സംസ്ഥാനത്തെ സുരക്ഷിത കടൽത്തീരങ്ങളുടെ പട്ടിക; ഫോർട്ട്​കൊച്ചി ബീച്ചിന്‍റെ ഗ്രാഫ് ഇടിയുന്നു

ഫോ​ർ​ട്ട്​​കൊ​ച്ചി: കേ​ര​ള​ത്തി​ലെ സു​ര​ക്ഷി​ത ക​ട​ൽ​ത്തീ​ര​ങ്ങ​ളു​ടെ പ​ട്ടി​ക​യി​ൽ ഫോ​ർ​ട്ട്​​കൊ​ച്ചി ബീ​ച്ചി​ന്‍റെ സ്ഥാ​നം താ​ഴേ​ക്ക് ഇ​ടി​യു​ന്നു. വി​വി​ധ ട്രാ​വ​ൽ ബ്ലോ​ഗു​ക​ളും ടു​റി​സം ഏ​ജ​ൻ​സി​ക​ളും പ്ര​സി​ദ്ധീ​ക​രി​ക്കു​ന്ന സു​ര​ക്ഷി​ത ക​ട​ൽ​ത്തീ​ര പ​ട്ടി​ക​യി​ലാ​ണ് രാ​ഷ്ട്ര​പി​താ​വ് മ​ഹാ​ത്മാ​ഗാ​ന്ധി​യു​ടെ നാ​മ​ധേ​യ​ത്തി​ലു​ള്ള ഫോ​ർ​ട്ട്​ കൊ​ച്ചി ക​ട​ൽ​ത്തീ​രം പ​ത്താം സ്ഥാ​ന​ത്തേ​ക്ക്​ പ​തി​ച്ച​ത്.

ആ​ഗോ​ള ടൂ​ർ ഗൈ​ഡ് ബ്ലോ​ഗു​ക​ളി​ലും കൊ​ച്ചി തീ​രം സു​ര​ക്ഷി​ത പ​ട്ടി​ക​യി​ൽ പ​ത്താം സ്ഥാ​ന​ത്താ​ണ്. ഒ​രു കാ​ല​ത്ത് സ​ഞ്ചാ​രി​ക​ളു​ടെ പ​റു​ദീ​സ എ​ന്ന് വി​ശേ​ഷി​പ്പി​ച്ചി​രു​ന്ന തീ​ര​മാ​ണ് സം​സ്ഥാ​ന പ​ട്ടി​ക​യി​ൽ പോ​ലും താ​ഴേ​ക്ക് പോ​കു​ന്ന​ത്. നീ​ണ്ട 444 വ​ർ​ഷ​ങ്ങ​ളി​ലാ​യി മൂ​ന്ന് പാ​ശ്ചാ​ത്യ രാ​ജ്യ​ങ്ങ​ളു​ടെ അ​ധി​നി​വേ​ശ ച​രി​ത്രം പേ​റു​ന്ന ഒ​ട്ടേ​റെ പ​ട​യോ​ട്ട​ങ്ങ​ൾ​ക്ക് സാ​ക്ഷ്യം വ​ഹി​ച്ച തീ​രം സ​ഞ്ചാ​രി​ക​ളു​ടെ ഇ​ഷ്ട തീ​ര​മാ​യി​രു​ന്നു. തീ​രം ക​ട​ലെ​ടു​ത്ത​തോ​ടെ​യാ​ണ് പ​ഴ​യ പ്രൗ​ഢി ന​ഷ്ട​പ്പെ​ട്ട് തു​ട​ങ്ങി​യ​ത്.

പി​ന്നീ​ട് ഭ​ര​ണാ​ധി​കാ​രി​ക​ളു​ടെ അ​വ​ഗ​ണ​ന​യും പ്ര​താ​പം ക്ഷ​യി​പ്പി​ച്ചു. ഒ​ട്ടേ​റെ ടൂ​റി​സം സാ​ധ്യ​ത​യു​ള്ള മേ​ഖ​ല​ക്ക് അ​ർ​ഹ​മാ​യ പ​രി​ഗ​ണ​ന അ​ധി​കൃ​ത​ർ ന​ൽ​കാ​ത്ത​താ​ണ് ഇ​തി​ന്​ കാ​ര​ണ​മെ​ന്ന് ടൂ​റി​സം രം​ഗ​ത്തു​ള്ള​വ​ർ പ​റ​യു​ന്നു. സു​ര​ക്ഷി​ത​ത്വം, ശു​ചി​ത്വ സം​ര​ക്ഷ​ണം തു​ട​ങ്ങി വി​വി​ധ ഘ​ട​ക​ങ്ങ​ളു​ടെ പോ​രാ​യ്മ​ക​ളാ​ണ് കൊ​ച്ചി തീ​ര​ത്തി​ന് തി​രി​ച്ച​ടി​യാ​യ​തെ​ന്നാ​ണ് ഇ​വ​ർ ചൂ​ണ്ടി​ക്കാ​ട്ടു​ന്ന​ത്.

തീ​ര​ത്തെ നാ​യ്​​ക്കൂ​ട്ടം, ക​ന്നു​കാ​ലി ശ​ല്യം, വി​ദേ​ശ സ​ഞ്ചാ​രി​ക​ൾ നേ​രി​ടു​ന്ന അ​പ​ക​ട​ങ്ങ​ൾ, മാ​ലി​ന്യം കു​മി​ഞ്ഞു​കൂ​ടി കി​ട​ക്കു​ന്ന കാ​ഴ്ച​ക​ൾ എ​ന്നി​വ ക​ട​പ്പു​റ​ത്തി​ന്‍റെ ശോ​ഭ കെ​ടു​ത്തു​ന്ന ഘ​ട​ക​ങ്ങ​ളാ​ണ്. വൃ​ത്തി​ഹീ​ന​മാ​യ തീ​രം കാ​ണാ​ൻ സ​ഞ്ചാ​രി​ക​ളും താ​ൽ​പ​ര്യം പ്ര​ക​ടി​പ്പി​ച്ചി​ല്ല. സീ​റോ വേ​സ്റ്റ് തീ​രം പ​ദ്ധ​തി​യ​ട​ക്കം ഒ​ട്ടേ​റെ ശു​ചി​ത്വ പ​രി​പാ​ടി​ക​ളും കോ​ടി​ക​ളു​ടെ ന​വീ​ക​ര​ണ​പ​ദ്ധ​തി​ക​ളും ന​ട​പ്പാ​ക്കി​യെ​ങ്കി​ലും അ​തെ​ല്ലാം വെ​ള്ള​ത്തി​ൽ വ​ര​ക്കു​ന്ന​ത് പോ​ലെ​യാ​യെ​ന്നാ​ണ് നാ​ട്ടു​കാ​ർ ആ​രോ​പി​ക്കു​ന്ന​ത്.