ഡയാലിസിസ് സെന്ററിൽ സൗകര്യമില്ല; രോഗികൾക്ക്​ കാത്തിരിപ്പ്

മൂ​വാ​റ്റു​പു​ഴ: ഡ​യാ​ലി​സി​സ് രോ​ഗി​ക​ളു​ടെ എ​ണ്ണം വ​ർ​ധി​ച്ച​തോ​ടെ ജ​ന​റ​ൽ ആ​ശു​പ​ത്രി​യി​ലെ ഡ​യാ​ലി​സി​സ് യൂ​നി​റ്റ് വി​പു​ലീ​ക​രി​ക്ക​ണ​മെ​ന്ന ആ​വ​ശ്യം ശ​ക്ത​മാ​യി. നൂ​റു​ക​ണ​ക്കി​ന് ആ​ളു​ക​ൾ ചി​കി​ത്സ തേ​ടി എ​ത്തു​ന്ന ജി​ല്ല​യി​ലെ കി​ഴ​ക്ക​ൻ മേ​ഖ​ല​യി​ലെ പ്ര​ധാ​ന ആ​തു​രാ​ല​യ​മാ​യ ആ​ശു​പ​ത്രി​യി​ൽ നി​ര​വ​ധി രോ​ഗി​ക​ളാ​ണ് ഡ​യാ​ലി​സി​സി​ന് അ​പേ​ക്ഷ ന​ൽ​കി കാ​ത്തി​രി​ക്കു​ന്ന​ത്.

ഏ​റെ മു​റ​വി​ളി​ക​ൾ​ക്ക് ഒ​ടു​വി​ൽ ആ​റു​വ​ർ​ഷം മു​മ്പ് 1.25 കോ​ടി രൂ​പ ചെ​ല​വ​ഴി​ച്ച് അ​ഞ്ചു മെ​ഷി​ൻ സ്ഥാ​പി​ച്ചാ​ണ് ഡ​യാ​ലി​സി​സ് സെ​ന്റ​ർ പ്ര​വ​ർ​ത്ത​ന​മാ​രം​ഭി​ച്ച​ത്. ര​ണ്ട് ഷി​ഫ്റ്റു​ക​ളി​ലാ​യി 17 പേ​ർ​ക്ക് ഡ​യാ​ലി​സി​സ് ചെ​യ്യു​ന്ന​തി​നു​ള്ള സൗ​ക​ര്യ​മേ ഇ​വി​ടെ നി​ല​വി​ലു​ള്ളു. ബി.​പി.​എ​ൽ വി​ഭാ​ഗ​ത്തി​ൽ​പ്പെ​ട്ട 42 പേ​ർ അ​പേ​ക്ഷ ന​ൽ​കി ചി​കി​ൽ​സ​ക്കാ​യി കാ​ത്ത് നി​ൽ​ക്കാ​ൻ തു​ട​ങ്ങി​യി​ട്ട് മാ​സ​ങ്ങ​ളാ​യി.

ക​ഴി​ഞ്ഞ വ​ർ​ഷം സം​സ്ഥാ​ന​ത്ത് 34 ആ​ശു​പ​ത്രി​ക​ളി​ൽ ഡ​യാ​ലി​സി​സ് യൂ​നി​റ്റു​ക​ളു​ടെ വി​പു​ലീ​ക​ര​ണ​ത്തി​ന് എ​ട്ട്​ കോ​ടി രൂ​പ അ​നു​വ​ദി​ച്ചെ​ങ്കി​ലും ജി​ല്ല​യി​ലെ കി​ഴ​ക്ക​ൻ മേ​ഖ​ല​യി​ൽ​പ്പെ​ട്ട ജ​ന​റ​ൽ ആ​ശു​പ​ത്രി പ​രി​ഗ​ണി​ച്ചി​ല്ല. ജി​ല്ല​യി​ൽ അ​ങ്ക​മാ​ലി, തൃ​പ്പൂ​ണി​ത്തു​റ, താ​ലൂ​ക്ക് ആ​ശു​പ​ത്രി​ക​ളി​ലും ആ​ലു​വ ജി​ല്ല ആ​ശു​പ​ത്രി​യി​ലും ഡ​യാ​ലി​സി​സ് യൂ​നി​റ്റു​ക​ൾ​ക്ക് ഫ​ണ്ട് അ​നു​വ​ദി​ച്ച​പ്പോ​ൾ ജി​ല്ല​യു​ടെ കി​ഴ​ക്ക​ൻ മേ​ഖ​ല​യി​ലെ സു​പ്ര​ധാ​ന ആ​ശു​പ​ത്രി​യാ​യ ജ​ന​റ​ൽ ആ​ശു​പ​ത്രി അ​വ​ഗ​ണി​ക്ക​പ്പെ​ട്ടു.

ജ​ന​റ​ൽ ആ​ശു​പ​ത്രി​യി​ലെ ഡ​യാ​ലി​സി​സ് യൂ​ണി​റ്റ് വി​പു​ലീ​ക​രി​ക്ക​ണ​മെ​ന്ന് ആ​വ​ശ്യ​പ്പെ​ട്ട് മു​ൻ എം.​എ​ൽ.​എ എ​ൽ​ദോ എ​ബ്ര​ഹാം ആ​രോ​ഗ്യ മ​ന്ത്രി​ക്ക് ക​ത്ത് ന​ൽ​കി. നി​ര​വ​ധി പേ​രാ​ണ് ഡ​യാ​ലി​സി​സി​ന് അ​പേ​ക്ഷ ന​ൽ​കി കാ​ത്തി​രി​ക്കു​ന്ന​തെ​ന്നും ഈ ​സാ​ഹ​ച​ര്യ​ത്തി​ൽ യൂ​നി​റ്റ് വി​പു​ലീ​ക​രി​ച്ച് പ്ര​ശ്ന​ത്തി​ന് പ​രി​ഹാ​രം കാ​ണ​ണ​മെ​ന്നും അ​ദ്ദേ​ഹം ആ​വ​ശ്യ​പ്പെ​ട്ടു.

ജ​ന​റ​ൽ ആ​ശു​പ​ത്രി​യി​ൽ ഒ​ന്നാം എ​ൽ.​ഡി.​എ​ഫ് സ​ർ​ക്കാ​റി​ന്റെ കാ​ല​ത്തെ പ​ദ്ധ​തി​ക​ൾ മാ​ത്ര​മാ​ണ് ന​ട​പ്പാ​യ​തെ​ന്നും 2021ൽ ​ത​യ്യാ​റാ​ക്കി​യ മാ​സ്റ്റ​ർ പ്ലാ​ൻ പൊ​ടി പി​ടി​ച്ച​ത​ല്ലാ​തെ അ​ടി​സ്ഥാ​ന സൗ​ക​ര്യ​മോ ആ​ധു​നി​ക ചി​കി​ത്സാ സൗ​ക​ര്യ​മോ ഒ​രു​ക്കാ​ൻ ന​ഗ​ര​സ​ഭാ​ധി​കൃ​ത​രോ എം.​എ​ൽ.​എ​യോ പ​രി​ശ്ര​മി​ച്ചി​ല്ലെ​ന്നും അ​ദ്ദേ​ഹം കു​റ്റ​പ്പെ​ടു​ത്തി. സം​സ്ഥാ​ന സ​ർ​ക്കാ​റി​ന്റെ നാ​ലു ബ​ജ​റ്റു​ക​ളി​ലും ആ​ശു​പ​ത്രി വി​ക​സ​നം പ​രാ​മ​ർ​ശി​ക്ക​പ്പെ​ട്ടി​ല്ല. ദൈ​നം ദി​നം ആ​യി​ര​ക്ക​ണ​ക്കി​ന്​ സാ​ധാ​ര​ണ ജ​ന​ങ്ങ​ൾ ചി​കി​ത്സ​ക്കാ​യി ആ​ശ്ര​യി​ക്കു​ന്ന ആ​ശു​പ​ത്രി നാ​ഥ​നി​ല്ലാ​ത്ത അ​വ​സ്ഥ​യി​ലാ​ണെ​ന്നും എ​ൽ​ദോ എ​ബ്ര​ഹാം കു​റ്റ​പ്പെ​ടു​ത്തി.