മൂ​വാ​റ്റു​പു​ഴ: ഒ​രു മ​ണി​ക്കൂ​റി​നി​ടെ ര​ണ്ടി​ട​ത്ത്​ സ്ത്രീ​ക​ളു​ടെ മാ​ല പൊ​ട്ടി​ച്ച സം​ഭ​വം പ​രി​ഭ്രാ​ന്തി പ​ര​ത്തി. എ.​ടി.​എ​മ്മി​ൽ പ​ണം എ​ടു​ക്കാ​നെ​ത്തി​യ വീ​ട്ട​മ്മ​യു​ടെ​യും ജോ​ലി​ക​ഴി​ഞ്ഞ് മ​ട​ങ്ങു​ക​യാ​യി​രു​ന്ന അം​ഗ​ൻ​വാ​ടി അ​ധ്യാ​പി​ക​യു​ടെ​യും മാ​ല​യാ​ണ് പൊ​ട്ടി​ച്ച​ത്.

ഉ​ച്ച​ക​ഴി​ഞ്ഞ് മൂ​ന്ന്​ മ​ണി​യോ​ടെ കെ.​എ​സ്.​ആ​ർ.​ടി.​സി സ്റ്റാ​ൻ​ഡി​ന്​ സ​മീ​പ​ത്തെ എ.​ടി.​എ​മ്മി​ൽ​നി​ന്ന്​ വീ​ട്ട​മ്മ പ​ണം എ​ടു​ക്കു​ന്ന​തി​നി​ട​യി​ൽ ഇ​ടി​ച്ചു​ക​യ​റി​യ ഹെ​ൽ​മ​റ്റ് ധ​രി​ച്ച​യാ​ൾ മാ​ല പൊ​ട്ടി​ച്ച് ബൈ​ക്കി​ൽ ക​യ​റി ര​ക്ഷ​പ്പെ​ട്ടു. 3.30 ഓ​ടെ ​വെ​ള്ളൂ​ർ​ക്കു​ന്നം-​തൃ​ക്ക​റോ​ഡി​ലെ ക​ലൂ​ർ അ​പ്പാ​ർ​ട്ട് മെ​ന്‍റി​നു സ​മീ​പ​മാ​യി​രു​ന്നു ര​ണ്ടാ​മ​ത്തെ സം​ഭ​വം.

ബൈ​ക്കി​ൽ ഹെ​ൽ​മ​റ്റ് ധ​രി​ച്ച് എ​ത്തി​യ​യാ​ൾ, അം​ഗ​ൻ​വാ​ടി അ​ധ്യാ​പി​ക​യാ​യ ക​ടാ​തി കൊ​ടു​ങ്ങോ​ട്ടു​പ​റ​മ്പി​ൽ ബി​ന്ദു​വി​ന്‍റെ മൂ​ന്നു പ​വ​നോ​ളം തൂ​ക്കം വ​രു​ന്ന മാ​ല​യാ​ണ് പൊ​ട്ടി​ച്ചെ​ടു​ത്ത് ര​ക്ഷ​പ്പെ​ട്ട​ത്. ജ​ന​വാ​സ മേ​ഖ​ല​യി​ൽ ര​ണ്ടു കി​ലോ​മീ​റ്റ​ർ പ​രി​ധി​യി​ലാ​ണ് ര​ണ്ടു സം​ഭ​വ​ങ്ങ​ളും. ഇ​രു​വ​രു​​ടെ​യും പ​രാ​തി​യെ തു​ട​ർ​ന്ന് പൊ​ലീ​സ് പ്ര​തി​ക്കാ​യി അ​ന്വേ​ഷ​ണം തു​ട​ങ്ങി. ദി​വ​സ​ങ്ങ​ളാ​യി തൃ​ക്ക റോ​ഡി​ലെ ആ​ളൊ​ഴി​ഞ്ഞ ഭാ​ഗ​ത്ത് ബൈ​ക്കി​ൽ ഹെ​ൽ​മ​റ്റ് ധ​രി​ച്ച് ചി​ല​ർ ആ​രെ​യൊ കാ​ത്തു​നി​ൽ​ക്കു​ന്ന രീ​തി​യി​ൽ നി​ൽ​ക്കു​ന്നു​ണ്ടെ​ന്ന് നാ​ട്ടു​കാ​ർ പ​റ​ഞ്ഞു. വൈ​കീ​ട്ടാ​ണ് പ​ല സ​മ​യ​ങ്ങ​ളി​ലാ​യി ഇ​ങ്ങ​നെ ആ​ളു​ക​ളെ കാ​ണു​ന്ന​ത്.

പ​രാ​തി ഗൗ​നി​ക്കാ​തെ പൊ​ലീ​സ്​

മാ​ല പൊ​ട്ടി​ക്ക​ൽ സം​ഭ​വ​ത്തി​ൽ സ്ത്രീ​യു​ടെ പ​രാ​തി പൊ​ലീ​സ്​ കാ​ര്യ​മാ​ക്കി​യി​ല്ലെ​ന്ന്​ ആ​രോ​പ​ണം. എ.​ടി.​എ​മ്മി​ലെ സം​ഭ​വ​ത്തി​ന്​ പി​ന്നാ​ലെ മാ​ല ന​ഷ്ട​പ്പെ​ട്ട സ്ത്രീ ​പ​രാ​തി​യു​മാ​യി സ്റ്റേ​ഷ​നി​ൽ എ​ത്തി​യെ​ങ്കി​ലും മാ​ല മു​ക്കു​പ​ണ്ട​മാ​ണെ​ന്ന കാ​ര​ണ​ത്താ​ൽ ഗൗ​നി​ച്ചി​ല്ല. എ.​ടി.​എ​മ്മി​ൽ വ​ച്ചു​ണ്ടാ​യ സം​ഭ​വ​മാ​യ​തി​നാ​ലാ​ണ് വീ​ട്ട​മ്മ പ​രാ​തി​യു​മാ​യി എ​ത്തി​യ​ത്.

ഇ​ത് സം​ഭ​വി​ച്ച് മു​ക്കാ​ൽ മ​ണി​ക്കൂ​ർ ക​ഴി​യും മു​മ്പ്​ തൃ​ക്ക റോ​ഡി​ൽ ര​ണ്ടാ​മ​ത്തെ മാ​ല പൊ​ട്ടി​ക്ക​ലും ന​ട​ന്നു. ആ​ദ്യ​സം​ഭ​വം ന​ട​ന്ന് മി​നി​റ്റു​ക​ൾ മാ​ത്രം ക​ഴി​യും​മു​മ്പ്​ എ​ത്തി​യ പ​രാ​തി​ക്ക് പി​റ​കെ പോ​കാ​തി​രു​ന്ന​താ​ണ്​ വീ​ഴ്ച​യാ​യ​ത്. ര​ണ്ടാ​മ ത്തെ ​സം​ഭ​വ​ത്തോ​ടെ ഉ​ണ​ർ​ന്നു​പ്ര​വ​ർ​ത്തി​ച്ച പൊ​ലീ​സ്, തൃ​ക്ക​റോ​ഡി​ലെ​യും വെ​ള്ളൂ​ർ​ക്കു​ന്ന​ത്തേ​യും സി.​സി ടി.​വി​ക​ൾ അ​ട​ക്കം പ​രി​ശോ​ധി​ച്ച്​ പ്ര​തി​ക്കാ​യി വ്യാ​പ​ക തി​ര​ച്ചി​ൽ ന​ട​ത്തി. കെ.​എ​സ്.​ആ​ർ.​ടി.​സി​ക്ക് സ​മീ​പ​വും മ​റ്റും കാ​ര്യ​മാ​യ പ​രി​ശോ​ധ​ന​ക​ൾ ന​ട​ന്നു. പ്ര​തി ര​ക്ഷ​പ്പെ​ട്ടെ​ന്ന്​ ക​രു​തു​ന്ന സ്ഥ​ല​ങ്ങ​ളി​ലും അ​ന്വേ​ഷി​ച്ചു.