കി​ട​പ്പു​രോ​ഗി​ക​ളി​ലെ വ്ര​ണ​വും അ​ണു​ബാ​ധ​ക​ളും ത​ട​യാം; അഡാപ്​ടിവ് ന്യൂമാറ്റിക് ബെഡുമായി കോളജ് വിദ്യാർഥികൾ

കാ​ല​ടി: ആ​ദി​ശ​ങ്ക​ര എ​ൻജിനീ​യ​റി​ങ് കോ​ള​ജ് വി​ദ്യാ​ർ​ഥി​ക​ള്‍ ദീ​ര്‍ഘ​കാ​ല കി​ട​പ്പു​രോ​ഗി​ക​ളി​ല്‍ സാ​ധാ​ര​ണ കാ​ണ​പ്പെ​ടു​ന്ന വ്ര​ണ​വും അ​ണു​ബാ​ധ​ക​ളും ത​ട​യു​ന്ന​തി​നു​ള്ള അ​ഡാ​പ്റ്റീ​വ് ന്യൂ​മാ​റ്റി​ക് ബെ​ഡ് രൂ​പ​ക​ല്പ​ന ചെ​യ്തു. അ​വ​സാ​ന വ​ര്‍ഷ വി​ദ്യാ​ര്‍ത്ഥി​ക​ളാ​യ മെ​ല്‍വി​ന്‍ മാ​ത്യു ജേ​ക്ക​ബ്, ആ​ഷി​ഫ് അ​ഷ്‌​റ​ഫ്, റി​റ്റ കാ​നീ​സ് റോ​ഡ്രി​ഗ​സ്, എ​സ്. അ​ഭി​കൃ​ഷ്ണ, എ​റി​ക് കെ. ​വി​ല്‍സ​ണ്‍, വി. ​മ​ഹാ​ദേ​വ മാ​രാ​ര്‍, ബ​യോ​മെ​ഡി​ക്ക​ല്‍ വ​കു​പ്പ് മേ​ധാ​വി ഡോ. ​ര​മ്യ ജോ​ര്‍ജ്, പ്ര​ഫ. ഒ.​എ​സ്. സ​ന്ദീ​പ് എ​ന്നി​വ​രു​ടെ നേ​തൃ​ത്വ​ത്തി​ലാ​ണ് ഈ ​നൂ​ത​ന സം​വി​ധാ​നം രൂ​പ​ക​ല്‍പ്പ​ന ചെ​യ്ത​ത്.

കി​ട​പ്പ് രോ​ഗി​ക​ളി​ല്‍ ശ​രീ​ര​ഭാ​രം വ​ഹി​ക്കു​ന്ന അ​സ്ഥി​ക​ള്‍ ച​ര്‍മ്മ​ത്തി​ല്‍ ഏ​ല്‍പ്പി​ക്കു​ന്ന സ​മ്മ​ര്‍ദ്ദം മൂ​ലം ബെ​ഡ് സോ​റു​ക​ള്‍ എ​ന്ന​റി​യ​പ്പെ​ടു​ന്ന വ്ര​ണ​ങ്ങ​ള്‍ രൂ​പ​പ്പെ​ടാ​റു​ണ്ട്. കൂ​ടെ ര​ക്ത​ച​ക്ര​മ​ണ​ത്തി​ലെ അ​പ​ര്യാ​പ്ത​ത​യും അ​ണു​ബാ​ധ​യും രോ​ഗി​ക​ളെ ഗു​രു​ത​രാ​രോ​ഗ്യ പ്ര​ശ്‌​ന​ങ്ങ​ളി​ലേ​ക്ക് ന​യി​ക്കു​ന്നു.

ഈ ​സാ​ഹ​ച​ര്യ​മാ​ണ് അ​ഡാ​പ്റ്റീ​വ് ന്യൂ​മാ​റ്റി​ക് ബെ​ഡ് രോ​ഗി​ക​ള്‍ക്ക് കി​ട​പ്പ് സു​ഖ​വും പ​രി​ച​ര​ണ​വും വ​ര്‍ദ്ധി​പ്പി​ക്കു​ന്ന​തി​ന് സ്മാ​ര്‍ട്ട് സെ​ന്‍സ​റി​ങ്ങും ന്യൂ​മാ​റ്റി​ക് നി​യ​ന്ത്ര​ണ​വും സ​മ​ന്വ​യി​പ്പി​ച്ച് പ​രി​ഹ​രി​ക്കാ​ന്‍ ശ്ര​മി​ക്കു​ന്ന​ത്. അ​റു​പ​തോ​ളം എ​യ​ര്‍ബാ​ഗു​ക​ളും, സെ​ന്‍സ​റു​ക​ളും, വാ​ല്‍വു​ക​ളും അ​വ​യെ പ്ര​ത്യേ​കം നി​യ​ന്ത്രി​ക്കാ​നു​ള്ള സം​വി​ധാ​ന​വും ആ​ണ് ബെ​ഡി​ല്‍ ഒ​രു​ക്കി​യി​രി​ക്കു​ന്ന​ത്. ദീ​ര്‍ഘ​നേ​രം അ​മി​ത മ​ര്‍ദ്ദം അ​നു​ഭ​വ​പ്പെ​ടു​ന്ന ശ​രീ​ര​ഭാ​ഗ​ങ്ങ​ളി​ലെ എ​യ​ര്‍ ബാ​ഗു​ക​ളു​ടെ സ​ങ്കോ​ച വി​കാ​സ​ങ്ങ​ളെ നി​യ​ന്ത്രി​ച്ചാ​ണ് വ്ര​ണ​ങ്ങ​ള്‍ രൂ​പ​പ്പെ​ടാ​നു​ള്ള സാ​ധ്യ​ത ഇ​ല്ലാ​താ​ക്കു​ന്ന​ത്.