മട്ടാഞ്ചേരി ബോട്ട് ജെട്ടി നവീകരണം ഡ്രഡ്​ജിങിൽ കൃത്രിമം; നാട്ടുകാർ ജോലികൾ തടഞ്ഞു

മ​ട്ടാ​ഞ്ചേ​രി: കാ​യ​ലി​ൽ​നി​ന്ന് കോ​രി​യെ​ടു​ക്കു​ന്ന ച​ളി കാ​യ​ലി​ൽ​ത​ന്നെ ക​ല​ക്കി ക​ള​യു​ന്ന ക​രാ​റു​കാ​ര​ന്‍റെ പ്ര​വൃ​ത്തി നാ​ട്ടു​കാ​ർ ത​ട​ഞ്ഞു. മ​ട്ടാ​ഞ്ചേ​രി ബോ​ട്ട് ജെ​ട്ടി ന​വീ​ക​ര​ണ​ഭാ​ഗ​മാ​യാ​ണ് ജെ​ട്ടി​യോ​ട് ചേ​ർ​ന്നു​ള്ള ഭാ​ഗ​ത്ത് ആ​ഴം കൂ​ട്ടു​ന്ന​തി​നാ​യി ഡ്രഡ്​ജിങ്​ ന​ട​പ​ടി​ക​ൾ ആ​രം​ഭി​ച്ച​ത്. ക​രാ​ർ പ്ര​കാ​രം ജെ​ട്ടി​യു​ടെ പ​രി​ധി​യി​ൽ നി​ന്ന്​ കോ​രി​യെ​ടു​ക്കു​ന്ന ച​ളി ബാ​ർ​ജി​ൽ ക​യ​റ്റി ദൂ​രെ ക​ള​യ​ണ​മെ​ന്നാ​ണ്. എ​ന്നാ​ൽ ബാ​ർ​ജി​ല്ലാ​തെ ര​ണ്ട് ​േഫ്ലാ​ട്ടിം​ഗ് മ​ണ്ണു​മാ​ന്തി​യ​ന്ത്ര​ങ്ങ​ൾ ഉ​പ​യോ​ഗി​ച്ച് ച​ളി കോ​രി​യെ​ടു​ത്ത് കാ​യ​ലി​ൽ ത​ന്നെ ഒ​രി​ട​ത്തു​നി​ന്ന്​ കോ​രി മ​റു​ഭാ​ഗ​ത്ത് ക​ല​ക്കി ക​ള​യു​ന്ന രീ​തി​യാ​ണ് ക​ഴി​ഞ്ഞ ദി​വ​സ​ങ്ങ​ളി​ൽ ന​ട​ത്തി​യി​രു​ന്ന​ത്.

ഇ​ത് ക​ണ്ടെ​ത്തി​യ നാ​ട്ടു​കാ​രാ​ണ് ജ​ന​കീ​യ സ​മി​തി ക​ൺ​വീ​ന​ർ എ. ​ജ​ലാ​ലി​ന്‍റെ നേ​തൃ​ത്വ​ത്തി​ൽ പ്ര​വൃ​ത്തി​ക​ൾ ത​ട​ഞ്ഞ​ത്. തു​ട​ർ​ന്ന് ക​രാ​റു​കാ​ര​ന്‍റെ പ്ര​തി​നി​ധി​യെ​ത്തി നാ​ട്ടു​കാ​രു​മാ​യി സം​സാ​രി​ച്ചു. ബു​ധ​നാ​ഴ്ച മു​ത​ൽ കോ​രി​യെ​ടു​ക്കു​ന്ന ച​ളി ക​ള​യാ​ൻ ബാ​ർ​ജ് കൊ​ണ്ടു​വ​രു​മെ​ന്ന് ഉ​റ​പ്പ് ന​ൽ​കു​ക​യാ​യി​രു​ന്നു.

ആ​റ് വ​ർ​ഷ​ത്തോ​ള​മാ​യി മ​ട്ടാ​ഞ്ചേ​രി ബോ​ട്ട് ജെ​ട്ടി​യി​ൽ നി​ന്നു​ള്ള സ​ർ​വി​സ് നി​ല​ച്ചി​രി​ക്കു​ക​യാ​ണ്. ഇ​തി​നി​ടെ​യാ​ണ് ന​വീ​ക​ര​ണ പ്ര​വ​ർ​ത്ത​ന​ങ്ങ​ൾ ആ​രം​ഭി​ച്ച​ത്. ഇ​ഴ​ഞ്ഞു​നീ​ങ്ങി​യ ജെ​ട്ടി​യു​ടെ ന​വീ​ക​ര​ണം പൂ​ർ​ത്തീ​ക​രി​ച്ചി​ട്ട് ആ​റു​മാ​സ​ത്തോ​ളം ക​ഴി​ഞ്ഞെ​ങ്കി​ലും ജെ​ട്ടി​ക്ക് സ​മീ​പം എ​ക്ക​ലും ചെ​ളി​യും അ​ടി​ഞ്ഞ​തി​നാ​ൽ ബോ​ട്ട് അ​ടു​പ്പി​ക്കാ​നാ​വാ​ത്ത അ​വ​സ്ഥ​യാ​യി​രു​ന്നു. ഇ​തി​ന് പ​രി​ഹാ​ര​മാ​യാ​ണ് ഡ്രഡ്​ജിങി​ന് ന​ട​പ​ടി തു​ട​ങ്ങി​വെ​ച്ച​ത്.