ആലുവ-മൂന്നാർ നാലുവരിപ്പാത അലൈൻമെന്‍റിൽ വ്യാപക പരാതി

കോ​ത​മം​ഗ​ലം: ആ​ലു​വ-​മൂ​ന്നാ​ർ റോ​ഡ് നാ​ലു​വ​രി​പ്പാ​ത​യാ​ക്ക​ൽ അ​ലൈ​ൻ​മെ​ന്‍റി​ൽ വ്യാ​പ​ക പ​രാ​തി. അ​ലൈ​ൻ​മെ​ന്‍റ്​ ത​യാ​റാ​ക്കി പൊ​തു​ജ​ന​ങ്ങ​ളെ​യും സ്ഥ​ല​വും കെ​ട്ടി​ട​വും ന​ഷ്ട​പ്പെ​ടു​ന്ന​വ​രെ​യും അ​റി​യി​ക്കാ​തെ കു​റ്റി സ്ഥാ​പി​ച്ച​തോ​ടെ​യാ​ണ് പ​രാ​തി വ്യാ​പ​ക​മാ​യ​ത്. പാ​രി​സ്ഥി​തി​കാ​ഘാ​ത പ​ഠ​നം ന​ട​ത്തു​ക​യോ പൊ​തു​ജ​നാ​ഭി​പ്രാ​യം തേ​ടു​ക​യോ ചെ​യ്യാ​തെ​യും ആ​ഘാ​ത​പ​ഠ​ന റി​പ്പോ​ർ​ട്ട് പ്ര​സി​ദ്ധീ​ക​രി​ക്കാ​തെ​യു​മാ​ണ് കു​റ്റി​ക​ൾ സ്ഥാ​പി​ച്ച​ത്. അ​ലൈ​ൻ​മെൻറ് സം​ബ​ന്ധി​ച്ച്​ അ​ധി​കാ​ര​പ്പെ​ട്ട ആ​രും സ്ഥ​ല​വും കെ​ട്ടി​ട​വും ന​ഷ്ട​പ്പെ​ടു​ന്ന​വ​രെ ബോ​ധ്യ​പ്പെ​ടു​ത്തി​യി​ട്ടു​മി​ല്ല. അ​ശാ​സ്ത്രീ​യ​മാ​യി​ട്ടാ​ണ് അ​ലൈ​ൻ​മെ​ന്റ് ത​യാ​റാ​ക്കി​യി​രി​ക്കു​ന്ന​തെ​ന്ന പ​രാ​തി​യും വ്യാ​പ​ക​മാ​ണ്.

കോ​ത​മം​ഗ​ലം താ​ലൂ​ക്കി​ൽ ത​ങ്ക​ളം മു​ത​ൽ ഇ​രു​മ​ല​പ്പ​ടി​വ​രെ എ​ട്ടോ​ളം ആ​രാ​ധ​നാ​ല​യ​ങ്ങ​ൾ പൂ​ർ​ണ​മാ​യോ ഭാ​ഗി​ക​മാ​യോ പൊ​ളി​ക്കേ​ണ്ടി​വ​രും. ആ​രാ​ധ​നാ​ല​യ​ങ്ങ​ൾ​ക്ക് പ്ര​ത്യേ​ക പ​രി​ഗ​ണ​ന ന​ൽ​കി​യി​ട്ടി​ല്ല. 500ല​ധി​കം ചെ​റു​കി​ട വ്യാ​പാ​ര​സ്ഥാ​പ​ന​ങ്ങ​ൾ ഈ ​ആ​റ് കി​ലോ​മീ​റ്റ​റി​ൽ ഇ​ല്ലാ​താ​കും. ഫ​ർ​ണി​ച്ച​ർ ഹ​ബ് എ​ന്ന​റി​യ​പ്പെ​ടു​ന്ന നെ​ല്ലി​ക്കു​ഴി​യെ പാ​ടേ ഇ​ല്ലാ​താ​ക്കു​ന്ന​താ​ണ് ഇ​പ്പോ​ഴ​ത്തെ അ​ലൈ​ൻ​മെ​ന്‍റെ​ന്നും പ​റ​യു​ന്നു.

2013ലെ ​പു​തി​യ ഭൂ​മി ഏ​റ്റെ​ടു​ക്ക​ൽ നി​യ​മ​ത്തി​ലെ വ്യ​വ​സ്ഥ​ക​ൾ പാ​ലി​ച്ച്​ മാ​ത്ര​മേ ഏ​റ്റെ​ടു​ക്ക​ൽ ന​ട​പ​ടി​ക​ൾ ന​ട​ത്താ​വൂ എ​ന്നാ​വ​ശ്യ​പ്പെ​ട്ട്​ ജം​ഇ​യ്യ​തു​ൽ ഉ​ല​മ താ​ലൂ​ക്ക് സ​മി​തി ക​ല​ക്ട​ർ​ക്ക് നി​വേ​ദ​നം ന​ൽ​കി.

അ​ലൈ​ൻ​മെ​ന്റി​ലെ അ​പാ​ക​ത​ക​ൾ പൊ​തു​ജ​നാ​ഭി​പ്രാ​യം തേ​ടി പ​രി​ഹ​രി​ക്ക​ണം. അ​ല്ലെ​ങ്കി​ൽ ആ​ലു​വ​യി​ലും പെ​രു​മ്പാ​വൂ​രും സ്വീ​ക​രി​ച്ച​തു​പോ​ലെ ത​ങ്ക​ളം-​നെ​ല്ലി​ക്കു​ഴി (പ​ഴ​യ ആ​ലു​വ-​മൂ​ന്നാ​ർ റോ​ഡ്‌) വി​ക​സി​പ്പി​ക്കു​ക​യോ ത​ങ്ക​ളം-​കാ​ക്ക​നാ​ട് റോ​ഡ് ഇ​രു​മ​ല​പ്പ​ടി​യി​ൽ കൂ​ട്ടി​യോ​ജി​പ്പി​ക്കു​ക​യോ ചെ​യ്യാ​വു​ന്ന രീ​തി​യി​ൽ അ​ലൈ​ൻ​മെ​ന്റി​ൽ വ്യ​ത്യാ​സം വ​രു​ത്തു​ക​യോ ചെ​യ്യ​ണം.

ഇ​തു​വ​ഴി റോ​ഡ്​ നി​ർ​മാ​ണ​ത്തി​ന്‍റെ ചെ​ല​വ് കു​റ​ക്കാ​നും ജ​ന​ങ്ങ​ളു​ടെ ന​ഷ്ട​ങ്ങ​ൾ ഒ​ഴി​വാ​ക്കാ​നും സ​ഹാ​യി​ക്കു​മെ​ന്നും നി​വേ​ദ​ന​ത്തി​ൽ ചൂ​ണ്ടി​ക്കാ​ട്ടി. പ്ര​സി​ഡ​ന്റ് സി.​എം മു​ഹ്​​യി​ദ്ദീ​ൻ ബാ​ഖ​വി, സെ​ക്ര​ട്ട​റി കെ.​എ​ച്ച്. സ​ക്ക​രി​യ്യ ബാ​ഖ​വി, ട്ര​ഷ​റ​ർ ഡോ. ​ഷ​മീ​ർ ബാ​ഖ​വി, ന​സ​റു​ദ്ദീ​ൻ ബ​ദ​രി നേ​ര്യ​മം​ഗ​ലം, ജ​മാ​അ​ത്ത് ഫെ​ഡ​റേ​ഷ​ൻ ജി​ല്ല പ്ര​സി​ഡ​ൻ​റ് കാ​ട്ടാ​മ്പി​ള്ളി മു​ഹ​മ്മ​ദ് മൗ​ല​വി, സെ​ക്ര​ട്ട​റി നൗ​ഷാ​ദ് ത​ല​ക്കോ​ട്, ജി​ല്ല വൈ​സ് പ്ര​സി​ഡ​ൻ​റ് അ​ഷ്റ​ഫ് ഹാ​ജി, താ​ലൂ​ക്ക് സെ​ക്ര​ട്ട​റി വി.​കെ. ഇ​ബ്രാ​ഹിം വ​ട്ട​ക്കു​ടി, മെം​ബ​ർ​മാ​രാ​യ കെ.​എ. ഫൈ​സ​ൽ, ബാ​വു ത​ച്ചു​മ​ടം എ​ന്നി​വ​രും സി.​പി.​ഐ നെ​ല്ലി​ക്കു​ഴി ലോ​ക്ക​ൽ ക​മ്മി​റ്റി അം​ഗം കെ.​ബി. അ​ൻ​സാ​ർ, കെ.​എ. ഹ​മീ​ദ്, എ​ൻ.​എ. ബ​ഷീ​ർ എ​ന്നി​വ​രും നി​വേ​ദ​ന സം​ഘ​ത്തി​ൽ ഉ​ണ്ടാ​യി​രു​ന്നു. പ്ര​ശ്നം പ​ഠി​ച്ച് വേ​ണ്ട ന​ട​പ​ടി​ക​ൾ സ്വീ​ക​രി​ക്കാ​മെ​ന്ന് ക​ല​ക്ട​ർ ഉ​റ​പ്പു​ന​ൽ​കി.