സ്‌കൂട്ടര്‍ യാത്രക്കാരിയുടെ മാല പൊട്ടിച്ചയാൾ പിടിയിൽ

പെ​രു​മ്പാ​വൂ​ര്‍: മോ​ഷ്ടി​ച്ച ബൈ​ക്കി​ലെ​ത്തി സ്‌​കൂ​ട്ട​ര്‍ യാ​ത്ര​ക്കാ​രി​യു​ടെ മാ​ല പൊ​ട്ടി​ച്ച് ക​ട​ന്ന​യാ​ളെ മ​ണി​ക്കൂ​റു​ക​ള്‍ക്ക​കം വ​ല​യി​ലാ​ക്കി. തോ​പ്പും​പ​ടി മു​ണ്ടം​വേ​ലി​പ്പാ​ലം പ​ള്ളി​പ്പ​റ​മ്പി​ല്‍ വീ​ട്ടി​ല്‍ ആ​ന്റ​ണി അ​ഭി​ലാ​ഷി​നെ​യാ​ണ് (27) പെ​രു​മ്പാ​വൂ​ര്‍ പൊ​ലീ​സ് പി​ന്തു​ട​ര്‍ന്ന് പി​ടി​കൂ​ടി​യ​ത്.

വെ​ള്ളി​യാ​ഴ്ച വൈ​കീ​ട്ട് മൂ​ന്നി​നാ​യി​രു​ന്നു സം​ഭ​വം. പോ​ഞ്ഞാ​ശ്ശേ​രി ക​നാ​ല്‍ ജ​ങ്ഷ​നി​ലെ സൂ​പ്പ​ര്‍മാ​ര്‍ക്ക​റ്റി​ലെ ജോ​ലി ക​ഴി​ഞ്ഞ് വീ​ട്ടി​ലേ​ക്ക് പോ​യ കു​റ്റി​പ്പാ​ടം സ്വ​ദേ​ശി​നി​യു​ടെ മൂ​ന്നു​പ​വ​ന്റെ മാ​ല​യാ​ണ് പൊ​ട്ടി​ച്ചെ​ടു​ത്ത​ത്. ബൈ​ക്കി​ല്‍ പി​ന്തു​ട​ര്‍ന്ന് ഓ​ട്ട​ത്തി​നി​ട​യി​ല്‍ സ്‌​കൂ​ട്ട​ര്‍ ത​ള്ളി​വീ​ഴ്ത്തി പ​രി​ക്കേ​ല്‍പി​ച്ച് മാ​ല ക​വ​രു​ക​യാ​യി​രു​ന്നു. തു​ട​ര്‍ന്ന് പൊ​ലീ​സി​ന്റെ പ്ര​ത്യേ​ക ടീം ​പി​ന്തു​ട​ര്‍ന്ന് മ​ണി​ക്കൂ​റു​ക​ള്‍ക്ക​കം പെ​രു​മ്പാ​വൂ​ര്‍ ടൗ​ണി​ല്‍നി​ന്ന് പ്ര​തി​യെ പി​ടി​കൂ​ടു​ക​യാ​യി​രു​ന്നു. മാ​ല ഇ​യാ​ളു​ടെ പോ​ക്ക​റ്റി​ല്‍നി​ന്ന്​ ക​ണ്ടെ​ടു​ത്തു. മാ​ല പൊ​ട്ടി​ക്കാ​ന്‍ ഉ​പ​യോ​ഗി​ച്ച മോ​ട്ടോ​ര്‍ സൈ​ക്കി​ള്‍ വെ​ള്ളി​യാ​ഴ്ച നോ​ര്‍ത്ത് പ​റ​വൂ​ര്‍ സ്വ​കാ​ര്യ ബ​സ് സ്റ്റാ​ന്‍ഡി​ന്റെ മു​ന്‍വ​ശ​ത്തു​നി​ന്ന് മോ​ഷ്ടി​ച്ച​താ​ണെ​ന്ന് ഇ​യാ​ള്‍ സ​മ്മ​തി​ച്ചു.

കു​റു​പ്പം​പ​ടി​യി​ല്‍ മാ​ല പൊ​ട്ടി​ക്ക​ല്‍, പു​ത്ത​ന്‍കു​രി​ശ്, ചേ​ര്‍ത്ത​ല, കു​ന്ന​ത്തു​നാ​ട് എ​ന്നി​വി​ട​ങ്ങ​ളി​ല്‍ ബൈ​ക്ക് മോ​ഷ​ണം അ​ട​ക്കം ഇ​യാ​ള്‍ ന​ട​ത്തി​യി​ട്ടു​ണ്ടെ​ന്നും 2019ല്‍ ​മ​യ​ക്കു​മ​രു​ന്ന് കേ​സി​ല്‍ ഒ​രു​വ​ര്‍ഷം ജ​യി​ൽ​ശി​ക്ഷ അ​നു​ഭ​വി​ച്ചി​ട്ടു​ണ്ടെ​ന്നും പൊ​ലീ​സ് പ​റ​ഞ്ഞു. എ.​എ​സ്.​പി ശ​ക്തി​സി​ങ് ആ​ര്യ, ഇ​ന്‍സ്‌​പെ​ക്ട​ര്‍ ടി.​എം. സൂ​ഫി, സ​ബ് ഇ​ന്‍സ്‌​പെ​ക്ട​ര്‍ പി.​എം. റാ​സി​ഖ്, അ​സി. സ​ബ് ഇ​ന്‍സ്‌​പെ​ക്ട​ര്‍ പി.​എ. അ​ബ്ദു​ല്‍ മ​നാ​ഫ് തു​ട​ങ്ങി​യ​വ​രാ​ണ് അ​ന്വേ​ഷ​ണ സം​ഘ​ത്തി​ലു​ണ്ടാ​യി​രു​ന്ന​ത്.