Crime News
മുക്കുപണ്ടം പണയംവെച്ച് ലക്ഷങ്ങൾ തട്ടിയയാൾ പിടിയിൽ
കൊച്ചി: ചിറ്റൂർ വടുതലയിലെ ചേരാനല്ലൂർ സർവിസ് സഹകരണ ബാങ്കിൽ മുക്കുപണ്ടം പണയംവെച്ച് രണ്ടുലക്ഷം രൂപയോളം തട്ടിയെടുത്തയാളെ അറസ്റ്റ് ചെയ്തു. മുളവുകാട് പട്ടാള ക്യാമ്പിന് സമീപത്ത് വാടകക്ക് താമസിക്കുന്ന ചേരാനല്ലൂർ കൊറങ്ങോട്ട ദ്വീപിൽ പടിഞ്ഞാറേയറ്റത്ത് വേങ്ങാട്ട് പ്രസന്നനെയാണ് (54) എറണാകുളം ടൗൺ നോർത്ത് സ്റ്റേഷൻ ഇൻസ്പെക്ടർ പ്രതാപ് ചന്ദ്രന്റെ നേതൃത്വത്തിൽ അറസ്റ്റ് ചെയ്തത്. പ്രതിയെ വിശദമായി ചോദ്യം ചെയ്തതിൽ മുളവുകാട് പൊന്നാരിമംഗലത്തും എറണാകുളം കോമ്പാറയിലും വിവിധ ധനകാര്യ സ്ഥാപനങ്ങളിലും മുക്കുപണ്ടം പണയംവെച്ച് വൻ തുകകൾ തട്ടിയെടുത്തതായി തെളിഞ്ഞു. മുക്കുപണ്ടങ്ങൾ…
നിയമ വിദ്യാർഥിനി നിമിഷ തമ്പി കൊലക്കേസിൽ പ്രതിക്ക് ഇരട്ട ജീവപര്യന്തം
പറവൂർ: എറണാകുളം വാഴക്കുളത്ത് ബിരുദ വിദ്യാർഥിയായ നിമിഷ തമ്പിയെ കൊലപ്പെടുത്തിയ കേസിൽ പ്രതിക്ക് ഇരട്ട ജീവപര്യന്തം. മുർഷിദാബാദ് സ്വദേശി ബിജു മൊല്ലയെയാണ് പറവൂർ അഡീഷണൽ സെഷൻസ് കോടതി ശിക്ഷിച്ചത്. ഇരട്ട ജീവപര്യന്തത്തിന് പുറമേ പ്രതിക്ക് മൂന്നു ലക്ഷം രൂപ പിഴയും കോടതി വിധിച്ചിട്ടുണ്ട്. മറ്റ് രണ്ട് വകുപ്പുകളിലായി ഏഴ് വർഷം തടവും ശിക്ഷ വിധിച്ചിട്ടുണ്ടെങ്കിലും ഒന്നിച്ചനുഭവിച്ചാൽ മതി. 2018 ജൂലൈ 30നാണ് മോഷണശ്രമത്തിനിടെയാണ് എറണാകുളം അമ്പുനാട് സ്വദേശിയും നിയമ ബിരുദ വിദ്യാർഥിയുമായ നിമിഷ തമ്പിയെ പ്രതി കൊലപ്പെടുത്തിയത്.…
മയക്കുമരുന്നുമായി അഞ്ചുപേർ പിടിയിൽ
കൊച്ചി: ഹോട്ടലിൽ നിന്ന് മയക്കുമരുന്നുമായി അഞ്ചുപേർ പൊലീസ് പിടിയിൽ. ആലുവ എടത്തല തുരുത്തുമ്മേൽപറമ്പിൽ വീട്ടിൽ സനൂപ് (39), മുപ്പത്തടം തണ്ടരിക്കൽ വീട്ടിൽ ഷെമീർ (44), കപ്പലിപ്പള്ളത്ത് കേളംപറമ്പിൽ വീട്ടിൽ ഫസൽ (29), മലപ്പുറം കോട്ടക്കൽ കർത്തുമാട്ടിൽ വീട്ടിൽ സഫീല നസ്റിൻ (26), കോട്ടുവള്ളി സ്വദേശി നടക്കാപ്പറമ്പിൽ വീട്ടിൽ രഞ്ജിത്ത് (34) എന്നിവരാണ് ചേരാനല്ലൂർ വലിയമ്പലത്തിന് സമീപമുള്ള പാരഡൈസ് ഇൻ ഹോട്ടലിൽനിന്ന് 27.67 ഗ്രാം എം.ഡി.എം.എയും 41.40 ഗ്രാം കഞ്ചാവുമായി പിടിയിലായത്. ഹോട്ടലിൽ മുറിയെടുത്ത് വൻതോതിൽ മയക്കുമരുന്ന് എത്തിച്ച്…
നെടുമ്പാശ്ശേരിയിൽ കാർ നിയന്ത്രണംവിട്ട് മറിഞ്ഞ് യുവതി മരിച്ചു
നെടുമ്പാശ്ശേരി: നിയന്ത്രണം വിട്ട കാർ മറിഞ്ഞ് യുവതി മരിച്ചു. വൈറ്റില കനാപ്പിള്ളിവീട്ടിൽ സേവ്യറുടെ മകൾ സയന (21) ആണ് മരിച്ചത്.ദേശീയ പാതയിൽ നെടുമ്പാശ്ശേരി അത്താണിയിൽ ഇന്ന് പുലർച്ചെയാണ് അപകടം.കാറിൽ സയനയുൾപ്പെടെ നാല് പേരുണ്ടായിരുന്നു. മറ്റുള്ളവർക്ക് കാര്യമായ പരിക്കില്ല.
മസാജ് പാർലറിന്റെ മറവിൽ ലഹരി വിൽപന; എം.ഡി.എം.എയുമായി നടത്തിപ്പുകാരൻ പിടിയിൽ
കൊച്ചി: മസാജ് പാർലറിന്റെ മറവിൽ മയക്കുമരുന്ന് വിൽപന നടത്തിയയാൾ എം.ഡി.എം.എയുമായി പിടിയിൽ. കാക്കനാട് കുസുമഗിരി സ്വദേശി കാളങ്ങാട്ട് വീട്ടിൽ ആഷിൽ ലെനിനാണ് (25) എക്സൈസ് പ്രത്യേക വിഭാഗത്തിന്റെ പിടിയിലായത്. ഇയാളുടെ പക്കൽനിന്ന് 38 ഗ്രാം എം.ഡി.എം.എ, രണ്ടഗ്രാം ഹഷീഷ് ഓയിൽ, മൂന്ന് ഗ്രാം കഞ്ചാവ് എന്നിവ കണ്ടെടുത്തു. മയക്കുമരുന്ന് ഇടപാടിന് ഉപയോഗിച്ച രണ്ട് സ്മാർട്ട് ഫോൺ, 9100 രൂപ എന്നിവയും എക്സൈസ് കസ്റ്റഡിയിൽ എടുത്തു. വൈറ്റില സഹോദരൻ അയ്യപ്പൻ റോഡിൽ ഹെർബൽ പീജിയൺ ആയുർവേദ തെറപ്പി ആൻഡ്…
ഗ്രോബാഗിൽ കഞ്ചാവ് കൃഷി; യുവാവ് പിടിയിൽ
പറവൂർ: ഗ്രോ ബാഗിൽ കഞ്ചാവ് കൃഷി ചെയ്യുന്ന യുവാവ് പൊലീസ് പിടിയിൽ. കെടാമംഗലം ദേവസ്വം പറമ്പ് മഞ്ഞനക്കര വീട്ടിൽ സുധീഷ് (34) നെയാണ് പിടികൂടിയത്. ഓപ്പറേഷൻ ക്ലീൻ എറണാകുളം റൂറൽ പദ്ധതിയുടെ ഭാഗമായി ജില്ല പൊലീസ് മേധാവി ഡോ.വൈഭവ് സക്സേനയ്ക്ക് ലഭിച്ച രഹസ്യ വിവരത്തെ തുടർന്ന് നടത്തിയ പരിശോധനയിലാണ് പതിമൂന്ന് കഞ്ചാവ് ചെടികൾ കണ്ടെത്തിയത്. വഴിക്കുളങ്ങരയിൽ ഓട്ടോ വർക്ക്ഷോപ്പ് വാടകക്ക് എടുത്ത് നടത്തുകയാണ് ഇയാൾ. വർക്ക് ഷോപ്പിന്റെ വളപ്പിൽ ആളൊഴിഞ്ഞ ഭാഗത്താണ് കഞ്ചാവ് നട്ടുവളർത്തിയത്. മൂന്ന് ഗ്രോ…
പത്ത് വയസ്സുകാരനെ മര്ദിച്ച സംഭവം: പൊലീസിനെതിരെ ആരോപണം
മരട്: പൂണിത്തുറ വളപ്പിക്കടവില് കളിക്കുന്നതിനിടെ തെറിച്ചുപോയ പന്തെടുക്കാന് ചെന്ന 10 വയസ്സുകാരനെ വീട്ടുടമ മര്ദിച്ച സംഭവത്തില് പൊലീസിനെതിരെ കോണ്ഗ്രസും ബി.ജെ.പിയും രംഗത്ത്. സംഭവം നടന്ന് ആറുദിവസം പിന്നിട്ടിട്ടും പ്രതിയുമായി ഒത്തുചേര്ന്ന് കേസ് ദുര്ബലപ്പെടുത്താനും അട്ടിമറിക്കാനും ശ്രമിക്കുന്നതായാണ് ആരോപണം. പ്രതി മരട് ദിവ്യദീപം വീട്ടില് ബാലന് സി.പി.എം പ്രവര്ത്തകനാണ്. ഇക്കാരണത്താലാണ് പ്രതിക്കെതിരെ ദുര്ബല വകുപ്പുകള് ചുമത്തി എഫ്.ഐ.ആര് രജിസ്റ്റര് ചെയ്തതെന്നും ഇവർ പറയുന്നു. പ്രതിക്കെതിരെ ശക്തമായ വകുപ്പുകള് ചേര്ത്ത് കേസെടുക്കണമെന്ന് ബി.ജെ.പി മേഖല സെക്രട്ടറിയും തൃപ്പൂണിത്തുറ മുനിസിപ്പല് കൗണ്സിലറുമായ…
എരൂരില് നിയന്ത്രണം വിട്ട ബൈക്ക് പോസ്റ്റിലിടിച്ച് യുവാവ് മരിച്ചു
തൃപ്പൂണിത്തുറ: എരൂരിൽ നിയന്ത്രണം വിട്ട ബൈക്ക് പോസ്റ്റിലിടിച്ച് യുവാവ് മരിച്ചു. എരൂർ നായർ സമാജത്തിനു സമീപം കല്ലറ റോഡിൽ പാലയ്ക്കൽ വീട്ടിൽ സന്തോഷ് മകൻ പി.എസ്.അതുൽ (23) ആണ് മരിച്ചത്. ചൊവ്വാഴ്ച്ച ഉച്ചയോടെ എരൂർ മുല്ലയ്ക്കൽ ക്ഷേത്രത്തിനടുത്തു വെച്ചായിരുന്നു അപകടം. അതുൽ ഓടിച്ച ഡ്യൂക്ക് ബൈക്ക് നിയന്ത്രണം തെറ്റി വൈദ്യുത പോസ്റ്റിനും മതിലിനുമിടയിലൂടെ കടക്കുകയും തല പോസ്റ്റിലിടിച്ച യുവാവും ബൈക്കും മറ്റൊരു ഇരുചക്രവാഹനത്തിന്റെ മുകളിലേയ്ക്ക് മറിയുകയുമായിരുന്നു. ഗുരുതര പരുക്കേറ്റ യുവാവിനെ ആശുപത്രിയിലെത്തിച്ചെങ്കിലും മരിച്ചിരുന്നു. നെട്ടൂരിലെ സ്വകാര്യ ആശുപത്രിയിലുള്ള…
കുമ്പളത്ത് റോഡരികിലൂടെ നടന്നുപോകുന്നതിനിടെ പിക്ക് അപ്പ് വാനിടിച്ച് വൃദ്ധന് ദാരുണാന്ത്യം
മരട്: കുമ്പളത്ത് റോഡരികിലൂടെ നടന്നുപോകുന്നതിനിടെ പിക്ക് അപ്പ് വാനിടിച്ച് വൃദ്ധന് ദാരുണാന്ത്യം. കുമ്പളം അമീപറമ്പില് വീട്ടില് എ.പി.ജോര്ജ് (79) ആണ് മരിച്ചത്. ചൊവ്വാഴ്ച്ച വൈകീട്ട് 3.30 ഓടെയായിരുന്നു അപകടം. കുമ്പളം റേഷന് കടയ്ക്കു സമീപം അരിപൊടിപ്പിക്കുന്നതിനായി വീട്ടില് നിന്നും മില്ലിലേക്കു പോകും വഴി എതിരെ വന്ന പിക്കപ്പ് വാന് നിയന്ത്രണം വിട്ട് ജോര്ജിനെ ഇടിച്ചതോടെ മതിലിനും വാഹനത്തിനും ഇടയില്പ്പെടുകയായിരുന്നു. ഉടനെ നാട്ടുകാര് നെട്ടൂര് ലേക്ഷോര് ആശുപത്രിയിലെത്തിച്ചെങ്കിലും വൈകീട്ട് അഞ്ചു മണിയോടെ മരിച്ചു. ഭാര്യ: ബേബി ജോര്ജ്. മക്കള്:…
കോൺഗ്രസ് നേതാക്കൾക്കെതിരെ കലാപാഹ്വാനത്തിന് കേസ്; പൊലീസ് സ്റ്റേഷൻ കത്തിക്കുമെന്ന് ഭീഷണിപ്പെടുത്തിയെന്ന്
കൊച്ചി: പാലാരിവട്ടം പൊലീസ് സ്റ്റേഷൻ ഉപരോധിച്ച കോൺഗ്രസ് നേതാക്കൾക്കെതിരെ കേസ്. ഡി.സി.സി പ്രസിഡൻറ് മുഹമ്മദ് ഷിയാസ്, ഹൈബി ഈഡൻ എം.പി, എൽ.എൽ.എമാരായ ഉമ തോമസ്, ടി.ജെ. വിനോദ്, അൻവർ സാദത്ത് എന്നിവരടക്കം 75 പേരെ പ്രതികളാക്കിയാണ് കേസെടുത്തത്. കലാപശ്രമമടക്കം വകുപ്പുകളും ചുമത്തിയിട്ടുണ്ട്. പൊലീസ് സ്റ്റേഷൻ കത്തിക്കുമെന്ന് നേതാക്കൾ ഭീഷണി മുഴക്കിയതായും എഫ്.ഐ.ആറിൽ പറയുന്നുണ്ട്. തിങ്കളാഴ്ച രാത്രി എട്ടോടെയാണ് പാലാരിവട്ടം പൊലീസ് സ്റ്റേഷനുമുന്നിൽ നാടകീയ രംഗങ്ങൾ അരങ്ങേറിയത്. തൃക്കാക്കരയിലെ നവകേരള സദസ്സിനെത്തിയ മുഖ്യമന്ത്രിയെ കരിങ്കൊടി കാണിച്ച ഏഴ് യൂത്ത്…