All news
മറൈൻഡ്രൈവ് മുതൽ മെട്രോ വരെ
മറൈൻഡ്രൈവ്, കൊച്ചി മെട്രോ കൊച്ചി: കൊച്ചി മെട്രോ റെയിൽ വികസനം, മറൈൻ ഡ്രൈവിൽ 2400 കോടിയുടെ മറൈൻ എക്കോ സിറ്റി പദ്ധതി എന്നിങ്ങനെ ജില്ലക്ക് പ്രതീക്ഷ നൽകി സംസ്ഥാന ബജറ്റിലെ പ്രഖ്യാപനങ്ങൾ. വാട്ടർ മെട്രോ, കൊച്ചി കപ്പൽശാല, തുറമുഖം എന്നിവയുടെയൊക്കെ വികസനവുമായി ബന്ധപ്പെട്ട് ബജറ്റിൽ പരാമർശങ്ങളുണ്ട്. കേരളീയരുടെ ആത്മാഭിമാനവും സംരംഭകരുടെ താൽപര്യവും പലമടങ്ങ് വർധിപ്പിക്കാൻ ഈ പദ്ധതികളിലൂടെ കഴിഞ്ഞുവെന്നാണ് ധനമന്ത്രി ബജറ്റ് പ്രസംഗത്തിൽ വ്യക്തമാക്കിയത്. കൊച്ചിയിലെ സംയോജിത ജലഗതാഗതത്തിന്റെ ഇ.എ.പി ഘടകമായി 159.60 കോടി രൂപ, കൊച്ചി-ബംഗളൂരു…
രണ്ടര കിലോ കഞ്ചാവുമായി അന്തർ സംസ്ഥാനക്കാരൻ പിടിയിൽ
റോക്കി ദാസ് പെരുമ്പാവൂര്: രണ്ടര കിലോ കഞ്ചാവുമായി അന്തർ സംസ്ഥാന തൊഴിലാളി പിടിയിൽ. പശ്ചിമ ബംഗാള് മുര്ഷിദാബാദ് സ്വദേശി റോക്കി ദാസിനെ (25) യാണ് പെരുമ്പാവൂര് എ.എസ്.പിയുടെ പ്രത്യേക അന്വേഷണസംഘം ബുധനാഴ്ച രാത്രി സൗത്ത് വാഴക്കുളം ഭാഗത്ത് വച്ച് പിടികൂടിയത്. പെരുമ്പാവൂര് ഭാഗത്തേക്ക് സ്കൂട്ടറില് കഞ്ചാവ് കടത്തുകയായിരുന്നു. മഞ്ഞുമ്മല് ഭാഗത്ത് താമസിച്ചിരുന്ന ഇയാള് രാത്രികാലങ്ങളിലാണ് കഞ്ചാവ് കടത്തിയിരുന്നത്. ബംഗാളില് നിന്ന് ട്രെയിന് മാര്ഗം എത്തിക്കുന്ന കഞ്ചാവ് മഞ്ഞുമ്മല് ഭാഗത്ത് സൂക്ഷിച്ച ശേഷം രാത്രി വിൽപന നടത്തിവരികയായിരുന്നു. പ്രതിയുടെ…
വെറ്റിലപ്പാറ, കുളങ്ങാട്ടുകുഴി, മാലിപ്പാറ ഭാഗങ്ങളിൽ വീണ്ടും കാട്ടാന ശല്യം
വെറ്റിലപ്പാറയിൽ ആന മറിച്ചിട്ട തെങ്ങ് കോതമംഗലം: പിണ്ടിമന പഞ്ചായത്തിലെ വെറ്റിലപ്പാറ, കുളങ്ങാട്ടുകുഴി, മാലിപ്പാറ ഭാഗങ്ങളിൽ വീണ്ടും കാട്ടാന ശല്യം. ഒട്ടേറെ കാര്ഷികവിളകള് നശിപ്പിച്ചു. മാലിപ്പാറ കുരിശുമലയിലെ വാട്ടര് അതോറിറ്റിയുടെ കുടിവെള്ള ടാങ്കിന് സമീപത്തും ആനകളെത്തി. ഇവിടെ തെങ്ങ് കുത്തിമറിച്ചിടുകയും വാഴ നശിപ്പിക്കുകയും ചെയ്തിട്ടുണ്ട്. ഈ ഭാഗത്ത് ആദ്യമായാണ് ആന ശല്യമുണ്ടാകുന്നത്. കോട്ടപ്പാറ പ്ലാന്റേഷനില്നിന്നുള്ള ആനക്കൂട്ടം ബുധനാഴ്ച രാത്രി എട്ടോടെയാണ് ജനവാസ മേഖലകളിലേക്ക് കടന്നത്. പടക്കം പൊട്ടിച്ച് ആനകളെ തുരത്താന് ശ്രമിച്ചെങ്കിലും കൃഷിയിടങ്ങള് മാറിമാറി കയറിയ ആനക്കൂട്ടം വ്യാഴാഴ്ച…
നിലവാരമില്ലാത്ത യന്ത്രം നൽകി കബളിപ്പിച്ചു; 1.68 ലക്ഷം നഷ്ടപരിഹാരം നൽകാൻ വിധി
കൊച്ചി: നിലവാരമില്ലാത്ത യന്ത്രം നൽകി തൊഴിൽ സംരംഭകനെ കബളിപ്പിച്ച ഉപകരണ നിർമാതാവ് നഷ്ടപരിഹാരവും കോടതി ചെലവും യന്ത്രത്തിന്റെ വിലയും ഉൾപ്പെടെ 1.68 ലക്ഷം രൂപ നഷ്ടപരിഹാരം നൽകണമെന്ന് ജില്ല ഉപഭോക്തൃ തർക്കപരിഹാര കോടതി. എറണാകുളം കുമ്പളങ്ങി സ്വദേശി ഫ്രാൻസിസ് എഡ്വിൻ, ഡൽഹിയിലെ ബെസ്റ്റ്ഡീൽ മെഷിനറി പ്രൈവറ്റ് ലിമിറ്റഡ് സ്ഥാപനത്തിനെതിരെ സമർപ്പിച്ച പരാതിയിലാണ് നടപടി. കടലാസ് അധിഷ്ഠിത ഉൽപന്നങ്ങൾ നിർമിക്കാനുള്ള മെഷിൻ വാങ്ങിയാൽ പ്രതിമാസം 30,000 മുതൽ 40,000 രൂപ വരെ ആദായമുണ്ടാക്കാം എന്ന് വിശ്വസിപ്പിച്ച് 1,38,000 രൂപക്കുള്ള…
അഡ്വ. ഷിയോ പോൾ അങ്കമാലി നഗരസഭ ചെയർമാൻ
അങ്കമാലി: നഗരസഭ ചെയർമാനായി കെ.പി.സി.സി അംഗവും നായത്തോട് വാർഡ് കൗൺസിലറുമായ അഡ്വ. ഷിയോ പോൾ തെരഞ്ഞെടുക്കപ്പെട്ടു. കോൺഗ്രസ് ഭരിക്കുന്ന നഗരസഭയിൽ ചെയർമാനായിരുന്ന മാത്യു തോമസ് പാർട്ടിയുമായുള്ള മുൻധാരണ പ്രകാരം രാജിവച്ച ഒഴിവിൽ നടന്ന തെരഞ്ഞെടുപ്പിലാണ് ഷിയോ പോൾ ഒൻപതിനെതിരെ 16 വോട്ടുകൾ നേടി തെരഞ്ഞെടുക്കപ്പെട്ടത്. 30 അംഗ കൗൺസിലിൽ കോൺഗ്രസ്-15, എൽ.ഡി.എഫ്-10, സ്വതന്ത്രർ-മൂന്ന്, എൻ.ഡി.എ-രണ്ട് എന്നിങ്ങനെയാണ് കക്ഷിനില. വ്യാഴാഴ്ച നടന്ന തെരഞ്ഞെടുപ്പിൽ മുൻ ചെയർമാൻമാരായ മാത്യു തോമസ് ഷിയോ പോളിൻ്റെ പേര് നിർദ്ദേശിക്കുകയും, റെജി മാത്യു പിന്താങ്ങുകയും…
മിഹിർ ജീവനൊടുക്കിയതിൽ ദുരൂഹതയെന്ന് പിതാവ്; അപ്പാർട്മെന്റിൽ എന്ത് സംഭവിച്ചെന്ന് വ്യക്തമല്ല
തൃപ്പൂണിത്തുറ: തിരുവാണിയൂർ ഗ്ലോബൽ പബ്ലിക് സ്കൂളിലെ ഒമ്പതാം ക്ലാസ് വിദ്യാർഥിയായ മിഹിർ അഹമ്മദിന്റെ മരണത്തിൽ ദുരൂഹതയുണ്ടെന്ന പരാതിയുമായി പിതാവ് തിരൂർ സ്വദേശി ഷെഫീഖ് മാടമ്പാട്ട് രംഗത്ത്. ഖത്തറിൽ ജോലി ചെയ്യുന്ന ഇദ്ദേഹം ഹിൽപാലസ് പൊലീസിൽ ജനുവരി 21ന് നേരിട്ടെത്തി പരാതി നൽകുകയായിരുന്നു. ജനുവരി 15ന് വൈകീട്ട് മൂന്നിന് സന്തോഷവാനായി സ്കൂളിൽനിന്ന് അപ്പാർട്മെന്റിൽ എത്തിയ മിഹിർ ഏകദേശം അര മണിക്കൂർ കഴിഞ്ഞ് ഒരു പ്രകോപനവുമില്ലാതെ ജീവൻ അവസാനിപ്പിച്ചു എന്നു പറയുന്നത് സംശയത്തിനിടയാക്കുന്നു. സഹപാഠികളുമായി കശപിശ ഉണ്ടായി എന്നും അത്…
പകുതി വിലയ്ക്ക് ഇരുചക്രവാഹനം; ജില്ലയിൽനിന്ന് തട്ടിയത് കോടികൾ
കൊച്ചി: സ്ത്രീകൾക്ക് പകുതി വിലയ്ക്ക് ഇരുചക്രവാഹനം വാഗ്ദാനം ചെയ്ത് ജില്ലയിൽനിന്ന് തട്ടിയത് കോടികൾ. മുഖ്യപ്രതി തൊടുപുഴ കുടയത്തൂർ സ്വദേശി അനന്തുകൃഷ്ണൻ മൂവാറ്റുപുഴയിൽ പിടിയിലായതോടെയാണ് തട്ടിപ്പിനിരയായ കൂടുതൽപേർ രംഗത്തുവന്നത്. മൂവാറ്റുപുഴ, കോതമംഗലം, കോലഞ്ചേരി, പിറവം, പറവൂർ അടക്കമുള്ള വിവിധ സ്ഥലങ്ങളിലുള്ള ആയിരങ്ങളാണ് തട്ടിപ്പിനിരയായിരിക്കുന്നത്. തട്ടിപ്പിനിരയായവർ മൂവാറ്റുപുഴ പൊലീസ് സ്റ്റേഷനിൽ നൽകിയ പരാതിയിലാണ് ഇയാൾ പിടിയിലായത്. ഇയാളുടെ കൊച്ചിയിലെ ഫ്ലാറ്റിലടക്കം പരിശോധന നടത്തി പൊലീസ് രേഖകൾ പിടിച്ചെടുത്തിട്ടുണ്ട്. ജില്ലയിലിതുവരെ 18 കോടിയുടെ തട്ടിപ്പ് നടത്തിയതിനാണ് കേസ് എടുത്തിരിക്കുന്നത്. ഇത് മൂവാറ്റുപുഴ,…
ആനയെ പകർത്താൻ യുട്യൂബർമാർ ; അപകട ഭീഷണി
വെറ്റിലപ്പാറ അയ്യപ്പ ക്ഷേത്രത്തിന് മുന്നിലെ റോഡില് ഇറങ്ങിയ കൊമ്പന്റെ ചിത്രം പകര്ത്താന് ശ്രമിക്കുന്ന യാത്രക്കാര് അയ്യമ്പുഴ: കാലടി പ്ലാന്റേഷന് ഭാഗങ്ങളില് വനത്തില്നിന്ന് എണ്ണപ്പന തോട്ടങ്ങളിലും റോഡുകളിലും ഇറങ്ങുന്ന കാട്ടാനകളുടെ ചിത്രങ്ങളും വീഡീയോകളും പകര്ത്താനുളള യുട്യൂബര്മാരുടെയും ബ്ലോഗര്മാരുടെയും സാഹസിക നീക്കങ്ങള് അപകടകരമാവുന്നു. കഴിഞ്ഞ ദിവസം ഏഴാറ്റുമുഖം ഗണപതി എന്ന കൊമ്പന് വെറ്റിലപ്പാറ അയ്യപ്പ ക്ഷേത്രത്തിന് മുന്നിലെ റോഡില് ഇറങ്ങിയപ്പോള് തൊട്ടടുത്ത് നിന്ന് കുറച്ച് യാത്രക്കാര് ചിത്രം പകര്ത്തുന്ന ദൃശ്യങ്ങള് സമൂഹ മാധ്യമങ്ങളില് വൈറലായിരുന്നു. ഈ സമയം ബൈക്കുകളും കാറുകളും…
വാടകവീട്ടില് ചാക്കില് കെട്ടി സൂക്ഷിച്ച കഞ്ചാവുമായി ദമ്പതികള് പിടിയില്
മോട്ടിലാല് മുര്മു, ഹല്ഗി ഹസ്ദ പെരുമ്പാവൂര്: വാടകവീട്ടിൽ ചാക്കില് കെട്ടി സൂക്ഷിച്ച കഞ്ചാവുമായി അന്തര്സംസ്ഥാനക്കാരായ ദമ്പതികള് പിടിയിലായി. മുര്ഷിദാബാദ് സ്വദേശികളായ മോട്ടിലാല് മുര്മു (29), ഭാര്യ ഹല്ഗി ഹസ്ദ (35) എന്നിവരാണ് അറസ്റ്റിലായത്. കാഞ്ഞിരക്കാട് വാടകക്ക് താമസിക്കുന്ന വീട്ടിൽ ചാക്കില് കെട്ടി സൂക്ഷിച്ചനിലയില് സൂക്ഷിച്ച 9.483 കിലോ കഞ്ചാവാണ് എക്സൈസ് പിടികൂടിയത്. പരിശോധനയില് കഞ്ചാവ് വിറ്റുകിട്ടിയ 50,000 രൂപയും ഇവരില്നിന്ന് കണ്ടെടുത്തു. പ്രതികള് നാട്ടില്നിന്ന് കുറഞ്ഞ വിലക്ക് എത്തിക്കുന്ന കഞ്ചാവ് ഇവിടെ അന്തര്സംസ്ഥാന തൊഴിലാളികള്ക്കിടയിലാണ് വിൽപന നടത്തിയിരുന്നത്.…
മയക്കുമരുന്ന് വിൽപനക്കാരൻ കരുതൽ തടങ്കലിൽ
അജു ജോസഫ് ആലുവ: മയക്കുമരുന്ന് വിൽപനക്കാരനെ പിറ്റ്-എൻ.ഡി.പി.എസ് ആക്ട് പ്രകാരം കരുതൽ തടങ്കലിൽ അടച്ചു. നായരമ്പലം കുടുങ്ങാശേരി അറയ്ക്കൽ വീട്ടിൽ അജു ജോസഫിനെയാണ് (28) പൂജപ്പുര സെൻട്രൽ ജയിലിലടച്ചത്. ജില്ല പൊലീസ് മേധാവി ഡോ. വൈഭവ് സക്സേനയുടെ റിപ്പോർട്ടിന്റെ അടിസ്ഥാനത്തിലാണ് നടപടി. ബംഗളൂരുവിൽനിന്ന് ടൂറിസ്റ്റ് ബസിൽ കടത്തുകയായിരുന്ന 70 ഗ്രാം രാസലഹരി അങ്കമാലിയിൽ വെച്ച് ഇയാളിൽനിന്ന് പിടികൂടിയിരുന്നു. കളമശ്ശേരിയിൽനിന്ന് മൂന്ന് ഗ്രാമോളം എം.ഡി.എം.എ പിടികൂടിയ കേസിലും ഇയാൾ പ്രതിയാണ്.
