Ernakulam News
എം.ഡി.എം.എയുമായി രണ്ടുപേർ പിടിയിൽ
പിടിയിലായ പ്രതികൾ ആലുവ: കാറിൽ എം.ഡി.എം.എ കടത്തുന്നതിനിടെ രണ്ടുപേർ എക്സൈസ് പിടിയിൽ. പത്തനംതിട്ട സ്വദേശി സുമിത്, വയനാട് സ്വദേശി ഷിജിൽ എന്നിവരെയാണ് ആലുവ എക്സൈസ് പിടികൂടിയത്. ദേശീയപാത ആലുവ ബൈപാസിൽ മെട്രോ സ്റ്റേഷൻ പരിസരത്തുവെച്ചാണ് ഇവർ പിടിയിലായത്. 20 ഗ്രാം എം.ഡി.എം.എയാണ് ഇവരിൽനിന്ന് പിടികൂടിയത്. ഇരുവരും ബംഗളൂരുവിൽനിന്നാണ് എം.ഡി.എം.എ കൊണ്ടുവരുന്നത്. ഗ്രാമിന് 3500 രൂപ വീതമാണ് ഈടാക്കിയിരുന്നത്. യു.സി കോളജ്, ചൂണ്ടി, എടത്തല, അൽ അമീൻ കോളജ്, പുക്കാട്ടുപടി തുടങ്ങിയ പ്രദേശങ്ങളിലെ ഹോസ്റ്റലുകൾ കേന്ദ്രീകരിച്ചാണ് വിൽപന നടത്തുന്നത്.…
എ.ടി.എം കവര്ച്ചക്ക് ശ്രമിച്ച പ്രതി പിടിയില്
റജിബുല് ഇസ്ലാം പെരുമ്പാവൂര്: എ.ടി.എം കവര്ച്ചക്ക് ശ്രമിച്ച പ്രതി മണിക്കൂറുകള്ക്കുള്ളില് പിടിയിലായി. അസം നൗഗാവ് സ്വദേശി റജിബുല് ഇസ്ലാമിനെയാണ് (26) പെരുമ്പാവൂര് എ.എസ്.പിയുടെ നേതൃത്വത്തിലുള്ള പ്രത്യേക അന്വേഷണ സംഘം പിടികൂടിയത്. ബുധനാഴ്ച പുലര്ച്ച മൂന്നുമണിയോടെ മുടിക്കല് വഞ്ചിനാട് ജങ്ഷനിലുള്ള എ.ടി.എമ്മാണ് തകര്ത്തത്. ഉച്ചയോടെ സ്റ്റേഷനില് വിവരം ലഭിച്ചതിനെ തുടര്ന്ന് ജില്ല പൊലീസ് മേധാവി എം. ഹേമലതയുടെ മേല്നോട്ടത്തില് പ്രത്യേക സംഘം രൂപവത്കരിച്ച് അന്വേഷണം നടത്തുകയായിരുന്നു. അന്വേഷണത്തില് മുടിക്കലിലുള്ള പ്ലൈവുഡ് കമ്പനിയില്നിന്ന് പ്രതി പിടിയിലായി. കമ്പിപ്പാര ഉപയോഗിച്ചാണ് ഇയാള്…
വൻ മയക്കുമരുന്ന് വേട്ട; രണ്ടുപേർ പിടിയിൽ
റിഷാൻ ,നിബിൻ ആലുവ/അങ്കമാലി: റൂറൽ ജില്ലയിൽ വൻ മയക്കുമരുന്ന് വേട്ട. അങ്കമാലിയിലും ആലുവയിലുമായി 220 ഗ്രാം എം.ഡി.എം.എയും മൂന്ന് കിലോഗ്രാം കഞ്ചാവും പിടികൂടി. അങ്കമാലിയിൽ 200 ഗ്രാം എം.ഡി.എം.എയുമായി കണ്ണൂർ കതിരൂർ നല്ലച്ചേരിമുക്ക് മറിയം വില്ലയിൽ റിഷാൻ മായൻ (32), ആലുവയിൽ 20 ഗ്രാം എം.ഡി.എം.എയും, മൂന്ന് കിലോ കഞ്ചാവുമായി കോട്ടപ്പടി പുത്തൻപുരയിൽ നിബിൻ തങ്കപ്പൻ (39) എന്നിവരെയാണ് റൂറൽ ഡാൻസാഫ് ടീമും അങ്കമാലി, ആലുവ പൊലീസും ചേർന്ന് പിടികൂടിയത്. ജില്ല പൊലീസ് മേധാവി എം. ഹേമലതക്ക്…
മഴക്കാലം ആരംഭിച്ചത് മുതൽ ജില്ലയിൽ നിരവധിയിടങ്ങളിൽ മോഷണം
കൊച്ചി: മഴക്കാലമാണ്, ജാഗ്രത വേണമെന്ന് എല്ലായ്പ്പോഴും പറയാറുണ്ട്, എന്നാൽ ജാഗരൂകരായി ‘കർമനിരതരാ’കുന്നത് മിക്കപ്പോഴും മോഷ്ടാക്കളാണെന്ന് മാത്രം. മഴയെ മോഷണത്തിനുള്ള അനുകൂല സാഹചര്യമാക്കി മാറ്റുന്ന മോഷ്ടാക്കളുടെ എണ്ണം വർധിക്കുന്നു. ഇത്തവണ മഴക്കാലം ആരംഭിച്ചത് മുതൽ ജില്ലയിൽ നിരവധിയിടങ്ങളിലാണ് മോഷണക്കേസുകൾ റിപ്പോർട്ട് ചെയ്യപ്പെട്ടിരിക്കുന്നത്. പണം മുതൽ വാഹനങ്ങൾ വരെ കടത്തിക്കൊണ്ടുപോകുന്ന സംഭവങ്ങളുണ്ടായിട്ടുണ്ട്. മഴ സമയത്ത് മാല പൊട്ടിക്കാനിറങ്ങിയ മോഷ്ടാക്കളെ ആലുവ പൊലീസ് സാഹസികമായി പിടികൂടിയിരുന്നു. തമ്മനം ഭാഗത്ത് നിർമാണത്തിലിരിക്കുന്ന വില്ലയിൽ നിന്ന് ബാത്ത് റൂം ഫിറ്റിങുകളും വയറിങ് സാധനങ്ങളും ഉൾപ്പടെ…
സൗദിയിൽ വാഹനാപകടത്തിൽ എറണാകുളം സ്വദേശി മരിച്ചു
റിയാദ്: മലയാളി കുടുംബം സഞ്ചരിച്ച കാർ അപകടത്തിൽപെട്ട് ഒരു മരണം. എറണാകുളം കിഴക്കമ്പലം സ്വദേശി അജു പോൾ (52) ആണ് മരിച്ചത്. അജുവും കുടുംബവും സഞ്ചരിച്ച കാർ റിയാദ് നഗരത്തിെൻറ കിഴക്ക് നദീമിലാണ് അപകടത്തിൽപ്പെട്ടത്. കഴിഞ്ഞ ശനിയാഴ്ച രാത്രിയിലാണ് സംഭവം. കാറോടിച്ച അജു ഉറങ്ങിപ്പോയതാണ് അപകടകാരണം. കാർ ഇടിച്ചുമറിയുകയായിരുന്നു. പരിക്കേറ്റ എല്ലാവരെയും പൊലീസ് ഉടൻ ആശുപത്രിയിലേക്ക് എത്തിച്ചെങ്കിലും അജു വഴിമധ്യേ മരിച്ചു. വാരിയെല്ലിന് പരിക്കേറ്റ ഭാര്യ സ്മിതയും ഇളയ മകൻ ഇബിസനും റിയാദിലെ ശുമൈസി കിങ് സഊദ്…
നടക്കാവ്-തൃപ്പൂണിത്തുറ റൂട്ടിൽ ഗതാഗതക്കുരുക്ക് അതിരൂക്ഷം; എം.എൽ.എയും മന്ത്രിയും ഇടപെടണം
തൃപ്പൂണിത്തുറ: തിരക്കേറിയ നടക്കാവ്-തൃപ്പൂണിത്തുറ റൂട്ടിൽ ഗതാഗതക്കുരുക്ക് അതിരൂക്ഷം. പുത്തൻകാവ് മുതൽ വാഹനത്തിരക്ക് ഏറെയാണങ്കിലും നടക്കാവ് മുതലാണ് ഏറെ കുരുക്ക്. വിദ്യാലയങ്ങൾകൂടി തുറന്നതോടെ ഏറെ ബുദ്ധിമുട്ടിയാണ് ഈ റൂട്ടിലെ യാത്ര. പലപ്പോഴും വാഹനങ്ങൾ ഒരേദിശയിലേക്ക് രണ്ടുവരിയായാണ് നീങ്ങുന്നത്. ഇത് എതിർദിശയിൽനിന്ന് വരുന്ന വാഹനങ്ങൾക്ക് തടസ്സമാകുന്നു. കോട്ടയം, വൈക്കം, പാലാ ഭാഗങ്ങളിൽനിന്ന് വരുന്നതും പോകുന്നതുമായ ദീർഘദൂര വാഹനങ്ങൾ ഉൾപ്പെടെ റോഡിൽ ഇഴഞ്ഞുനീങ്ങേണ്ടി വരുന്നതോടെ സമയക്രമവും തെറ്റുകയാണ്. രാവിലെയും വൈകീട്ടുമാണ് കുരുക്ക് ഏറുന്നത്. പൂത്തോട്ട ഭാഗത്തുനിന്ന് വൈറ്റില ഭാഗത്തേക്കുവരുന്ന ബസുകൾ രാവിലെ…
സോളാര് പാനല് സ്ഥാപിക്കൽ: ഒമ്പതുലക്ഷം തട്ടിയതായി പരാതി
പെരുമ്പാവൂര്: ഒക്കല് പഞ്ചായത്ത് ഓഫിസില് സോളാര് പാനല് സ്ഥാപിക്കുന്നതിന്റെ പേരില് ഒമ്പതുലക്ഷം തട്ടിയെടുത്തതായി പരാതി. 2023 ജൂലൈ 27ന് കൂടിയ പഞ്ചായത്ത് കമ്മിറ്റിയിലാണ് സോളാര് പാനല് സ്ഥാപിക്കാന് അടങ്കല് തുകയായി 8,80,000 രൂപ കണക്കാക്കി 12 കെ.വി വൈദ്യുതിക്കുള്ള പാനല് സ്ഥാപിക്കാൻ തീരുമാനിച്ചത്. ഇതിനായി 2024 ജനുവരി നാലിന് അനര്ട്ടിന്റ പേരില് വ്യാജ കരാര് ഉണ്ടാക്കിയതായി വിവരാവകാശ രേഖയില് കണ്ടെത്തിയതായി പരാതിക്കാരനായ എന്.കെ. ഷാജഹാന് പറയുന്നു. പഞ്ചായത്ത് സെക്രട്ടറി മാത്രം സീല് വെച്ച് ഒപ്പിട്ട കരാറിന്റ അടിസ്ഥാനത്തില്…
മഴയിൽ മുങ്ങിയ കർഷക സ്വപ്നങ്ങൾ; ജില്ലയിൽ നശിച്ചത് 351.39 ഹെക്ടർ കൃഷി
കൊച്ചി: ജില്ലയിൽ കാലവർഷം ശക്തമായതിനൊപ്പം പൊലിഞ്ഞുവീഴുന്നത് കർഷകരുടെ പ്രതീക്ഷകൾ. ജൂണിൽ ആരംഭിച്ച് ആറു ദിവസത്തിനകം ജില്ലയിൽ നശിച്ചത് 21.26 കോടിയുടെ കാർഷിക വിളകളാണ്. ആകെ 10,551 കർഷകരുടെ വിളകൾക്കാണ് വിവിധയിടങ്ങളിലായി നാശം സംഭവിച്ചത്. ഇതിൽ വാഴകൃഷി മുതൽ തെങ്ങുവരെയുണ്ട്. 351.39 ഹെക്ടർ കൃഷിയാണ് ജില്ലയിൽ മഴക്കെടുതിയിൽ ഇല്ലാതായത്. ജൂൺ ഒന്നു മുതൽ ആറു വരെയുള്ള കൃഷിനാശത്തിന്റെ കണക്കാണിത്. ഏറ്റവും നാശം വാഴകൃഷിയിൽ വാഴ കർഷകർക്കാണ് ഏറ്റവുമധികം നാശനഷ്ടങ്ങളുണ്ടായത്. മൂന്നു ലക്ഷത്തിലേറെ വാഴകൾ കനത്ത കാറ്റിലും മഴയിലും ഒടിഞ്ഞുവീണുവെന്നാണ്…
വിവാഹ സൽക്കാരത്തിൽ പങ്കെടുത്ത150ഓളം പേർക്ക് മഞ്ഞപ്പിത്തം; മാറാടിയിലെ കാറ്ററിങ് സ്ഥാപനം അടച്ചുപൂട്ടാൻ നിർദേശം
മൂവാറ്റുപുഴ: വിവാഹ സൽക്കാരത്തിൽ പങ്കെടുത്ത 150ഓളം പേർക്ക് മഞ്ഞപ്പിത്തം. ആവോലി പഞ്ചായത്തിലെ നടുക്കരയിൽ ഒരു മാസം മുമ്പ് നടന്ന വിവാഹ സൽക്കാരത്തിൽ പങ്കെടുത്തവർക്കാണ് മഞ്ഞപ്പിത്തം ബാധിച്ചത്. ജനപ്രതിനിധികൾ ഉൾപ്പെടെയുള്ളവർക്കാണ് രോഗബാധ സ്ഥിരീകരിച്ചിരിക്കുന്നത്. സംഭവത്തെ തുടർന്ന് ആരോഗ്യവകുപ്പ് വ്യാപക പരിശോധന നടത്തി. ആവോലിക്കു പുറമെ ചടങ്ങിന് ഭക്ഷണം എത്തിച്ച മാറാടി പഞ്ചായത്തിലും വിവാഹചടങ്ങ് നടന്ന ആരക്കുഴ പഞ്ചായത്തിലും പരിശോധന വ്യാപകമാക്കി. ഭക്ഷണം തയാറാക്കി വിളമ്പിയ കാറ്ററിങ് കമ്പനിയിൽ ഉപയോഗിച്ച വെള്ളത്തിൽനിന്നാണ് രോഗബാധ ഉണ്ടായിരിക്കുന്നതെന്നാണ് ആരോഗ്യവിഭാഗത്തിന്റെ നിഗമനം. ഇതേതുടർന്ന് മാറാടിയിൽ…
മൊബൈൽ ഫോണും പണവും കവർന്ന പ്രതികൾ പിടിയിൽ
മുഹമ്മദ് അസ്ലം, നോബിൾ ബോസ് ആലുവ: റെയിൽവേ ട്രാക്കിന് സമീപത്തുവെച്ച് യുവാവിനെ ആക്രമിച്ച് മൊബൈൽ ഫോണും വാച്ചും 3500 രൂപയും കവർച്ച ചെയ്ത കേസിൽ രണ്ടുപേർ അറസ്റ്റിൽ. മലപ്പുറം നിലമ്പൂർ കട്ടുമുണ്ട വെള്ളത്തൊട്ടിയിൽ മുഹമ്മദ് അസ്ലം (28),കോതമംഗലം ഊന്നുകൽ കൊല്ലംപറമ്പിൽ നോബിൾ ബോസ് (25) എന്നിവരെയാണ് റെയിൽവേ പ്രൊട്ടക്ഷൻ ഫോഴ്സിന്റെ സഹായത്തോടെ ആലുവ പൊലീസ് അറസ്റ്റ് ചെയ്തത്. വിവിധ ജില്ലകളിൽ കവർച്ചക്കും വധശ്രമത്തിനും രജിസ്റ്റർ ചെയ്ത കേസുകളിലെ പ്രതികളാണ് ഇരുവരും. കവർച്ച പണംകൊണ്ട് മദ്യവും മയക്കുമരുന്നും ഉപയോഗിക്കുന്നതാണ്…