഷം. കൂട്ടായ്മയുടെ നിരന്തര പ്രയത്നത്തിന്റെകൂടി ഫലമായാണ് സിനിമ മേഖലയിലെ ലൈംഗിക ചൂഷണങ്ങളെക്കുറിച്ചും സ്ത്രീ-പുരുഷ വിവേചനങ്ങളെക്കുറിച്ചും പഠിച്ച് റിപ്പോർട്ട് നൽകാൻ സർക്കാർ ജസ്റ്റിസ് ഹേമ കമ്മിറ്റിയെ ചുമതലപ്പെടുത്തിയത്. ഡബ്ല്യു.സി.സിയുടെ തുടക്കകാലം മുതൽക്കേ സിനിമ മേഖലയിലെ അസമത്വങ്ങൾക്കെതിരെ കൂട്ടായ്മയിലെ അംഗങ്ങൾ ശബ്ദമുയർത്തിയിരുന്നു. ഇതിന്റെ പേരിൽ പല എതിർപ്പുകളും പരിഹാസങ്ങളും നേരിടേണ്ടിയും വന്നു. 2017 ഫെബ്രുവരിയിൽ നടി…
കെ.എസ്.ഇ.ബി വടക്കേക്കര സെക്ഷൻ ഇല്ലാതാക്കാനുള്ള നീക്കത്തിൽ പ്രതിഷേധം
പറവൂർ: കെ.എസ്.ഇ.ബി വടക്കേക്കര സെക്ഷൻ ഇല്ലാതാക്കാനുള്ള നീക്കത്തിൽ നിന്നും കെ.എസ്.ഇ.ബി ലിമിറ്റഡ് അധികൃതർ പിന്മാറണമെന്ന ആവശ്യം ശക്തമാകുന്നു. ഇക്കാര്യത്തിൽ അടിയന്തര നടപടി ആവശ്യപ്പെട്ട് സംസ്ഥാന സർക്കാർ, വകുപ്പ് മന്ത്രി, കെ.എസ്.ഇ.ബി എന്നിവർക്ക് നിവേദനം നൽകാൻ ചിറ്റാറ്റുകര പഞ്ചായത്ത് ഭരണ സമിതി യോഗം ഐകകണ്ഠ്യന തീരുമാനിച്ചു. മട്ടാഞ്ചേരി ഡിവിഷന് കീഴിലുള്ള എടവനക്കാട് കേന്ദ്രീകരിച്ച് പുതിയ സെക്ഷൻ വരുന്നതുമായി ബന്ധപ്പെട്ടാണ് പറവൂർ നിയോജകമണ്ഡലത്തിലെ വടക്കേക്കര സെക്ഷൻ മൂത്തകുന്നം സെക്ഷനിൽ ലയിപ്പിക്കുന്നതിനുള്ള നടപടികളുമായി കെ.എസ്.ഇ.ബി മുന്നോട്ട് പോകുന്നത്. എടവനക്കാട് ഡിവിഷനിലേക്ക് പുതിയ…
പെരുമ്പാവൂരിലെ ഗതാഗത പരിഷ്കാരം; റിപ്പോര്ട്ട് തയാറാക്കാൻ വിദഗ്ധരെ ചുമതലപ്പെടുത്തി
പെരുമ്പാവൂര്: നഗരത്തിൽ ഏര്പ്പെടുത്തേണ്ട ഗതാഗത പരിഷ്കാരങ്ങളെക്കുറിച്ച് സമഗ്രമായി പഠിച്ച് ശാസ്ത്രീയമായ റിപ്പോര്ട്ട് സമര്പ്പിക്കാൻ എസ്.സി.എം.എസ് സ്കൂള് ഓഫ് റോഡ് സേഫ്റ്റി ട്രാന്സ്പോര്ട്ടേഷനെ ചുമതലപ്പെടുത്തിയതായി എല്ദോസ് കുന്നപ്പള്ളി എം.എല്.എ അറിയിച്ചു. നിയോജകമണ്ഡലത്തിലെ യാത്രക്ലേശം അനുഭവിക്കുന്ന വിഷയവും നിലവില് ബസ് സര്വിസുകള് ഇല്ലാത്തതും നിര്ത്തിപ്പോയതുമായ റൂട്ടുകളില് പുതിയ ബസ് സര്വിസുകള് ആരംഭിക്കുന്നതും ചര്ച്ച ചെയ്യാന് കഴിഞ്ഞ ദിവസം സംഘടിപ്പിച്ച ജനകീയ സദസ്സിലാണ് അദ്ദേഹം ഇക്കാര്യം അറിയിച്ചത്. റിപ്പോര്ട്ട് ലഭിക്കുന്ന മുറക്ക് വിവിധ മേഖലയിലുള്ളവരുമായി ചര്ച്ച നടത്തി നടപ്പാക്കുന്നതിനുള്ള നടപടികള് സ്വീകരിക്കും.…
കുരുക്കോട് കുരുക്ക്; നിരത്തുകളിൽ ദുരിതംപേറി ജനം
കൊച്ചി: ഗതാഗതക്കുരുക്കിൽ ജനം നട്ടംതിരിയുമ്പോഴും പരിഹാരമൊരുക്കാതെ അധികൃതർ. നാളുകളായി ജില്ലയിലെ പ്രധാന പട്ടണങ്ങളെല്ലാം രൂക്ഷമായ ഗതാഗതക്കുരുക്കിലാണ്. നഗര പ്രദേശങ്ങളിലെത്തിയാൽ പോയന്റ് കടക്കണമെങ്കിൽ സമയമേറെ എടുക്കുമെന്നതാണ് അവസ്ഥ. എറണാകുളം നഗരത്തിന് പുറമേ ജില്ലയിലെ പ്രധാന നഗരങ്ങളായ ആലുവ, കളമശ്ശേരി, കാലടി, പെരുമ്പാവൂർ, മൂവാറ്റുപുഴ, തൃപ്പൂണിത്തുറ എന്നിവിടങ്ങളിലെല്ലാം ഇതുതന്നെയാണ് സ്ഥിതി. ജനം ദുരിതത്തിൽ വലയുമ്പോഴും പരിഹാരം കാണേണ്ട അധികൃതർ കൈമലർത്തുകയാണ്. കുരുക്കിൽ ഇഴഞ്ഞ് കൊച്ചി നഗരം ആഴ്ചകളായി കൊച്ചി നഗരത്തിൽ യാത്രക്കാരുടെ മനംമടുപ്പിക്കുന്ന രീതിയിലാണ് ഗതാഗതക്കുരുക്ക്. തിരക്കേറിയ രാവിലെയും വൈകുന്നേരവും…
റോഡ് നിർമിക്കാൻ കുഴിച്ച കാനയിൽ ജീപ്പ് തലകീഴായി മറിഞ്ഞു; രക്ഷകനായി കെ.എസ്.ആർ.ടി.സി ഡ്രൈവർ
കോതമംഗലം: കൊച്ചി -ധനുഷ്കോടി ദേശീയപാതയിൽ റോഡ് നിർമാണത്തിനായി തീർത്ത കാനയിൽ ജീപ്പ് തലകീഴായി മറിഞ്ഞു. നേര്യമംഗലം തലക്കോട് പുത്തൻകുരിശിന് സമീപം ദേശീയപാത നിർമാണത്തിനായി കുഴിച്ച കാനയിലാണ് അപകടം. തിങ്കളാഴ്ച രാവിലെ ഏഴുമണിയോടെയാണ് അപകടം. അടിമാലി സ്വദേശിയുടെ ബൊലോറോ ജീപ്പാണ് നിയന്ത്രണം വിട്ട് മറിഞ്ഞത്. അടിമാലിയിലേക്ക് പോകുകയായിരുന്ന ജീപ്പിൽ ഡ്രൈവർ മാത്രമാണ് ഉണ്ടായിരുന്നത്. നേര്യമംഗലത്ത് നിന്ന് വന്ന സ്വകാര്യ ബസ് മറ്റൊരു വാഹനത്തെ മറികടന്ന് ജീപ്പിന് മുന്നിലെത്തിയപ്പോൾ അപകടമൊഴിവാക്കാൻ ഡ്രൈവർ ബ്രേക്കിട്ടതോടെ വട്ടം തിരിഞ്ഞ് കാനയിൽ പതിക്കുകയായിരുന്നു. ജീപ്പിനുള്ളിൽ…
ജനസേവ ശിശുഭവനിലെ ഇരുപത്തഞ്ചാമത്തെ വിവാഹം; രാജേശ്വരിമോൾക്ക് വരനായി നിതിൻലാൽ
ആലുവ: ജനസേവ ശിശുഭവനിലെ രാജേശ്വരിമോൾക്ക് തുണയായി ഇനിമുതൽ നിതിൻലാൽ ഉണ്ടാകും. ഞായറാഴ്ച രാവിലെ 11:30ന് ഗുരുവായൂർ അമ്പലനടയിൽ വച്ച് നിതിൻലാൽ രാജേശ്വരിയെ താലിചാർത്തി. ജനസേവ ശിശുഭവൻ പ്രസിഡൻ്റ് അഡ്വ. ചാർളി പോളിൻ്റെ സാന്നിധ്യത്തിൽ ചെയർമാൻ ജോസ് മാവേലി രാജേശ്വരിയുടെ പിതൃസ്ഥാനത്തുനിന്ന് ചടങ്ങുകൾക്ക് നേതൃത്വം നൽകി. കോഴിക്കോട് കൊടുവള്ളി മറിവീട്ടിൽതാഴം വെള്ളാമ്പാറമലയിൽ ശ്രീനിവാസന്റെയും സീനയുടെയും മകനാണ് നിതിൻലാൽ. നിതിൻലാൽ എളനാട് മിൽക്ക്സ് കമ്പനിയിൽ ഏരിയ സെയിൽസ് മാനേജറാണ്. ജനസേവ ശിശുഭവനിലെ 25-ാമത്തെ വിവാഹമാണിത്. പിതാവ് രാമുവിൻ്റെ മരണത്തെ തുടർന്ന്…
പൊലീസ് മെഡൽ നേട്ടത്തിൽ അഭിമാനത്തോടെ ചന്ദ്രലേഖ
പെരുമ്പാവൂര്: സ്വാതന്ത്ര്യ ദിനത്തോടനുബന്ധിച്ച് മുഖ്യമന്ത്രിയുടെ പൊലീസ് മെഡലിന് അര്ഹയായ എറണാകുളം റൂറല് ജില്ലയിലെ കോടനാട് പൊലീസ് സ്റ്റേഷന് സീനിയര് സിവില് ഓഫീസര് എം.സി. ചന്ദ്രലേഖ സാമൂഹിക പ്രതിബദ്ധതയുള്ള ഉദ്യോഗസ്ഥ. ഔദ്യോഗികരംഗത്ത് 20 വര്ഷം പൂര്ത്തിയാകുന്ന വേളയിലാണ് അംഗീകാരം ഇവരെ തേടിയെത്തിയത്. തൃശ്ശൂർ പൊലീസ് അക്കാദമിയില് 10 മാസത്തെ പരിശീലനം പൂര്ത്തിയാക്കി 2004 ഒക്ടോബറിലാണ് ചന്ദ്രലേഖ സംസ്ഥാന പൊലീസിന്റെ ഭാഗമായത്. അങ്കമാലി സ്റ്റേഷനിലായിരുന്നു ആദ്യനിയമനം. സ്ഥലംമാറ്റം ലഭിച്ച് കോതമംഗലത്തെത്തിയപ്പോള് ഷാഡോ പൊലീസ് സംഘത്തില് അംഗമായി. പിന്നീട് കാലടിയിലും പെരുമ്പാവൂരും…