സഞ്ചാരികളേ വരൂ, മണിയന്ത്രംമുടിയിലേക്ക്

മൂ​വാ​റ്റു​പു​ഴ: പ്ര​കൃ​തി​ഭം​ഗി ആ​സ്വ​ദി​ച്ച്, കു​ളി​ർ​ക്കാ​റ്റു​മേ​റ്റ് സാ​യാ​ഹ്ന​ങ്ങ​ൾ ചെ​ല​വ​ഴി​ക്കാ​ൻ മ​ണി​യ​ന്ത്രം മു​ടി​യി​ലേ​ക്ക് പോ​യാ​ലോ. ര​സ​ത​ന്ത്രം പാ​റ​യി​ലൂ​ടെ​യു​ള്ള ന​ട​ത്ത​ത്തി​നു​പു​റ​മെ മ​ല​നി​ര​ക​ൾ​ക്കി​ട​യി​ലൂ​ടെ തു​ള്ളി​ച്ചാ​ടി​യൊ​ഴു​കു​ന്ന ചെ​റി​യ അ​രു​വി​യും തൊ​ടു​പു​ഴ ന​ഗ​ര​ത്തി​ന്‍റെ ദൂ​ര​ക്കാ​ഴ്ച​യു​മൊ​ക്കെ ക​ണ്ട് അ​പൂ​ർ​വ പ​ക്ഷി​ക​ളു​ടെ ക​ല​പി​ല ശ​ബ്ദ​വും ആ​സ്വ​ദി​ച്ച് കു​റേ​നേ​രം ഇ​രി​ക്കാ​ൻ മ​ണി​യ​ന്ത്രം​മു​ടി സ​ഞ്ചാ​രി​ക​ളെ വി​ളി​ക്കു​ക​യാ​ണ്.

ജി​ല്ല​യു​ടെ കി​ഴ​ക്കേ അ​റ്റ​ത്ത് ഇ​ടു​ക്കി ജി​ല്ല​യു​മാ​യി അ​തി​ർ​ത്തി പ​ങ്കി​ടു​ന്ന മ​ഞ്ച​ള്ളൂ​ർ പ​ഞ്ചാ​യ​ത്തി​ലെ മ​ണി​യ​ന്ത്രം​മു​ടി​യി​ലേ​ക്ക് നി​ര​വ​ധി​പേ​രാ​ണ് എ​ത്തു​ന്ന​ത്. ‘ര​സ​ത​ന്ത്രം’ സി​നി​മ​യി​ലൂ​ടെ പ്ര​ശ​സ്ത​മാ​യ ര​സ​ത​ന്ത്രം പാ​റ​യു​ടെ മു​ക​ളി​ൽ ക​യ​റാ​നും മ​ല​മു​ക​ളി​ലെ ഇ​ള​ങ്കാ​റ്റും കു​ളി​രും ആ​സ്വ​ദി​ക്കാ​നു​മാ​ണ്​ സ​ഞ്ചാ​രി​ക​ൾ എ​ത്തു​ന്ന​ത്. രാ​ജ്യ​ത്തെ ഏ​റ്റ​വും വ​ലി​യ പൈ​നാ​പ്പി​ൾ വി​പ​ണി​യാ​യ വാ​ഴ​ക്കു​ള​വും മ​ണി​യ​ന്ത്രം​മു​ടി​യും മ​ഞ്ച​ള്ളൂ​ർ പ​ഞ്ചാ​യ​ത്തി​ലാ​ണ്. എ​റ​ണാ​കു​ളം, ഇ​ടു​ക്കി ജി​ല്ല​ക​ളു​ടെ അ​തി​ർ​ത്തി​യി​ലാ​ണ് മ​ണി​യ​ന്ത്രം​മു​ടി.

മൂ​വാ​റ്റു​പു​ഴ-​തൊ​ടു​പു​ഴ റോ​ഡി​ൽ ക​ദ​ളി​ക്കാ​ട് മ​ണി​യ​ന്ത്രം ക​വ​ല​യി​ൽ​നി​ന്ന് ഇ​ട​ത്തോ​ട്ട് മൂ​ന്ന്​ കി​ലോ​മീ​റ്റ​ർ സ​ഞ്ച​രി​ച്ചും ഇ​തേ റൂ​ട്ടി​ൽ മ​ട​ക്ക​ത്താ​ന​ത്തു​നി​ന്നും ര​ണ്ട​ര കി​ലോ​മീ​റ്റ​ർ സ​ഞ്ച​രി​ച്ചും മ​ണി​യ​ന്ത്രം​മു​ടി​യി​ലെ​ത്താം. കൂ​ടാ​തെ, തൊ​ടു​പു​ഴ-​ഊ ന്നു​ക​ൽ റോ​ഡി​ൽ പാ​ല​ക്കു​ഴി ജ​ങ്ഷ​നി​ൽ​നി​ന്ന് മൂ​ന്ന് കി​ലോ​മീ​റ്റ​ർ സ​ഞ്ച​രി​ച്ചാ​ലും മു​ടി​യി​ലെ​ത്താം. മൂ​ന്ന്​ സ്ഥ​ല​ത്തു​നി​ന്നും മ​ല​യി​ലേ​ക്ക്​ ക​യ​റു​മ്പോ​ൾ​ത​ന്നെ കാ​ഴ്ച​ക​ളാ​രം​ഭി​ക്കു​ക​യാ​യി. മ​ല​യു​ടെ മു​ടി​യി​ലേ​ക്ക് ന​ട​ന്നു​ത​ന്നെ ക​യ​റ​ണം.

ഇ​തി​നി​ട​യി​ൽ മ​ല​യി​ൽ​നി​ന്നും താ​ഴേ​ക്കൊ​ഴു​കു​ന്ന അ​രു​വി കാ​ണാം. അ​പൂ​ർ​വ​യി​നം ഔ​ഷ​ധ​ച്ചെ​ടി​ക​ൾ, പൂ​ക്ക​ൾ, പ​ക്ഷി​ക​ൾ എ​ന്നി​വ ആ​ക​ർ​ഷ​ണീ​യ കാ​ഴ്ച​ക​ളാ​ണ്. മ​ല​യു​ടെ മു​ക​ളി​ൽ​നി​ന്ന് നോ​ക്കി​യാ​ൽ എ​റ​ണാ​കു​ളം ജി​ല്ല​യു​ടെ പ്ര​ധാ​ന ഭാ​ഗ​ങ്ങ​ൾ കാ​ണാ​നാ​കും. ര​സ​ത​ന്ത്രം, മേ​രി​ക്കു​ണ്ടൊ​രു കു​ഞ്ഞാ​ട് തു​ട​ങ്ങി നി​ര​വ​ധി സി​നി​മ​ക​ളു​ടെ​യും നി​ര​വ​ധി സീ​രി​യ​ലു​ക​ളു​ടെ​യും ഷൂ​ട്ടി​ങ് ഇ​വി​ടെ ന​ട​ന്നി​രു​ന്നു. ‘ര​സ​ത​ന്ത്രം’ സി​നി​മാ ഷൂ​ട്ടി​ങ്​ ക​ഴി​ഞ്ഞ​ശേ​ഷ​മാ​ണ്​ ഇ​വി​ട​ത്തെ വി​ശാ​ല​മാ​യ പാ​റ​ക്ക്​ ര​സ​ത​ന്ത്രം പാ​റ എ​ന്ന പേ​രു​കി​ട്ടി​യ​ത്.

സ​ന്ദ​ർ​ശ​ക​രു​ടെ പ്ര​വാ​ഹം ഏ​റി​യ​തോ​ടെ പ​ഞ്ചാ​യ​ത്ത് ടൂ​റി​സം പ​ദ്ധ​തി ത​യാ​റാ​ക്കി സ​ർ​ക്കാ​രി​ന് സ​മ​ർ​പ്പി​ച്ചി​ട്ടു​ണ്ട്. വ്യൂ ​പോ​യ​ൻ​റി​ൽ കൈ​വ​രി​ക​ൾ, ഇ​രി​പ്പി​ട​ങ്ങ​ൾ, വ​ർ​ണ​വി​ള​ക്കു​ക​ൾ തു​ട​ങ്ങി ബൃ​ഹ​ത്താ​യ പ​ദ്ധ​തി​യാ​ണ് സ​മ​ർ​പ്പി​ച്ചി​രി​ക്കു​ന്ന​ത്.