കുസാറ്റ്: മോണരോഗത്തിന് ഫലപ്രദമായ ചികിത്സയുമായി ഗവേഷകർ

ക​ള​മ​ശ്ശേ​രി: പ്രാ​യ​മാ​യ​വ​രി​ൽ പ​ല്ല്​ കൊ​ഴി​യു​ന്ന​തി​നു​ള്ള കാ​ര​ണ​മാ​യ മോ​ണ​രോ​ഗ​ത്തി​ന് ചി​കി​ത്സ​യു​മാ​യി ഗ​വേ​ഷ​ക​ർ. തി​രു​വ​ന​ന്ത​പു​രം പി.​എം.​എ​സ് ഡെ​ന്റ​ൽ കോ​ള​ജി​ലെ മോ​ണ​രോ​ഗ വി​ദ​ഗ്ധ​രും കൊ​ച്ചി ശാ​സ്ത്ര സാ​ങ്കേ​തി​ക സ​ർ​വ​ക​ലാ​ശാ​ല​യി​ലെ ഗ​വേ​ഷ​ക​രും ന​ട​ത്തി​യ ഗ​വേ​ഷ​ണ​മാ​ണ് വി​ജ​യം ക​ണ്ടി​രി​ക്കു​ന്ന​ത്. മോ​ണ​യി​ലേ​ക്ക് മ​രു​ന്ന് നി​യ​ന്ത്രി​ത​മാ​യി പു​റ​ത്തു​വി​ടു​ന്ന​തും പ​ല്ലി​നും മോ​ണ​ക്കും ഇ​ട​യി​ൽ വെ​ക്കാ​വു​ന്ന​തു​മാ​യ നൂ​ത​ന​വും ബ​യോ-​കം​പാ​റ്റി​ബി​ളു​മാ​യ ഫി​ലിം മെ​ട്രി​ക്സ് വി​ക​സി​പ്പി​ച്ചി​രി​ക്കു​ക​യാ​ണ് ഗ​വേ​ഷ​ക​ർ. അ​തി​ന്റെ പേ​റ്റ​ന്റും ക​ര​സ്ഥ​മാ​ക്കി.

മ​രു​ന്ന് പു​റ​ത്ത് വി​ടു​ന്ന​തി​ന് പാ​ർ​ശ്വ​ഫ​ല​ങ്ങ​ൾ ഒ​ന്നും ഇ​ല്ലാ​തെ ഡീ​ഗ്രേ​ഡ് ചെ​യ്തു​പോ​കു​ന്ന ഒ​ന്നാ​ണ് ഫി​ലിം മെ​ട്രി​ക്സ്. ബ​യോ​ഡി​ഗ്രേ​ഡ​ബി​ളാ​യ പോ​ളി​മ​റു​ക​ളു​ടെ പാ​ളി​ക​ൾ ഉ​പ​യോ​ഗി​ച്ചാ​ണ് മെ​ട്രി​ക്സ് ത​യാ​റാ​ക്കു​ന്ന​ത്. മ​രു​ന്ന് ആ​ദ്യ​മ​ണി​ക്കൂ​റു​ക​ളി​ൽ വേ​ഗ​ത്തി​ലും ഏ​ഴു മു​ത​ൽ 10 ദി​വ​സം​വ​രെ മോ​ണ​ക്കു​ള്ളി​ലേ​ക്ക്​ സാ​വ​ധാ​ന​ത്തി​ൽ മ​രു​ന്ന് എ​ത്തി​ക്കാ​നും പോ​ളി​മ​ർ മെ​ട്രി​ക്സി​ന്റെ ആ​നു​പാ​തി​ക ഘ​ട​ന മാ​റ്റു​ന്ന​ത് വ​ഴി സാ​ധി​ക്കും.

പി.​എം.​എ​സ് ഡെ​ന്റ​ൽ കോ​ള​ജ്​ മോ​ണ​രോ​ഗ വി​ഭാ​ഗം മേ​ധാ​വി ഡോ. ​അ​മ്പി​ളി​യു​ടെ മേ​ൽ​നോ​ട്ട​ത്തി​ൽ ഗ​വേ​ഷ​ണ വി​ദ്യാ​ർ​ഥി​നി​യാ​യ കോ​ത​മം​ഗ​ലം സെ​ന്റ് ഗ്രി​ഗോ​റി​യോ​സ് ഡെ​ന്റ​ൽ കോ​ള​ജ്, പെ​രി​യോ​ഡോ​ൺ​ട്ടി​ക്സ് ഡി​പ്പാ​ർ​ട്മെ​ന്റ് പ്ര​ഫ. ഡോ. ​അ​നി​ല​യും കു​സാ​റ്റ് ഫി​സി​ക്‌​സ് വ​കു​പ്പി​ലെ അ​സോ. പ്ര​ഫ​സ​റും വ​കു​പ്പ് മേ​ധാ​വി​യു​മാ​യ ഡോ. ​ആ​ൽ​ഡ്രി​ൻ ആ​ന്റ​ണി​യു​ടെ കീ​ഴി​ൽ സെ​ന്റ​ർ ഓ​ഫ് എ​ക്സ​ല​ൻ​സ് ഇ​ൻ അ​ഡ്വാ​ൻ​സ്ഡ് മെ​റ്റീ​രി​യ​ൽ​സി​ലെ ഗ​വേ​ഷ​ണ വി​ദ്യാ​ർ​ഥി​നി ധ​ന്യ ജേ​ക്ക​ബും ചേ​ർ​ന്നാ​ണ് മെ​ട്രി​ക്സ് വി​ക​സി​പ്പി​ച്ചെ​ടു​ത്ത​ത്.