Ernakulam News
ഉമ തോമസ് വീണ സംഭവം: മൂന്നു പേർക്ക് കൂടി കാരണം കാണിക്കൽ നോട്ടിസ്
കൊച്ചി: കലൂർ സ്റ്റേഡിയത്തിലെ ഗിന്നസ് നൃത്ത പരിപാടിക്കിടെ വേദിയിൽ നിന്ന് വീണ് ഉമ തോമസ് എം.എൽ.എക്ക് ഗുരുതര പരിക്കേറ്റ സംഭവത്തിൽ മൂന്നു പേർക്കെതിരെ കൂടി കോർപറേഷൻ നടപടി. ഇവർക്ക് കോർപറേഷൻ സെക്രട്ടറി കാരണം കാണിക്കൽ നോട്ടീസ് നൽകി. ഹെൽത്ത് ഓഫിസർ, ഹെൽത്ത് സൂപ്പർവൈസർ, ഇടപ്പള്ളി സോണൽ ഓഫിസിലെ റവന്യൂ ഇൻസ്പെക്ടർ എന്നിവർക്കാണ് നോട്ടീസ് നൽകിയത്. നേരത്തേ, കലൂർ പതിനാറാം സർക്കിളിലെ ഹെൽത്ത് ഇൻസ്പെക്ടറെ സസ്പെൻഡ് ചെയ്തിരുന്നു. അന്വേഷണ ഭാഗമായി ബുക്ക് മൈ ഷോ ആപ് അധികൃതരോടും പരിപാടിയുടെ…
പഞ്ചഗുസ്തിയിൽ ചരിത്രം കുറിച്ച് വീട്ടമ്മ
ഷെല്ലി ജോയി കോതമംഗലം: സംസ്ഥാന, ദേശീയ പഞ്ചഗുസ്തി മത്സരങ്ങളിൽ തുടർച്ചയായ നേട്ടം കൈവരിച്ച് വീട്ടമ്മ ശ്രദ്ധേയയാവുന്നു. ഭാരം കുറക്കാനുള്ള വ്യായാമത്തിനായി കൗതുകത്തോടെ കൂട്ടുകാരികളോടൊത്ത് ആരംഭിച്ച പഞ്ചഗുസ്തി പരിശീലനമാണ് വീട്ടമ്മയെ നേട്ടങ്ങളിലെത്തിച്ചത്. ശനിയാഴ്ച കോഴിക്കോട് നടന്ന 47ാമത് സംസ്ഥാന ഗ്രാന്റ് മാസ്റ്റർ പഞ്ചഗുസ്തി ചാമ്പ്യൻഷിപ്പിലെ 80 കിലോക്ക് മുകളിലുള്ള വനിതകളുടെ ഇടത്, വലത് കൈ വിഭാഗങ്ങളിൽ രണ്ട് വെങ്കല മെഡലുകളാണ് വാരപ്പെട്ടി ഇളങ്ങവം സ്വദേശി ആറ്റാച്ചേരിയിൽ ഷെല്ലി ജോയി നേടിയത്. 2024 ആദ്യത്തിൽ ഗോവയിൽ നടന്ന നാഷണൽ മാസ്റ്റേഴ്സ്…
സ്നേഹമെന്ന പുസ്തകം, കാരുണ്യമെന്ന പാഠം; സാമൂഹിക സേവനരംഗത്ത് വേറിട്ട് ചാലക്കൽ അമൽ പബ്ലിക് സ്കൂൾ വിദ്യാർഥികൾ
ലഹരിക്കെതിരെ അധ്യാപകരും വിദ്യാർഥികളും ചേർന്ന് സംഘടിപ്പിച്ച കൂട്ടയോട്ടം ആലുവ: പരസ്പര സ്നേഹത്തിന്റെയും സേവനത്തിന്റെയും പാഠങ്ങൾ പകർന്നുനൽകുകയാണ് ചാലക്കൽ അമൽ പബ്ലിക് സ്കൂൾ. മനുഷ്യത്വ ബോധവും പൗര ഉത്തരവാദിത്തവും കുഞ്ഞുമനസ്സുകളിൽ വളർത്തിയെടുക്കുകയെന്ന ഉദ്ദേശ്യത്തോടെ സാമൂഹിക സേവന മേഖലകളിൽ കുട്ടികളെ പങ്കാളികളാക്കി വിവിധ പ്രവർത്തനങ്ങളാണ് സ്കൂളിൽ നടത്തിവരുന്നത്. ജീവകാരുണ്യ പ്രവർത്തനങ്ങൾ, പരിസ്ഥിതി അവബോധം, വായന തുടങ്ങിയവ പ്രോത്സാഹിപ്പിക്കുന്ന പ്രമേയങ്ങൾ തെരഞ്ഞെടുത്താണ് ഓരോ വർഷവും പ്രവർത്തനങ്ങൾ. പരിസ്ഥിതി സംരക്ഷണവും പുനരുപയോഗത്തിന്റെ ആവശ്യകതയും വിളിച്ചോതി ഉപയോഗിച്ചുതീർന്ന പേനകൾ വിദ്യാർഥികൾ ശേഖരിച്ച് ഹരിത കർമ…
കാക്കനാട് തീപ്പിടിത്തം; കനത്ത പുക, ശ്വാസംമുട്ടി നാട്ടുകാർ
കാക്കനാട് മേരിമാതാ സ്കൂളിന് സമീപത്തെ ആക്രിക്കടക്ക് തീപിടിച്ചപ്പോൾ കാക്കനാട്: തൃക്കാക്കര ദേശീയകവലക്ക് സമീപം ആക്രി ഗോഡൗണിലുണ്ടായ തീപിടിത്തം അഗ്നിരക്ഷാസേന അണച്ചത് അഞ്ചു മണിക്കൂർ നീണ്ട കഠിനപ്രയത്നത്തിലൂടെ. എട്ട് ഫയർഫോഴ്സ് യൂനിറ്റ് പ്രവർത്തിച്ചാണ് തീയണച്ചത്. രാവിലെ 9.30ന് തുടങ്ങിയ തീപിടിത്തം സംബന്ധിച്ച് 10.20നാണ് തൃക്കാക്കര അഗ്നി രക്ഷ നിലയത്തിൽ വിവരമെത്തിത്. തുടർന്ന് തൃക്കാക്കര, ഗാന്ധിനഗർ, ആലുവ, തൃപ്പൂണിത്തുറ, ക്ലബ്ബ് റോഡ്, ഏലൂർ, പട്ടിമറ്റം അഗ്നി രക്ഷ നിലയങ്ങളിൽ നിന്നായി ഫയർ യൂനിറ്റ് എത്തുകയും മണിക്കൂറുകൾ നീണ്ട രക്ഷാപ്രവർത്തനം നടത്തുകയുമായിരുന്നു.…
ഷഹാന ഏഴാം നിലയിൽനിന്ന് വീണത് ഫോൺ ചെയ്യുന്നതിനിടെ; മാനസികമായി തകർന്ന് സംഭവത്തിന് ദൃക്സാക്ഷികളായ സഹപാഠികൾ
കുന്നുകര (അങ്കമാലി): ചാലാക്ക ശ്രീനാരായണ മെഡിക്കൽ കോളജിലെ വനിത ഹോസ്റ്റലിന്റെ ഏഴാം നിലയിലെ കൈവരിയിൽനിന്ന് വീണ് എം.ബി.ബി.എസ് രണ്ടാം വർഷ വിദ്യാർഥിനി മരിച്ച സംഭവത്തിൽ പൊലീസ് കേസെടുത്തു. വിദ്യാർഥിനി അബദ്ധത്തിൽ താഴേക്ക് വീണെന്നാണ് എഫ്.ഐ.ആറിൽ പറയുന്നത്. ആലുവ ഡിവൈ.എസ്.പിയുടെ നേതൃത്വത്തിൽ പൊലീസ് ഹോസ്റ്റലിൽ പരിശോധന നടത്തി. കണ്ണൂർ ഇരിക്കൂർ പെരുവളത്ത്പറമ്പ് മഞ്ഞപ്പാറ റോഡിൽ നൂർ മഹൽ വീട്ടിൽ ഫാത്തിമത്ത് ഷഹാനയാണ് (21) മരിച്ചത്. ശനിയാഴ്ച രാത്രി 11.15ഓടെയാണ് അപകടം. ഹോസ്റ്റലിലെ അഞ്ചാം നിലയിലായിരുന്നു ഷഹാനയുടെ മുറി. സഹപാഠികൾക്കൊപ്പമാണ്…
വേലിയേറ്റം; ഉദയ കോളനിക്കാർക്ക് വീണ്ടും ദുരിതകാലം
ഉദയ കോളനിയിൽ മലിനജലം കെട്ടിക്കിടക്കുന്നു കൊച്ചി: നഗരത്തിൽ എത്ര വലിയ വികസനം വന്നിട്ടും ഉദയ കോളനിക്കാർക്ക് മലിനജലത്തിൽ നിന്നുള്ള മോചനം ഇനിയുമായില്ല. വേലിയേറ്റത്തെ തുടർന്ന് വീണ്ടും കോളനി പ്രദേശത്താകെ മലിനജലം നിറയുകയാണ്. തൊട്ടടുത്ത പേരണ്ടൂർ കനാലിൽനിന്നുള്ള ദുർഗന്ധവും മാലിന്യവും അടങ്ങിയ വെള്ളമാണ് കോളനിയിൽ വീടുകൾക്കു മുന്നിൽ കെട്ടിക്കിടക്കുന്നത്. ഇതുമൂലം ഒരു ആവശ്യത്തിനും വീട്ടിൽനിന്ന് പുറത്തിറങ്ങാൻപോലുമാവാതെ വലയുകയാണ് ഇവിടത്തുകാർ. പുലർച്ചെ അഞ്ചോടെയാണ് മലിനജലം കോളനിയിലേക്ക് ഒന്നാകെ ഒഴുകിയെത്തുന്നതെന്ന് ഇവിടെ താമസിക്കുന്നവർ പറഞ്ഞു. മണിക്കൂറുകളോളം ഇത് വീട്ടുമുറ്റങ്ങളിൽ കെട്ടിക്കിടക്കും. വീടുകളിലേറെയും…
അദാലത്തിലെ മന്ത്രിമാരുടെ നിർദേശത്തിന് പുല്ലുവില കൽപിച്ച് ഉദ്യോഗസ്ഥർ
ഫോർട്ട്കൊച്ചി: കരുതലും കൈത്താങ്ങും അദാലത്തിലെ മന്ത്രിമാരുടെ നിർദേശം നടപ്പാക്കാതെ ഉദ്യോഗസ്ഥർ. ഫോർട്ട്കൊച്ചിയിലെ കൊച്ചിൻ ക്ലബിന് ലീസിന് നൽകിയ ഭൂമിയിൽ കീഴ് വാടകക്ക് എടുത്ത് പ്രവർത്തിക്കുന്ന ഹോട്ടൽ ഫോർട്ട് പാരഗന്റെ പ്രവർത്തനം നിർത്തിവെക്കാൻ ഫോർട്ട്കൊച്ചി വില്ലേജ് ഓഫിസർ നൽകിയ ഉത്തരവിൽ തുടർനടപടികൾ സ്വീകരിക്കാനാണ് മന്ത്രിമാരായ പി. രാജീവും പി. പ്രസാദും പങ്കെടുത്ത കരുതലും കൈത്താങ്ങും അദാലത്തിൽ ഉത്തരവിട്ടത്. ടി.എം. അബു സാംസ്കാരിക സമിതി പ്രസിഡന്റ് കെ.ബി. ഹനീഫ് നൽകിയ പരാതിയിലാണ് അദാലത്തിൽ നടപടി നിർദേശിച്ചത്. എന്നാൽ, അദാലത്ത് കഴിഞ്ഞ്…
നിരോധനം പാഴ്വേല; ജില്ലയിൽ നിരോധിത പുകയില ഉൽപന്ന വിപണനം വ്യാപകം
കൊച്ചി: പരിശോധന കർക്കശമാകുമ്പോഴും ജില്ലയിൽ നിരോധിത പുകയില ഉൽപന്നങ്ങളുടെ വിപണനം വ്യാപകം. നിയമവിരുദ്ധ പുകയില ഉപയോഗങ്ങൾക്കെതിരെ പൊലീസും എക്സൈസും നടപടികൾ ശക്തമാക്കുമ്പോഴാണ് പാൻപരാഗ്, ഹാൻസ് ഉൾെപ്പടെയുള്ള വിവിധ ഉൽപന്നങ്ങളുടെ ഉപയോഗം വ്യാപകമാകുന്നത്. ഗ്രാമ – നഗര വ്യത്യാസമില്ലാതെ ഇത്തരം ഉൽപന്നങ്ങൾ വ്യാപകമാണെന്നാണ് പുറത്ത് വരുന്ന വിവരം. അന്തർസംസ്ഥാന തൊഴിലാളികളുടെ കടന്നുവരവോടെ ഇത്തരം ഉൽപന്നങ്ങൾക്ക് ആവശ്യക്കാരേറിയിട്ടുണ്ട്. കേരളത്തിനുപുറത്ത് നിന്ന് ചെറിയ വിലയിൽ വാങ്ങുന്ന ഉൽപന്നങ്ങൾ ഇവിടെ അഞ്ചും ആറുമിരട്ടി തുകക്കാണ് വിൽക്കുന്നത്. ഗുരുതര ആരോഗ്യപ്രശ്നങ്ങൾ സൃഷ്ടിക്കുന്ന ഇവ നിയന്ത്രിക്കാൻ…
കലൂർ അപകടം: സ്റ്റേഡിയം വിട്ടുനൽകിയത് ജി.സി.ഡി.എ ചെയർമാൻ; വീഴ്ച സംഭവിച്ചെന്ന് ആവർത്തിച്ച് മേയർ
കൊച്ചി: ഐ.എസ്.എൽ ഉൾപ്പെടെ ഫുട്ബാൾ മത്സരങ്ങൾ മാത്രം നടക്കുന്ന കലൂർ സ്റ്റേഡിയം ഗിന്നസ് നൃത്തപരിപാടിക്ക് വിട്ടുനൽകിയത് ജി.സി.ഡി.എ ചെയർമാൻ കെ. ചന്ദ്രൻപിള്ളയുടെ ഇടപെടലിനെത്തുടർന്ന്. മറ്റ് പരിപാടികൾക്ക് വിട്ടുനൽകേണ്ടതില്ലെന്നും നൃത്തപരിപാടി നടന്നാൽ ടർഫിന്റെ നിലവാരത്തെ ബാധിക്കുമെന്നും ചൂണ്ടിക്കാട്ടി ജി.സി.ഡി.എ എസ്റ്റേറ്റ് വിഭാഗം ഉദ്യോഗസ്ഥർ ഫയലിൽ കുറിച്ചിരുന്നു. എന്നാൽ, ടർഫ് ഒഴിവാക്കിയുള്ള പരിപാടി ആയതിനാൽ അനുമതി നൽകാമെന്ന് വ്യക്തമാക്കിയാണ് ചെയർമാൻ രേഖാമൂലം അനുമതി നൽകിയത്. ഇതിന് പിന്നാലെ സംഘാടകരായ മൃദംഗവിഷൻ ജി.സി.ഡി.എയുടെ അക്കൗണ്ടിൽ ഡെപ്പോസിറ്റ് തുക നിക്ഷേപിച്ചു. പൊലീസിന്റെയോ അഗ്നിരക്ഷാസേനയുടെയോ…
ആശുപത്രിയിൽനിന്ന് മടങ്ങവെ ടൂറിസ്റ്റ് ബസ്സിടിച്ച് പരിക്കേറ്റ് ചികിത്സയിലായിരുന്ന മധ്യവയസ്കൻ മരിച്ചു
ആലുവ: പെരുമ്പാവൂർ ദേശസാൽകൃത റോഡിൽ ചാലക്കൽ പകലമറ്റം ബസ്റ്റോപ്പിന് സമീപം കാറും ടൂറിസ്റ്റ് ബസും കൂട്ടിയിടിച്ച് പരിക്കേറ്റ് ചികിത്സയിലായിരുന്ന മധ്യവയസ്കൻ മരിച്ചു. മാറമ്പിള്ളി കോട്ടപ്പുറത്ത് ഞാലിൽ താഴ്ച്ചേരിഞാലിൽ മണി (54) ആണ് മരിച്ചത്. ബുധനാഴ്ച രാത്രി പത്തോടെയായിരുന്നു അപകടം. സ്ട്രോക്ക് വന്ന് ചികിത്സയിലായിരുന്ന മണിയെ ആശുപത്രിയിൽ കാണിച്ച് തിരിച്ചുവരികയായിരുന്നു കുടുംബം. ആലുവ ഭാഗത്തേക്ക് പോയ ടൂറിസ്റ്റ് ബസ്സും മാറമ്പിള്ളിയിലേക്ക് വരുകയായിരുന്ന കാറും കൂട്ടിയിടിക്കുകയായിരുന്നു. ഗുരുതര പരിക്കേറ്റ മണി കോലഞ്ചേരി മെഡിക്കൽ മിഷൻ ആശുപത്രിയിൽ ചികിത്സയിലായിരുന്നു. വെള്ളിയാഴ്ച രാത്രിയോടെ…