മ​ഴ, കു​ട​യെ​ടു​ത്തോ​ളൂ…വരും ദിവസങ്ങളിൽ ഓറഞ്ച് അലർട്ട്

കൊ​ച്ചി: കാ​ല​വ​ർ​ഷ​ത്തി​ന്‍റെ വ​ര​വ് അ​റി​യി​ച്ച് ജി​ല്ല​യി​ൽ മ​ഴ ക​ന​ത്തു​തു​ട​ങ്ങു​ന്നു. വ​രും​ദി​വ​സ​ങ്ങ​ളി​ൽ ഇ​ത് ശ​ക്തി​പ്പെ​ടു​മെ​ന്നാ​ണ് മു​ന്ന​റി​യി​പ്പ്. അ​ടു​ത്ത മൂ​ന്ന് ദി​വ​സ​ങ്ങ​ളി​ൽ ജി​ല്ല​യി​ൽ ഓ​റ​ഞ്ച് അ​ല​ർ​ട്ടാ​ണ് പ്ര​ഖ്യാ​പി​ച്ചി​രി​ക്കു​ന്ന​ത്. വെ​ള്ളി​യാ​ഴ്ച യെ​ല്ലോ അ​ലേ​ർ​ട്ടാ​യി​രു​ന്നു. കാ​ല​വ​ർ​ഷ​ത്തി​ന്‍റെ വ​ര​വു​മാ​യി ബ​ന്ധ​പ്പെ​ട്ട് അ​റ​ബി​ക്കട​ലി​ൽ പ​ടി​ഞ്ഞാ​റ​ൻ കാ​റ്റ് ശ​ക്ത​മാ​കു​ന്ന​തി​ന്‍റെ ഭാ​ഗ​മാ​യി സം​സ്ഥാ​ന​ത്ത് ഇ​നി​യു​ള്ള ദി​വ​സ​ങ്ങ​ളി​ൽ അ​തി​തീ​വ്ര മ​ഴ​ക്ക് സാ​ധ്യ​ത​യെ​ന്നാ​ണ് അ​ധി​കൃ​ത​രി​ൽ​നി​ന്നു​ള്ള അ​റി​യി​പ്പ്.

തു​ട​ക്ക​ത്തി​ൽ മ​ധ്യ വ​ട​ക്ക​ൻ ജി​ല്ല​ക​ളി​ലും തീ​ര​ദേ​ശ മേ​ഖ​ല​യി​ലും ശ​ക്ത​മാ​കു​ന്ന മ​ഴ, കാ​റ്റ് ശ​ക്ത​മാ​കു​ന്ന​ത്തോ​ടെ മ​ല​യോ​ര മേ​ഖ​ല​യി​യി​ലും ശ​ക്ത​മാ​യ മ​ഴ​ക്ക് സാ​ധ്യ​ത​യു​ണ്ടെ​ന്നും വ്യ​ക്ത​മാ​ക്കു​ന്നു. അ​തി​നാ​ൽ ജ​ന​ങ്ങ​ൾ ജാ​ഗ്ര​ത പാ​ലി​ക്കേ​ണ്ട​തു​ണ്ട്. മു​ന്ന​റി​യി​പ്പു​ക​ൾ തി​രി​ച്ച​റി​ഞ്ഞ്​ മാ​ത്രം വേ​ണം യാ​ത്ര​ക​ൾ ആ​സൂ​ത്ര​ണം ചെ​യ്യാ​ൻ. അ​റ​ബി​ക​ട​ലി​ലും കാ​റ്റ് ശ​ക്ത​മാ​കു​ന്ന​തി​നാ​ൽ ക​ട​ലി​ൽ പോ​കു​ന്ന​വ​രും മു​ന്ന​റി​യി​പ്പു​ക​ൾ ശ്ര​ദ്ധി​ക്ക​ണം.

മ​ഴ​ക്ക​ണ​ക്കു​ക​ൾ…

കാ​ലാ​വ​സ്ഥ വ​കു​പ്പി​ന്‍റെ ക​ണ​ക്കു​ക​ൾ പ്ര​കാ​രം വ്യാ​ഴാ​ഴ്ച ആ​ലു​വ​യി​ൽ നാ​ല് മി​ല്ലീ​മീ​റ്റ​ർ, എ​റ​ണാ​കു​ളം സൗ​ത്ത്-​ഏ​ഴ്, സി​യാ​ൽ 18.1, പി​റ​വം 23, പെ​രു​മ്പാ​വൂ​ർ അ​ഞ്ച്, മ​ട്ടാ​ഞ്ചേ​രി 14.5, പ​ള്ളു​രു​ത്തി 15.5, ക​ള​മ​ശ്ശേ​രി 13.5, കൂ​ത്താ​ട്ടു​കു​ളം 5.5, ചൂ​ണ്ടി അ​ഞ്ച് മി​ല്ലീ​മീ​റ്റ​ർ എ​ന്നി​ങ്ങ​നെ​യാ​ണ് മ​ഴ ല​ഭി​ച്ച​ത്. വ​രും ദി​വ​സ​ങ്ങ​ളി​ൽ ഈ ​ക​ണ​ക്കു​ക​ൾ ഉ​യ​രു​മെ​ന്നാ​ണ് കാ​ലാ​വ​സ്ഥ വി​ഭാ​ഗം ന​ൽ​കു​ന്ന മു​ന്ന​റി​യി​പ്പ്.

രോ​ഗ​ങ്ങ​ൾ വ​രാ​തെ സൂ​ക്ഷി​ക്കാം…

കാ​​ലാ​​വ​​സ്ഥ​​യി​​ലെ മാ​റ്റ​ങ്ങ​ൾ രോ​​ഗ​​ങ്ങ​​ൾ​​ക്ക്​ വ​ഴി​വെ​ക്കു​ന്നു​ണ്ട്. പ​നി​യ​ട​ക്കം പ​ക​ർ​ച്ച​വ്യാ​ധി​ക​ളും വി​ട്ടു​മാ​റാ​ത്ത ചു​മ​യും സ​മീ​പ ആ​ഴ്ച​ക​ളി​ലാ​യി നി​ര​വ​ധി റി​പ്പോ​ർ​ട്ട് ചെ​യ്യ​പ്പെ​ടു​ന്നു​ണ്ട്. ജി​ല്ല​യി​ലെ സ​ർ​ക്കാ​ർ ആ​ശു​പ​ത്രി​ക​ളി​ൽ ഇ​ക്ക​ഴി​ഞ്ഞ ചൊ​വ്വാ​ഴ്ച മാ​ത്രം 589 പേ​ർ പേ​ർ പ​നി​ബാ​ധി​ച്ച് ഒ.​പി​യി​ൽ ചി​കി​ത്സ തേ​ടി. ഇ​തി​ൽ 13 പേ​രെ കി​ട​ത്തി ചി​കി​ത്സ​ക്ക് നി​ർ​ദേ​ശി​ച്ചി​ട്ടു​ണ്ട്. ഒ​രാ​ഴ്ച​ക്കി​ടെ പ​നി ബാ​ധി​ച്ച് 2643 പേ​ർ ഒ.​പി​യി​ൽ ചി​കി​ത്സ തേ​ടി​യ​പ്പോ​ൾ 69 പേ​രെ കി​ട​ത്തി ചി​കി​ത്സ​ക്ക് നി​ർ​ദേ​ശി​ക്കു​ക​യും ചെ​യ്തി​ട്ടു​ണ്ട്.

ശു​ദ്ധ​മാ​യ തി​ള​പ്പി​ച്ചാ​റി​യ വെ​ള്ളം ആ​വ​ശ്യ​ത്തി​ന് കു​ടി​ച്ച് ആ​രോ​ഗ്യ​കാ​ര്യ​ങ്ങ​ളി​ൽ ശ്ര​ദ്ധ​പു​ല​ർ​ത്ത​ണം. പു​റ​ത്ത് നി​ന്ന് വാ​ങ്ങു​ന്ന പാ​നീ​യ​ങ്ങ​ളി​ൽ ശ്ര​ദ്ധ​വേ​ണം. മ​ഴ​ക്കാ​ല രോ​ഗ​ങ്ങ​ളെ ചെ​റു​ക്കാ​ൻ പ്ര​തി​രോ​ധ ശേ​ഷി വ​ർ​ധി​പ്പി​ക്കു​ന്ന​തി​ന്‍റെ ഭാ​ഗ​മാ​യി പ​ച്ച​ക്ക​റി​ക​ൾ, ഓ​റ​ഞ്ച്, മു​ള​പ്പി​ച്ച പ​യ​ർ വ​ർ​ഗ​ങ്ങ​ൾ തു​ട​ങ്ങി വി​റ്റാ​മി​ൻ സി ​അ​ട​ങ്ങി​യ ഭ​ക്ഷ​ണ​പ​ദാ​ർ​ഥ​ങ്ങ​ൾ ക​ഴി​ക്കാ​വു​ന്ന​താ​ണ്. ജ​ങ്ക് ഫു​ഡ് ക​ഴി​വ​തും ഒ​ഴി​വാ​ക്കു​ക, പ​ഴ​ങ്ങ​ളും പ​ച്ച​ക്ക​റി​ക​ളും ന​ന്നാ​യി ക​ഴു​കി ഉ​പ​യോ​ഗി​ക്കു​ക, ഇ​ട​ക്കി​ടെ കൈ​ക​ഴു​കു​ന്ന ശീ​ലം തു​ട​രു​ക എ​ന്നി​ങ്ങ​നെ കാ​ര്യ​ങ്ങ​ളൊ​ക്കെ ശ്ര​ദ്ധി​ക്ക​ണം. 

ക​രു​ത​ലു​ണ്ടാ​ക​ണം

• സു​ര​ക്ഷി​ത​ത്വം സം​ബ​ന്ധി​ച്ച അ​ധി​കാ​രി​ക​ളു​ടെ നി​ര്‍ദേ​ശ​ങ്ങ​ൾ ക​ര്‍ശ​ന​മാ​യി പാ​ലി​ക്ക​ണം
• മ​ഴ ശ​ക്ത​മാ​യി ഒ​ഴു​ക്ക് വ​ർ​ധി​ക്കാ​ൻ സാ​ധ്യ​ത​യു​ള്ള​തി​നാ​ൽ ന​ദി​ക​ളി​ല്‍ കു​ളി​ക്കു​ന്ന​തും മീ​ന്‍പി​ടു​ത്ത​ത്തി​ന് ഇ​റ​ങ്ങു​ന്ന​തു​മൊ​ക്കെ ഒ​ഴി​വാ​ക്കു​ക.
• വാ​ഹ​ന​ങ്ങ​ൾ സു​ര​ക്ഷി​ത​മാ​യി മാ​ത്രം ഉ​പ​യോ​ഗി​ക്കു​ക. ബ്രെ​യ്ക്ക്, വി​ന്‍ഡ് ഷീ​ല്‍ഡ്ക​ള്‍, വൈ​പ്പ​ര്‍, ട​യ​റു​ക​ള്‍, ഹെ​ഡ് ലൈ​റ്റ്, ഹോ​ണ്‍ എ​ന്നി​വ പ്ര​വ​ര്‍ത്ത​ന സ​ജ്ജ​മാ​ണെ​ന്ന് ഉ​റ​പ്പു​വ​രു​ത്തു​ക. വേ​ഗ​ത കു​റ​ക്കു​ക.
• മ​ഴ​യി​ൽ റോ​ഡു​ക​ളി​ല്‍ പു​തു​താ​യി ഗ​ര്‍ത്ത​ങ്ങ​ളു​ണ്ടാ​വാ​നി​ട​യു​ണ്ടെ​ന്ന​ത് ഓ​ര്‍ക്കു​ക.
• വെ​ള്ളം പൊ​ങ്ങാ​ന്‍ സാ​ധ്യ​ത​യു​ള്ള​തും പ​രി​ച​യ​മി​ല്ലാ​ത്ത​തു​മാ​യ സ്ഥ​ല​ത്തെ വാ​ഹ​ന​യാ​ത്ര​ക​ള്‍ ഒ​ഴി​വാ​ക്കു​ക.
• ക​ന​ത്ത മ​ഴ​യ​ത്ത് വാ​ഹ​ന​ങ്ങ​ളു​ടെ ബ്രേ​ക്കി​ങ് കു​റ​യാ​നും തെ​ന്നാ​നും സാ​ധ്യ​ത വ​ള​രെ കൂ​ടു​ത​ലാ​ണെ​ന്ന​ത് ഓ​ർ​ത്തി​രി​ക്കു​ക.
• പൊ​തു​സ്ഥ​ല​ങ്ങ​ളി​ല്‍ ഇ​ല​ക്ട്രി​ക് ലൈ​നു​ക​ള്‍ പൊ​ട്ടി വീ​ഴാ​നും താ​ഴ്ന്നു കി​ട​ക്കാ​നും സാ​ധ്യ​ത​യു​ള്ള​തി​നാ​ൽ ജാ​ഗ്ര​ത പാ​ലി​ക്കു​ക.
• വീ​ടി​നു​ള്ളി​ൽ വെ​ള്ളം ക​യ​റാ​നു​ള്ള സാ​ധ്യ​ത മു​ന്നി​ൽ​ക​ണ്ടാ​ൽ, മെ​യി​ന്‍ സ്വി​ച്ച് ഓ​ഫാ​ക്കു​ക. വൈ​ദ്യു​ത ഉ​പ​ക​ര​ണ​ങ്ങ​ള്‍ വേ​ര്‍പെ​ടു​ത്തി ന​ന​യാ​തെ സൂ​ക്ഷി​ക്കു​ക.
• അ​ടി​യ​ന്ത​ര സാ​ഹ​ച​ര്യ​ങ്ങ​ളി​ൽ അ​ധി​കൃ​ത​രെ ബ​ന്ധ​പ്പെ​ടു​ക.