206 കുടുംബങ്ങൾക്ക്​ പാർപ്പിടമൊരുക്കി ഔവർ ലേഡീസ് സ്കൂൾ

മ​ട്ടാ​ഞ്ചേ​രി: ഭ​വ​ന ര​ഹി​ത​ർ​ക്കാ​യി ഭ​ര​ണ സം​വി​ധാ​ന​ങ്ങ​ൾ പ്ര​ഖ്യാ​പി​ക്കു​ന്ന പാ​ർ​പ്പി​ട പ​ദ്ധ​തി​ക​ൾ പോ​ലും എ​ങ്ങു​മെ​ത്താ​തെ നി​ൽ​ക്കു​മ്പോ​ൾ ‘ഹൗ​സ് ച​ല​ഞ്ച്’ പ​ദ്ധ​തി​യു​ടെ വി​ജ​യ​ഗാ​ഥ​യി​ലൂ​ടെ വേ​റി​ട്ട മാ​തൃ​ക​യാ​കു​ക​യാ​ണ്​ തോ​പ്പും​പ​ടി ഔ​വ​ർ ലേ​ഡീ​സ് കോ​ൺ​വെ​ന്‍റ്​ ഗേ​ൾ​സ് ഹ​യ​ർ സെ​ക്ക​ൻ​ഡ​റി സ്കൂ​ൾ. വി​ദ്യാ​ർ​ഥി​ക​ളു​ടെ​യും അ​ധ്യാ​പ​ക​രു​ടെ​യും ര​ക്ഷി​താ​ക്ക​ളു​ടെ​യും സ​ഹ​ക​ര​ണ​ത്തോ​ടെ സ്കൂ​ൾ തു​ട​ങ്ങി​വെ​ച്ച പ​ദ്ധ​തി​യി​ൽ ഇ​തി​ന​കം പൂ​ർ​ത്തി​യാ​ക്കി കൈ​മാ​റി​യ​ത് 207 വീ​ടു​ക​ൾ.

പാ​ർ​പ്പി​ട​മി​ല്ലാ​യ്മ​യാ​ണ് കൊ​ച്ചി നേ​രി​ടു​ന്ന ഏ​റ്റ​വും വ​ലി​യ പ്ര​ശ്‌​ന​മെ​ന്ന് തി​രി​ച്ച​റി​ഞ്ഞ്​ സ്കൂ​ളി​ലെ പ്രി​ൻ​സി​പ്പ​ൽ ആ​യി​രു​ന്ന സി​സ്റ്റ​ർ ലി​സി ച​ക്കാ​ല​ക്ക​ലി​ന്‍റെ നേ​തൃ​ത്വ​ത്തി​ലാ​ണ് ‘ഹൗ​സ് ച​ല​ഞ്ച്’ പ​ദ്ധ​തി തു​ട​ങ്ങി​യ​ത്. സ്‌​കൂ​ളി​ലെ ഒ​രു വി​ദ്യാ​ർ​ഥി​ക്ക് വേ​ണ്ടി​യാ​യി​രു​ന്നു ആ​ദ്യ വീ​ട് നി​ർ​മാ​ണം. ഏ​റെ പ്ര​യാ​സ​പ്പെ​ട്ടാ​ണ് ആ​ദ്യ വീ​ട് പൂ​ർ​ത്തി​യാ​ക്കി​യ​തെ​ങ്കി​ലും അ​ധ്യാ​പ​ക​ർ​ക്കും വി​ദ്യാ​ർ​ഥി​ക​ൾ​ക്കും അ​തൊ​രു പ്ര​ചോ​ദ​ന​വും ആ​വേ​ശ​വു​മാ​യി മാ​റി.

പി​ന്നീ​ട് അ​ർ​ഹ​ത​രാ​യ​വ​രെ ക​ണ്ടെ​ത്തി വീ​ട് നി​ർ​മി​ച്ച് ന​ൽ​കു​ന്ന​ത് സി​സ്റ്റ​ർ ലി​സി ഉ​ത്ത​ര​വാ​ദി​ത്ത​മാ​യി ഏ​റ്റെ​ടു​ത്തു. അ​തി​നാ​യി തു​റ​ന്നി​ട്ട പു​തി​യ വ​ഴി​യി​ലൂ​ടെ​യാ​ണ്​ 12 വ​ർ​ഷ​ത്തി​നി​ടെ 207 കു​ടും​ബ​ങ്ങ​ൾ​ക്ക്​ അ​ന്തി​യു​റ​ങ്ങാ​ൻ കി​ട​പ്പാ​ടം ഒ​രു​ങ്ങി​യ​ത്. സ്‌​കൂ​ളി​ലെ വി​ദ്യാ​ർ​ഥി​ക​ൾ, അ​ധ്യാ​പ​ക​ർ, ര​ക്ഷി​താ​ക്ക​ൾ, നാ​ട്ടു​​കാ​ർ, സം​രം​ഭ​ക​ർ എ​ന്നി​ങ്ങ​നെ എ​ല്ലാ​വ​രെ​യും പ​ദ്ധ​തി​ക്കൊ​പ്പം ചേ​ർ​ത്ത് നി​ർ​ത്തി. അ​വ​രി​ൽ നി​ന്ന് സ​ഹാ​യ​ങ്ങ​ൾ തേ​ടി​യാ​ണ് എ​ല്ലാ വീ​ടു​ക​ളു​ടെ​യും നി​ർ​മാ​ണം പൂ​ർ​ത്തീ​ക​രി​ച്ച​ത്.

ഓ​രോ വീ​ട് പൂ​ർ​ത്തി​യാ​കു​മ്പോ​ഴും നി​ര​വ​ധി പേ​ർ വീ​ടി​നാ​യി സി​സ്റ്റ​ർ ലി​സി​യെ സ​മീ​പി​ച്ച് തു​ട​ങ്ങി. നി​ർ​മാ​ണ സാ​മ​ഗ്രി​ക​ൾ സൗ​ജ​ന്യ​മാ​യി ന​ൽ​കാ​ൻ സ​ന്ന​ദ്ധ​രാ​യി പ​ല​രും മു​ന്നോ​ട്ടു​വ​ന്നു. ‘‘വീ​ട് വെ​റു​മൊ​രു കെ​ട്ടി​ട​മ​ല്ല. ഒ​രു കു​ടും​ബ​ത്തി​ന് ന​ല്ലൊ​രു വീ​ട് ല​ഭി​ക്കു​മ്പോ​ൾ അ​വ​രു​ടെ മാ​ന​സി​ക നി​ല ത​ന്നെ മാ​റു​ക​യാ​ണ്. അ​വി​ടെ പു​തി​യ ജീ​വി​ത​ങ്ങ​ൾ പൂ​വി​ടു​ക​യാ​ണ്’-​പ്രി​ൻ​സി​പ്പ​ൽ സ്ഥാ​ന​ത്ത്​ നി​ന്ന്​ വി​ര​മി​ച്ച സി​സ്റ്റ​ർ ലി​സി​യു​ടെ വാ​ക്കു​ക​ൾ.

ഒ​രു വീ​ട് പ​ണി​യു​ക എ​ന്ന​ത്​ ത​ന്നെ ദു​ഷ്‌​ക​ര​മാ​യ കാ​ല​ത്ത് ഒ​രു വ​ർ​ഷം കു​റ​ഞ്ഞ​ത് 17 വീ​ട് വ​രെ നി​ർ​മി​ച്ചാ​ണ്​ ‘ഹൗ​സ്​ ച​ല​ഞ്ച്​’ വീ​ടി​ല്ലാ​ത്ത​വ​ർ​ക്ക്​ ത​ണ​ലാ​യ​ത്. വെ​ല്ലു​വി​ളി​ക​ളെ നി​ശ്​​ച​യ​ദാ​ർ​ഢ്യ​ത്തോ​ടെ നേ​രി​ട്ട്​ ഒ​രേ സ​മ​യം പ​ല വീ​ടു​ക​ളു​ടെ പ​ണി ഏ​റ്റെ​ടു​ത്തു. അ​നാ​വ​ശ്യ ചെ​ല​വു​ക​ളൊ​ക്കെ ഒ​ഴി​വാ​ക്കി സ​വി​ശേ​ഷ രീ​തി​യി​ലാ​യി​രു​ന്നു നി​ർ​മാ​ണം. എ​ന്നാ​ൽ പ​ണി​ത​തെ​ല്ലാം മ​നോ​ഹ​ര വീ​ടു​ക​ളാ​യി​രു​ന്നു. അ​ഞ്ച് ല​ക്ഷം മു​ത​ൽ ഏ​ഴ് ല​ക്ഷം രൂ​പ വ​രെ​യാ​യി​രു​ന്നു ചെ​ല​വ്. ഭ​വ​ന നി​ർ​മാ​ണ രം​ഗ​ത്ത് കൊ​ച്ചി​യി​ൽ നി​ശ​ബ്ദ​മാ​യ ഒ​രു വി​പ്ല​വ​ത്തി​നാ​ണ് ‘ഹൗ​സ്​ ച​ല​ഞ്ചി’​ലൂ​ടെ ഔ​വ​ർ ലേ​ഡീ​സ് സ്കൂ​ൾ തു​ട​ക്ക​മി​ട്ട​ത്.