സി.എസ്.എം.എല്ലിന്​ അലംഭാവമെന്ന്​; തെരുവുവിളക്കുകൾ തെളിക്കാനാവുന്നില്ലെന്ന്​ കൗൺസിലർമാർ

മ​ട്ടാ​ഞ്ചേ​രി: കൊ​ച്ചി ന​ഗ​ര​ത്തി​ൽ തെ​രു​വു വി​ള​ക്കു​ക​ൾ സ്ഥാ​പി​ക്കു​ന്ന ചു​മ​ത​ല കൊ​ച്ചി​ൻ സ്മാ​ർ​ട്ട് മി​ഷ​ൻ ലി​മി​റ്റ​ഡി​നെ ഏ​ൽ​പി​ച്ച​തോ​ടെ ന​ഗ​ര​ത്തി​ൽ തെ​രു​വു വി​ള​ക്കു​ക​ൾ തെ​ളി​യാ​ത്ത സ്ഥി​തി​യാ​യെ​ന്ന് ന​ഗ​ര​സ​ഭ കൗ​ൺ​സി​ല​ർ​മാ​രു​ടെ പ​രാ​തി.

പോ​സ്റ്റു​ക​ളി​ൽ എ​ൽ.​ഇ.​ഡി ബ​ൾ​ബു​ക​ൾ സ്ഥാ​പി​ക്കു​ന്ന സി.​എ​സ്.​എം.​എ​ൽ പ​ദ്ധ​തി ഇ​ഴ​ഞ്ഞാ​ണ് നീ​ങ്ങു​ന്ന​തെ​ന്നും ഡി​വി​ഷ​നി​ൽ തെ​രു​വു വി​ള​ക്ക് തെ​ളി​ക്കാ​ൻ ഇ​വ​രു​ടെ മു​മ്പി​ൽ പോ​യി കാ​ത്തു​നി​ൽ​ക്കേ​ണ്ട അ​വ​സ്ഥ​യാ​ണെ​ന്നും ആ​റാം ഡി​വി​ഷ​ൻ കൗ​ൺ​സി​ല​റും മു​ൻ സ്ഥി​രം സ​മി​തി അ​ധ്യ​ക്ഷ​നു​മാ​യ എം.​എ​ച്ച്.​എം. അ​ഷ​റ​ഫ് ആ​രോ​പി​ച്ചു. ഡി​വി​ഷ​നു​ക​ളി​ൽ കൗ​ൺ​സി​ല​ർ​മാ​രു​മാ​യി ച​ർ​ച്ച ചെ​യ്യാ​തെ​യാ​ണ് ഇ​വ​ർ പ്ര​വ​ർ​ത്തി​ക്കു​ന്ന​തെ​ന്നും അ​ദ്ദേ​ഹം പ​റ​ഞ്ഞു. ന​ഗ​ര​സ​ഭ മു​ൻ​പ് സ്ഥാ​പി​ച്ച ജി.​ഐ. പോ​സ്റ്റു​ക​ൾ നോ​ക്കു​കു​ത്തി​യാ​യി മാ​റി​യി​രി​ക്ക​യാ​ണ്. ഈ ​പോ​സ്റ്റു​ക​ളി​ൽ വി​ള​ക്കു​ക​ൾ സ്ഥാ​പി​ക്കാ​നാ​വി​ല്ലെ​ന്ന നി​ല​പാ​ടി​ലാ​ണ് ഇ​വ​ർ. വി​ള​ക്കു​ക​ളു​ടെ അ​റ്റ​കു​റ്റ​പ്പ​ണി​ക​ൾ കൃ​ത്യ​മാ​യി ന​ട​ത്താ​ൻ ക​രാ​റു​കാ​ർ​ക്ക് ക​ഴി​യു​ന്നി​ല്ല. ബം​ഗ​ളൂ​രു ആ​സ്ഥാ​ന​മാ​യി പ്ര​വ​ർ​ത്തി​ക്കു​ന്ന ക​രാ​ർ ക​മ്പ​നി​ക്ക് ഈ ​ചു​മ​ത​ല ന​ൽ​കി​യ​തി​ൽ ദു​രൂ​ഹ​ത​യു​ണ്ടെ​ന്നും അ​ഷ​റ​ഫ് ആ​രോ​പി​ച്ചു.

തെ​ളി​യാ​ത്ത വി​ള​ക്കു​ക​ൾ ക​ത്തി​ക്കാ​ൻ വി​ളി​ച്ചാ​ൽ 20 ദി​വ​സം ക​ഴി​ഞ്ഞാ​ൽ പോ​ലും വ​രു​ന്നി​ല്ല. വ​ന്നാ​ൽ ത​ന്നെ സാ​ങ്കേ​തി​ക പ്ര​ശ്ന​ങ്ങ​ൾ പ​റ​ഞ്ഞ് ഒ​ഴി​ഞ്ഞു​മാ​റു​ന്നു. പ​ല​പ്പോ​ഴും ട്രാ​ൻ​സ്ഫോ​ർ​മ​ർ ഓ​ഫ് ചെ​യ്യാ​ൻ ആ​വ​ശ്യ​പ്പെ​ടു​ന്നു. ഇ​തി​ന് കെ.​എ​സ്.​ഇ.​ബി​യു​ടെ സ​ഹാ​യം വേ​ണം. തെ​രു​വു വി​ള​ക്കു​ക​ൾ തെ​ളി​ക്കാ​ൻ കൗ​ൺ​സി​ല​ർ​മാ​ർ പെ​ടാ​പ്പാ​ട് പെ​ടു​ക​യാ​ണ്. പ്ര​ശ്ന പ​രി​ഹാ​ര​ത്തി​നാ​യി സി.​എ​സ്.​എം.​എ​ൽ, കെ .​എ​സ്.​ഇ.​ബി പ്ര​തി​നി​ധി​ക​ളു​ടെ​യും കൗ​ൺ​സി​ല​ർ​മാ​രു​ടെ​യും യോ​ഗം വി​ളി​ച്ചു​കൂ​ട്ട​ണ​മെ​ന്നും അ​ഷ​റ​ഫ് ആ​വ​ശ്യ​പ്പെ​ട്ടു. ഇ​ത് സം​ബ​ന്ധി​ച്ച് കെ.​ജെ. മാ​ക്സി എം.​എ​ൽ.​എ, മേ​യ​ർ എ​ന്നി​വ​ർ​ക്ക് പ​രാ​തി​ക​ൾ ന​ൽ​കി​യെ​ന്നും അ​ദ്ദേ​ഹം പ​റ​ഞ്ഞു .