Ernakulam News
വൃക്കകൾ തകരാറിലായ യുവഗായകൻ ചികിത്സസഹായം തേടുന്നു
കാക്കനാട്: ഇരുവൃക്കകളും തകരാറിലായ യുവ ഗായകൻ ചികിത്സസഹായം തേടുന്നു. തെങ്ങോട് പള്ളത്തുഞാലില് പി.വി. അഖിലാണ് (30) കാരുണ്യം തേടുന്നത്. വൃക്ക മാറ്റിവെക്കല് ശസ്ത്രക്രിയയാണ് ഡോക്ടര്മാര് നിര്ദേശിച്ചിരിക്കുന്നത്. കഴിഞ്ഞ മാർച്ച് മുതലാണ് രോഗലക്ഷണങ്ങള് കണ്ടുതുടങ്ങിയത്. ആഴ്ചയില് രണ്ടുതവണ ഡയാലിസിസ് നടത്തിയാണ് ജീവൻ നിലനിർത്തുന്നത്. വൃക്ക മാറ്റിവെക്കല് ഉൾപ്പെടെയുള്ള ചികിത്സക്ക് 50 ലക്ഷമാണ് വേണ്ടത്. ഗാനമേളകളിൽ ഗായകനായി പോയിരുന്ന അഖിലിന്റെ രോഗാവസ്ഥയെത്തുടർന്ന് ആകെയുണ്ടായിരുന്ന ഉപജീവന മാർഗം നിലച്ചതോടെ വലിയ ദുരിതമാണ് കുടുംബം നേരിടുന്നത്. വിവാഹം കഴിഞ്ഞിട്ട് ഏഴുമാസമേ ആയിട്ടുള്ളൂ. നാട്ടുകാരുടെ…
കാൻസർ സെന്റർ; വേഗത്തിൽ പൂർത്തിയാക്കണമെന്ന ഹരജിയിൽ വിശദീകരണംതേടി
കൊച്ചി: കൊച്ചിൻ കാൻസർ റിസർച് സെന്റർ (സി.സി.ആർ.സി) നിർമാണം എത്രയുംവേഗം പൂർത്തീകരിക്കാൻ നിർദേശം നൽകണമെന്നാവശ്യപ്പെടുന്ന ഹരജിയിൽ ഹൈകോടതി സർക്കാറടക്കം എതിർകക്ഷികളുടെ വിശദീകരണം തേടി. കരാർപ്രകാരം 2020ൽ പൂർത്തീകരിക്കേണ്ട സി.സി.ആർ.സി നിർമാണം ഇന്നേവരെ പൂർത്തീകരിച്ചിട്ടില്ലെന്നും നിർമാണത്തിന്റെ വിശദാംശങ്ങൾ ഹാജരാക്കാൻ കിഫ്ബി, ഇൻകെൽ എന്നീ എതിർകക്ഷികളോട് നിർദേശിക്കണമെന്നടക്കം ആവശ്യപ്പെട്ട് ഹ്യൂമൻ റൈറ്റ്സ് പ്രൊട്ടക്ഷൻ കൗൺസിൽ സെക്രട്ടറി ആറ്റുകാൽ സുരേന്ദ്രൻ നൽകിയ ഹരജിയാണ് കോടതി പരിഗണിച്ചത്. ആറുലക്ഷം ചതുരശ്ര അടിയുള്ള ആധുനിക കാൻസർ ചികിത്സ ആശുപത്രി കെട്ടിടത്തിന്റെ നിർമാണത്തിനുള്ള 355 കോടിയുടെ…
പിതാവിന്റെ ‘സൈക്കിളോടിക്കൽ’ മൂവ്; ജയം മക്കൾക്ക്
കൊച്ചി: ഒരു രസത്തിന് പിതാവിന്റെ വഴിയേ സൈക്കിൾ ചവിട്ടിത്തുടങ്ങി, പിന്നെയത് കാര്യമാക്കി ഒടുവിൽ സംസ്ഥാന സ്കൂൾ കായികമേളയിലെ മത്സരത്തിൽ സ്വർണമെഡൽ നേടിയ കഥയാണ് സീനിയർ ടൈംട്രയൽ വിഭാഗം മത്സരങ്ങളിലെ വിജയികൾക്ക് പറയാനുള്ളത്. ആൺകുട്ടികളിൽ എറണാകുളം പെരുമാനൂർ സി.സി.പി.എൽ.എം.എ.ഐ.എച്ച്.എസിലെ പത്താംക്ലാസുകാരൻ അസീം റഹ്മാനും പെൺകുട്ടികളിൽ തിരുവനന്തപുരം പട്ടം സെന്റ് മേരീസ് എച്ച്.എസ്.എസിലെ പി. ദേവമിത്രയുമാണ് സൈക്ലിങിൽ ഒന്നാമതെത്തിയത്. കലൂർ ആർ.ബി.ഇസഡ് സൈക്കിൾ ക്ലബിലെ താരമായ അസീമിനെ സൈക്ലിസ്റ്റായിരുന്ന പിതാവ് അസീം റഹ്മാനാണ് ഈ പാതയിൽ നയിച്ചത്. കണ്ടെയ്നർ റോഡിൽ…
പെണ്കുട്ടിയെ പീഡിപ്പിച്ച് അസമിലേക്ക് കടന്നയാളെ പിടികൂടി
പെരുമ്പാവൂര്: പ്രായപൂര്ത്തിയാകാത്ത പെണ്കുട്ടിയെ ലൈംഗികമായി ഉപദ്രവിച്ച കേസിലെ പ്രതി പിടിയിലായി. അസം നാഗൗണ് ജൂറിയ സിനിയാഗോണ് സ്വദേശി മൊണ്ജിറുല് ഹൊക്കീമിനെയാണ് (32) പെരുമ്പാവൂര് പൊലീസ് അസമിലെത്തി അറസ്റ്റ് ചെയ്തത്. വീട്ടില് മറ്റാരുമില്ലാത്ത സമയത്ത് പെണ്കുട്ടിയെ ഇയാള് ഉപദ്രവിക്കുകയും ദൃശ്യങ്ങള് മൊബൈലില് പകര്ത്തുകയും ചെയ്തു. സംഭവശേഷം പ്രതി എറണാകുളത്തേക്ക് കടന്നു. പൊലീസ് അന്വേഷിക്കുന്നുവെന്നറിഞ്ഞ് ട്രെയിനിൽ അസമിലേക്ക് തിരിച്ചു. എസ്.ഐമാരായ കെ.ജി. ദിനേശ് കുമാര്, എന്.കെ. ബിജു, സീനിയര് സി.പി.ഒ ബിനീഷ് ചന്ദ്രന് എന്നിവര് പ്രതിയെ പിന്തുടര്ന്ന് അസമിലെത്തുകയായിരുന്നു. ഇയാൾ…
കൊച്ചിയിൽ ഭൂമി തരം മാറ്റ അദാലത്ത് 11-ന്
കൊച്ചി: 2008 ലെ കേരള നെല്വയല് തണ്ണീര്ത്തട സംരക്ഷണ നിയമപ്രകാരം ഭൂമി തരം മാറ്റത്തിനുള്ള 25 സെന്റ് വരെ വിസ്തീർണം ഉള്ളതും സ്വഭാവ വ്യതിയാനത്തിനുള്ള ഫീസ് അടക്കേണ്ടതില്ലാത്തതുമായ ഫോറം അഞ്ച്, ആറ് അപേക്ഷകളുടെ തരം മാറ്റ അദാലത്ത് സംഘടിപ്പിക്കും. കൊച്ചി താലൂക്ക് പരിധിയിലെ തരം മാറ്റല് അദാലത്ത് നവംബര് മാസം 11 ന് റേഞ്ചേഴ്സ് ക്ലബ് ഹാള്, നോര്ത്ത് മൂലംകുഴി, നസ്രത്ത് എന്നിവടങ്ങളില് രാവിലെ 10 മുതല് നടക്കും. തീര്പ്പാക്കിയ അപേക്ഷകളില് ബന്ധപ്പെട്ട കക്ഷികള്ക്ക് അവരുടെ ഫോണില്…
കുപ്രസിദ്ധ ഗുണ്ട ലഹരിമരുന്നുമായി പിടിയിൽ
കൊച്ചി: ഗുണ്ട ആക്ട് പ്രകാരം ജയിൽ ശിക്ഷ കഴിഞ്ഞ് പുറത്തിറങ്ങിയ പ്രതി ലഹരി മരുന്നുമായി വീണ്ടും പിടിയിൽ. കൊച്ചി ഗാന്ധിനഗർ ഉദയ കോളനി നമ്പർ 102ൽ നീഗ്രോ സുരേഷ് എന്ന് വിളിക്കുന്ന സുരേഷ് ബാലനാണ് (38) എറണാകുളം എക്സൈസ് സംഘത്തിന്റെ പിടിയിലായത്. ഇയാളുടെ പക്കൽനിന്ന് 22.405 ഗ്രാം തൂക്കംവരുന്ന നൈട്രോസെപാം സെഡേറ്റിവ് ഗുളികകൾ കണ്ടെടുത്തു. നാലുരൂപ വിലയുള്ള ലഹരിഗുളിക 200 രൂപക്കാണ് ഇയാൾ വിറ്റിരുന്നത്. രണ്ടുമാസം മുമ്പ് കാക്കനാട് തുതിയൂരിൽനിന്ന് 56 നൈട്രോസെപാം ഗുളികയുമായി ഒരാളെ പിടികൂടിയിരുന്നു.…
പെട്രോൾ ഒഴിച്ച് കൊലപ്പെടുത്താൻ ശ്രമം; രണ്ടുപേർ പിടിയിൽ
ഫോർട്ട് കൊച്ചി: ബൈക്ക് യാത്രികനെ പെട്രോൾ ഒഴിച്ച് കൊലപ്പെടുത്താൻ ശ്രമിച്ച കേസിൽ രണ്ടുപേർ പിടിയിൽ. മട്ടാഞ്ചേരി കൊച്ചങ്ങാടി ചിത്തുപറമ്പിൽ പുതിയ വീട്ടിൽ അൽത്താഫ്, ഫോർട്ട്കൊച്ചി തുരുത്തി സ്വദേശി ഫർസാദ് എന്നിവരെയാണ് ഫോർട്ട്കൊച്ചി പൊലീസ് ഇൻസ്പെക്ടർ എം.എസ്. ഫൈസലിന്റെ നേതൃത്വത്തിൽ അറസ്റ്റ് ചെയ്തത്. ബുധനാഴ്ച രാത്രി എട്ടോടെ ഫോർട്ട്കൊച്ചി വാട്ടർ മെട്രോ ജെട്ടിക്ക് മുൻവശമാണ് സംഭവം നടന്നത്. ജെട്ടിക്കുസമീപം പാർക്ക് ചെയ്തിരുന്ന മോട്ടോർ ബൈക്ക് എടുക്കാൻ വന്ന ഉടമയെ പ്രതികൾ ആക്രമിക്കുകയായിരുന്നു. ഈ സമയം പട്രോളിങ് ഡ്യൂട്ടിയിലുണ്ടായിരുന്ന പൊലീസുകാരായ…
കളമശ്ശേരി സഹകരണ ബാങ്ക്; തെരഞ്ഞെടുപ്പ് റദ്ദാക്കിയ നടപടിക്ക് സ്റ്റേ
കൊച്ചി: കളമശ്ശേരി സർവിസ് സഹകരണ ബാങ്ക് തെരഞ്ഞെടുപ്പ് വിജ്ഞാപനം റദ്ദാക്കിയ സഹകരണ തെരഞ്ഞെടുപ്പ് കമീഷൻ നടപടിക്ക് ഹൈകോടതിയുടെ സ്റ്റേ. രേഖകളുടെ കാര്യത്തിൽ സംശയമുള്ള 489 പേരുടെ വോട്ടുകൾ പ്രത്യേക ബാലറ്റിൽ സൂക്ഷിക്കണമെന്നതടക്കം ഉപാധികളോടെ നടപടികൾ തുടരാനും തെരഞ്ഞെടുപ്പ് നടത്താനും ജസ്റ്റിസ് എൻ. നഗരേഷ് ഇടക്കാല ഉത്തരവിലൂടെ അനുമതി നൽകി. തെരഞ്ഞെടുപ്പും ഫലപ്രഖ്യാപനവും കോടതിയുടെ അന്തിമ ഉത്തരവിന് വിധേയമായിരിക്കുമെന്നും കോടതി വ്യക്തമാക്കി. സഹകരണ തെരഞ്ഞെടുപ്പ് കമീഷൻ നടപടി ചോദ്യം ചെയ്ത് ബാങ്ക് മാനേജിങ് കമ്മിറ്റി നൽകിയ ഹരജിയാണ് കോടതി…
പ്രധാന കവലകളുടെ വികസനം വേഗത്തിലാക്കാന് നടപടികളാകുന്നു
പെരുമ്പാവൂര്: പ്രധാന കവലകളിലെ പുറമ്പോക്കുകള് ഒഴിപ്പിച്ച് വികസനവും വാഹന പാര്ക്കിങ് സൗകര്യവും ഒരുക്കാനുള്ള നടപടികളിലേക്ക് നീങ്ങുന്നു. ഇതിനായി നിരത്ത്, പാലം, കെട്ടിടങ്ങള് തുടങ്ങിയ വകുപ്പുകളുമായി യോജിച്ച് പ്രവര്ത്തിക്കുന്നതിന് എല്ദോസ് കുന്നപ്പിള്ളി എം.എല്.എയുടെ അധ്യക്ഷതയില് ചേര്ന്ന യോഗത്തിലാണ് തീരുമാനമുണ്ടായത്. വല്ലം കവല, ഒക്കല് ജങ്ഷന്, കുറിച്ചിലക്കോട് കവല എന്നിവിടങ്ങളില് സൗകര്യം വര്ധിപ്പിക്കാനായി അടിയന്തരമായി സർവേ നടപടികള് പൂര്ത്തിയാക്കും. കവലകളുടെ വികസനത്തിനുള്ള നടപടികളിലേക്ക് കടന്നതായും താലൂക്ക് സർവേയര്മാരായ എല്ദോസ്, മിനി എന്നിവര് നടപടികള് വേഗത്തിലാക്കാനുള്ള ശ്രമത്തിലാണെന്നും ചെറുകുന്നം എസ് വളവിലെ…
കൊച്ചി ബിനാലെ ഫൗണ്ടേഷന് പുനഃസംഘടിപ്പിച്ചു; തോമസ് വര്ഗീസ് സി.ഇ.ഒ
കൊച്ചി: കൊച്ചി-മുസ്രിസ് ബിനാലെ നടത്തിപ്പിന് വിദഗ്ധരെ ഉള്പ്പെടുത്തി നടപ്പാക്കിയ പുനഃസംഘടന പ്രക്രിയ പൂര്ത്തീകരിച്ചതായി കൊച്ചി ബിനാലെ ഫൗണ്ടേഷന് ട്രസ്റ്റി ബോര്ഡ് അറിയിച്ചു. സി.ഇ.ഒ ആയി തോമസ് വര്ഗീസിനെ നിയമിച്ചു. നേരത്തേ ബാങ്കോക്കിലെ യുനൈറ്റഡ് നേഷന്സ് എക്കണോമിക് ആന്ഡ് സോഷ്യല് കമീഷനുമായി ചേര്ന്ന് സുസ്ഥിര നഗരവികസനം, പ്രോജക്ട് മാനേജ്മെന്റ് എന്നീ മേഖലകളില് പ്രവര്ത്തിച്ചിട്ടുണ്ട് തോമസ് വര്ഗീസ്. അക്കാദമിക് റിസര്ച്, ഇന്റര്നാഷനല് ഡെവലപ്മെന്റ്, ബിസിനസ് മാനേജ്മെന്റ് എന്നീ മേഖലകളില് അനുഭവപരിചയമുള്ള മാനേജ്മെന്റ് പ്രഫഷനലാണ്. നിയമ ഉപദേഷ്ടാവായി മുതിര്ന്ന അഭിഭാഷക ഫെരഷ്തേ…