Ernakulam News
പെൺസുഹൃത്തിനെ ചൊല്ലി സുഹൃത്തുക്കൾ തമ്മിൽ തർക്കം: ആക്രമണത്തിൽ അഞ്ച് പേർക്ക് പരിക്ക്
അപ്പാർട്ട്മെന്റിൽ നടന്ന ആക്രമണവുമായി ബന്ധപ്പെട്ട് ഫോറൻസിക് വിഭാഗം പരിശോധന നടത്തുന്നു കളമശ്ശേരി: വിദ്യാർഥികളായ സുഹൃത്തുക്കൾ തമ്മിലെ തർക്കത്തെ തുടർന്ന് താമസ സ്ഥലത്ത് കയറി നടത്തിയ ആക്രമണത്തിൽ അഞ്ച് പേർക്ക് പരിക്കേറ്റു. കാസർകോട് സ്വദേശികളായ ഷാസിൽ, അജിനാസ്, സൈഫുദ്ദീൻ, മിഷാൽ, അഫ്സൽ എന്നിവരാണ് പരിക്കേറ്റ് ചികിത്സയിലുള്ളത്. തിങ്കളാഴ്ച പുലർച്ചെ 2.15 ഓടെ സീപോർട്ട്- എയർ പോർട്ട് റോഡിന് സമീപം കൈപ്പടമുകളിൽ അഫ്സലിന്റെ ഉടമസ്ഥതയിലുള്ള, വിദ്യാർഥികൾ വാടകക്കെടുത്ത അപ്പാർട്ട്മെന്റിലാണ് ആക്രമണം. പരിക്കേറ്റവരുടെ സുഹൃത്തായ കാസർകോട് സ്വദേശി ദേവാനന്ദും കണ്ടാലറിയാവുന്ന നാല്…
ഐ.ടി നഗരത്തിൽ തെരുവുനായ് വിളയാട്ടം: എട്ട് പേർക്ക് കടിയേറ്റു
കാക്കനാട്: ഐ.ടി നഗരത്തിൽ ഭീതി പടർത്തി തെരുവ് നായ് ആക്രമണം. കാക്കനാട് ഡ്രൈവിങ് ടെസ്റ്റ് ഗ്രൗണ്ടിൽ ടെസ്റ്റിനെത്തിയ യുവതിക്കുൾപ്പടെ സ്ത്രീകളും കുട്ടികളുമായി എട്ട് പേർക്ക് കടിയേറ്റു. കടിയേറ്റവർ കളമശ്ശേരി ഗവ. മെഡിക്കൽ കോളജിലും കാക്കനാട് സ്വകാര്യ ആശുപത്രികളിലുമായി ചികിത്സ തേടി. തിങ്കളാഴ്ച രാവിലെ സ്കൂളിലേക്ക് പോകുന്നതിനിടെ കാർഡിനൽ സ്കൂളിലെ പ്ലസ്ടു വിദ്യാർഥി അവനി നിവാസിൽ അഭിഷേക് അഭിലാഷിനാണ് (17) ആദ്യം തെരുവുനായ് ആക്രമിച്ചത്. പിന്നീട് ഡ്രൈവിങ് ടെസ്റ്റിനെത്തിയ ഇടപ്പള്ളി സ്വദേശിനി ദിയ സുചിത്ര കൃഷ്ണ (19), ഡ്രൈവിങ്…
കഞ്ചാവുമായി അന്തർ സംസ്ഥാന തൊഴിലാളികൾ പിടിയിൽ
അറസ്റ്റിലായ പ്രതികൾ കോതമംഗലം: 3.25 കിലോ കഞ്ചാവുമായി വെസ്റ്റ് ബംഗാൾ സ്വദേശികളായ രണ്ട് പേർ പിടിയിൽ. സഖ്ലൈൻ മുസ്താഖ് (25), നഹറുൽ മണ്ഡൽ (24) എന്നിവരെയാണ് എക്സൈസ് അറസ്റ്റ് ചെയ്തത്. അന്തർ സംസ്ഥാന തൊഴിലാളികളെ കേന്ദ്രീകരിച്ച് റേഞ്ച് ഇൻസ്പെക്ടർ സിജോ വർഗീസും പാർട്ടിയും നടത്തിയ പരിശോധനയിലാണ് ഇവർ പിടിയിലായത്. വിപണിയിൽ രണ്ട് ലക്ഷം രൂപയിലേറെ വിലമതിക്കുന്ന കഞ്ചാവാണ് കണ്ടെടുത്തത്. ഇതര സംസ്ഥാനങ്ങളിൽ നിന്ന് എത്തിക്കുന്ന കഞ്ചാവ് ചെറുപൊതികളിലാക്കി ഇതര സംസ്ഥാന തൊഴിലാളികൾക്കിടയിലും വിദ്യാർഥികൾക്കിടയിലും കച്ചവടം നടത്തി വന്നിരുന്ന…
അനധികൃത കൈയേറ്റങ്ങൾ പൊളിച്ച് നീക്കാതെ റോഡ് നിർമാണം
കുണ്ടന്നൂർ-ചിലവന്നൂർ റോഡിലെ അനധികൃത കൈയേറ്റങ്ങൾ മരട്: അനധികൃത കയ്യേറ്റങ്ങൾ പൊളിച്ച് നീക്കാതെ കുണ്ടന്നൂർ-ചിലവന്നൂർ പൊതുമരാമത്ത് റോഡ് നിർമാണം. റോഡ് നിർമാണ ഭാഗമായുള്ള കാനയുടെ പ്രവൃത്തി ആരംഭിച്ചു. റോഡിലെ കയ്യേറ്റങ്ങൾ ഒഴിപ്പിക്കാത്തതിനാൽ കാന വളച്ചാണ് നിർമാണം തകൃതിയായി നടക്കുന്നത്. റോഡ് തുടങ്ങുന്ന കുണ്ടന്നൂർ ജങ്ഷൻ മുതൽ വടക്കേ അറ്റം വരെ നിരവധി കയ്യേറ്റങ്ങളുണ്ട്. സ്വകാര്യ വ്യക്തികളുടേത് കൂടാതെ പ്രമുഖ രാഷ്ട്രീയ പാർട്ടികളുടെ ഓഫിസ്, വായനശാല, കൊടിമരങ്ങളും പാതയോരം കയ്യേറിയാണ് നിർമിച്ചിട്ടുള്ളത്. അനധികൃത കയ്യേറ്റങ്ങൾ ഒഴിപ്പിക്കണമെന്നാവശ്യപ്പെട്ട് കുണ്ടന്നൂർക്കാരൻ പൗരസമിതി…
ചൂടേറി പകൽ…
കൊച്ചി: പതിവിലും ആഴ്ചകൾക്ക് മുമ്പേ പകൽസമയത്തെ ചൂട് വർധിക്കുകയാണ്. വെയിലിന്റെ കാഠിന്യമേറുമ്പോൾ ജില്ലയിൽ പൊതുസ്ഥലങ്ങളിൽ ജോലി ചെയ്യുന്നവർ മുതൽ കാൽനടക്കാർ വരെ പ്രയാസത്തിലാണ്. വരും ദിനങ്ങളിൽ വീണ്ടും ചൂട് കൂടിയേക്കാവുന്ന സാഹചര്യമായതിനാൽ ആരോഗ്യകാര്യങ്ങളിൽ ഉൾപ്പെടെ ശ്രദ്ധ അനിവാര്യമാണ്. മൂന്ന് ഡിഗ്രി സെൽഷ്യസ് വരെ താപനില ഉയരാൻ സാധ്യതയുണ്ടെന്ന് കാലാവസ്ഥ നിരീക്ഷകർ വ്യക്തമാക്കിയിരുന്നു. പൊരിവെയിലിൽ പുറത്തിറങ്ങാനാകാത്ത ചൂട് സഹിച്ച് കർഷകർ, നിർമാണ തൊഴിലാളികൾ, ട്രാഫിക് പൊലീസുകാർ, ഭക്ഷണ വിതരണക്കാർ, ഫീൽഡ് സെയിൽസ് എക്സിക്യൂട്ടിവുമാർ തുടങ്ങിയവർ ജോലി ചെയ്യുകയാണ്. ഇനിയും…
മൂവാറ്റുപുഴ ഇ.ഇ.സി ജങ്ഷനിലെ കുരുക്ക്; വേണ്ടത് പുതിയ ഗതാഗത ക്രമീകരണം
മൂവാറ്റുപുഴ: ഇ.ഇ.സി മാർക്കറ്റ് ജങ്ഷനിൽ ഒരുമാസമായി തുടരുന്ന ഗതാഗതക്കുരുക്കിന് ശമനമില്ല. ശബരിമല തീർഥാടകരുടെ വാഹനങ്ങൾ കൂടി നിരത്ത് കൈയടക്കിയതോടെ മൂവാറ്റുപുഴ നഗരം കടക്കാൻ വേണ്ടത് മണിക്കൂറുകൾ. ഏറ്റവും തിരക്കേറിയ ഇ.ഇ.സി മാർക്കറ്റ് ജങ്ഷനിലും വാഴപ്പിള്ളി കവലയിലുമടക്കം കുരുക്ക് രൂക്ഷമാണ്. ഇവിടെ ചെറിയ ഗതാഗത ക്രമീകരണങ്ങൾ വരുത്തിയാൽ കുരുക്കിന് വലിയ തോതിൽ പരിഹാരമാകുമെന്ന് വിദഗ്ധർ ചൂണ്ടിക്കാട്ടുന്നു. വിനോദസഞ്ചാര കേന്ദ്രമായ മൂന്നാറിൽ നിന്നടക്കം എത്തുന്ന വാഹനങ്ങൾ മൂവാറ്റുപുഴ കീച്ചേരിപ്പടി ജങ്ഷനിൽനിന്ന് തിരിഞ്ഞ് ഇ.ഇ.സി റോഡ് വഴി ഇ.ഇ.സി മാർക്കറ്റ് ജങ്ഷനിൽ…
ട്രെയിൻതട്ടി ഗുരുതരാവസ്ഥയിലായ ആളുമായി ആംബുലൻസ് ഡ്രൈവർ അലഞ്ഞത് മണിക്കൂറുകളോളം
കളമശ്ശേരി: ട്രെയിൻ തട്ടി ഗുരുതരാവസ്ഥയിലായ രോഗിക്ക് വിദഗ്ധ ചികിത്സക്കായി ആംബുലൻസ് ഡ്രൈവർ അലഞ്ഞത് മണിക്കൂറുകളോളം. ശനിയാഴ്ച വൈകീട്ട് നാലോടെ എറണാകുളത്തെ സ്വകാര്യ ആശുപത്രിക്ക് സമീപമുള്ള റെയിൽപാതയിൽ ട്രെയിൻ തട്ടിയ പച്ചാളം സ്വദേശി സുബ്രമണ്യനുമായാണ് (75) ആംബുലൻസ് ഡ്രൈവർ വയനാട് സ്വദേശി നസിൽ അലഞ്ഞത്. അപകടത്തിൽ അബോധാവസ്ഥയിലായ ആളെ ഉടനെ സമീപത്തെ ആശുപത്രിയിൽ പ്രവേശിപ്പിച്ചു. അവിടെ പ്രഥമ ശുശ്രൂഷ നൽകി എറണാകുളം ജനറൽ ആശുപത്രിയിലേക്ക് പറഞ്ഞയച്ചു. അവിടെ ബെഡ്ഡില്ലാത്ത കാര്യം പറഞ്ഞ് കളമശ്ശേരി ഗവ. മെഡിക്കൽ കോളജ് ആശുപത്രിയിലേക്ക്…
അതിവേഗ വികസനത്തിനൊരുങ്ങി ഇൻഫോപാർക്ക്
കൊച്ചി: ഐ.ടി. മേഖലയിൽ കുതിപ്പിനൊരുങ്ങി ഇൻഫോ പാർക്ക്. വമ്പൻ തൊഴിലവസരങ്ങളും നിക്ഷേപവും ലക്ഷ്യമിട്ടുളള അതിവേഗ വികസന പദ്ധതികളാണ് ഇൻഫേോ പാർക്കിലൊരുങ്ങുന്നത്. കൊച്ചി മെട്രോയും ജലമെട്രോയുമെല്ലാം ഇവിടേക്കെത്തുന്നതോടെ രാജ്യത്തെ തന്നെ മുൻ നിര ഐ.ടി ഹബുകളിലൊന്നായി ഇവിടം മാറുമെന്നാണ് വിലയിരുത്തൽ. അതിവേഗ നിർമാണങ്ങൾ നിലവിൽ ഇൻഫോ പാർക്ക് ഒന്നും രണ്ടും പദ്ധതി പ്രദേശങ്ങളിലായി അതിവേഗ നിർമാണ പ്രവർത്തനങ്ങളാണ് നടന്നുവരുന്നത്. ഒന്നാംഘട്ട പദ്ധതി പ്രദേശത്ത് 1.5 ഏക്കർ സ്ഥലത്ത് വേൾഡ് ട്രേഡ് സെന്റർ ടവർ മൂന്നിന്റെ നിർമാണ പ്രവർത്തനങ്ങൾ ആരംഭിച്ച്…
ആലുവയിലെ കവർച്ച കേസിൽ വഴിത്തിരിവ്; ആഭിചാര ക്രിയ നടത്തുന്നയാൾ പിടിയിൽ
ആലുവ: നഗരത്തിൽ പട്ടാപ്പകലുണ്ടായ വൻ കവർച്ച കേസിൽ വഴിത്തിരിവ്. കവർച്ച നാടകം പൊളിച്ച് പൊലീസ്. സംഭവവുമായി ബന്ധപ്പെട്ട് ആഭിചാര ക്രിയ നടത്തുന്ന കളമശ്ശേരിയിൽ വാടകക്ക് താമസിക്കുന്ന തൃശൂർ ചിറമനങ്ങാട് പടലക്കാട്ടിൽ ഉസ്താദ് എന്നു വിളിക്കുന്ന അൻവർ (36) അറസ്റ്റിൽ. ആഭിചാര ക്രിയയുടെ പേരിൽ വീട്ടമ്മയെ ഭയപ്പെടുത്തി ഇയാൾ പല ഘട്ടങ്ങളിലായാണ് പണവും സ്വർണവും തട്ടിയെടുത്തത്. പിടിക്കപ്പെടാതിരിക്കാനാണ് വീട്ടമ്മയെ കൊണ്ട് കവർച്ചാനാടകം അവതരിപ്പിച്ചത്. ജനുവരി ആറിന് ആലുവ ‘കാസിനോ’ തീയറ്ററിന് പുറകിൽ ഇബ്രാഹിം കുട്ടിയുടെ വീട്ടിലാണ് മോഷണം നടന്നത്.…
ടാറിങ് യന്ത്രം റോഡിൽ നിർത്തിയിട്ടു; വല്ലാർപാടം പാതയിൽ മണിക്കൂറുകളോളം ഗതാഗതക്കുരുക്ക്
ടാറിങ്ങ് യന്ത്രം വല്ലാർപാതയിൽ നിർത്തിയിട്ടതോടെ രൂപപ്പെട്ട ഗതാഗതകുരുക്ക് കളമശ്ശേരി: വല്ലാർപാടം പാതയിൽ റീ ടാറിങ് നടക്കവെ പാതയിലും അനുബന്ധ പ്രധാന റോഡുകളിലും വാഹനങ്ങൾ കുരുങ്ങി യാത്രക്കാർ വലഞ്ഞു. നാലുവരി പാതയിൽ മഞ്ഞുമ്മലിനും ചേരാനല്ലൂരിനും മധ്യ ഭാഗത്ത് നിർമാണം നടക്കുന്നതുമായി ബന്ധപ്പെട്ടുള്ള കുരുക്കാണ് വാഹനങ്ങളേയും യാത്രക്കാരെയും വലച്ചത്. വൈകീട്ട് നാല് മുതലാണ് വാഹന കുരുക്ക് തുടങ്ങിയത്. രണ്ടു വരി പാത ടാറിങ്ങിന് ഉപയോഗിക്കുന്ന ടവർ മെഷീൻ റോഡിൽ നിർത്തിയിട്ട് പോയതാണ് വാഹന കുരുക്കിന് കാരണമായതെന്നാണ് പൊലീസ് പറയുന്നത്. മുന്നറിയിപ്പില്ലാതിരുന്നതിനാൽ…