തെളിയിക്കപ്പെടാതെ മാർച്ചിലെ കൊലപാതകങ്ങൾ

കോ​ത​മം​ഗ​ലം: തെ​ളി​യി​ക്ക​പ്പെ​ടാ​ത്ത കേ​സു​ക​ളി​ലേ​ക്ക് ചേ​ലാ​ട് സാ​റാ​മ്മ കൊ​ല​പാ​ത​ക​വും. 2024 മാ​ർ​ച്ച് 25ന് ​ന​ട​ന്ന കൊ​ല​പാ​ത​ക​ത്തി​ലെ പ്ര​തി​ക​ളെ ക​ണ്ടെ​ത്താ​ൻ അ​ന്വേ​ഷ​ണ സം​ഘ​ത്തി​ന് ക​ഴി​ഞ്ഞി​ട്ടി​ല്ല. ചേ​ലാ​ട് ക​ള്ളാ​ട്ടി​ല്‍ ചെ​ങ്ങ​മ​നാ​ട്ട് സാ​റാ​മ്മ ഏ​ലി​യാ​സ് വീ​ട്ടി​നു​ള്ളി​ല്‍ പ​ട്ടാ​പ്പ​ക​ലാ​ണ് കൊ​ല്ല​പ്പെ​ട്ട​ത്. ക​ഴു​ത്തി​നു​ൾ​പ്പെ​ടെ വെ​ട്ടേ​റ്റ​താ​യി​രു​ന്നു സാ​റാ​മ്മ​യു​ടെ മ​ര​ണ കാ​ര​ണം. ആ​ഭ​ര​ണ​ങ്ങ​ള്‍ മോ​ഷ്ടി​ക്ക​പ്പെ​ടു​ക​യും ചെ​യ്തു. മോ​ഷ​ണ​ത്തി​ന് വേ​ണ്ടി​യു​ള്ള​താ​ണ് കൊ​ല​പാ​ത​കം എ​ന്നാ​ണ് നി​ഗ​മ​നം. കൃ​ത്യം നി​ര്‍വ​ഹി​ച്ച​ത് ആ​രെ​ന്ന​തി​നെ​ക്കു​റി​ച്ച് സൂ​ച​ന​പോ​ലും ല​ഭി​ക്കാ​തെ അ​ന്വേ​ഷ​ണ​സം​ഘം ഇ​രു​ട്ടി​ൽ ത​പ്പു​ക​യാ​ണ്. മാ​സ​ങ്ങ​ളോ​ളം ലോ​ക്ക​ല്‍ പൊ​ലീ​സ് പ്ര​ത്യേ​ക സം​ഘ​ത്തെ നി​യോ​ഗി​ച്ച് അ​ന്വേ​ഷ​ണം ന​ട​ത്തി​യ​ശേ​ഷം കേ​സ് ക്രൈം​ബ്രാ​ഞ്ചി​ന് കൈ​മാ​റി​യെ​ങ്കി​ലും പ്ര​തി​ക​ളി​ലേ​ക്ക് എ​ത്താ​ൻ അ​വ​ര്‍ക്കും ക​ഴി​ഞ്ഞി​ട്ടി​ല്ല. അ​ന്വേ​ഷ​ണ​ത്തി​ന്‍റെ തു​ട​ക്ക​ത്തി​ലു​ണ്ടാ​യ വീ​ഴ്ച​ക​ള്‍ തി​രി​ച്ച​ടി​യാ​യെ​ന്നും വി​ല​യി​രു​ത്ത​ലു​ണ്ട്. ഒ​രു വ​ര്‍ഷ​മാ​യി​ട്ടും കൊ​ല​പാ​ത​കി​ക​ളെ ക​ണ്ടെ​ത്താ​ന്‍ ക​ഴി​യാ​ത്ത​തി​ല്‍ കു​ടും​ബാം​ഗ​ങ്ങ​ള്‍ക്ക് നി​രാ​ശ​യു​ണ്ട്.

അ​ന്വേ​ഷ​ണം സി.​ബി.​ഐ​ക്ക് വി​ട​ണ​മെ​ന്ന് നേ​ര​ത്തേ​ത​ന്നെ ആ​വ​ശ്യ​മു​യ​ര്‍ന്നി​രു​ന്നു. അ​ന്വേ​ഷ​ണം നീ​ളു​ന്ന സാ​ഹ​ച​ര്യ​ത്തി​ല്‍ സി.​ബി.​ഐ അ​ന്വേ​ഷ​ണ​ത്തി​നാ​യി കോ​ട​തി​യെ സ​മീ​പി​ക്കു​ന്ന​തി​നെ​ക്കു​റി​ച്ച് ആ​ലോ​ചി​ക്കു​മെ​ന്ന് മ​ക​ന്‍ എ​ല്‍ദോ​സ് ഏ​ലി​യാ​സ് പ​റ​ഞ്ഞു. സാ​റാ​മ്മ​യു​ടെ വീ​ടി​ന് സ​മീ​പ​ത്ത് താ​മ​സി​ച്ചി​രു​ന്ന അ​ന്ത​ർ​സം​സ്ഥാ​ന തൊ​ഴി​ലാ​ളി​ക​ളെ കേ​ന്ദ്രീ​ക​രി​ച്ചാ​യി​രു​ന്നു പൊ​ലീ​സി​ന്‍റെ ആ​ദ്യ അ​ന്വേ​ഷ​ണം. പി​ന്നീ​ട് പ്ര​ദേ​ശ​വാ​സി​ക​ളാ​യ മൂ​ന്നു​പേ​രി​ല്‍ കേ​ന്ദ്രീ​ക​രി​ച്ചു. ഇ​തി​ല്‍ ഒ​രാ​ള്‍ പൊ​ലീ​സി​നോ​ട് കു​റ്റ​സ​മ്മ​തം ന​ട​ത്തി​യെ​ങ്കി​ലും മ​ദ്യ​ല​ഹ​രി​യി​ൽ ന​ട​ത്തി​യ കു​റ്റ​സ​മ്മ​തം ക​ഴ​മ്പി​ല്ലാ​ത്ത​താ​ണെ​ന്ന് തി​രി​ച്ച​റി​യു​ക​യാ​യി​രു​ന്നു. അ​ന്വേ​ഷ​ണം ഏ​റ്റെ​ടു​ത്ത് എ​ട്ടു​മാ​സ​ത്തി​നു​ള്ളി​ല്‍ ക്രൈം​ബ്രാ​ഞ്ചും പ​ല​രെ​യും ചോ​ദ്യം​ചെ​യ്തെ​ങ്കി​ലും പ്ര​തി​ക​ളി​ലേ​ക്ക് എ​ത്താ​നാ​യി​ട്ടി​ല്ല. ഒ​രു വ​ർ​ഷം പൂ​ർ​ത്തി​യാ​കു​മ്പോ​ൾ മേ​ഖ​ല​യി​ൽ വ​ർ​ഷ​ങ്ങ​ൾ​ക്കു​മു​മ്പ്​ ന​ട​ന്ന ര​ണ്ട് വീ​ട്ട​മ്മ​മാ​രു​ടെ കൊ​ല​പാ​ത​ക​ക്കേ​സു​ക​ളു​ടെ വ​ഴി​യെ​യാ​ണ് ഇ​തെ​ന്ന ആ​ശ​ങ്ക​യാ​ണ് നാ​ട്ടു​കാ​രി​ൽ.

2009 മാ​ർ​ച്ച് 11ന് ​ചെ​റു​വ​ട്ടൂ​രി​ൽ അ​ധ്യാ​പി​ക ക​രി​പ്പാ​ലാ​ക്കു​ടി നി​നി ബി​ജു​വും 2021 മാ​ർ​ച്ച് ഏ​ഴി​ന് അ​യി​രൂ​ർ​പാ​ട​ത്ത് പാ​ണ്ട്യാ​ർ​പ്പി​ള്ളി ആ​മി​ന അ​ബ്‌​ദു​ൽ​ഖാ​ദ​റും കൊ​ല്ല​പ്പെ​ട്ട കേ​സു​ക​ളി​ൽ ക്രൈം​ബ്രാ​ഞ്ച് അ​ന്വേ​ഷ​ണം തു​ട​രു​ന്നു​ണ്ടെ​ങ്കി​ലും പ്ര​തി​ക​ൾ ഇ​പ്പോ​ഴും കാ​ണാ​മ​റ​യ​ത്താ​ണ്. നി​നി സ​മീ​പ​ത്തെ തോ​ട്ടി​ൽ കു​ളി​ക്കാ​ൻ പോ​യ​പ്പോ​ഴും ആ​മി​ന സ​മീ​പ​ത്തെ പാ​ട​ത്ത് പു​ല്ലു മു​റി​ക്കാ​ൻ പോ​യ​പ്പോ​ഴു​മാ​ണ് കൊ​ല്ല​പ്പെ​ട്ട​ത്. ക്രൈം​ബ്രാ​ഞ്ച് അ​ന്വേ​ഷ​ണ​ത്തി​ൽ ഫ​ല​മു​ണ്ടാ​കാ​ത്ത​തി​നാ​ൽ ര​ണ്ട് കേ​സു​ക​ളും സി.​ബി.​ഐ​ക്ക്​ വി​ട​ണ​മെ​ന്ന് ആ​വ​ശ്യ​മു​യ​ർ​ന്നെ​ങ്കി​ലും ന​ട​പ​ടി​യു​ണ്ടാ​യി​ട്ടി​ല്ല.