ആട്ടിൻകാഷ്ഠമെന്ന പേരിൽ വ്യാജ ജൈവ വളം വി​ൽ​പ്പന സ​ജീ​വം

കൂ​ത്താ​ട്ടു​കു​ളം: കോ​ഴി​വ​ളം നി​രോ​ധി​ച്ച​തോ​ടെ, ആ​ട്ടി​ൻ കാ​ഷ്ഠ​മെ​ന്ന പേ​രി​ൽ വ്യാ​ജ ജൈ​വ വ​ള വി​ൽ​പ​ന സ​ജീ​വം . ഇ​ത് ദു​ർ​ഗ​ന്ധ​ത്തി​നും പ​രി​സ​ര​മ​ലി​നീ​ക​ര​ണ​ത്തി​നു​മി​ട​യാ​ക്കു​ന്ന​താ​യി പ​രാ​തി​യു​ണ്ട്. സ​ർ​ക്കാ​ർ ഫാ​മി​ലെ ആ​ട്ടി​ൻ​കാ​ഷ്ഠ വ​ള​മാ​ണെ​ന്ന പേ​രി​ലാ​ണ്​ ഏ​ജ​ൻ​സി​ക​ൾ വ്യാ​ജ ജൈ​വ വ​ളം എ​ത്തി​ക്കു​ന്ന​ത്.

സ​ർ​ക്കാ​ർ ഫാ​മി​ലെ വ​ള​മാ​ണെ​ന്ന​തി​ന് ലേ​ബ​ലോ ഏ​ജ​ൻ​സി​ക്കാ​രു​ടെ കൈ​വ​ശം ആ​ധി​കാ​രി​ക​മാ​യ രേ​ഖ​ക​ളോ ഇ​ല്ല. കൂ​ത്താ​ട്ടു​കു​ളം ന​ഗ​ര​സ​ഭ​യി​ലെ ജ​ന​സാ​ന്ദ്ര​ത​യേ​റി​യ സൗ​ത്ത് റെ​സി​ഡ​ൻ​റ്സ് പ്ര​ദേ​ശ​ത്ത് പ​തി​വാ​യി ജൈ​വ​വ​ള​മെ​ന്ന പേ​രി​ൽ ചാ​ക്കി​ൽ നി​റ​ച്ച മാ​ലി​ന്യം വാ​ഹ​ന​ങ്ങ​ളി​ലെ​ത്തി​ച്ച് അ​ട്ടി​യി​ട്ട് വെ​ക്കു​ക​യാ​ണ്. മ​ഴ​ക്കാ​ല​മാ​യ​തോ​ടെ ചാ​ക്കി​ൽ നി​ന്ന് ദു​ർ​ഗ​ന്ധം വ​മി​ച്ച് ജ​ന​ങ്ങ​ൾ​ക്ക് ബു​ദ്ധി​മു​ട്ടു​ണ്ടാ​ക്കു​ന്നു.വെ​ള്ളി​യാ​ഴ്ച രാ​വി​ലെ ആ​ട്ടി​ൻ​കാ​ഷ്ഠ വ​ള​മെ​ന്ന പേ​രി​ൽ മാ​ലി​ന്യം നി​റ​ച്ച ഇ​രു​ന്നൂ​റി​ല​ധി​കം ചാ​ക്കു​ക​ൾ സ്ഥ​ല​ത്തെ​ത്തി​യ​പ്പോ​ൾ നാ​ട്ടു​കാ​ർ ന​ഗ​ര​സ​ഭ അ​ധി​കൃ​ത​രെ​യും പൊ​ലീ​സി​നെ​യും വി​വ​ര​മ​റി​യി​ച്ചു. ന​ഗ​ര​സ​ഭ ആ​രോ​ഗ്യ വി​ഭാ​ഗം സ്ഥ​ല​ത്തെ​ത്തി പ​രി​ശോ​ധ​ന ന​ട​ത്തി. ദു​ർ​ഗ​ന്ധം വ​മി​ക്കു​ന്ന ചാ​ക്കു​ക​ൾ മാ​റ്റാ​ൻ അ​ധി​കൃ​ത​ർ നി​ർ​ദേ​ശി​ച്ചു. മാ​ലി​ന്യം കൃ​ഷി​യാ​വ​ശ്യ​ത്തി​നാ​ണെ​ന്നും രേ​ഖ​ക​ളും ബി​ല്ലും വേ​ണ്ടെ​ന്നു​മാ​ണ് ഏ​ജ​ൻ​സി​ക്കാ​രു​ടെ വാ​ദം.

മ​ഴ​ക്കാ​ല​മാ​യ​തോ​ടെ കി​ഴ​ക്ക​ൻ മേ​ഖ​ല​യി​ലെ ക​ർ​ഷ​ക​രെ വി​ല​കു​റ​ഞ്ഞ വ​ളം, സ​ർ​ക്കാ​ർ ഫാ​മി​ലെ വ​ളം എ​ന്നൊ​ക്കെ പ​റ​ഞ്ഞ് വി​ശ്വ​സി​പ്പി​ച്ചാ​ണ് ഏ​ജ​ൻ​സി​ക​ൾ അ​ന​ധി​കൃ​ത ക​ച്ച​വ​ട​ത്തി​ലൂ​ടെ ല​ക്ഷ​ങ്ങ​ൾ ത​ട്ടു​ന്ന​ത്.പു​ന​ലൂ​രി​ലെ ഫാ​മി​ൽ നി​ന്ന്​ ന​ൽ​കു​ന്ന സാ​ധ​ന​ങ്ങ​ൾ​ക്ക് കൃ​ത്യ​മാ​യ ബി​ല്ലും രേ​ഖ​ക​ളും ന​ൽ​കാ​റു​ണ്ടെ​ന്ന് അ​ധി​കൃ​ത​ർ പ​റ​ഞ്ഞു. കി​ലോ​ക്ക്​ മൂ​ന്ന് രൂ​പ പ്ര​കാ​ര​മാ​ണ് ആ​ട്ടി​ൻ​കാ​ഷ്ഠം ന​ൽ​കു​ന്ന​ത്. ഒ​രു കി​ലോ ര​ണ്ട് കി​ലോ പാ​യ്ക്ക​റ്റു​ക​ളി​ലാ​ക്കി​യും ന​ൽ​കു​ന്നു​ണ്ട്. ജ​ലാം​ശ​മു​ള്ള ആ​ട്ടി​ൻ​കാ​ഷ്ഠം ന​ൽ​കു​മ്പോ​ൾ പ്ര​ത്യേ​ക നി​ർ​ദേ​ശം ന​ൽ​കാ​റു​ണ്ടെ​ന്ന് ഫാം ​ഹൗ​സ് ചു​മ​ത​ല​യു​ള്ള ഡോ. ​സു​രേ​ഷ് പ​റ​ഞ്ഞു. ജൈ​വ വ​ള​മെ​ന്ന പേ​രി​ൽ പ​രി​സ​ര മ​ലി​നീ​ക​ര​ണ​ത്തി​നി​ട​യാ​ക്കു​ന്ന അ​ന​ധി​കൃ​ത​മാ​യ സാ​ധ​ന​ങ്ങ​ൾ രേ​ഖ​ക​ളി​ല്ലാ​തെ കൃ​ഷി​സ്ഥ​ല​ങ്ങ​ളി​ൽ ഇ​റ​ക്കി അ​മി​ത​മാ​യി പ​ണം ത​ട്ടു​ന്ന ഏ​ജ​ൻ​സി​ക​ളെ സം​ബ​ന്ധി​ച്ച് അ​ന്വേ​ഷ​ണം ന​ട​ത്തു​മെ​ന്ന് ചെ​യ​ർ​പേ​ഴ്സ​ൺ വി​ജ​യ ശി​വ​ൻ, വൈ​സ് ചെ​യ​ർ​മാ​ൻ സ​ണ്ണി കു​ര്യാ​ക്കോ​സ് എ​ന്നി​വ​ർ പ​റ​ഞ്ഞു.