വല്യുമ്മ ഉറങ്ങുന്ന മണ്ണിലേക്ക്​ മുസ്കനും

കോ​ത​മം​ഗ​ലം: വ​ല്യു​മ്മ മ​ട​ങ്ങി​യ മ​ണ്ണി​ലേ​ക്ക് മു​സ്ക​നും മ​ട​ങ്ങി. ര​ണ്ടാ​ന​മ്മ​യു​ടെ ക്രൂ​ര​ത​ക്കി​ര​യാ​യി മ​രി​ച്ച മു​സ്ക​ന്‍റെ മൃ​ത​ദേ​ഹം പി​താ​വ് അ​ജാ​സ് ഖാ​ന്‍റെ മാ​താ​വി​നെ അ​ട​ക്കം ചെ​യ്ത നെ​ല്ലി​ക്കു​ഴി നെ​ല്ലി​ക്കു​ന്ന​ത്ത് മു​ഹ്​​യിദ്ദീ​ൻ ജു​മാ മ​സ്ജി​ദ് ഖ​ബ​ർ​സ്ഥാ​നി​ൽ ഖബ​റ​ട​ക്കി. നൂ​റു​ക​ണ​ക്കി​ന്​ ആ​ളു​ക​ളാ​ണ് പ​ള്ളി​യി​ൽ കു​ഞ്ഞ് മു​സ്ക​ന് യാ​ത്രാ​മൊ​ഴി ന​ൽ​കാ​നെ​ത്തി​യ​ത്.

30 വ​ർ​ഷം മു​മ്പ്​ നെ​ല്ലി​ക്കു​ഴി​യി​ൽ ഫ​ർ​ണി​ച്ച​ർ നി​ർ​മാ​ണ മേ​ഖ​ല​യി​ൽ തൊ​ഴി​ലാ​ളി​യാ​യി എ​ത്തി​യ​താ​ണ് അ​ജാ​സ് ഖാ​ന്‍റെ കു​ടും​ബം. മൂ​ന്നു വ​ർ​ഷം മു​മ്പാ​ണ്​ അ​ജാ​സ് ഖാ​ന്‍റെ മാ​താ​വ് മ​രി​ച്ച​ത്. ഏ​ഴു വ​ർ​ഷ​മാ​യി കു​റ്റി​ല​ഞ്ഞി പു​തു​പ്പാ​ല​ത്ത് സ്വ​ന്ത​മാ​യി വീ​ട് വാ​ങ്ങി താ​മ​സി​ച്ചു​വ​രി​ക​യാ​യി​രു​ന്നു ഇ​യാ​ൾ.

ആ​ദ്യ​ഭാ​ര്യ ഉ​പേ​ക്ഷി​ച്ച് പോ​യ​തി​നെ തു​ട​ർ​ന്ന് ര​ണ്ട് വ​ർ​ഷം മു​മ്പ്​ യു.​പി​യി​ലേ​ക്ക് മ​ട​ങ്ങി​യ അ​ജാ​സ് നി​ല​വി​ലെ ഭാ​ര്യ അ​നി​ഷ​യും കു​ട്ടി​ക​ളു​മാ​യി മ​ട​ങ്ങി വ​ന്നി​ട്ട് അ​ഞ്ചു മാ​സ​മേ ആ​യു​ള്ളൂ. വ്യാ​ഴാ​ഴ്ച രാ​വി​ലെ​യാ​ണ് കു​ട്ടി​യെ ച​ല​ന​മ​റ്റ നി​ല​യി​ൽ കി​ട​പ്പു​മു​റി​യി​ൽ ക​ണ്ട​ത്.

പോ​സ്റ്റ്മോ​ർ​ട്ടം ന​ട​പ​ടി​ക​ൾ​ക്ക് ശേ​ഷം കൊ​ല​പാ​ത​ക​മെ​ന്ന് പൊ​ലീ​സ് സ്ഥി​രീ​ക​രി​ച്ചു. ര​ണ്ടാ​ന​മ്മ അ​നീ​ഷ​യെ അ​റ​സ്റ്റ് ചെ​യ്യു​ക​യും ക​സ്റ്റ​ഡി​യി​ലാ​യി​രു​ന്ന അ​ജാ​സ് ഖാ​നെ വി​ട്ട​യ​ക്കു​ക​യും ചെ​യ്തു.

ശ​നി​യാ​ഴ്ച്ച രാ​വി​ലെ ഒ​മ്പ​തോ​ടെ യു.​പി സ്വ​ദേ​ശി​ക​ൾ​ക്കൊ​പ്പം കോ​ത​മം​ഗ​ലം താ​ലൂ​ക്ക് ആ​ശു​പ​ത്രി​യി​ലെ​ത്തി മൃ​ത​ദേ​ഹം ഏ​റ്റു​വാ​ങ്ങി. പീ​സ് വാ​ലി​യി​ലെ​ത്തി​ച്ച് മൃ​ത​ദേ​ഹം കു​ളി​പ്പി​ച്ച​ശേ​ഷം​ ഖ​ബ​റ​ട​ക്കി.