അപകടഭീഷണിയുയർത്തി കച്ചേരിത്താഴത്തെ കുഴി

മൂ​വാ​റ്റു​പു​ഴ: ന​ഗ​ര​റോ​ഡ് വി​ക​സ​ന​ത്തി​ന്‍റെ ഭാ​ഗ​മാ​യി ക​ച്ചേ​രി​ത്താ​ഴം പാ​ല​ത്തി​ന്​ സ​മീ​പം കെ.​എ​സ്.​ഇ.​ബി കു​ഴി​ച്ച കു​ഴി ഗ​താ​ഗ​ത​ക്കു​രു​ക്കി​നും അ​പ​ക​ട​ങ്ങ​ൾ​ക്കും കാ​ര​ണ​മാ​കു​ന്നു. പാ​ല​ത്തി​നോ​ട് ചേ​ർ​ന്നാ​ണ് റോ​ഡി​ൽ കു​ഴി​യെ​ടു​ത്തി​രി​ക്കു​ന്ന​ത്. കു​ഴി ഗ​താ​ഗ​ത​ക്കു​രു​ക്ക്​ സൃ​ഷ്ടി​ക്കു​ന്നു​വെ​ന്ന് ചൂ​ണ്ടി​ക്കാ​ട്ടി നാ​ട്ടു​കാ​ർ രം​ഗ​ത്തു​വ​ന്നി​ട്ടും ന​ട​പ​ടി​യു​ണ്ടാ​യി​ല്ല. ട്രാ​ഫി​ക് പൊ​ലീ​സും ഇ​ക്കാ​ര്യം അ​ധി​കൃ​ത​രെ അ​റി​യി​ച്ചി​ട്ടും കു​ഴി പൂ​ർ​ണ​മാ​യി അ​ട​ക്കാ​ൻ ത​യാ​റാ​യി​ട്ടി​ല്ല.

റോ​ഡ് ന​വീ​ക​ര​ണ​ത്തി​ന്റെ ഭാ​ഗ​മാ​യി ക​ച്ചേ​രി​ത്താ​ഴം പാ​ല​ത്തി​ന്​ സ​മീ​പം കൂ​റ്റ​ൻ ട്രാ​ൻ​സ്​​ഫോ​ർ​മ​റും ആ​ർ.​എം.​യു യൂ​നി​റ്റും സ്ഥാ​പി​ക്കു​ക​യും ചെ​യ്തി​രു​ന്നു. ഭൂ​മി​ക്ക​ടി​യി​ലൂ​ടെ കെ.​എ​സ്.​ഇ.​ബി ഭൂ​ഗ​ർ​ഭ കേ​ബി​ളു​ക​ൾ സ്ഥാ​പി​ക്കു​ന്ന​തി​ന്റെ ജോ​ലി​ക​ളും ഇ​വി​ടെ കേ​ന്ദ്രീ​ക​രി​ച്ചാ​ണ് ന​ട​ന്ന​ത്. ഇ​തി​ന്റെ ഭാ​ഗ​മാ​യാ​ണ് റോ​ഡി​ന്റെ ടാ​റി​ങ് ഉ​ൾ​പ്പെ​ടെ പൊ​ളി​ച്ച് കു​ഴി​യെ​ടു​ത്ത​ത്. എ​ന്നാ​ൽ, കു​ഴി മൂ​ടി​യി​രി​ക്കു​ന്ന​ത് അ​ശാ​സ്ത്രീ​യ​മാ​യാ​ണ്.

കു​ഴി പൂ​ർ​ണ​മാ​യും മൂ​ടാ​ത്ത​തും ടാ​ർ ചെ​യ്യാ​ത്ത​തും ന​ഗ​ര​ത്തി​ൽ ഗ​താ​ഗ​ത​ക്കു​രു​ക്കി​നും അ​പ​ക​ട​ങ്ങ​ൾ വ​ർ​ധി​ക്കാ​നും കാ​ര​ണ​മാ​യി​രി​ക്കു​ക​യാ​ണ്. ക​ഴി​ഞ്ഞ ദി​വ​സ​ങ്ങ​ളി​ൽ ഇ​രു​ച​ക്ര വാ​ഹ​ന​ങ്ങ​ൾ കു​ഴി​യി​ൽ വീ​ണ് അ​പ​ക​ട​ങ്ങ​ളു​ണ്ടാ​യി​രു​ന്നു. ഇ​ക്കാ​ര്യ​ങ്ങ​ൾ പൊ​ലീ​സ് കെ.​ആ​ർ.​എ​ഫ്.​ബി, പൊ​തു​മ​രാ​മ​ത്ത് ഉ​ദ്യോ​ഗ​സ്ഥ​രെ അ​റി​യി​ച്ചി​രു​ന്നെ​ങ്കി​ലും ന​ട​പ​ടി​യു​ണ്ടാ​യി​ട്ടി​ല്ല. അ​ടി​യ​ന്ത​ര​മാ​യി കു​ഴി ശാ​സ്ത്രീ​യ​മാ​യി മൂ​ടി ടാ​ർ ചെ​യ്യ​ണ​മെ​ന്നാ​ണ് ആ​വ​ശ്യം. അ​ല്ലാ​ത്ത​പ​ക്ഷം വ​ലി​യ അ​പ​ക​ട​ങ്ങ​ൾ​ക്കും മ​റ്റും കാ​ര​ണ​മാ​യേ​ക്കും.

ന​ഗ​ര​വി​ക​സ​നം വേ​ഗ​ത്തി​ലാ​ണ് ന​ട​ക്കു​ന്ന​ത്. നി​ല​വി​ൽ ക​ച്ചേ​രി​ത്താ​ഴ​ത്ത് കോ​ൺ​ക്രീ​റ്റ് ചേം​ബ​റു​ക​ൾ സ്ഥാ​പി​ക്കു​ന്ന​ത്​ പൂ​ർ​ത്തി​യാ​യി​വ​രു​ന്നു. ക​ൾ​വെ​ർ​ട്ട​റു​ക​ളു​ടെ ജോ​ലി​യും പു​രോ​ഗ​മി​ക്കു​ക​യാ​ണ്. അ​ര​മ​ന​പ്പ​ടി, വ​ള്ള​ക്കാ​ലി​ൽ ജ​ങ്ഷ​ൻ, ക​ച്ചേ​രി​ത്താ​ഴം എ​ന്നി​വി​ട​ങ്ങ​ളി​ലാ​ണ് ക​ൾ​വെ​ർ​ട്ടു​ക​ൾ നി​ർ​മി​ക്കു​ന്ന​ത്. ക​ൾ​വെ​ർ​ട്ടു​ക​ളു​ടെ പ​ണി ന​ട​ക്കു​ന്ന​തും ടി.​ബി റോ​ഡ് അ​ട​ച്ച​തും​മൂ​ലം വ​ൻ ഗ​താ​ഗ​ത​ക്കു​രു​ക്കാ​ണ് ന​ഗ​ര​ത്തി​ലു​ണ്ടാ​വു​ന്ന​ത്.