സി.പി.എമ്മിലെ കത്ത്​ വിവാദം; നെല്ലിക്കുഴി പഞ്ചായത്ത് പ്രസിഡന്‍റിന് താക്കീത്

കോ​ത​മം​ഗ​ലം: സി.​പി.​എ​മ്മി​ലെ ക​ത്ത് വി​വാ​ദ​ത്തി​ൽ ഏ​രി​യ ക​മ്മി​റ്റി അം​ഗ​വും നെ​ല്ലി​ക്കു​ഴി പ​ഞ്ചാ​യ​ത്ത് പ്ര​സി​ഡ​ന്‍റു​മാ​യ പി.​എം. മ​ജീ​ദി​ന് പാ​ർ​ട്ടി​യു​ടെ താ​ക്കീ​ത്. ഒ​ന്ന​ര വ​ർ​ഷ​ത്തി​ന് ശേ​ഷ​മാ​ണ് പാ​ർ​ട്ടി ഏ​രി​യ ക​മ്മി​റ്റി നി​യോ​ഗി​ച്ച അ​ന്വേ​ഷ​ണ ക​മീ​ഷ​ൻ ക​ഴി​ഞ്ഞ​ദി​വ​സം ലോ​ക്ക​ൽ ക​മ്മി​റ്റി യോ​ഗ​ത്തി​ൽ റി​പ്പോ​ർ​ട്ട് അ​വ​ത​രി​പ്പി​ച്ച​ത്.

നെ​ല്ലി​ക്കു​ഴി സൗ​ത്ത് ലോ​ക്ക​ൽ ക​മ്മി​റ്റി​യും നെ​ല്ലി​ക്കു​ഴി ബ്ലോ​ക്ക് ഡി​വി​ഷ​ൻ അം​ഗം എം.​എ. മു​ഹ​മ്മ​ദും പ്ര​സി​ഡ​ന്‍റി​നെ​തി​രെ ഏ​രി​യ ക​മ്മി​റ്റി​ക്ക് ന​ൽ​കി​യ പ​രാ​തി ച​ർ​ച്ച​ക്കെ​ടു​ക്കു​ന്ന​തി​നി​ടെ ബ്ലോ​ക്ക് പ​ഞ്ചാ​യ​ത്ത്​ അം​ഗ​ത്തി​നെ​തി​രെ​യും ജി​ല്ല ക​മ്മി​റ്റി അം​ഗ​ത്തി​നെ​തി​രെ​യും ആ​രോ​പ​ണ​ങ്ങ​ൾ ഉ​ന്ന​യി​ച്ച് സം​സ്ഥാ​ന – ജി​ല്ല നേ​തൃ​ത്വ​ങ്ങ​ൾ​ക്ക്​ ഊ​മ​ക്ക​ത്ത് അ​യ​ച്ച​ത് സം​ബ​ന്ധി​ച്ച് അ​ന്വേ​ഷി​ക്കാ​ൻ 2023 ജ​നു​വ​രി അ​വ​സാ​ന​വാ​രം ചേ​ർ​ന്ന ഏ​രി​യ ക​മ്മി​റ്റി യോ​ഗ​മാ​ണ്​ അ​ന്വേ​ഷ​ണ ക​മീ​ഷ​നെ നി​യോ​ഗി​ച്ച​ത്.

ഏ​രി​യ ക​മ്മി​റ്റി അം​ഗ​ങ്ങ​ളാ​യ പി.​എം. മു​ഹ​മ്മ​ദാ​ലി, സാ​ബു വ​ർ​ഗീ​സ് എ​ന്നി​വ​ര​ട​ങ്ങു​ന്ന ക​മീ​ഷ​ൻ തെ​ളി​വെ​ടു​പ്പു​ക​ൾ​ക്കും മ​റ്റും ശേ​ഷം ആ​റു​മാ​സം മു​മ്പാ​ണ്​ റി​പ്പോ​ർ​ട്ട് സ​മ​ർ​പ്പി​ച്ച​ത്. റി​പ്പോ​ർ​ട്ടി​ന്‍റെ അ​ടി​സ്ഥാ​ന​ത്തി​ൽ പ്ര​സി​ഡ​ന്‍റി​നെ താ​ക്കീ​ത് ചെ​യ്യാ​ൻ ഏ​രി​യ ക​മ്മി​റ്റി തീ​രു​മാ​നി​ച്ചെ​ങ്കി​ലും റി​പ്പോ​ർ​ട്ടി​ങ്​ ലോ​ക്​​സ​ഭ തെ​ര​ഞ്ഞെ​ടു​പ്പും മ​റ്റ് കാ​ര​ണ​ങ്ങ​ളും പ​റ​ഞ്ഞ് നീ​ട്ടി​ക്കൊ​ണ്ടു പോ​വു​ക​യാ​യി​രു​ന്നു.

പാ​ർ​ട്ടി​ക്കും പ​ഞ്ചാ​യ​ത്ത് ഭ​ര​ണ​ത്തി​നും അ​വ​മ​തി​പ്പ് ഉ​ണ്ടാ​ക്കി എ​ന്നാ​ണ് ക​ണ്ടെ​ത്ത​ൽ. ജി​ല്ല ക​മ്മി​റ്റി അം​ഗ​വും ക​വ​ള​ങ്ങാ​ട് ഏ​രി​യ സെ​ക്ര​ട്ട​റി​യു​മാ​യ ഷാ​ജി മു​ഹ​മ്മ​ദി​നെ​യാ​ണ് ന​ട​പ​ടി യോ​ഗ​ത്തി​ൽ അ​വ​ത​രി​പ്പി​ക്കാ​ൻ പാ​ർ​ട്ടി നി​യോ​ഗി​ച്ച​ത്. എ​ന്നാ​ൽ, ഷാ​ജി മു​ഹ​മ്മ​ദി​ന്‍റെ അ​സൗ​ക​ര്യം കാ​ര​ണം ഏ​രി​യ സെ​ക്ര​ട്ട​റി കെ.​എ. ജോ​യി ആ​ണ് ന​ട​പ​ടി റി​പ്പോ​ർ​ട്ട് ചെ​യ്ത​ത്. അ​ശ​മ​ന്നൂ​ർ – നെ​ല്ലി​ക്കു​ഴി പ​ഞ്ചാ​യ​ത്തു​ക​ളു​ടെ അ​തി​ർ​ത്തി​യാ​യ മേ​ത​ല​യി​ൽ വ്യ​വ​സാ​യ പാ​ർ​ക്ക് ആ​രം​ഭി​ക്കു​ന്ന​തു​മാ​യി ബ​ന്ധ​പ്പെ​ട്ട ഭൂ​മി ഇ​ട​പാ​ടു​ക​ളാ​ണ് വി​വാ​ദ​ങ്ങ​ളു​ടെ തു​ട​ക്കം.

ക​മീ​ഷ​ൻ ആ​വ​ശ്യ​പ്പെ​ട്ട​തു​മാ​യി ബ​ന്ധ​പ്പെ​ട്ട് ഭൂ​മി ഉ​ട​മ​സ്ഥ​ർ സം​സ്ഥാ​ന സെ​ക്ര​ട്ട​റി​ക്കും ജി​ല്ല നേ​തൃ​ത്വ​ത്തി​നും പ​രാ​തി ന​ൽ​കി​യി​ട്ട് മാ​സ​ങ്ങ​ളാ​യി. ഇ​തി​നു പു​റ​മെ ര​ണ്ടാം വാ​ർ​ഡി​ലെ പാ​റ​മ​ട​യി​ൽ ആ​ശു​പ​ത്രി മാ​ലി​ന്യ​ങ്ങ​ൾ ത​ള്ളി​യ​ത് മാ​റ്റു​ന്ന​തു​മാ​യി ബ​ന്ധ​പ്പെ​ട്ട് പാ​റ​മ​ട ഉ​ട​മ​സ്ഥ​രോ​ടും മാ​ലി​ന്യം ത​ള്ളി​യ​വ​രോ​ടും പ​ണം വാ​ങ്ങി ഒ​ത്തു​തീ​ർ​പ്പാ​ക്കാ​ൻ ശ്ര​മി​ച്ച​തും വ​ർ​ഷ​ങ്ങ​ളാ​യി പ്ര​വ​ർ​ത്ത​നാ​നു​മ​തി നി​ഷേ​ധി​ച്ച ഫ്ലാ​റ്റി​ന് അ​നു​മ​തി ന​ൽ​കി​യ​തു​മാ​യ പ​രാ​തി​ക​ൾ നി​ല​നി​ൽ​ക്കെ​യാ​ണ് ക​ത്ത് വി​വാ​ദം ഉ​ട​ലെ​ടു​ത്ത​ത്.