All news
ജോലി വാഗ്ദാനം ചെയ്ത് പണം തട്ടി; ഒരാൾ അറസ്റ്റിൽ
വൈപ്പിൻ: ജോലി വാഗ്ദാനം ചെയ്ത് പണം തട്ടിയ കേസിൽ ഒരാൾ അറസ്റ്റിൽ. കോട്ടയം നീർപാറ തടത്തിൽ വീട്ടിൽ പ്രദീഷിനെയാണ് (37) ഞാറക്കൽ പൊലീസ് അറസ്റ്റ് ചെയ്തത്. കഴിഞ്ഞ മാർച്ചിലായിരുന്നു സംഭവം. ഞാറക്കൽ സ്വദേശിയായ പരാതിക്കാരന് കരിമുകൾ ബി.പി.സി.എൽ ലിൽ ബോട്ടിലിങ് പ്ലാന്റിൽ ജോലി ശരിയാക്കികൊടുക്കാമെന്ന് പറഞ്ഞ് വിശ്വസിപ്പിച്ച് 381,800 രൂപ വാങ്ങിയതിന് ശേഷം ജോലി നൽകാതെ കബളിപ്പിക്കുകയായിരുന്നു. ഇയാൾക്കെതിരെ അമ്പലമേട് പോലീസ് സ്റ്റേഷനിൽ സമാനമായ കേസ് നിലവിലുണ്ട്. ഞാറക്കൽ ഇൻസ്പെക്ടർ സുനിൽ തോമസിന്റെ മേൽനോട്ടത്തിലുള്ള അന്വേഷണസംഘത്തിൽ എസ്.ഐ…
ദേശീയപാതയോരത്തെ ബാരിക്കേഡുകൾ മോഷ്ടിക്കുന്നു
ചെങ്ങമനാട്: ദേശീയപാതയോരത്ത് സുരക്ഷക്കായി സ്ഥാപിച്ച ഇരുമ്പ് ബാരിക്കേഡുകൾ മോഷ്ടിക്കുന്നതായി പരാതി. ചെങ്ങമനാട് പറമ്പയം പാലത്തിന് സമീപം വാഹനങ്ങൾ അപകടത്തിൽ പെടാതിരിക്കാൻ ദേശീയപാതയോരത്ത് സ്ഥാപിച്ച ഇരുമ്പിന്റെ ബാരിക്കേഡും അനുബന്ധ ഷീറ്റുകളുമാണ് വ്യാപകമായി മോഷണം പോകുന്നത്. അത്താണി ഭാഗത്ത് നിന്ന് വരുന്ന വാഹനങ്ങൾ കയറ്റമുള്ള വളവ് തിരിഞ്ഞ് പാലത്തിലേക്ക് പ്രവേശിക്കുമ്പോൾ രാത്രി കാലങ്ങളിൽ അപകടങ്ങൾ സംഭവിക്കുന്നത് പതിവാണ്. റോഡിന് താഴെയുള്ള ചെങ്ങൽത്തോടിന്റെ കൈവഴിയിലും, ചതുപ്പ് നിലങ്ങളിലും മാലിന്യം തള്ളുന്നതും, കക്കൂസ് മാലിന്യമടക്കം തള്ളാൻ റോഡരികിലേക്ക് ചേർത്തുനിർത്തുമ്പോൾ പല തവണ അപകടങ്ങളുണ്ടായതും…
ഓൺലൈൻ തട്ടിപ്പ്; റിട്ട. എൻജിനീയർക്ക് 77 ലക്ഷം നഷ്ടമായി രണ്ടുപേർ പിടിയിൽ
കൊച്ചി: പാലാരിവട്ടം സ്വദേശിയായ റിട്ട. എൻജിനീയറിൽനിന്ന് ഓൺലൈൻ ട്രേഡിങ്ങിലൂടെ വൻലാഭം കിട്ടുമെന്ന് മോഹിപ്പിച്ച് 77 ലക്ഷം രൂപ തട്ടിയെടുത്ത കേസിൽ രണ്ടുപേർ പിടിയിൽ. പാലക്കാട് നാട്ടുകൽ കലംപറമ്പിൽ അബ്ദുൽ മുനീർ (32), ബന്ധു പാലക്കാട് മണ്ണാർക്കാട് കൊട്ടിയോട് മുസ്തഫ (51) എന്നിവരെയാണ് പാലാരിവട്ടം പൊലീസ് അറസ്റ്റ് ചെയ്തത്. പരാതിക്കാരനെ രാജ്യത്തെ പ്രമുഖ ഓൺലൈൻ ട്രേഡിങ് കമ്പനിയുടെ ഉദ്യോഗസ്ഥരെന്ന് വാട്സ്ആപ്പിലൂടെ പരിചയപ്പെടുത്തിയ പ്രതികൾ ട്രേഡിങ്ങിലൂടെ വൻ ലാഭം കിട്ടുമെന്ന് വിശ്വസിപ്പിച്ചാണ് പണം തട്ടിയത്. 2024 ആഗസ്റ്റിൽ പരാതിക്കാരനുമായി വാട്സ്ആപ്…
കൂത്താട്ടുകുളം കരിമ്പനയിലെ കൊലപാതകം: പ്രതി കുറ്റക്കാരനെന്ന് കോടതി
മൂവാറ്റുപുഴ: കൂത്താട്ടുകുളം കരിമ്പനയിലെ കൊലപാതകത്തിൽ പ്രതി കുറ്റക്കാരനാണെന്ന് കോടതി. കൂത്താട്ടുകുളം കരിമ്പനയിൽ കശാപ്പ് തൊഴിലാളികൾ താമസിച്ച വീട്ടിൽ തിരുവനന്തപുരം അബൂരി ആനന്ദ ഭവൻ വീട്ടിൽ ബിനു എന്ന രാധാകൃഷ്ണനെ (47) നെ കൊലപ്പെടുത്തിയ കേസിലാണ് പ്രതി തമിഴ്നാട് തെങ്കാശി സ്വദേശിയായ നാഗാർജുൻ കുറ്റക്കാരനെന്ന് മൂവാറ്റുപുഴ അഡീ. ജില്ല സെഷൻസ് കോടതി ജഡ്ജി ടോമി വർഗീസ് കണ്ടെത്തിയത്. 2023 മേയ് 30 നാണ് കേസിനാസ്പദമായ സംഭവം. മരണപ്പെട്ട രാധാകൃഷ്ണനും പ്രതി നാഗാർജുനനും കരിമ്പന ഭാഗത്തുള്ള തൊഴിലുടമയുടെ വീട്ടിലായിരുന്നു താമസിച്ചു…
108 ആംബുലൻസ് സമരം: ഹരജി ഇന്ന് പരിഗണിക്കും
കൊച്ചി: 108 ആംബുലൻസ് ജീവനക്കാരുടെ ഇടക്കിടെയുള്ള സമര പ്രഖ്യാപനവുമായി ബന്ധപ്പെട്ട് നൽകിയ ഹരജി ഹൈകോടതി ബുധനാഴ്ച പരിഗണിക്കും. അവശ്യ സർവിസായ ആംബുലൻസുകളുടെ പണിമുടക്ക് പൊതുജനങ്ങളെ ബാധിക്കുന്നതായി ചൂണ്ടിക്കാട്ടി എറണാകുളം പിറവം സ്വദേശി രഞ്ജിത് നൽകിയ പൊതുതാൽപര്യ ഹരജിയാണ് ചീഫ് ജസ്റ്റിസ് നിതിൻ ജാംദാർ അടങ്ങുന്ന ഡിവിഷൻ ബെഞ്ച് പരിഗണിക്കുക. നേരത്തേ ഹരജി പരിഗണനക്കെത്തിയപ്പോൾ സർക്കാർ ഇടപെട്ട് വിഷയം ഉടൻ പരിഹരിക്കണമെന്ന് കോടതി നിർദേശിച്ചിരുന്നു. ഒക്ടോബർ 30 മുതൽ നവംബർ അഞ്ചുവരെ സർവിസ് പൂർണമായും നിർത്തിവെച്ച് 108 ആംബുലൻസ്…
ശബരിമല സീസൺ എത്തി; മൂവാറ്റുപുഴയിൽ നഗര റോഡുകൾ തകർന്നു തന്നെ
മൂവാറ്റുപുഴ: ശബരിമല സീസൺ ആരംഭിക്കാൻ ദിവസങ്ങൾ മാത്രം ശേഷിക്കെ മൂവാറ്റുപുഴ നഗരത്തിലെ റോഡുകളുടെ അറ്റകുറ്റപ്പണികൾ നടന്നില്ല. ശബരിമല തീർഥാടനം തുടങ്ങും മുമ്പ് ഗതാഗതം സുഗമമാക്കാൻ നടപടി സ്വീകരിക്കുമെന്ന് അധികൃതർ അറിയിച്ചിരുന്നെങ്കിലും കുഴി അടയ്ക്കൽ നടന്നില്ല. മൂന്നു സംസ്ഥാന പാതകളും ദേശീയപാതയും കടന്നു പോകുന്ന നഗരത്തിൽ ഇതെല്ലാം തകർന്നു കിടക്കുകയാണ്. റോഡുകളിലെ വൻ ഗർത്തങ്ങൾ മൂലം അപകടങ്ങളും ഗതാഗതക്കുരുക്കും രൂക്ഷമായ നഗരത്തിൽ ശബരിമല സീസൺ കൂടി ആരംഭിക്കുന്നതോടെ ഗതാഗതം പൂർണമായും തടസ്സപ്പെടുന്ന അവസ്ഥയാണ്. നഗര ഹൃദയത്തിലൂടെ കടന്നു പോകുന്ന…
മുഴുവന് കന്നുകാലികള്ക്കും ഇന്ഷുറന്സ് പരിരക്ഷ ഉറപ്പുവരുത്തും –മന്ത്രി ജെ. ചിഞ്ചുറാണി
പെരുമ്പാവൂര്: രണ്ട് വര്ഷത്തിനുള്ളില് കേരളത്തിലെ മുഴുവന് കന്നുകാലികളെയും ഇന്ഷുറന്സ് പരിരക്ഷയുടെ പരിധിയില് കൊണ്ടുവരുന്ന പദ്ധതി പൂര്ത്തിയാക്കുമെന്ന് മൃഗസംരക്ഷണ മന്ത്രി ജെ. ചിഞ്ചുറാണി. രായമംഗലം പഞ്ചായത്തിലെ വളയന്ചിറങ്ങര മൃഗാശുപത്രിയുടെ പുതിയ ബ്ലോക്ക് ഉദ്ഘാടനം ചെയ്യുകയായിരുന്നു മന്ത്രി. എല്ദോസ് കുന്നപ്പിള്ളി എം.എല്.എ അധ്യക്ഷത വഹിച്ചു. ഇവിടെ വെറ്റിനറി പോളിക്ലിനിക്ക് അനുവദിക്കുന്ന കാര്യം പരിഗണിക്കുമെന്ന് മന്ത്രി ഉറപ്പുനല്കി. 40 ലക്ഷം വിനിയോഗിച്ച് അത്യാധുനിക സൗകര്യങ്ങളോടെ നിര്മിച്ച മൃഗാശുപത്രി കോംപ്ലക്സില് ഡോക്ടേഴ്സ് റൂം, ലബോറട്ടറി, ഓപ്പറേഷന് തിയേറ്റര്, ഇഞ്ചക്ഷന് റൂം, ടോയ്ലറ്റ് സൗകര്യം…
കാറിന്റെ ഡിക്കിയിൽ ഇരുന്നു റീൽസ്; നടപടിയുമായി മോട്ടോർ വാഹനവകുപ്പ്
കാക്കനാട്: കാറിന്റെ ഡിക്കിയിൽ ഇരുന്ന് റീൽസ് ചിത്രീകരിച്ചതിനും ലേണേഴ്സ് ലൈസൻസ് എടുക്കാത്തയാൾക്ക് ഡ്രൈവിങ് പരിശീലനം നൽകിയതിനും നടപടിയെടുത്ത് മോട്ടോർ വാഹന വകുപ്പ്. റീൽസ് ഷൂട്ട് ചെയ്യാൻ ഡിക്കി തുറന്ന് വാഹനം ഓടിച്ച വാഴക്കുളം സ്വദേശി ശ്രീജേഷിന്റെ ലൈസൻസ് ഒരുമാസത്തേക്ക് സസ്പെൻഡ് ചെയ്തു. 4000 രൂപ പിഴയും ചുമത്തി. ആഡംബര കാർ വിൽക്കുന്നതിനായി സമൂഹ മാധ്യമങ്ങളിൽ ഇടാനാണ് റീൽസ് ഷൂട്ട് ചെയ്തത്. സീപോർട്ട് – എയർപോർട്ട് റോഡിനോടുചേർന്ന ഡ്രൈവിങ് ടെസ്റ്റ് നടക്കുന്ന ഗ്രൗണ്ടിനു സമീപം ഓടിക്കൊണ്ടിരുന്ന കാറിന്റെ ഡിക്കി…
കമ്പനി ഉദ്യോഗസ്ഥൻ ചമഞ്ഞ് 1.78 കോടിയുടെ തട്ടിപ്പ്; പ്രതി ഒളിവിൽ
കൊച്ചി: കമ്പനി ഉദ്യോഗസ്ഥൻ ചമഞ്ഞ് 1.78 കോടിയുടെ തട്ടിപ്പ് നടത്തിയ കേസിൽ ഒളിവിൽ കഴിഞ്ഞുവന്ന പ്രതി പിടിയിൽ. ഇടുക്കി ഉടുമ്പഞ്ചോല മുണ്ടക്കൽ വീട്ടിൽ എം.എ. മാത്യൂ (50)വിനെ ആണ് കൊച്ചി സിറ്റി പൊലീസ് അറസ്റ്റ് ചെയ്തത്. കൊട്ടക് മഹീന്ദ്ര പ്രൈം ലിമിറ്റഡ് കമ്പനിയുടെ പാലാരിവട്ടം ബ്രാഞ്ചിലെ ഉദ്യോഗസ്ഥനായി ചമഞ്ഞാണ് ഇയാൾ തട്ടിപ്പ് നടത്തിയത്. കമ്പനിയിൽ നിന്ന് വായ്പയെടുത്ത് തിരിച്ചടവ് മുടങ്ങിയ 56 ഇടപാടുകാരെ സമീപിച്ച് അവരിൽ നിന്ന് വാഹനം വാങ്ങി കമ്പനിയുടെ വ്യാജ എൻ.ഒ.സി നിർമിച്ച് ഒറിജിനൽ…
തൃക്കാക്കരയിൽ മുണ്ടിനീര് വ്യാപകമാകുന്നു
കാക്കനാട്: തൃക്കാക്കര നഗരസഭയിലെ വിവിധ പ്രദേശങ്ങളിൽ കുട്ടികളിൽ മുണ്ടുനീര് വ്യാപകമാകുന്നതായി റിപ്പോർട്ട്. ഇതിനെതിരെ ആരോഗ്യവകുപ്പ് ജാഗ്രത നിർദ്ദേശം നൽകിയിട്ടുണ്ട്. കഴിഞ്ഞ ദിവസം തൃക്കാക്കര കാർഡിനൽ എൽ.പി സ്കൂളിൽ മുണ്ടിനീര് ലക്ഷണങ്ങളുമായി ഏതാനും കുട്ടികളെ കണ്ടെത്തിയതിനെ തുടർന്ന് സ്കൂളിന് അവധി പ്രഖ്യാപിച്ചു. മുന്നോ നാലോ കുട്ടികൾക്കാണ് ആദ്യം രോഗലക്ഷണം കണ്ടത്. സ്കൂൾ അധികൃതർ ഇതിനെ ഗൗരവത്തിലെടുത്തില്ല. തുടർന്ന് സ്കൂളിലെ 40ൽ അധികം കുട്ടികളിലും ചില അധ്യാപകരിലുംരോഗലക്ഷണം കണ്ടത്. തുടർന്ന് ജില്ല ആരോഗ്യ വകുപ്പധികൃതർ സ്കൂളിന് അവധി നൽകാൻ നിർദേശിക്കുകയായിരുന്നു.…


