Ernakulam News
കാറിന്റെ ഡിക്കിയിൽ ഇരുന്നു റീൽസ്; നടപടിയുമായി മോട്ടോർ വാഹനവകുപ്പ്
കാക്കനാട്: കാറിന്റെ ഡിക്കിയിൽ ഇരുന്ന് റീൽസ് ചിത്രീകരിച്ചതിനും ലേണേഴ്സ് ലൈസൻസ് എടുക്കാത്തയാൾക്ക് ഡ്രൈവിങ് പരിശീലനം നൽകിയതിനും നടപടിയെടുത്ത് മോട്ടോർ വാഹന വകുപ്പ്. റീൽസ് ഷൂട്ട് ചെയ്യാൻ ഡിക്കി തുറന്ന് വാഹനം ഓടിച്ച വാഴക്കുളം സ്വദേശി ശ്രീജേഷിന്റെ ലൈസൻസ് ഒരുമാസത്തേക്ക് സസ്പെൻഡ് ചെയ്തു. 4000 രൂപ പിഴയും ചുമത്തി. ആഡംബര കാർ വിൽക്കുന്നതിനായി സമൂഹ മാധ്യമങ്ങളിൽ ഇടാനാണ് റീൽസ് ഷൂട്ട് ചെയ്തത്. സീപോർട്ട് – എയർപോർട്ട് റോഡിനോടുചേർന്ന ഡ്രൈവിങ് ടെസ്റ്റ് നടക്കുന്ന ഗ്രൗണ്ടിനു സമീപം ഓടിക്കൊണ്ടിരുന്ന കാറിന്റെ ഡിക്കി…
കമ്പനി ഉദ്യോഗസ്ഥൻ ചമഞ്ഞ് 1.78 കോടിയുടെ തട്ടിപ്പ്; പ്രതി ഒളിവിൽ
കൊച്ചി: കമ്പനി ഉദ്യോഗസ്ഥൻ ചമഞ്ഞ് 1.78 കോടിയുടെ തട്ടിപ്പ് നടത്തിയ കേസിൽ ഒളിവിൽ കഴിഞ്ഞുവന്ന പ്രതി പിടിയിൽ. ഇടുക്കി ഉടുമ്പഞ്ചോല മുണ്ടക്കൽ വീട്ടിൽ എം.എ. മാത്യൂ (50)വിനെ ആണ് കൊച്ചി സിറ്റി പൊലീസ് അറസ്റ്റ് ചെയ്തത്. കൊട്ടക് മഹീന്ദ്ര പ്രൈം ലിമിറ്റഡ് കമ്പനിയുടെ പാലാരിവട്ടം ബ്രാഞ്ചിലെ ഉദ്യോഗസ്ഥനായി ചമഞ്ഞാണ് ഇയാൾ തട്ടിപ്പ് നടത്തിയത്. കമ്പനിയിൽ നിന്ന് വായ്പയെടുത്ത് തിരിച്ചടവ് മുടങ്ങിയ 56 ഇടപാടുകാരെ സമീപിച്ച് അവരിൽ നിന്ന് വാഹനം വാങ്ങി കമ്പനിയുടെ വ്യാജ എൻ.ഒ.സി നിർമിച്ച് ഒറിജിനൽ…
തൃക്കാക്കരയിൽ മുണ്ടിനീര് വ്യാപകമാകുന്നു
കാക്കനാട്: തൃക്കാക്കര നഗരസഭയിലെ വിവിധ പ്രദേശങ്ങളിൽ കുട്ടികളിൽ മുണ്ടുനീര് വ്യാപകമാകുന്നതായി റിപ്പോർട്ട്. ഇതിനെതിരെ ആരോഗ്യവകുപ്പ് ജാഗ്രത നിർദ്ദേശം നൽകിയിട്ടുണ്ട്. കഴിഞ്ഞ ദിവസം തൃക്കാക്കര കാർഡിനൽ എൽ.പി സ്കൂളിൽ മുണ്ടിനീര് ലക്ഷണങ്ങളുമായി ഏതാനും കുട്ടികളെ കണ്ടെത്തിയതിനെ തുടർന്ന് സ്കൂളിന് അവധി പ്രഖ്യാപിച്ചു. മുന്നോ നാലോ കുട്ടികൾക്കാണ് ആദ്യം രോഗലക്ഷണം കണ്ടത്. സ്കൂൾ അധികൃതർ ഇതിനെ ഗൗരവത്തിലെടുത്തില്ല. തുടർന്ന് സ്കൂളിലെ 40ൽ അധികം കുട്ടികളിലും ചില അധ്യാപകരിലുംരോഗലക്ഷണം കണ്ടത്. തുടർന്ന് ജില്ല ആരോഗ്യ വകുപ്പധികൃതർ സ്കൂളിന് അവധി നൽകാൻ നിർദേശിക്കുകയായിരുന്നു.…
പാന് കച്ചവടത്തിന്റെ മറവില് കഞ്ചാവ് കച്ചവടം; അസം സ്വദേശി പിടിയില്
പെരുമ്പാവൂര്: പാന് കച്ചവടത്തിന്റെ മറവില് കഞ്ചാവ് കച്ചവടം നടത്തിവന്ന അന്തര് സംസ്ഥാന സ്വദേശി പിടിയിലായി. അസം നാഗോണ് സ്വദേശി ജാക്കിര് ഹുസൈനെയാണ് (47) എക്സൈസ് സംഘം പിടികൂടിയത്. ഞായറാഴ്ച പുലര്ച്ചെ രണ്ടിന് 3.157 കിലോ കഞ്ചാവുമായി ഒക്കലില് വച്ചാണ് പിടിയിലായത്. പെരുമ്പാവൂര് മാര്ക്കറ്റില് പ്രതിക്ക് സ്വന്തമായുള്ള പാന് ഷോപ്പിലാണ് കഞ്ചാവ് കച്ചവടം നടത്തിയിരുന്നത്. അസമില് നിന്ന് കൊണ്ടുവരുന്ന മുന്തിയ ഇനത്തില്പെട്ട കഞ്ചാവാണ് പ്രതി വില്ക്കുന്നത്. അതിനാൽ ആവശ്യക്കാര് ഏറെയാണെന്നും ഉദ്യോഗസ്ഥര് പറഞ്ഞു. എക്സൈസിന്റെയും പൊലീസിന്റെയും കണ്ണില് പെടാതിരിക്കാന്…
കൊച്ചി കായലിനെ തൊട്ട് സീപ്ലെയിൻ; പരീക്ഷണപ്പറക്കൽ നാളെ മാട്ടുപ്പെട്ടിയിലേക്ക്
കൊച്ചി: കേരളത്തിന്റെ വിനോദസഞ്ചാര സാധ്യതകൾക്ക് പുതുചിറകുകളേകി കൊച്ചിയുടെ കായൽപരപ്പിൽ ജലവിമാനം (സീപ്ലെയിൻ) പറന്നിറങ്ങി. ആകാശത്തുനിന്ന് കൊച്ചിയുടെ ഓളങ്ങളിലേക്ക് ഇറങ്ങുന്നത് വിസ്മയത്തോടെ നഗരം നോക്കിക്കണ്ടു. ഇനി ഒരൊറ്റ യാത്രയിൽ കേരളത്തിന്റെ വനങ്ങളും പശ്ചിമഘട്ട മലനിരകളും നിറയുന്ന ആകാശക്കാഴ്ചയും ശാന്തമായി ഒഴുകുന്ന കായൽ, തടാക സൗന്ദര്യവും ഇതിലൂടെ അടുത്തറിയാം. ആന്ധ്രയിലെ വിജയവാഡയിൽനിന്ന് ഞായറാഴ്ച രാവിലെ 11ന് പുറപ്പെട്ട് നെടുമ്പാശ്ശേരി അന്താരാഷ്ട്ര വിമാനത്താവളത്തിൽ ഉച്ചകഴിഞ്ഞ് 2.30ന് വിമാനമെത്തി. വാട്ടർ സല്യൂട്ട് നൽകിയായിരുന്നു സ്വീകരണം. അവിടെനിന്ന് പറന്നുയർന്ന് 3.30ഓടെ ബോൾഗാട്ടിയിലെ കായൽപരപ്പിലിറങ്ങി. ആകാശത്ത്…
മഴക്കാലത്തും വെങ്ങോലയില് കുടിവെള്ളക്ഷാമം രൂക്ഷം
പെരുമ്പാവൂർ: ജലവിതരണ രംഗത്തെ കെടുകാര്യസ്ഥതയും ജല മലിനീകരണവും പാടം നികത്തലും മണ്ണെടുപ്പും വ്യാപകമായതോടെ പെരുമഴക്കാലത്തും വെങ്ങോലയിൽ കുടിവെള്ളക്ഷാമം രൂക്ഷമാണെന്ന് മനുഷ്യാവകാശ പരിസ്ഥിതി സംഘടനയായ മാനവദീപ്തി. കുടിവെള്ള ലഭ്യത ഉറപ്പുവരുത്തേണ്ട പഞ്ചായത്ത് അധികൃതർ ഉത്തരവാദിത്തം ജല അതോറിറ്റിയിൽ ചാരിയും ഉദ്യോഗസ്ഥരെ പഴിച്ചും പ്രശ്നങ്ങൾ വിസ്മരിക്കുകയാണെന്ന് കേന്ദ്ര കമ്മിറ്റി യോഗം കുറ്റപ്പെടുത്തി. വ്യവസായ വികസനത്തിന്റെ പേരിൽ നടന്ന പ്രകൃതി നശീകരണമാണ് ദുരവസ്ഥക്ക് കാരണമെന്ന് യോഗം വിലയിരുത്തി. ജലസ്രോതസ്സുകളുടെ മലിനീകരണവും പാടം നികത്തലും മണ്ണെടുപ്പും തടയാനുള്ള നടപടി സ്വീകരിക്കുകയും കുടിവെള്ള പ്രതിസന്ധി…
കാഴ്ചപരിമിതിയുള്ള വീട്ടമ്മയുടെ കുടിവെള്ള കണക്ഷൻ വിച്ഛേദിച്ചത് വിവാദമായി
പറവൂർ: വെള്ളക്കരം അടച്ചില്ലെന്ന കാരണത്താൽ ജല അതോറിറ്റി ജീവനക്കാർ കാഴ്ചപരിമിതയായ വീട്ടമ്മയുടെ കുടിവെള്ള കണക്ഷൻ വിച്ഛേദിച്ചത് വിവാദമായി. സംഭവം ശ്രദ്ധയിൽപെട്ടതിനെ തുടർന്ന് മന്ത്രി റോഷി അഗസ്റ്റിൻ ഇടപെട്ടു. അതോടെ കണക്ഷനും പുനഃസ്ഥാപിച്ചു. ജല അതോറിറ്റി വടക്കേക്കര സെക്ഷന്റെ പരിധിയിലുള്ള ഒറവൻതുരുത്ത് കൂവപ്പറമ്പിൽ സുബ്രഹ്മണ്യന്റെ വീട്ടിലെ കണക്ഷനാണ് വിച്ഛേദിച്ചത്. സുബ്രഹ്മണ്യന്റെ ഭാര്യ ഇന്ദിര കാഴ്ചപരിമിതയാണ്. ഭർത്താവ് ലോട്ടറി വിൽപനക്ക് പോയ സമയത്താണ് ഉദ്യോഗസ്ഥരെത്തി കണക്ഷൻ വിച്ഛേദിച്ചത്. മൂന്ന് ദിവസമായി ശുദ്ധജലം ലഭിച്ചിരുന്നില്ല.അതേസമയം, മടപ്ലാതുരുത്ത് പുത്തൻവീട്ടിൽ സാജുവിന്റെ കണക്ഷൻ കഴിഞ്ഞദിവസം…
വിമാനത്താവള പരിസരം ലഹരി ഇടപാടുകാരുടെ കേന്ദ്രമാകുന്നു
നെടുമ്പാശ്ശേരി: വിമാനത്താവള പരിസരം വീണ്ടും മയക്കുമരുന്ന്-ഹവാല ഇടപാടുകാരുടെ കേന്ദ്രമാകുന്നു. മാസങ്ങളായി വിമാനത്താവള പരിസരത്തെ വിവിധ ഹോട്ടലുകളിൽ താമസിച്ച് മയക്കുമരുന്ന് വിപണനത്തിലേർപ്പെട്ട മണ്ണാർക്കാട് സ്വദേശിനി സോണ പോൾ കഴിഞ്ഞ ദിവസമാണ് പൊലീസ് പിടിയിലാകുന്നത്. ദൂരെ ദിക്കുകളിൽനിന്നുവരെ ആളുകൾ സോണയിൽനിന്ന് കഞ്ചാവും എം.ഡി.എം.എയും വാങ്ങാൻ നെടുമ്പാശ്ശേരിയിലെത്തിയിരുന്നു. മയക്കുമരുന്ന് വാങ്ങിയ ഒരാളുമായുണ്ടായ സാമ്പത്തിക തർക്കത്തെതുടർന്ന് എക്സൈസിന് രഹസ്യവിവരം നൽകിയതിനെത്തുടർന്നാണ് ഇവരെ പിടികൂടാനായത്. സംശയം തോന്നാതിരിക്കാനാണ് ഹോട്ടലുകളിൽ മാറിമാറി തങ്ങിയിരുന്നത്. വാട്സ്ആപ്പിൽ ബന്ധപ്പെടുന്നവരോട് നെടുമ്പാശ്ശേരിയിലെ ഏതെങ്കിലും ഭാഗത്ത് നിൽക്കാൻ പറയും. തുടർന്ന് കൂട്ടാളിയുമായി…
ഗുണ്ടാ ആക്ട് പ്രകാരം ജയിൽ ശിക്ഷ കഴിഞ്ഞ് പുറത്തിറങ്ങിയയാൾ മയക്കുമരുന്ന് ഗുളികളുമായി പിടിയിൽ
കൊച്ചി: ഗുണ്ടാ ആക്ട് പ്രകാരം ജയിൽ ശിക്ഷ കഴിഞ്ഞ് പുറത്തിറങ്ങിയയാൾ മയക്കുമരുന്ന് ഗുളികളുമായി എക്സൈസിന്റെ പിടിയിലായി. നിരവധി ക്രിമിനൽ-മയക്കുമരുന്ന് കേസുകളിലെ പ്രതിയായ കൊച്ചി ഗാന്ധി നഗർ സ്വദേശിയായ സുരേഷ് ബാലനെ(38)യാണ് എറണാകുളം എക്സൈസ് റേഞ്ച് ഇൻസ്പെക്ടർ വി.സജിയുടെ നേതൃത്വത്തിലുള്ള സംഘം പിടികൂടിയത്. ഇയാളുടെ പക്കൽ നിന്ന് 40 നൈട്രോസെപാം (22.405 ഗ്രാം) ഗുളികകളും കണ്ടെടുത്തു. പിടിയിലാകുന്ന സമയം അമിതമായി ലഹരി ഗുളികകള് കഴിച്ചതു മൂലം അലറി വിളിച്ച് അക്രമം അഴിച്ചു വിട്ട ഇയാളെ സാഹസികമായാണ് എക്സൈസ് സംഘം…
ടവർ ലൈൻ വീടിന് മുകളിൽ പൊട്ടിവീണു; കുട്ടികളടക്കം അഞ്ചംഗ കുടുംബം രക്ഷപ്പെട്ടത് അദ്ഭുതകരമായി
ചെങ്ങമനാട്: വീടിന് മുകളിലേക്ക് 110 കെ.വിയുടെ ടവർ ലൈൻ പൊട്ടിവീണു വീടിന് തീപിടിച്ചു. അപകടത്തിൽ വീടിന് നാശനഷ്ടമുണ്ടായെങ്കിലും അഞ്ചംഗ കുടുംബം അത്ഭുതകരമായി രക്ഷപ്പെട്ടു. നെടുമ്പാശ്ശേരി പഞ്ചായത്തിൽ കുറുപ്പനയം റോഡിലെ ഹരിത നഗറിൽ ഒഴിപ്പറമ്പിൽ വീട്ടിൽ നാസറിന്റെ വീടിന് മുകളിലൂടെ വലിച്ച ടവർ ലൈനാണ് പൊട്ടി വീണത്. വീടിനകവും, പുറവും തീപിടിച്ച് കോൺക്രീറ്റ് പല ഭാഗത്തും അടർന്ന് വീണ് കിടക്കുകയാണ്. കോൺക്രീറ്റ് കമ്പികൾ പുറത്ത് വന്ന നിലയിലാണ്. വൈദ്യുതീകരണ ഉപകരണങ്ങളും പൂർണമായും കത്തിനശിച്ചു. ശനിയാഴ്ച ഉച്ചക്ക് 12.45ഓടെയാണ് സംഭവം.…