ഐ.​ടി ന​ഗ​ര​ത്തി​ൽ തെരുവുനായ്​ വിളയാട്ടം: എട്ട് പേർക്ക് കടിയേറ്റു

കാ​ക്ക​നാ​ട്: ഐ.​ടി ന​ഗ​ര​ത്തി​ൽ ഭീ​തി പ​ട​ർ​ത്തി തെ​രു​വ് നാ​യ്​ ആ​ക്ര​മ​ണം. കാ​ക്ക​നാ​ട് ഡ്രൈ​വി​ങ് ടെ​സ്റ്റ് ഗ്രൗ​ണ്ടി​ൽ ടെ​സ്റ്റി​നെ​ത്തി​യ യു​വ​തി​ക്കു​ൾ​പ്പ​ടെ സ്ത്രീ​ക​ളും കു​ട്ടി​ക​ളു​മാ​യി എ​ട്ട് പേ​ർ​ക്ക് ക​ടി​യേ​റ്റു.

ക​ടി​യേ​റ്റ​വ​ർ ക​ള​മ​ശ്ശേ​രി ഗ​വ. മെ​ഡി​ക്ക​ൽ കോ​ള​ജി​ലും കാ​ക്ക​നാ​ട് സ്വ​കാ​ര്യ ആ​ശു​പ​ത്രി​ക​ളി​ലു​മാ​യി ചി​കി​ത്സ തേ​ടി. തി​ങ്ക​ളാ​ഴ്ച രാ​വി​ലെ സ്കൂ​ളി​ലേ​ക്ക് പോ​കു​ന്ന​തി​നി​ടെ കാ​ർ​ഡി​ന​ൽ സ്കൂ​ളി​ലെ പ്ല​സ്ടു വി​ദ്യാ​ർ​ഥി അ​വ​നി നി​വാ​സി​ൽ അ​ഭി​ഷേ​ക് അ​ഭി​ലാ​ഷി​നാ​ണ്​ (17) ആ​ദ്യം തെ​രു​വു​നാ​യ്​ ആ​ക്ര​മി​ച്ച​ത്. പി​ന്നീ​ട് ഡ്രൈ​വി​ങ് ടെ​സ്റ്റി​നെ​ത്തി​യ ഇ​ട​പ്പ​ള്ളി സ്വ​ദേ​ശി​നി ദി​യ സു​ചി​ത്ര കൃ​ഷ്ണ (19), ഡ്രൈ​വി​ങ് ടെ​സ്റ്റി​നെ​ത്തി​യ യു​വ​തി​യു​ടെ ഭ​ർ​ത്താ​വ് പാ​ലാ​രി​വ​ട്ടം സ്വ​ദേ​ശി ഷാ​ലു എ​ന്നി​വ​ർ​ക്ക് ക​ടി​യേ​റ്റു. യു​വ​തി​യെ ര​ക്ഷി​ക്കാ​ൻ ശ്ര​മി​ക്കു​ന്ന​തി​നി​ടെ ഡ്രൈ​വി​ങ് ഇ​ൻ​സ്ട്ര​ക്ട​ർ ആ​ൽ​ഫി​ക്കും ക​ടി​യേ​റ്റു.

കാ​ക്ക​നാ​ട് സ്വ​ദേ​ശി​ക​ളാ​യ റ​ഹിം, ഫാ​റൂ​ഖ്, സി​ജു വ​ർ​ഗീ​സ്, ക്ഷേ​ത്ര ദ​ർ​ശ​നം ക​ഴി​ഞ്ഞു​പോ​കു​ക​യാ​യി​രു​ന്ന വീ​ട്ട​മ്മ ഉ​ൾ​പ്പ​ടെ എ​ട്ടോ​ളം പേ​ർ​ക്കാ​ണ് പ​രി​ക്കേ​റ്റ​ത്. തു​ട​ർ​ന്ന് ടെ​സ്റ്റ് ഗ്രൗ​ണ്ടി​ന് സ​മീ​പം ച​ത്ത നി​ല​യി​ൽ ക​ണ്ടെ​ത്തി​യ തെ​രു​വു നാ​യെ പേ​വി​ഷ ബാ​ധ​യു​ണ്ടോ എ​ന്ന പ​രി​ശോ​ധ​ന​ക്കാ​യി തൃ​ശൂ​ർ മ​ണ്ണോ​ത്തി വെ​റ്റി​ന​റി കോ​ള​ജി​ൽ എ​ത്തി​ച്ചു. തെ​രു​വ് നാ​യു​ടെ ആ​ക്ര​മ​ണ​ത്തി​ൽ പ​രി​ക്കേ​റ്റ​വ​വ​രു​ടെ പേ​രു​വി​വ​ര​ങ്ങ​ൾ തൃ​ക്കാ​ക്ക​ര ന​ഗ​ര​സ​ഭ​യി​ൽ റി​പ്പോ​ർ​ട്ട് ചെ​യ്യ​ണ​മെ​ന്ന് ന​ഗ​ര​സ​ഭ സെ​ക്ര​ട്ട​റി ടി.​കെ. സ​ന്തോ​ഷ് അ​റി​യി​ച്ചു.