Politics
മാധ്യമപ്രവർത്തകരുമായി ഗൂഢാലോചന നടത്തിയിട്ടില്ലെന്ന് കെ.എസ്.യു നേതാവ്
കോതമംഗലം: മുഖ്യമന്ത്രിയുടെ വാഹനവ്യൂഹത്തിനുനേരെ ഷൂ എറിഞ്ഞ സംഭവത്തിൽ മാധ്യമപ്രവർത്തകരുമായി ഗൂഢാലോചന നടന്നിട്ടില്ലെന്ന് കേസിലെ ഒന്നാം പ്രതിയും കെ.എസ്.യു സംസ്ഥാന ജനറൽ സെക്രട്ടറിയുമായ ബേസിൽ പാറേക്കുടി. അങ്ങനെ തെളിയിച്ചാൽ രാഷ്ട്രീയ ജീവിതം അവസാനിപ്പിക്കാൻ തയാറാണെന്നും ബേസിൽ പറഞ്ഞു. നവകേരള സദസ്സിനോടനുബന്ധിച്ച് തന്റെ സഹപ്രവർത്തകർ ക്രൂരമായി മർദനത്തിന് ഇരയാക്കപ്പെട്ടപ്പോഴുണ്ടായ പെട്ടെന്നുള്ള പ്രകോപനമാണ് സമരത്തിന് പിന്നിലെന്നും മുൻകൂട്ടി തയാറാക്കിയ സമര പദ്ധതിയായിരുന്നില്ലെന്നും അദ്ദേഹം പറഞ്ഞു.
സ്ത്രീശാക്തീകരണത്തിൽ കുടുംബശ്രീയുടെ പങ്ക് നിർണായകം -മന്ത്രി എം.ബി. രാജേഷ്
കൊച്ചി: കേരളീയ സ്ത്രീജീവിതത്തെ ശാക്തീകരിക്കുന്നതിൽ കുടുംബശ്രീയുടെ പങ്ക് നിർണായകമെന്ന് മന്ത്രി എം.ബി. രാജേഷ്. കലൂർ ജവഹർലാൽ നെഹ്റു സ്റ്റേഡിയം ഗ്രൗണ്ടിൽ ആരംഭിച്ച പത്താമത് ദേശീയ സരസ് മേള ഓൺലൈനായി ഉദ്ഘാടനം ചെയ്യുകയായിരുന്നു മന്ത്രി. ഓൺലൈനായി മന്ത്രി പി. രാജീവ് യോഗത്തിൽ അധ്യക്ഷത വഹിച്ചു. ഉൽപന്ന സ്റ്റാൾ ഉദ്ഘാടനം കോർപറേഷൻ മേയർ എം. അനിൽകുമാർ നിർവഹിച്ചു. ഇന്ത്യൻ ഫുഡ് കോർട്ട് ടി.ജെ. വിനോദ് എം.എൽ.എയും തീം സ്റ്റാൾ കെ. ബാബു എം.എൽ.എയും ഉദ്ഘാടനം ചെയ്തു. സരസ് ടാഗ് ലൈൻ…
ഫിഷറീസ് ഹാർബറിന്റെ സ്തംഭനാവസ്ഥ തുടരുന്നു; രണ്ടാംഘട്ട സമരം തുടങ്ങി
മട്ടാഞ്ചേരി: കൊച്ചി ഫിഷറീസ് ഹാർബർ നവീകരണജോലികളിലെ സ്തംഭനാവസ്ഥ പരിഹരിക്കണമെന്ന് ആവശ്യപ്പെട്ട് ഹാർബർ സംരക്ഷണ സമിതിയുടെ നേതൃത്വത്തിൽ രണ്ടാംഘട്ട സമരം ആരംഭിച്ചു. ഹാർബറിലെ അസി. ട്രാഫിക് മാനേജറുടെ ഓഫിസ് ഉപരോധിച്ചാണ് രണ്ടാംഘട്ട സമരം തുടങ്ങിയത്. 2021-22 കേന്ദ്ര ബജറ്റിൽ രാജ്യത്തെ അഞ്ച് മത്സ്യബന്ധന തുറമുഖങ്ങൾ അന്താരാഷ്ട്ര നിലവാരത്തിലേക്ക് ഉയർത്തുന്നതിന് തെരഞ്ഞെടുത്തതിൽ ഒന്ന് കൊച്ചിയായിരുന്നു. 140 കോടിയുടെ പദ്ധതിയിൽ അത്യാധുനിക മത്സ്യശേഖരണ സംവിധാനങ്ങൾ, കയറ്റിറക്ക് സൗകര്യങ്ങൾ, തൊഴിലാളികൾക്ക് വിശ്രമ കേന്ദ്രം, താപനില നിയന്ത്രിത ലേലകേന്ദ്രം, പാക്കിങ് യൂനിറ്റുകൾ ഉൾപ്പെടെ ഹാർബറിനെ…
മാർപാപ്പയുടെ വിഡിയോ സന്ദേശം: അന്വേഷണം വേണമെന്ന് വൈദിക യോഗം
കൊച്ചി: മാർപാപ്പയുടെ വിഡിയോ സന്ദേശത്തിൽ വസ്തുതകൾക്ക് നിരക്കാത്ത കാര്യങ്ങൾ കടന്നു കൂടിയതിനെക്കുറിച്ച് സമഗ്ര അന്വേഷണം വേണമെന്ന് വൈദികയോഗം ആവശ്യപ്പെട്ടു. അഡ്മിനിസ്ട്രേറ്റര് സ്ഥാനത്തുനിന്ന് വത്തിക്കാന് നീക്കിയ ആര്ച് ബിഷപ് ആന്ഡ്രൂസ് താഴത്ത് ഇനി എറണാകുളം-അങ്കമാലി അതിരൂപതയുടെ വിഷയങ്ങളില് ഇടപെടരുതെന്നും യോഗം ആവശ്യപ്പെട്ടു. ആര്ച് ബിഷപ് സിറില് വാസില് മാധ്യമങ്ങളോട് പറഞ്ഞതുപോലെ സംഭാഷണത്തിന്റെയും ചര്ച്ചകളുടെയും പാതയിലൂടെയാണെങ്കില് അദ്ദേഹത്തോട് സഹകരിക്കുമെന്ന് യോഗാധ്യക്ഷന് ഫാ. ജോസ് ഇടശ്ശേരി പറഞ്ഞു. വസ്തുതാപരമായ തെറ്റുകളും അവ്യക്തതകളും നിറഞ്ഞ സന്ദേശത്തിന്റെ ഉറവിടം ആര്ച് ബിഷപ് ആന്ഡ്രൂസ് താഴത്തും…
കണ്ണൂരിൽ യൂത്ത് കോൺഗ്രസുകാരെ വധിക്കാൻ ശ്രമിച്ചത് രക്ഷാപ്രവര്ത്തനമാണെന്നും അത് തുടരണമെന്നും ആഹ്വാനം ചെയ്ത മുഖ്യമന്ത്രി ക്രിമിനലെന്ന് വി.ഡി. സതീശൻ
ആലുവ: കണ്ണൂരിൽ യൂത്ത് കോൺഗ്രസുകാരെ വധിക്കാൻ ശ്രമിച്ചത് രക്ഷാപ്രവര്ത്തനമാണെന്നും അത് തുടരണമെന്നും ആഹ്വാനം ചെയ്ത പിണറായി വിജയന് ക്രിമിനല് മനസുള്ളയാള് മാത്രമല്ല, ക്രിമിനല് കൂടിയാണെന്ന് പ്രതിപക്ഷ നേതാവ് വി.ഡി. സതീശൻ. പിണറായിക്ക് മുഖ്യമന്ത്രി സ്ഥാനത്ത് തുടരാന് യോഗ്യതയില്ലെന്നും ഇറങ്ങിപ്പോകാന് മടിയാണെങ്കില് കേരള ജനതയോട് മാപ്പ് പറയണമെന്നും അദ്ദേഹം ആലുവയില് നടത്തിയ വാര്ത്താസമ്മേളനത്തിൽ ആവശ്യപ്പെട്ടു. ‘കണ്ണൂരില് കരിങ്കൊടി കാട്ടിയ കെ.എസ്.യു- യൂത്ത്കോണ്ഗ്രസ് പ്രവര്ത്തകരെ സി.പി.എം-ഡി.വൈ.എഫ്.ഐ ഗുണ്ടകള് ക്രൂരമായി മര്ദ്ദിച്ചത് രക്ഷാപ്രവര്ത്തനമാണെന്നും രക്ഷാപ്രവര്ത്തനം നടന്നില്ലായിരുന്നെങ്കില് അവരുടെ ജീവന് അപകടത്തിലാകുമെന്നും അത്…





