Ernakulam News
കേക്കിനൊപ്പം വിഴുങ്ങിയ ലോഹപദാർഥം പുറത്തെടുത്തു
ആലുവ: മകന്റെ ഒന്നാം പിറന്നാളിന് മുറിക്കാൻ വാങ്ങിയ കേക്ക് ഇത്തരമൊരു തലവേദനയാകുമെന്ന് ആ മാതാപിതാക്കൾ കരുതിയിരിക്കില്ല. കേക്കിൽ അലങ്കരിച്ചിരുന്ന വസ്തുവിലെ ലോഹ പദാർഥം കേക്കിനൊപ്പം അബദ്ധത്തിൽ കുട്ടി വിഴുങ്ങുകയായിരുന്നു. മകന് ഇഷ്ടപ്പെട്ട കാർട്ടൂൺ കഥാപാത്രത്തിന്റെ മാതൃകയിലൊരുക്കിയ കേക്കാണ് ജന്മദിനത്തിൽ വില്ലനായത്. കുട്ടിയുടെ വായിൽ കേക്കിനൊപ്പം ലോഹപദാർഥം കണ്ട് മാതാവ് എടുക്കാൻ ശ്രമിച്ചപ്പോഴേക്കും, കുട്ടി അത് വിഴുങ്ങി. മാതാവ് പ്രഥമിക ശുശ്രൂഷ നൽകിയെങ്കിലും ലോഹ പദാർഥം വീണ്ടെടുക്കാൻ കഴിഞ്ഞില്ല. പറവൂർ താലൂക്ക് ആശുപത്രിയിൽ നടത്തിയ എക്സ്റേ പരിശോധനയിൽ ആമാശയിൽ…
ആസിഡ് സംഭരണശാലയിൽ വൻ തീപിടിത്തം; ആളപായമില്ല
പറവൂർ: ജനവാസ മേഖലയായ വാണിയക്കാട് മാവേലിപ്പാടത്തെ സോപ്പ് നിർമാണ ഫാക്ടറിയുടെ ആസിഡ് സംഭരണശാലക്ക് ചൊവ്വാഴ്ച അർധരാത്രി തീപിടിച്ചു. ആസിഡ് ഒഴുകി സമീപത്തെ പുരയിടത്തിൽ എത്തിയെങ്കിലും ജീവനക്കാർ ആരും സ്ഥലത്തില്ലാഞ്ഞതിനാൽ ആളപായമില്ല. രാത്രി 12.20 കാണപ്പെട്ട തീപുലർച്ച മൂന്നോടെയാണ് അഗ്നിരക്ഷാ സേനക്ക് ഭാഗികമായി അണക്കാൻ കഴിഞ്ഞതെന്ന് സമീപവാസികൾ പറഞ്ഞു. ആസിഡിന്റെ ചെറിയൊരു ഭാഗത്തിന് മാത്രമാണ് തീപിടിച്ചത്. കൃത്യസമയത്ത് സമീപവാസി തീപിടിത്തം കണ്ടതുമൂലം വലിയ ദുരന്തം ഒഴിവായി. ആസിഡിൽ ചവിട്ടി ചിലർക്ക് പൊള്ളലേൽക്കുകയും ശ്വാസതടസ്സവും നേരിട്ടു. അഗ്നിരക്ഷാ സേന ഓഫിസർ…
മയക്കുമരുന്ന് വിതരണ സംഘത്തിലെ രണ്ടുപേർ പിടിയിൽ
വൈറ്റില: മയക്കുമരുന്നുകൾ വിതരണം ചെയ്യുന്ന സംഘത്തിലെ പ്രധാനികളായ രണ്ടുപേർ പിടിയിലായി. കാസർകോട് ബംബ്രാണ കിദേര സക്കറിയ മൻസിൽ ഷേണായി എന്ന സക്കറിയ (32), ഇടുക്കി വലിയതോവാള കുറ്റിയാത്ത് വീട്ടിൽ അമൽ വർഗീസ് (26) എന്നിവരെയാണ് എക്സൈസ് എൻഫോഴ്സ്മെന്റ് സ്ക്വാഡ്, എറണാകുളം ഐ.ബി, എറണാകുളം ടൗൺ നോർത്ത് സർക്കിൾ എന്നിവർ പിടികൂടിയത്. ഇവരുടെ താമസസ്ഥലത്തും കൈവശത്തുനിന്നുമായി 62.574 ഗ്രാമോളം വൈറ്റ് മെത്തും 3.300 കിലോയോളം കഞ്ചാവും മയക്കുമരുന്ന് ഗുളികകളും കണ്ടെടുത്തു. ലാപ്ടോപ്, രണ്ട് സ്മാർട്ട് ഫോൺ, സിപ് ലോക…
കൊലപാതക ശ്രമം; നാല് അന്തർസംസ്ഥാന തൊഴിലാളികൾ പിടിയിൽ
കൊച്ചി: എറണാകുളം കെ.എസ്.ആർ.ടി.സി സ്റ്റാൻഡിന് സമീപത്തെ മുല്ലശ്ശേരി കനാല് റോഡിൽ കഴിഞ്ഞ ദിവസം പ്രദേശവാസിയായ ഡ്രൈവറെ കൊലപ്പെടുത്താൻ ശ്രമിച്ച സംഭവത്തിൽ നാല് അന്തർസംസ്ഥാന തൊഴിലാളികൾ പിടിയിൽ. ഉത്തർപ്രദേശ് ബറൂത് ഭാഗ്പത് ശതാബ്ദി നഗർ അശ്വിനി ഗോൾകർ (27), യു.പി ഗാസിയാബാദ് സെക്ടർ രാജേന്ദ്രനഗർ കുശാൽ ഗുപ്ത (27), രാജസ്ഥാൻ ശ്രീഗംഗ നഗർ വിനോബാബ സ്ട്രീറ്റ് ഉത്കർഷ് (25), ഹരിയാന സോനിപറ്റ് ഗോഹാന വിഷ്ണു നഗർ ദീപക് (26) എന്നിവരെയാണ് സെൻട്രൽ പൊലീസ് അറസ്റ്റ് ചെയ്തത്. തിങ്കളാഴ്ച രാത്രി…
കോർപറേഷൻ കൗൺസിൽ; കെ-സ്മാര്ട്ട് പ്രമേയം ചര്ച്ചക്ക് അനുവദിക്കാതെ മേയര്
കൊച്ചി: കോർപറേഷൻ കൗൺസിലിനിടെ തദ്ദേശ സ്ഥാപന സേവനങ്ങൾ ഓണ്ലൈനായി ലഭ്യമാക്കുന്ന കെ-സ്മാര്ട്ട് സംവിധാനത്തിന്റെ പാളിച്ചകള് ചര്ച്ച ചെയ്യാന് പ്രതിപക്ഷം നല്കിയ പ്രമേയം ചര്ച്ചക്കെടുക്കാതെ മേയര് എം. അനിൽകുമാർ. ലൈസന്സും സര്ട്ടിഫിക്കറ്റും ഉൾപ്പെടെയുള്ള സേവനങ്ങള് പൂര്ണതോതില് കെ-സ്മാര്ട്ടില് ലഭ്യമാകാത്തതിനാല് ജനങ്ങള് ബുദ്ധിമുട്ടുകയാണെന്നും ഈ സേവനങ്ങള് നേരിട്ട് ലഭ്യമാക്കാനുള്ള സൗകര്യം ഒരുക്കണമെന്നും ആവശ്യപ്പെട്ടുള്ള പ്രമേയമാണ് മേയര് നിരസിച്ചതെന്ന് പ്രതിപക്ഷ നേതാവ് ആന്റണി കുരീത്തറയും യു.ഡി.എഫ് പാര്ലമെന്ററി പാര്ട്ടി നേതാവ് എം.ജി. അരിസ്റ്റോട്ടിലും ആരോപിച്ചു. ജെ.എച്ച്.ഐ ‘വാഴാത്ത’ കതൃക്കടവ് കോര്പറേഷന്റെ 16ാം…
എം.ഡി.എം.എയുമായി രണ്ട് യുവാക്കൾ പിടിയിൽ
പള്ളുരുത്തി: എം.ഡി.എം.എയുമായി രണ്ട് യുവാക്കൾ കണ്ണമാലി പൊലീസിന്റെ പിടിയിൽ. ചെല്ലാനം മാലാഖപ്പടി വാഴക്കൂട്ടത്തിൽ വീട്ടിൽ സേവ്യർ ഷാരോൺ (27), നോർത്ത് ചെല്ലാനം തോപ്പിൽ വീട്ടിൽ ആൽഫ്രഡ് ജോസഫ് (27) എന്നിവരാണ് അറസ്റ്റിലായത്. ബുധനാഴ്ച ചെല്ലാനം മാലാഖപ്പടിയിൽ മോട്ടോർ ബൈക്കിൽ സംശയാസ്പദമായ സാഹചര്യത്തിൽ കണ്ട ഇവർ പൊലീസ് ജീപ്പ് കണ്ട് കടന്നുകളയാൻ ശ്രമിക്കവെ തടഞ്ഞുനിർത്തി നടത്തിയ പരിശോധനയിൽ കൈയിൽനിന്നും ബാഗിൽനിന്നുമായി 4.54 ഗ്രാം എം.ഡി.എം.എ കണ്ടെടുത്തത്. മട്ടാഞ്ചേരി അസി. കമീഷണർ കെ.ആർ. മനോജ്, കണ്ണമാലി പൊലീസ് ഇൻസ്പെക്ടർ സിജിൻ…
സിനി മനോജ് അങ്കമാലി നഗരസഭ ഉപാധ്യക്ഷ
അങ്കമാലി: നഗരസഭ ഉപാധ്യക്ഷയായി കോൺഗ്രസിലെ സിനി മനോജ് തെരഞ്ഞെടുക്കപ്പെട്ടു. സിനിക്ക് 16 വോട്ടും, സി.പി.എമ്മിലെ ഗ്രേസി ദേവസിക്ക് 12 വോട്ടും ലഭിച്ചു. യു.ഡി.എഫ് ഭരിക്കുന്ന നഗരസഭയിൽ ആകെയുള്ള 30 കൗൺസിലർമാരിൽ ബി.ജെ.പിയുടെ രണ്ട് പേരും വോട്ടെടുപ്പിൽ നിന്ന് വിട്ടു നിന്നു. സ്വതന്ത്ര അംഗം വിൽസൺ മുണ്ടാടനും, അടുത്തിടെ കോൺഗ്രസിൽ നിന്ന് കൂറുമാറിയ ലക്സി ജോയിയും എൽ.ഡി.എഫിന് അനുകൂലമായി വോട്ട് ചെയ്തു. കോൺഗ്രസ് നേതൃത്വവുമായുള്ള മുൻ ധാരണപ്രകാരം കല്ലുപാലം അഞ്ചാം വാർഡിൽ നിന്ന് തെരഞ്ഞെടുക്കപ്പെട്ട റീത്തപോൾ മൂന്ന് വർഷത്തിന്…
എസ്.ഐ വീട്ടുവളപ്പിൽ തൂങ്ങിമരിച്ച നിലയിൽ; ഓഫിസ് ജോലി മാറിയതിലെ നൈരാശ്യമെന്ന് സൂചന
അങ്കമാലി: ആലുവ വെസ്റ്റ് പൊലീസ് സ്റ്റേഷനിലെ ഗ്രേഡ് എസ്.ഐയെ വീട്ടുപറമ്പിലെ മരത്തിൽ തൂങ്ങിമരിച്ച നിലയിൽ കണ്ടെത്തി. അങ്കമാലി എളവൂർ പുളിയനം കളരിക്കൽ വീട്ടിൽ രഘുവിന്റെ മകൻ കെ.ആർ. ബാബുരാജാണ് (49) മരിച്ചത്. വീട്ടിൽനിന്ന് 100 മീറ്റർ ദൂരെ പാടത്തേക്ക് ചാഞ്ഞ് നിൽക്കുന്ന പറമ്പിലെ മരക്കൊമ്പിലാണ് തൂങ്ങി മരിച്ച നിലയിൽ കണ്ടെത്തിയത്. പുലർച്ചെ നാട്ടുകാരാണ് മൃതദേഹം കണ്ടെത്തിയത്. തുടർന്ന് അങ്കമാലി പൊലീസെത്തി മൃതദേഹം അങ്കമാലി താലൂക്കാശുപത്രിയിലേക്ക് മാറ്റുകയായിരുന്നു. വർഷങ്ങളായി ആലുവ സൈബർ സെല്ലിൽ ജോലി ചെയ്തിരുന്ന ബാബുരാജ് ഗ്രേഡ്…
നികുതി കുടിശ്ശിക; ജനത്തെ വട്ടം കറക്കി നഗരസഭ
പറവൂർ: കെട്ടിടം-വസ്തു നികുതി അടക്കാൻ നഗരസഭയിലെത്തുന്നവരെ ബുദ്ധിമുട്ടിക്കുന്നതായി പരാതി. മുൻവർഷങ്ങളിലെ ഇല്ലാത്ത നികുതി കുടിശ്ശികയുടെ പേരിലാണ് ജനത്തെ വട്ടം കറക്കുന്നത്. നഗരസഭകളിലെ നികുതിപിരിവ് കെ-സ്മാർട്ട് സംവിധാനത്തിലൂടെയാണ് നടക്കുന്നത്. എന്നാൽ, പല വീടുകളുടെയും വ്യാപാര സമുച്ചയങ്ങളുടെയും കെട്ടിട നമ്പറുകൾ ഡേറ്റ ബേസിൽ ചേർക്കാൻ സാധിച്ചിട്ടില്ല. ഇതിനാൽ യഥാർഥ നികുതിയും കുടിശ്ശികയും ശരിയായി തിട്ടപ്പെടുത്താനാകുന്നില്ല. ഇതാണ് ഇവിടെ പ്രശ്നങ്ങൾക്ക് കാരണമാകുന്നത്. നഗരസഭ പരിധിയിലെ ഏകദേശം 13,000 കെട്ടിടങ്ങളിൽ 5000ത്തിലധികം കെട്ടിടങ്ങൾ ഇപ്പോഴും ഡേറ്റ ബേസിൽ ഉൾപ്പെടുത്താനായിട്ടില്ല. അതിനാൽ മുൻവർഷങ്ങളിൽ നികുതി…
കർഷകർ ആശങ്കയിൽ; ചെമ്മീൻകെട്ടുകളിൽ ജെല്ലി മത്സ്യങ്ങൾ പെരുകുന്നു
വൈപ്പിൻ: പുഴയിൽനിന്ന് ജെല്ലി മത്സ്യങ്ങൾ ചെമ്മീൻ കെട്ടുകളിൽ എത്തിയതോടെ കർഷകർ ആശങ്കയിൽ. ഇതുമൂലം ചെമ്മീനും മീനും പിടിച്ചെടുക്കാൻ കഴിയാത്ത സ്ഥിതിയാണെന്ന് നടത്തിപ്പുകാർ പറയുന്നു. കെട്ടുകളുടെ കാലാവധി അവസാനിക്കാൻ ആഴ്ചകൾ മാത്രം ബാക്കിനിൽക്കുമ്പോഴാണ് ഈ അവസ്ഥ. ആഴ്ചകൾക്ക് മുമ്പ് പുഴയിൽ കണ്ടവ വ്യാപകമായതോടെ പുഴയിൽ വലവീശാനും വലനീട്ടാനും പറ്റാത്ത സ്ഥിതിയായി. മത്സ്യങ്ങളിലും ഗണ്യമായ കുറവുണ്ടായി. കൂട്ടത്തോടെ വലയിൽ കുടുങ്ങുന്ന ഇവയിൽനിന്ന് ചെമ്മീനും മറ്റും വേർതിരിച്ചെടുക്കുന്നതും ബുദ്ധിമുട്ടായി. ഇപ്പോൾ ഇതേ അവസ്ഥ തന്നെയാണ് കെട്ടുകളിലുമെന്ന് കർഷകർ പറയുന്നു. തൂമ്പുകളിൽ വല…