പെരിയാർ തീരത്ത് ഇനി വ്യാപാരോത്സവ നാളുകൾ

ആ​ലു​വ: രാ​വി​നെ പ​ക​ലാ​ക്കു​ന്ന വ്യാ​പാ​രോ​ത്സ​വ നാ​ളു​ക​ളി​ലേ​ക്ക് പെ​രി​യാ​ർ തീ​രം. ശി​വ​രാ​ത്രി​യോ​ട​നു​ബ​ന്ധി​ച്ച് ന​ഗ​ര​സ​ഭ ന​ട​ത്തു​ന്ന വ്യാ​പാ​രോ​ത്സ​വ​ത്തി​ന്‍റെ ആ​ഹ്ലാ​ദ​ത്തി​ലാ​ണ് മ​ണ​പ്പു​റ​വും ന​ഗ​ര​വും. ശി​വ​രാ​ത്രി മു​ത​ൽ മൂ​ന്നാ​ഴ്ച​യോ​ളം പെ​രി​യാ​ർ തീ​ര​ത്ത്​ ന​ട​ക്കു​ന്ന വ്യാ​പാ​രോ​ത്സ​വം സ​മീ​പ നാ​ടു​ക​ളു​ടെ കൂ​ടി ഉ​ത്സ​വ​മാ​ണ്. മ​ണ​പ്പു​റ​ത്ത് ന​ഗ​ര​സ​ഭ​യു​ടെ സ്ഥ​ല​ത്ത് മാ​ത്രം നി​ര​വ​ധി വ്യാ​പാ​ര സ്റ്റാ​ളു​ക​ൾ പ്ര​വ​ർ​ത്തി​ക്കു​ന്നു​ണ്ട്. ഇ​തി​നു​പു​റ​മെ ത​റ വി​സ്തീ​ർ​ണം അ​ള​ന്ന് നൂ​റോ​ളം പേ​ർ​ക്ക് ക​ച്ച​വ​ട​ത്തി​നാ​യി ന​ൽ​കി​. ദേ​വ​സ്വം ബോ​ർ​ഡി​ന്‍റെ മ​ണ​പ്പു​റ​ത്തും സ്റ്റാ​ളു​ക​ളു​ണ്ട്.

ന​ഗ​ര​ത്തി​ൽ വി​വി​ധ ഭാ​ഗ​ങ്ങ​ളി​ൽ റോ​ഡ് സൈ​ഡു​ക​ളി​ലും താ​ൽ​കാ​ലി​ക സ്റ്റാ​ളു​ക​ൾ ഇ​ടം പി​ടി​ച്ചി​ട്ടു​ണ്ട്. പ്ര​ധാ​ന​മാ​യും പാ​ല​സ് റോ​ഡി​ലാ​യി​രി​ക്കും സ്റ്റാ​ളു​ക​ൾ പ്ര​വ​ർ​ത്തി​ക്കു​ന്ന​ത്. ബാ​ങ്ക് ക​വ​ല​ക്കും ആ​ശ്ര​മ​ത്തി​നും ഇ​ട​യി​ലാ​യി​രി​ക്കും കൂ​ടു​ത​ൽ സ്റ്റാ​ളു​ക​ൾ. വ്യാ​പാ​ര മേ​ള​ക്ക് കൊ​ഴു​പ്പേ​കു​ന്ന അ​മ്യൂ​സ്മെ​ന്‍റ്​ പാ​ർ​ക്കും മൂ​ന്നാ​ഴ്ച പ്ര​വ​ർ​ത്തി​ക്കും. ശി​വ​രാ​ത്രി​യു​ടെ ഭാ​ഗ​മാ​യു​ള്ള ‘ദ്യ​ശ്യോ​ത്സ​വം’ ഇ​ക്കു​റി​യും മ​ണ​പ്പു​റ​ത്ത് സം​ഘ​ടി​പ്പി​ക്കും. മാ​ര്‍ച്ച് 16ാം തീ​യ​തി ആ​രം​ഭി​ക്കാ​ന്‍ ക​ഴി​യും വി​ധ​മാ​ണ് പ​രി​പാ​ടി ക്ര​മീ​ക​രി​ച്ചി​രി​ക്കു​ന്ന​ത്.�