Ernakulam News
ബസിൽ പുകവലി; ചോദ്യം ചെയ്ത കണ്ടക്ടർക്ക് മർദനം; രണ്ടുപേർ പിടിയിൽ
കൊച്ചി: സ്വകാര്യ ബസിൽ പുകവലിക്കുകയും യാത്രക്കാരെ ശല്യപ്പെടുത്തുകയും ഇക്കാര്യം ചോദ്യം ചെയ്ത കണ്ടക്ടറെ മർദിക്കുകയും ചെയ്ത സംഘത്തിലെ രണ്ട് പേർ അറസ്റ്റിൽ. പുതുവൈപ്പ് സ്വദേശി ജോബി(30), കാക്കനാട് സ്വദേശി സി.എസ് ഷാജി (27) എന്നിവരെയാണ് സെൻട്രൽ പൊലീസ് ഓടിച്ചിട്ട് പിടികൂടിയത്. വ്യാഴാഴ്ച രാവിലെ ആറരയോടെയാണ് സംഭവം. കാക്കനാട്-തോപ്പുംപടി റൂട്ടിലോടുന്ന ഷാന ബസിൽ കയറിയ ജോബിയും ഷാജിയും ഒപ്പമുണ്ടായിരുന്ന മൂന്ന് പേരും യാത്രക്കാരോട് അപമര്യാദമായി പെരുമാറി. ബസിലിരുന്ന് പുകവലിച്ചു. ഇത് ചോദ്യം ചെയ്ത കണ്ടക്ടർ രഞ്ജിത്തിനെ മർദിച്ചു. തുടർന്ന്…
കക്കടാശ്ശേരി-ഞാറക്കാട് റോഡില് വാഹനാപകടങ്ങള് പതിവാകുന്നു; രണ്ടുമാസത്തിനിടെ 50ലേറെ അപകടങ്ങൾ
മൂവാറ്റുപുഴ: യാത്രക്കാരുടെ ദീര്ഘനാളത്തെ മുറവിളിക്കുശേഷം 68 കോടി രൂപ ചെലവഴിച്ച് നവീകരിച്ച കക്കടാശ്ശേരി-ഞാറക്കാട് റോഡില് വാഹനാപകടങ്ങള് പതിവാകുന്നു. രണ്ടുമാസം മുമ്പ് ബി.എം ബി.സി നിലവാരത്തിൽ നിർമാണം പൂർത്തിയായ റോഡിൽ രണ്ട് ജീവനുകളാണ് റോഡില് പൊലിഞ്ഞത്. നിരവധിപേർക്ക് പരിക്കേൽക്കുകയും ചെയ്തു. ദിനേന അപകടം സംഭവിക്കുന്ന സ്ഥിതിയാണ്. രണ്ടും മൂന്നും അപകടങ്ങൾവരെ നടന്ന ദിവസങ്ങളുണ്ട്. വ്യാഴാഴ്ച പുന്നമറ്റത്ത് അമിത വേഗതയിൽ എത്തിയ കാർ വൈദ്യുതി പോസ്റ്റ് ഇടിച്ചുതകർത്തതാണ് ഒടുവിലത്തെ സംഭവം. പോത്താനിക്കാട് ഭാഗത്തുനിന്ന് എത്തിയ കാർ പോസ്റ്റ് ഇടിച്ചുതകർക്കുകയായിരുന്നു. അപകടത്തിൽ…
വലമുറുക്കി ലഹരിമാഫിയ; കണ്ണടച്ച് അധികൃതർ
കൊച്ചി: ജില്ലയിൽ ലഹരി മാഫിയ പിടിമുറുക്കുമ്പോഴും കണ്ണടച്ച് അധികൃതർ. പുതുതലമുറയെ ലക്ഷ്യമിട്ടാണ് ഗ്രാമങ്ങളിൽ പോലും ലഹരി മാഫിയ പിടിമുറുക്കുന്നത്. കൊച്ചി നഗരത്തിന് പുറമേ സമീപ പ്രദേശങ്ങളിലും ആലുവ, പെരുമ്പാവൂർ, മൂവാറ്റുപുഴ, കോതമംഗലം അടക്കമുളള പ്രദേശങ്ങളിലും ലഹരിയധിഷ്ടിത പരാതികൾ വ്യാപകമാകുകയാണ്. വിദ്യാർഥികളെയും യുവാക്കളെയും ലക്ഷ്യമിടുന്ന സംഘത്തിൽ സ്ത്രീകളും ഏറെയാണ്. ഗ്രാമങ്ങളിൽ പോലും ലഹരി വസ്തുക്കൾ സുലഭമാണ്. എന്നാൽ പൊലീസ്-എക്സൈസ് സംവിധാനങ്ങൾ നിർജീവമാണെന്നാണ് ആക്ഷേപം. പാൻമസാല മുതൽ സിന്തറ്റിക് ലഹരി വരെ വിൽപന നിരോധിച്ച പാൻമസാല മുതൽ രാസ ലഹരികൾ…
എച്ച്.എം.ടി കവല ട്രാഫിക് പരിഷ്കാരം; രണ്ടാംദിവസം ദേശീയപാതയിൽ ഗതാഗതക്കുരുക്ക്
കളമശ്ശേരി: എച്ച്.എം.ടി കവലയിലെ ഗതാഗതക്കുരുക്ക് പരിഹരിക്കാൻ നടപ്പാക്കിയ ട്രാഫിക് പരിഷ്കാരത്തിന്റെ രണ്ടാം നാൾ ദേശീയപാതയിലെ ഒരുവശത്ത് വലിയ കുരുക്ക് അനുഭവപ്പെട്ടു. രാവിലെ എച്ച്.എം.ടി കവലയിലേക്ക് പ്രവേശിക്കുന്നതിനുമുമ്പ് ആലുവ കമ്പനിപ്പടി മുതൽ ആര്യാസ് ജങ്ഷൻ വരെ നാല് കിലോമീറ്ററോളം ദൂരം മന്ദഗതിയിലാണ് വാഹനങ്ങൾ എത്തിയത്. ആലുവ ഭാഗത്തുനിന്നും എറണാകുളം ടി.വി.എസ് ജങ്ഷൻ ഭാഗത്തുനിന്നും എച്ച്.എം.ടി കവലയിലേക്ക് വാഹനങ്ങൾ കടക്കുന്നതിലെ തിരക്കാണ് വാഹനങ്ങളുടെ നിര നീളാനിടയാക്കിയത്. ഗതാഗതതടസ്സം ഒഴിവാക്കാൻ പൊലീസുകാർക്കൊപ്പം രാവിലെ മന്ത്രി പി. രാജീവിന്റെ ഓഫിസ് ജീവനക്കാരും ഡി.വൈ.എഫ്.ഐ…
54കാരിയുടെ വയറ്റിൽ നിന്ന് 4.82 കിലോ വലിപ്പമുള്ള മുഴ നീക്കം ചെയ്തു; അങ്കമാലി അപ്പോളോ ആശുപത്രിയിൽ റോബോട്ടിക് സർജറി വിജയകരം
അങ്കമാലി: അപ്പോളോ അഡ്ലക്സ് ആശുപത്രിയിൽ അൾസർ രോഗബാധിതയായ 54കാരിയുടെ വയറ്റിൽ നിന്ന് റോബോട്ടിക് അതിവിദഗ്ധ ശസ്ത്രക്രിയയിലൂടെ 4.82 കിലോ വലിപ്പമുള്ള മുഴ നീക്കം ചെയ്തു. അപ്പോളോ ആശുപത്രിയിലെ വിദഗ്ധ മെഡിക്കൽ വിഭാഗം മൂന്നര മണിക്കൂറോളം അതിസൂഷ്മ തീവ്ര ശ്രമം നടത്തിയാണ് മുഴ പുറത്തെടുത്തത്. കാലിലുണ്ടായ വീനസ് അൾസർ ഭേദമാകാഞ്ഞതിനെ ഇടുക്കി സ്വദേശിനിയായ വീട്ടമ്മ അപ്പോളയിൽ ചികിത്സ തേടിയെത്തിയത്. കാലിലേക്കുള്ള രക്തയോട്ടം ദുർബലമാവുകയും രക്തം കെട്ടി കിടന്ന് വിട്ടുമാറാത്ത മുറിവും വേദനയും പൂർണ ഗർഭിണിയുടെ അവസ്ഥയിൽ വീർത്തവയറും ഗുരുതര…
അമിതവണ്ണം കുറക്കാൻ ശസ്ത്രക്രിയ; വ്യാജ ഡോക്ടർ പിടിയിൽ
കൊച്ചി: അമിത വണ്ണം കുറക്കാൻ ശസ്ത്രക്രിയ നടത്തിയ വ്യാജ ഡോക്ടർ പിടിയിൽ. തിരുവനന്തപുരം പാരിപ്പള്ളി ചാവർകോട് ചെമ്മരുതി ഭാഗത്ത് സജു ഭവനിൽ സജു സഞ്ജീവിനെയാണ് (27) കടവന്ത്ര പൊലീസ് അറസ്റ്റ് ചെയ്തത്. കോസ്മറ്റോളജി ചികിത്സയിലും ശസ്ത്രക്രിയയിലും പ്രാഗല്ഭ്യമുള്ള ഡോക്ടറാണെന്ന് വിശ്വസിപ്പിച്ച്, അമിത വണ്ണം കുറക്കാൻ തിരുവനന്തപുരം സ്വദേശിയായ യുവതിയെയാണ് 2023 മേയിൽ കടവന്ത്രയിലെ സ്ഥാപനത്തിൽവെച്ച് കീഹോൾ സർജറി നടത്തിയത്. വണ്ണം കുറയാത്തതിനെത്തുടർന്ന് യുവതി ഇയാളെ സമീപിക്കുകയും 2023 ജൂണിൽ വീണ്ടും ഓപൺ സർജറി നടത്തുകയുംചെയ്തു. ശസ്ത്രക്രിയ ചെയ്ത…
റോഡുകൾ തകർന്നു; ജനം ദുരിതത്തിൽ
കൊച്ചി: റോഡുകളുടെ ശോച്യാവസ്ഥയിൽ ഹൈകോടതിയുടെ രൂക്ഷവിമർശനമുണ്ടായിരിക്കുന്നു. പൊതുമരാമത്ത് വകുപ്പിന് കീഴിൽ അനേകം എൻജിനീയർമാരും മറ്റ് ഉദ്യോഗസ്ഥരും ഉണ്ടായിട്ടും റോഡിലെ കുഴികളുടെ കാര്യത്തിൽ പരിഹാരമാകുന്നില്ലെന്നാണ് കോടതി തുറന്നടിച്ചത്. ഗ്രാമ, നഗര വ്യത്യാസമില്ലാതെ റോഡുകൾ തകർന്നുകിടക്കുമ്പോൾ പൊതുജനം യാത്ര ചെയ്യാൻ പ്രയാസപ്പെടുകയാണ്. ജില്ലയിലെ ചെറുതും വലുതുമായ ജങ്ഷനുകളെ ഗതാഗതക്കുരുക്കിലാക്കുന്ന, ജീവന് ഭീഷണിയാകുന്ന റോഡ് തകർച്ചക്ക് ശാശ്വത പരിഹാരം കാണണമെന്നതാണ് പൊതുജനത്തിന്റെ ആവശ്യം. പൊലിയുന്ന ജീവനുകൾ തൃപ്പൂണിത്തുറ ഭാഗത്തെ റെയിൽവേ മേൽപ്പാലത്തിൽ നിന്ന് ചാത്താരിയിലേക്കുള്ള വളവിലുണ്ടായ അപകടത്തിൽ ഓട്ടോറിക്ഷ മറിഞ്ഞ് യാത്രക്കാരൻ…
പ്രായം തളർത്താത്ത ഓർമകൾക്ക് മഹാരാജാസിന്റെ ആദരം
കൊച്ചി: ആറര പതിറ്റാണ്ട് മുമ്പ് മഹാരാജാസ് കോളജിന്റെ മടിത്തട്ടിൽ വിദ്യാർഥികളായി ഓടിനടന്നവർ മരിക്കാത്ത ഓർമകളുമായി ആ വലിയ കലാലയത്തിൽ ആദരവണിഞ്ഞ് നിന്നു. ആയിരം പൂർണ ചന്ദ്രൻമാരെ ദർശിച്ച 84 വയസ് പൂർത്തിയായവർക്ക് മഹാരാജാസ് കോളജ് ഓൾഡ് സ്റ്റുഡന്റ്സ് അസോസിയേഷൻ (ഒ.എസ്.എ) ഗാന്ധി ജയന്തി ദിനത്തിൽ നൽകിയ ആദരിക്കൽ ചടങ്ങാണ് പ്രായത്തിന്റെ അവശതകൾ മറന്നെത്തിയ പഴയ വിദ്യാർഥികളുടെ വാക്കുകളാൽ വികാര നിർഭരമായത്. മുൻ പ്രിൻസിപ്പൽമാരായ പ്രഫ. കെ. അരവിന്ദാക്ഷൻ, പ്രഫ. ഷേർളി ചന്ദ്രൻ, മഹാരാജാസിൽ തന്നെ പ്രഫസറായി വിരമിച്ച…
യന്ത്രത്തകരാർ; ബോട്ട് ഒഴുകിയത് ഒമാൻ തീരത്തേക്ക്
വൈപ്പിൻ : യന്ത്രം തകരാറായതിനെ തുടർന്ന് ഒമാൻ തീരത്ത് എത്തിയ മത്സ്യത്തൊഴിലാളികളെ രക്ഷപ്പെടുത്തി കൊച്ചിയിൽ എത്തിച്ച് തമിഴ്നാട് ഫിഷറീസ് വകുപ്പിന് കൈമാറി. തമിഴ്നാട് കന്യാകുമാരി ജില്ലയിൽ നിന്നുള്ള അരുളപ്പൻ എന്ന വ്യക്തിയുടെ ‘അലങ്കാര മാതാ’ എന്ന ബോട്ടാണ് എൻജിൻ തകരാറിനെ തുടർന്ന് ഒഴുകി ഒമാൻ തീരത്ത് എത്തിയത്. 12 മത്സ്യത്തൊഴിലാളികളുമായി സെപ്റ്റംബർ 10ന് കൊച്ചി തോപ്പുംപടി ഹാർബറിൽ നിന്ന് മത്സ്യബന്ധനത്തിനായി കടലിലേക്ക് പോയതാണ് ഈ ബോട്ട്. അഞ്ച് ദിവസത്തെ യാത്രക്കുശേഷം രണ്ടുദിവസം മത്സ്യബന്ധനത്തിൽ ഏർപ്പെട്ടു. മൂന്നാം ദിവസം…
അവിശ്വാസം: നേരിടാൻ ഉറച്ച് കുന്നത്തുനാട് പ്രസിഡന്റ്
പള്ളിക്കര: കുന്നത്തുനാട് പഞ്ചായത്ത് പ്രസിഡന്റ് നിത മോൾക്കെതിരെ സ്വന്തം പാർട്ടിയായ ട്വൻറി20 കൊണ്ടുവന്ന അവിശ്വാസ പ്രമേയത്തെ നേരിടാൻ ഉറച്ച് പ്രസിഡന്റ്. 18 വാർഡുള്ള പഞ്ചായത്തിൽ 11 അംഗങ്ങളും ട്വന്റി20ക്കാണ്. അതിൽ പ്രസിഡന്റിനെ മാറ്റിനിർത്തിയാലും 10 അംഗങ്ങൾ ട്വന്റി20ക്കുണ്ട്. 10 പേരും ഒരുമിച്ചാണ് അവിശ്വാസ പ്രമേയത്തിന് നോട്ടീസ് നൽകിയിരിക്കുന്നത്. പ്രസിഡന്റിനെതിരെ അഴിമതി ഉൾപ്പെടെ നിരവധി ആരോപണങ്ങളാണ് ട്വന്റി20 ഉയർത്തുന്നത്. പ്രതിപക്ഷത്ത് ഏഴ് അംഗങ്ങളാണുള്ളത്. യു.ഡി.എഫ് അഞ്ച്, എൽ.ഡി.എഫ് രണ്ട്. ഇവർ പ്രസിഡന്റിനൊപ്പം നിന്നാലും എട്ടുപേരുടെ പിന്തുണയേ ലഭിക്കുകയുള്ളൂ. എന്നിരിക്കെയാണ്…