Ernakulam News
എം.പി ഹൈബി ഈഡൻ ഡ്രൈവറായി ; കുട്ടികൾക്ക് കൗതുകം
എടവനക്കാട്: പുത്തന് സ്കൂൾ ബസ് ഫ്ലാഗ് ഓഫ് ചെയ്ത ഹൈബി ഈഡൻ തിരക്കേറിയ വൈപ്പിന്- മുനമ്പം റോഡില് ബസോടിച്ചത് കണ്ട് വിദ്യാർഥികളും അധ്യാപകരും അമ്പരന്നു.എടവനക്കാട് എസ്.ഡി.പി.വൈ കെ.പി.എം ഹൈസ്കൂളിലെ വിദ്യാര്ഥികളുടെയും അധ്യാപകരുടെയും സ്നേഹനിര്ഭരമായ ആവശ്യം പരിഗണിച്ചാണ് ഹൈബി ഡ്രൈവിങ് സീറ്റിലേക്കിരുന്നത്. നായരമ്പലം ഭാഗത്തേക്കുള്ള സ്കൂൾ ബസിന്റെ ആദ്യ യാത്ര എം.പി ഗംഭീരമാക്കി. എം.പിയുടെ പ്രാദേശിക വികസന ഫണ്ടില് നിന്ന് 20 ലക്ഷം രൂപ വിനിയോഗിച്ചാണ് ബസ് വാങ്ങി നല്കിയത്. സ്കൂള് ബാന്ഡ് സംഘവും സ്റ്റുഡന്റ് പൊലീസ് കേഡറ്റുകളും…
സംസ്ഥാനത്തെ ആദ്യ സമ്പൂർണ ഡിജിറ്റൽ സാക്ഷര നഗരമായി മൂവാറ്റുപുഴ
മൂവാറ്റുപുഴ: സമ്പൂർണ ഡിജിറ്റൽ സാക്ഷരത കൈവരിച്ച സംസ്ഥാനത്തെ ആദ്യ നഗരമായി മൂവാറ്റുപുഴ നഗരസഭയെ പ്രഖ്യാപിച്ചു. പ്രത്യേക കൗൺസിൽ യോഗത്തിൽ നഗരകാര്യ ജോയിന്റ് ഡയറക്ടർ വി. പ്രദീപ് കുമാറാണ് പ്രഖ്യാപനം നടത്തിയത്. ചെയർമാൻ പി.പി. എൽദോസ് അധ്യക്ഷത വഹിച്ചു. ദൈനംദിന സര്ക്കാര് സേവനങ്ങള് ഉപയോഗിക്കുന്നതിനും വികസന പ്രവര്ത്തനങ്ങളിൽ പങ്കാളികളാകുന്നതിനുമായി സർക്കാർ ആവിഷ്ക്കരിച്ച സമ്പൂർണ ഡിജിറ്റല് സാക്ഷരത പദ്ധതിയാണ് നഗരസഭ വിജയകരമായി നടപ്പാക്കിയത്. ജൂൺ 25നാണ് നഗരസഭയിൽ പദ്ധതിക്ക് തുടക്കം കുറിച്ചത്. 50 ദിവസം കൊണ്ട് ലക്ഷ്യം കൈവരിച്ചു. ഡി.ജി…
മൂവാറ്റുപുഴ-കൂത്താട്ടുകുളം നാലുവരിപ്പാത; സ്ഥലമെടുക്കൽ നടപടി മരവിപ്പിച്ചു
മൂവാറ്റുപുഴ: കാൽനൂറ്റാണ്ട് മുമ്പ് സംസ്ഥാന പാതയായി പ്രഖ്യാപിച്ച മൂവാറ്റുപുഴ-കൂത്താട്ടുകുളം നാലുവരിപ്പാതയുടെ നിർമാണം മരവിപ്പിച്ചു. 2017ലെ ബജറ്റിൽ 25 കോടി രൂപയുടെ ഭരണാനുമതി ലഭിക്കുകയും തുടർന്ന് ഭൂമി ഏറ്റെടുക്കുന്നതിന് കിഫ്ബിയിൽനിന്ന് 450.33 കോടി രൂപ അനുവദിക്കുകയുംചെയ്ത സുപ്രധാന പദ്ധതിയാണ് മരവിപ്പിച്ചിരിക്കുന്നത്. കാര്യമായ ഗതാഗതം ഇല്ലെന്ന് ചൂണ്ടിക്കാട്ടിയാണ് പദ്ധതി ഒഴിവാക്കുന്നത്. മുൻ മന്ത്രി പി.ജെ. ജോസഫ് നിയമസഭയിൽ ഉന്നയിച്ച ചോദ്യത്തിന്, കഴിഞ്ഞ ജൂലൈ നാലിന് പൊതുമരാമത്ത് മന്ത്രി പി.എ. മുഹമ്മദ് റിയാസ് നൽകിയ മറുപടിയിലാണ് പദ്ധതി പ്രവർത്തനം താൽക്കാലികമായി നിർത്തിവെക്കുന്ന…
അങ്കമാലി-ശബരി റെയിൽപാത; ദുരിതത്തിന് അറുതിയില്ലാതെ ഭൂവുടമകൾ
കൊച്ചി: പദ്ധതി നടത്തിപ്പിൽ അനിശ്ചിതത്വം തുടരുമ്പോൾ അങ്കമാലി-ശബരി റെയിൽ പദ്ധതി മേഖലയിൽ വരുന്ന ഭൂവുടമകൾ കാൽനൂറ്റാണ്ടിലേറെയായി ദുരിതത്തിൽ. പദ്ധതി നടത്തിപ്പുമായി ബന്ധപ്പെട്ട് സംസ്ഥാനം സഹകരിക്കുന്നില്ലെന്ന കേന്ദ്ര റെയിൽവേ മന്ത്രിയുടെ പ്രസ്താവനയും, അത് ഖണ്ഡിച്ച് മുഖ്യമന്ത്രിയുടെ മറുപടിയുമാണ് ഇടവേളക്കുശേഷം പദ്ധതി വീണ്ടും ചർച്ചയാകാൻ കാരണം. കാൽനൂറ്റാണ്ട് പിന്നിടുമ്പോഴും പദ്ധതി എങ്ങുമെത്താത്തതാണ് ഭൂ ഉടമകളെ പ്രതിസന്ധിയിലാക്കുന്നത്. 1995-96ലെ റെയിൽവേ ബജറ്റിൽ വിഭാവനംചെയ്ത് തൊട്ടടുത്ത വർഷം പ്രാഥമിക സർവേ നടത്തിയതിന് പിന്നാലെ നിർമാണവും ആരംഭിച്ചു. കാലടിയിൽ റെയിൽവേ സ്റ്റേഷനും പെരിയാറിന് കുറുകേ…
തദ്ദേശ അദാലത്ത് സംസ്ഥാനതല ഉദ്ഘാടനം കൊച്ചിയിൽ മുഖ്യമന്ത്രി നിർവഹിക്കും
കൊച്ചി: സംസ്ഥാന സർക്കാറിന്റെ മൂന്നാം വാർഷിക ഭാഗമായുള്ള തദ്ദേശ അദാലത്തിന്റെ സംസ്ഥാനതല ഉദ്ഘാടനം മുഖ്യമന്ത്രി പിണറായി വിജയൻ വെള്ളിയാഴ്ച കൊച്ചിയിൽ നിർവഹിക്കും. എറണാകുളം ടൗൺഹാളിൽ രാവിലെ 10.30 നാണ് പരിപാടി. തദ്ദേശ വകുപ്പ് മന്ത്രി എം.ബി രാജേഷിന്റെ നേതൃത്വത്തിലാണ് അദാലത്ത്. എറണാകുളം ജില്ലാതല തദ്ദേശ അദാലത്ത് (പഞ്ചായത്ത്, നഗരസഭാ തലം) വെള്ളിയാഴ്ചയും കൊച്ചി കോർപറേഷൻ തല അദാലത്ത് ശനിയാഴ്ചയും നടക്കും. രാവിലെ 8.30 മുതൽ അദാലത്തിലേക്കുള്ള രജിസ്ട്രേഷൻ ആരംഭിക്കും. എറണാകുളം നോർത് ടൗൺഹാളിലാണ് രണ്ട് അദാലത്തുകളും. പൊതുജനങ്ങൾക്ക്…
വിദേശ യുവതിയെ ബലാത്സംഗം ചെയ്ത കേസിലെ രണ്ടാം പ്രതിക്ക് ജാമ്യം
കൊച്ചി: ലഹരിപാനീയം നൽകി വിദേശ വനിതയെ ദുബൈയിൽവെച്ച് ബലാത്സംഗംചെയ്ത കേസിലെ രണ്ടാംപ്രതിക്ക് ഹൈകോടതി ജാമ്യം. ബ്രസീലിയൻ യുവതിയെ പീഡിപ്പിച്ച കേസിൽ മുംബൈ സ്വദേശി സുഹൈൽ ഇക്ബാൽ ചൗധരിക്കാണ് ജസ്റ്റിസ് സി.എസ്. ഡയസ് ഉപാധികളോടെ ജാമ്യം അനുവദിച്ചത്. മലയാളി യുവാവിനോടൊപ്പം ഷൊർണൂരിൽ ലിവിങ് ടുഗതറിൽ കഴിഞ്ഞിരുന്ന യുവതിയാണ് പീഡനത്തിനിരയായത്. ഇയാളെ ഷൊർണൂർ പൊലീസ് ഗോവയിൽ നിന്ന് ജൂലൈ രണ്ടിനാണ് അറസ്റ്റ് ചെയ്തത്. കഴിഞ്ഞ മേയ് 12ന് ദുബൈയിൽവെച്ച് കേസിലെ ഒന്നാം പ്രതിയുടെ അപ്പാർട്മെന്റിലാണ് പീഡനം നടന്നത്. ഒരു ലക്ഷം…
വിദേശ വനിത ഫലസ്തീൻ ഐകൃദാർഢ്യ ബോർഡ് നശിപ്പിച്ച കേസിന് ഹൈകോടതി സ്റ്റേ
കൊച്ചി: ഫോർട്ട്കൊച്ചിയിൽ ഫലസ്തീൻ ഐക്യദാർഢ്യ ബോർഡുകൾ നശിപ്പിച്ച കേസിൽ ആസ്ട്രേലിയയിൽ നിന്നുള്ള ജൂത വനിതക്കെതിരായ കേസ് ഹൈകോടതി സ്റ്റേ ചെയ്തു. മട്ടാഞ്ചേരി പൊലീസ് രജിസ്റ്റർ ചെയ്ത കേസ് റദ്ദാക്കണമെന്ന് ആവശ്യപ്പെട്ട് പ്രതിയായ സാറ ഷെലൻസ്കി മിഷേലിൽ നൽകിയ ഹരജിയിലാണ് തുടർ നടപടി ജസ്റ്റിസ് ബെച്ചു കുര്യൻ തോമസ് ഇടക്കാല ഉത്തരവിലൂടെ സ്റ്റേ ചെയ്തത്. കഴിഞ്ഞ ഏപ്രിലിൽ ഫോർട്ട്കൊച്ചി സന്ദർശിക്കാനെത്തിയ യുവതി ഫലസ്തീൻ അനുകൂല ബോർഡുകൾ കീറി നശിപ്പിക്കുകയായിരുന്നു. എസ്.ഐ.ഒ പ്രവർത്തകർ നൽകിയ പരാതിയിൽ കലാപമുണ്ടാക്കാൻ ശ്രമിച്ചതടക്കം വകുപ്പുകൾ…
അയൽവാസിയായ യുവാവിനെ തലയ്ക്കടിച്ച് കൊല്ലാൻ ശ്രമിച്ച 75കാരൻ അറസ്റ്റിൽ
അങ്കമാലി: അയൽവാസിയായ യുവാവിനെ പട്ടിക ഉപയോഗിച്ച് തലയ്ക്കടിച്ച് കൊല്ലാൻ ശ്രമിച്ച കേസിൽ 75കാരൻ അറസ്റ്റിൽ. അങ്കമാലി പുളിയനം പീച്ചാനിക്കാട് ചാക്കരപ്പറമ്പ് മൂലൻ വീട്ടിൽ മത്തായിക്കുഞ്ഞിനെയാണ് അങ്കമാലി പൊലീസ് അറസ്റ്റ് ചെയ്തത്. മത്തായിക്കുഞ്ഞിന്റെ വീടിന് സമീപം താമസിക്കുന്ന വിനീഷിനെയാണ് ആക്രമിച്ചത്. 12ന് വൈകീട്ടായിരുന്നു കേസിനാസ്പദമായ സംഭവം. ഇരുവരും തമ്മിൽ നേരത്തെ മുതൽ അതിർത്തി തർക്കം നിലനിൽക്കുന്നുണ്ട്. തിങ്കളാഴ്ച വാക്തർക്കം രൂക്ഷമായതോടെയാണ് വിനീഷിനെ ക്രൂരമായി മർദ്ദിച്ചതത്രെ. തലയോട്ടി പൊട്ടുകയും കണ്ണിന്റെ കാഴ്ച നഷ്ടപ്പെടുകയും ചെയ്തു. ഗുരുതരമായി പരുക്കേറ്റ വിനീഷിനെ വിവിധ…
അപരിചിത നമ്പറുകൾ ശ്രദ്ധിക്കണം; മുന്നറിയിപ്പുമായി പൊലീസ്
ആലുവ: അപരിചിത നമ്പറുകളിൽനിന്ന് വരുന്ന വിഡിയോ-ഓഡിയോ കാളുകൾ ശ്രദ്ധയോടെ കൈകാര്യം ചെയ്തില്ലെങ്കിൽ സമ്പാദ്യം നഷ്ടമാകുമെന്ന മുന്നറിയിപ്പുമായി റൂറൽ ജില്ല പൊലീസ്. +92ൽ തുടങ്ങുന്ന നമ്പറുകളിൽനിന്നാണ് മിക്കവാറും വിളിവരുന്നത്. ഡി.പി ഇട്ടിരിക്കുന്നത് പൊലീസ് ഉദ്യോഗസ്ഥരെന്ന് തോന്നിക്കുന്ന തരത്തിൽ യൂനിഫോം ധരിച്ച ഒരാളുടേതായിരിക്കും. പരമാവധി അസ്വസ്ഥതയും ടെൻഷനുമുണ്ടാക്കി പണം കൈപ്പറ്റുകയാണ് ലക്ഷ്യം. എം.ബി.ബി.എസിന് പഠിക്കുന്ന പെൺകുട്ടിയുടെ പിതാവിനെ അന്വേഷണ സംഘമാണെന്ന് പറഞ്ഞാണ് കാൾ വന്നത്. മയക്കുമരുന്ന് പിടികൂടിയെന്നും മകൾക്ക് സംഘവുമായി ബന്ധമുണ്ടെന്നും പറഞ്ഞു. മകൾക്ക് ഫോൺ കൈമാറാമെന്ന് പറഞ്ഞ് വേറൊരാൾക്ക്…
രായമംഗലം കുടുംബാരോഗ്യകേന്ദ്രത്തിന് പുരസ്കാരത്തിളക്കം
പെരുമ്പാവൂര്: ആര്ദ്രകേരളം പുരസ്കാരം നേടിയ രായമംഗലം പഞ്ചായത്തിനുകീഴിലെ കുടുംബാരോഗ്യ കേന്ദ്രം കാഴ്ചവെച്ചത് വേറിട്ട പ്രവര്ത്തനങ്ങൾ. ആരോഗ്യമേഖലയില് ചെലവഴിച്ച തുകയുടെ നല്ലൊരുഭാഗം സാന്ത്വന പരിചരണ പരിപാടികള്, കായകല്പ് ഇതുമായി ബന്ധപ്പെട്ട മറ്റ് പ്രവര്ത്തനങ്ങൾ എന്നിവക്കായി വിനിയോഗിച്ചു. മറ്റ് തദ്ദേശ സ്ഥാപനങ്ങളില്നിന്ന് ഭിന്നമായി ആളുകളുടെ ആരോഗ്യത്തിന് മുന്തൂക്കം നല്കി വാതില്പടി സേവനം ഉറപ്പുവരുത്തി. സഞ്ചരിക്കുന്ന ആശുപത്രിയുടെ പ്രവര്ത്തനം ഇതിന്റെ ഭാഗമാണ്. അലോപ്പതി, ആയുര്വേദം, മൃഗസംരക്ഷണ, കൃഷി വകുപ്പുകളുടെ സംയോജിച്ചുള്ള പ്രവര്ത്തനത്തിൽ ജില്ലയിൽ ഒന്നാംസ്ഥാനത്തെത്തി. പ്രതിദിനം ആശുപത്രിയിലെത്തുന്ന 300ഓളം രോഗികളെ പരിപാലിക്കാൻ…